كثيرة هي عاداتنا إلا أن بعضها إن لم تكن جميعها بحاجة لوقفة مطولة...
ولقد اخترت واحدة نظرا لارتباطها بواقعنا كطلاب طب ونظرا لكثرة مصادفتنا لها، علما أن هذا الموضوع قد لا يشعر بحجمه إلا الذين يذهبون الى الستاجات (رابع_خامس_سادس).

في كثير من الأحيان ياتي الى ستاج الاطفال طفل في رمقه الاخير ويقول الأهل (ما بئي شي الا وساوينالو ياه وما تحسن!! حتى انو اخدنا عالشيخ وكويناه وماتحسن!!)
نعم لقد كووه بالنار .... الطفل المريض المتألم الباكي أخذ إلى الشيخ ليكوى بالنار!!!!
والكوي عادة منتشرة وخاصة في الأرياف يتولاها بعض الدجالين الذين يفضلون أن يسميهم العامة بالشيخ... أحدى الأمهات قالت ان الشيخ كوى ابنها 17 مرة!!! وقالت: الله يعطيه العافية ما اخد منا مصاري!!!! بس يا دكتور رغم الكوي ما تحسن وزاد عليه المرض!؟
والكوي ليس حكرا بالأطفال بل بكل المرضى إلا أن المشهد يكون أكثر إيلاما بالنسبة للطفل الصغير الذي بالكاد يتحمل ألمه ليتحمل ألم حديد مسخن ألى أعلى الدرجات.
والسؤال.. مسؤولية من هذه؟ مسؤولية الدولة أم الشعب وهل يقع على عاتقنا (نحن طلاب الطب) مسؤولية ما؟؟ أم أن هذا العادة القميئة هي مسؤولية الارث الاجتماعي المتخلف والتي لن نتخلص منه بسهولة...

في الحقيقة يا.... ليش مغير اسمك؟كيفك؟
الخلط بين الطب العربي الأصيل والدين وبين الدجل أمر لا يحتمله عقل.
الطب الشعبي الذي لا يخضع إلا إلى التجربة لا يمتلك مراجع تحدد صحته, وهذا ما أفقده مصداقيته مثله كمثل الطب الصيني والهندي وغيرها من الشعوب العريقة.عدم وجود جهة تمنح مصداقية للطبيب جعله عرضة لكل ساع وراء الشهرة والمال,دون أن يكون لديه أي دليل على صدق وصحة ما يقوم به.
واجبنا أن نجد الصحيح
أين هو الطب الحق؟
طبنا الذي ندرس ليس الطب الذي أنزل من السماء فله من (التعفيسات) ما يفوق بنتائجه أحياناً الطب الشعبي.
لكنه على كل حال الأفضل حالياً مع وجود بعض نقاط الضعف التي سنتجاوزها بجهودنا شيئاً فشيئاً ان شاء الله .
علينا أن نأخذ ما في علوم الطب الأخرى من نتائج وصل اليها بعد التجريب لفترات طويلة عندما كان هو الطب الوحيد .
هل تعلم أن في الطب العربي دواء للثآليل تشفيها في 2-7 أيام على أكثر تقدير دون أن تترك أي أثر,
لن تتوقع ما هو هذا الدواء! إنه دودة الذرنوحة تعصرها على الثآليل بعد تثقيب الثآليل ليخرج منها الدم.
إذًا,طبنا يفتقر إلى أمرين:
1.البحث في ما توصلت اليه علوم الشعوب على مدى مئات السنين والاستفادة من الصحيح منها في رفد علوم الطب الحديث.
2.الأمور التي لا يمكن لمسها مادياً:ما هي الطاقة التي يتكلم بها الصينيون؟ما سر إرادة الشفاء التي تسبب ما يسمى البلاسيبو؟
أسئلة قد لا نجد لها جواباً. لكن ليس أقل من البحث عن الحقيقة,على الأقل لنحل أكبر ما يمكن من هموم الناس ومشاكلهم.
آسف على الإطالة لكن الموضوع والله حارق قلبي.
أنا أؤمن بأن لكل داء دواء علينا أن نبحث عن هذا الدواء لنخفف معاناة الناس

