| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
May, 05 2006, 17:42
| |||
| |||
| أيهما تفضّل ؟؟ الدراسة بالنهار أم بالليل ؟؟؟ السلام عليكم بما أن الاختبار قرب و صار على الأبواب ...... و بلشت الدراسة الجد ........... حبيت أسأل .........الزملاء و الزميلات ....... أيهما تفضّل الدراسة بالليل أم بالنهار ؟؟؟و ليش ؟؟؟؟ شكرا لكم ......   |
|
#2
May, 05 2006, 17:48
| |||
| |||
| رح أبدأ بنفسي ...... أنا أفضل الدراسة الليلية ........... صحيح أن الدراسة بالنهار و خصوصا في الساعات الأولى من الفجر أفضل لكن بحسّ أن النهار بيصير فيه مجال لتضييع الوقت أكثر ........ ضجّة أكثر ...... هذا بالطبع غير موضوع الزوّار  الي بيزعج الكثير من الطلاب العايشين لحالهن ....... يعني العزابية اللي ما في عيلة معاهم ........و طبعا الزيارات بتكون في النهار أكثر بكثيييييييير من الليل ....... كمان التعوّد بيلعب درو كبير في هالموضوع ....... من أيام المدرسة و أنا متعود أدرس بالليل ......... شكرا لكم |
|
#3
May, 05 2006, 18:04
| |||
| |||
| بالنسبه الي...بعد الساعه 8 المسا ما بعرف ادرس.. يعني اذا كنت مزنوووق كتيييير بتوصل لل 9 ما بعرف ليه...بس تغيب الشمس بتصد نفسي عن الدراسه كمان انا ما من النوع السهّير كتير لذلك بفضل الدراسه في النهار تحت اشعة الشمس  تحياتي |
|
#4
May, 05 2006, 18:15
| |||
| |||
| والله هو أفضل وقت للدراسة من بعد صلاة الصبح ...بس علٌي يحسن يبقى صحيان لهداك الوقت أو بالأحرى علٌي يحسن ينام بكير ويفيق بكير ... عمليا بحب الدراسة الليلية ما بعرف يمكن هيك متعودة بحس قمة صحوتي بتكون من بعد الساعة 10 بالليل عموما ما بتفرق كتير اذا الواحد مركز وحاطط بباله يدرس  جربت كتير أعدل هالنظام وأفيق بكير بس عبث ...مافي نتيجة بضل تقريبا أسبوع عالنظام الجديد وبعدين برجع للسهر يعني اليوم يلي ما بسهر فيه ما بحسبو من عمري  |
|
#5
May, 05 2006, 18:32
| |||
| |||
| و الله أنا من جهتي.. بعز الفحص بيكون وقت نومي من شي ال12 الضهر لل7 أو 8 المسا.. يعني بينقلب نهاري عالمظبوط.... و أكتر وقت بحصِل فيه هوه بعد ال12 بالليل...... ليش؟؟ بجوز لأني بكون طول النهار عم مطمط.. على قولة لسا معي وقت.. بلحق.. أما بالليل بنزرك.. و بصير بدي الدقيقة .. للحِق.. ومتل ما قال زين الدين.. بالليل مغريات التلهاية أقل.. و فوتات النيت أقل.. و التلفونات أقل.. و الأغاني عالراديو أحلى..  و انشالله هاليومين رح إقلب نهاري.. و بلش نظامي المعتاد بالفحص..  الله بعين.. |
|
#6
May, 05 2006, 18:52
| |||
| |||
| والله حسب ............ في أيام بحس حالي حابة ادرس..... بهالحالة أي وقت بالنهار مابيفرق معي بس عموما" بعد ال12 ليلا" بيكون الانجاز ضعيف وبين 2-5 العصركمان الانجاز ضعيف بهالايام باعتبار الصيف طحش علينا أفضل أوقات الدراسة عم تكون مساء" |
|
#7
May, 05 2006, 19:38
| |||
| |||
| والله أنا أيام الفحص بدرس بالنهار من 12 للـ 12 بس بالفحص الماضي لما ضغطوا مدة الامتحان ماعادت توفي معي صارت تمد لل2 بالليل بس قمة الانتاج عندي هية بين ال7 وال10 المسا |
|
#8
May, 05 2006, 20:15
| |||
| |||
| السلام عليكم.. والله أنا بالنسبة إلي أفضل وقت هو بعد صلاة الفجر.. بس المشكلة إنه ما على طول بيحسن الواحد ينام بكير ويفيق بكير.. بس بشكل عام أفضل وقت للدراسة برأيي هو الوقت اللي بيكون فيه الجو هدوء والواحد مصحصح، مشان هيك بالنسبة إلي في الجامعة وباعتباري عايش لحالي بعيداً عن الأهل والضوضاء فما بتفرق معي أبداً.. المهم أكون مصحصح.. بس غالباً بتصير دراستي بعد العشاء لوقت متأخر من الليل، وأول ما بفيق الصبح لتطلع الشمس.. |
|
#9
May, 05 2006, 20:22
| |||
| |||
| عزيزي زين الدين لا ألتزم بوقت معين في الدراسة حيث يعتمد ذلك على وضعي ... هل أنا بوضعية سترسس  أو ريلاكس .... لكن على الأغلب الوضع سترس .. بس نحن مجبورين عالدراسة و ما طالع باليد حيلة  |
|
#10
May, 05 2006, 23:16
| |||
| |||
| من ناحيتي...بحب ادرس بالليل.. الليل أهدى واريح...وما فيو كتير ضجة... مع اني اذا درست بالمكتبة(اضطراريا") ....لاسمح الله....فبحب يكون الجو ضجة وعالم فايتة وعالم طالعة...وأكتر الشي بدرس وقت يصيرو العالم بيخبطو عالطاولات وماحدا برد.... هاد... لأنو بدرس بصوت....يعني ببحة...كمان أحيانا ببهدل حالي... وذاتا" اذا في شي ما فهمتو... (بس بالآخر بيطلع هالشي خطأ مطبعي... وأكيد بقوم بعتذر من حالي...وبنزل بعزم حالي على شي شغلة ....)شنكول برأيي... راح يحط الموضوع بقسم الترفيه...مع انو هي الحقيقة...  |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| أملغم ... أم كومبوزيت ... أو مادة أخرى ؟؟ | zorba | المواد السنية التطبيقية | 55 | Feb, 05 2008 19:17 |
| هل أنت جزرة .. أم بيضة .. أم حبة قهوة ؟؟ ؟؟ | moneerkanj | اجتماعيات | 2 | Sep, 10 2006 11:18 |
| اللاتينية ... أم الطب ؟؟ | Kliopatra | الامتحانات اللّغوية | 16 | Aug, 19 2006 03:43 |
| أيهما أكثر شهرة ؟؟ | B O G Y M A N | اجتماعيات | 3 | Aug, 16 2006 02:53 |
| هل الخطوبة أم الزواج اثناء الدراسة الجامعية محبذة؟ | Philip Hardo | اجتماعيات | 25 | Dec, 07 2005 14:07 |
كل الأوقات حسب GMT +2، والوقت الآن 06:58.
