قرأت الموضوع في موقع مركز المعلومات الطبي وفي هذه الأيام يزداد السهر لدى كل الطلاب فأحببت أن أضعه بين أيديكم........





أظهرت دراستان منفصلتان حديثتان أن السهر يزيد من مستوى هرمون الجوع، ويقلل من مستوى هرمون الشبع في الجسم.

أظهرت دراسة حديثة شملت 12 رجلاً في بداية العشرينيات من العمر أن مستوى هرمون الشبع "ليبتين leptin" قد انخفض بمقدار 18% لدى الذين ناموا 4 ساعات فقط من الليل لمدة ليلتين، بينما ارتفع هرمون الجوع "جريلين ghrelin" بمقدار 28%.

كما أظهرت الدراسة أن المشتركين فيها قد مالوا إلى تناول الأطعمة السكرية على حساب الفواكه والخضار أو مستحضرات الألبان. وقد يفسر ذلك حاجة الدماغ إلى طاقة سكر الجلوكوز السريعة والتي فقدها خلال السهر.

هذه هي الدراسة الأولى التي تُظهر أن النوم يعمل على تنظيم هذين الهرمونين.

أما الدراسة الثانية فقد وجدت أن أكثر الناس سهراً هم أكثر زيادة في الوزن.

ووجدت نفس التغير الهرموني الذي وُجِدَ في الدراسة الأولى، وهو انخفاض مستوى هرمون "ليبتين" الذي يحرك حاسة الشبع، وزيادة مستوى هرمون "جريلين" الذي يحرك حاسة الجوع لدى السهارى.

وقد فحص د. مانويل في جامعة "ستانفورد" بكاليفورنيا 1000 شخص، وسجل ساعات النوم لكل شخص، كما سجل مستوى هرموني "ليبتين" و"جريلين"، ووجد أن الذين ينامون 5 ساعات أو أقل ليلاً بشكل ثابت، قد ارتفع لديهم هرمون الجوع جريلين بمعدل 14.9%، بينما انخفض لديهم هرمون الشبع ليبتين بمعدل 15.5%، مقارنة بأولئك الذين ناموا 8 ساعات ليلاً.

السلام عليكم ..


والله مزبوط كلامك .. الواحد بالليل بينزل عليه الفجع .. وما بتعود معدتو ترضى بموزاية أو تفاحاية .....

بدنا نبطل السهر


يعطيك العافية ويجزيك الرب بكل الخير


والسلام عليكم

شكرا Mr.Sad على هالموضوع ...
هلق ما بعرف مدى دقة هالدراسات وصحيح إنو أنا أبدا ما بسهر بالليل ونحيف (يعني متوافق مع هالدراسات) بس في حوالي عدة أشخاص وأمثلة بتنفي هالنتائج اللي وصلتلا الدراسات ...
وعلى كل إذا كانت الدراسات صحيحة فأنا المستفيد ....عسى ولعل تأثيرات الدكترة (الصلعة والكرش والنضارة) يضلوا بعيدين عني ...

الله يعطيك العافية أخي Mr.sad على هالمعلومات المفيدة والجديدة..
والله صار لي زمان عمبحاول أخلص من عادة السهر.. بلكي هلأ بتزيد الشغلات اللي بتشجعني على النوم بكير شغلة جديدة وهي الخوف من زيادة الوزن ..
الله يخلصنا جميعاً من هالعادة اللي بكرهها كتييييييييييييير.. ويسلموا دياتك..

نام بكير وفيق بكير وشوف الصحة شلون بتصير المهم اولاً وأخيراً الصحة تكون بخير منحاول نترك السهر لأنو كتير بيضر مو بس بالوزن وبشغلات كتير كمان قريتها بإحدى المجلات بنقلها لكم أحد المرات لكن هذه الأيام الوقت ضيق سلام بدي أروح أنام تأخر الوقت......

وعم اقول لحالي ليش عم اروح بالعرض , مهششيي!!! لا عم امزح, بس الفترة الاخيرة صار وزني عم يزيد شوي, لاني عم اسهر في الليل كتير , كلامك مضبوط, وانا ما بيجيني الجوع واكل الحلويات الا في الليل والناس عم تشخر. شكرا كتير على هالمعلومات ومارح اسهر كتير بالليل وحتى لوسهرت بدي ما اكل كتير
تقبل تحياتي

أهلين أخ عبدو الله يوفقك بألمانيا وان شاء الله بخلص من حلب وبشد لعندك تشوس

ولا يهمك اخي Mr.sad انا بأنتظارك , اهلين وسهلين

بس عندي مشكلة مابعرف ليش عم يطلع علم غريب تحت اسمي هادا مو علم المانيا , اعتقد رومانيا .

لانو العلم الالماني اسود من فوق بعدو احمر وبعدو اصفر , ليش عم يطلع هالعلم عندي ؟

مين حطلي ياه

اخوكم عبدو
المانيا الاتحادية

ياجماعة هالدراسة مش ولا بد .......................بالإذن يعني

والدليل ....................أنا

أنا عمليا ما بنام بالليل أبدا وخصوصي أيام الدراسة ....................... نظامي وطواطي يعني

بس يا حسرة بدك تشوف شقد أنا سمين................أسمن من القصبة بشوي