أقول نهاية: لا يوجد فشل لكن يوجد توقف عن المحاولة

بتمنى بجهودكن.. تطالعو شو هي المادة يللي بتقضي على الفيروس الما بذكر شو اسمه.. يمكن الحليمومي البشري.. ما هو يللي مسؤول عن الثآليل..؟
طيب أساسا كل الأدوية أو نصها هي من مواد طبيعية وأخرى معدلة..
إذا طالع المادة وطبقها بجرعات مدروسة.. بيمشي الحال، وبصير علم بعد دراسته على عينات من المرضى..
بلكي طلعت مكترله الدود بالدوا..؟
مشكلة..
هي بالنسبة للطب الشعبي..
أما بالنسبة للكوي.. أنا مع الضرب بيد من حديد,, أو بالأحرى مع الكوي بسيخ من حديد لكل شيخ أو مشعوذ بجرب يعمل هيك شغلة..
بعتقد المشكلة لازم يكون في قانون يلاحق هدول، ولازم مين يكون عم يطبق القانون..
وبيبعت الله..

صديقي wiseman
انا بختلف معك بكم شغلة.. أولا: الطب اللي عم ندرسو هو من صنع البشر لذلك من الطبيعي انو يكون فيو اخطاء... بس مو تعفسيات وابشع من الطب الشعبي كمان!! لأ هيك صار ظلم شوي

تانيا: بالنسبة لدواء الثاليل متل ما قللك سنفور .. فينا نكتشف المادة ونستخدمها بشكل رشيد وسهل

وانا مع انو لازم يكون في اطلاع على الطب القديم وخصوصا الطب النبوي الماخود عن احاديث الرسول صلى الله عليه وسلم الصحيحة فينا ناخد كتير منو ونحاول انو نطبقوا بما يتلاءم مع عصرنا الحالي..
لانو الامكانات المتوفرة هلأ مو متل اللي كانت من مئات السنين، بمعنى انو لازم نستوعب أو نحتوي تراثنا الطبي ونضيف عليه اشياء حديثة بدل من انو نطبقو متل ما هو..

الحئيئة موضوع الطب الشعبي موضوع عويص...و في كتير مؤيدين لالو...لمجرد انو هيك ... و دون اي دليل علمي

يا جماعة صرنا بعصر منعرف تمام انو كل مرض الو عامل مسبب و آلية امراضية...يعني الشغلة مو اعتباطية...و عيب نحن طلاب الطب نحكي بالدودة و الحجامة...الخ
موتئليل من اهميتون بمرحلة زمنية معينة...بس لانو العلم تطور و صار في شي مدروس و محسوب و مفسر علميا

يا جماعة في شي اسمو بحث علمي بيرصدلو مبالغ خيالية في كل البلدان المتقدمة ... مو بس للاخصائيين لأ وللطلاب كمان ...كون هالشي معدوم عنا و الحمدلله ...فنحن دايما منتناقش بالعلم و كانو انتهى و شمل كلشي ...يعني مو متعودين انو اذا شغلة لسا ما حدا اكتشفا نحن نبحث فيا...و كانو العلم حكر عالغرب و نحن دورنا هو مجرد متلقي لاكتشافاتو ...اما الشغلات اللي ما اكتشفوا لسا فهي العلم وقف عاجزا امامها بينما الطب الشعبي عرف يداويا

ما بعرف اش لازم احكي ... بس بصراحة ما توقعت اشوف طالب طب عام 2005 عم يحكي بالدودة و دورا في علاج المرض الفلاني
بس بنصحك تتذكر هالمعلومة مشان تضيفا للسجل المشرق للعرب بعد كم سنة...
بعد كم سنة...لما الغرب بيكتشفو المادة الفعالة و بينشرا د.جلبيرتو سميث باسمو و بتربح منا شركة الادوية الفلانية ملايين الدولارات
ابئا ذكروا لدكتور الادوية بكلية الطب بجامعة حلب انو يذكر بمحاضرتو انو العرب (كالعادة) كانو اول من استعمل المادة الفلانية

انا يا سنفور و يا اوبتمستو معكون بضرورة وئف هالدجل و بحب اضيف انو البحث العلمي عن فوائد هالعمليات بوئتا و مجالات تطبيئا مهم متلو متل اهمية منعا ...يعني اذا في شي مفيد فخلينا نستفيد منو و نفيد هالعالم ...

