و أخيراً أعلنو عن الفحص الوطني
40% معدلك
60% فحصك الأخير

بس هل في شي حدا بيعرف أيمت موعد الفحص الوطني؟؟؟؟؟

انا بعرف انو بعدو 20ب90 وبعرف انو ال20 مقسمة ل10على الخمس سنين الاولى و10 على السادسة. معلوماتي مو اكيدة بس انا من الشام و اصدقائي هناك هيك حكوا

والله حيرونا ...............................

الواحد ما بقا يعرف على أنو مخدة بدو ينام

شوي بيقولو 80 و 20 وشوي 40 و60

وهلق آخر إشاعة أنو بدن يساوو المعدل 60 والفحص الوطني 40

والله شي بيحير

يا شباب القرار صح مئة بالمئة. والقرار معلق عند مدخل الكلية بتوقيع الوزير غياث بركات وبتاريخ 27 نيسان 2006 .
وتأكدنا من صحة القرار من شعبة الدراسات العليا بالكلية, ومن العميد الأستاذ رياض أصفري, وأكدلنا بنفسه إنو كل القرارات السابقة ألغيت , واعتمد القرار الجديد:
60% للفحص الوطني.
40% للسنوات الست مقسمة عليها بالتساوي.

وبعدين ليش مستغربين بتغيير القرار ... عادي لسة الجايي أعظم.... انتظروا وبتشوفوا..

يعني ببساطة ممكن يطلع قرار جديد باشتمال مقاعد الصحة ضمن الفحص الوطني... عادي..

شباب الفحص تحدد موعده النهائي بيوم: 14/أيلول /2006 ومتل ماكان متوقع:
40 معدل + 60 وطني
والامتحان بجامعة تشرين اللاذقية


بالتوفيق لكلنا

الله يوفقكم جميعا
وانشالله تجي الاسئلة موافقة لمنهاج جامعتنا
وانشالله الله ما رح يضيع تعبكم

يا شباب أنا سمعت من السيد الوزير شخصياً أنو المعدل خلص تثبت 40% معدل و 60% فحص وطني حتى السنة الجاية
وانشالله كلنا موفقين

يالله بقي أقل من أسبوعين للفحص ... الله يعينا ... منين بدنا نخلص لنخلص .. مابكفي هم الفحص ... لأ وباركين بالبيت ما عمنشوف حدا ... والله الواحد بشتاق لرفقاته ... وللكلية ....
الله يمشي الفحص على خير لأن بعده في حكي تاني .... وكل واحد بدو يشوف حياته اللي بيتمناها.... والله عمعد الأيام يوم بيوم بس لأخلص ....