بس متل ما ئال سنفور .......... بيبعت الله

يا لطيف
يعني هالستاجات بتفرجيك كل شغلة أفظع من التانية
وشوف الأم عم تكي عن ثقة
يعني كواه وما طاب
لا حول ولا قوة إلا بالله العلي العظيم
تقع المسؤولية على الدولة في إيجاد هؤلاء الدجالين ومعاقبتهم
لأنهم مجرمون بحق الإنسانية
وأيضاً بدأ أبناء الريف بالمجيء إلى المدينة منذ أمد بعيد للعمل أو الدراسة
ولم يستقر جميعهم في المدينة بل منهم من يأتي لعمله أو دراسته ثم يرجع
ألم يساهم هذا في التطور؟

عندما قرأت الردود حسبت أنني مخربط بالكتابة. غريب كيف الشباب فهموها!
لكن وجدت أن مقدمة موضوعي هي التي سببت هذا السوء فهم لفكرتي.
لذلك سأوضح فكرتي من جديد: عندما أقول إن دواء الثآليل بدودة الذرنوحة هو من الطب العربي يقول أحدهم إنه يستغرب من طالب طب في 2005 ليتكلم هذا!
لاأعرف كيف فهم البعض الفكرة. لا تحتاج إلى عبقرية ليقول أي شخص حتى غير الدارس أن هذا يعني أنها تحتوي على مادة ما, ليس بالضرورة أنها تقتل الفيروس مع أنه الإحتمال الأكبر لكنها تفعل شيئاً ما (وقت بعمل عليها بحث رح خبركن شو هو هذا الشئ).
في الحقيقة أحب أن أخبركم أن فكرة إجراء البحوث على هكذا علاجات هي مطروحة بشكل جدي مني ومن بعض الأصدقاء.
أخيراً ليس العيب أن نتكلم عن الدودة وعن الحجامة لكن العيب أن نطمر رؤوسنا في التراب ونقول إن طبنا ليس بحاجة إلى أي شئ
طبنا يحتوي على بعض نقاط الضعف التي يجب تلافيها . قد لا يكون هذا سهلاً لكنه ليس مستحيلاً.

اخي زلمة حكيم-أ...بعد ما ئريت ردك رديت ئريت مشاركتك الاولى
و بصراحة انت الحئ عليك لانو مشاركتك بتحتمل التأويلين ...
و اذا مالي غلطان تأويلنا اكتر بكتير

على كل المأصود من كلامي مو انت لشخصك و انما لفكرتك
يعني بعبارة ابسط ئصدت فكرة انو الطب الشعبي افضل و اكثر تقدما من الطب المستند للعلم و المنطق اللي عم ندرسو

و بتمنالكن التوفيق انت و الشباب بمشروع البحث العلمي تبعكون

شغلة تانية بحب اعرفا...مين اللي حاطط راسو بالتراب و عم يؤل طبنا ما نائصو شي
بظن انو مافي وجود لهيك احمق بيناتنا ...و كلنا و الحمد لله منعرف انو العلم في تطور مستمر..و لسا المامنعرفو اكتر من اللي اكتشفنا

صديقي العزيز wiseman

انا من جهتي قرأت كل الردود مرة اخرى ولم أجد من قال بأن الطب الحالي كامل...
لقد قلت لك ان الطب الموجود لدينا هو من صنعنا نحن البشر لذلك من الطبيعي ان يكون فيه اخطاء
لكنه على أخطائه أفضل أو بالأحرى من السذاجة مقارنته مع الطب الشعبي!!!

على كل حصل خير ويبدو انو نحنا مو كتير بعاد عن بعض بأفكارنا...