اندلع حريق في شركة الاستضافة الجديدة الّتي انتقل موقعنا إليها سابقاًَ وذلك بعد عصر يوم الجمعة التاسع من حزيران 2006 حسب التوقيت المحلي في سوريا، وقد أدّى الحريق إلى فقدان جميع البيانات لمواقع سورية عديدة وكثيرة، منها موقع بشري حلب وموقع نغم، ويقع السيرفر الجديد المحترق في ولاية تكساس الأمريكية.

أي أننا فقدنا جميع بيانات بشري حلب على السيرفر الجديد المحترق، ولكن تمكنّا من استعادة نسخة قاعدة البيانات الموجودة على السيرفر القديم وهي تحتوي على جميع المعلومات حتى عصر يوم الأحد 28 أيار 2006 أي اللحظات الأخيرة قبل الانتقال. وبذلك نكون قد خسرنا كل البيانات المستجدة بين يومي 28 أيار و 9حزيران أي حوالي 13 يوم من عمر موقع بشري حلب، كذلك خسرنا جميع المعلومات المخزنة على نظام الملفات Filesystem من ملفات موجودة في مركز الملفات وصور الأعضاء الرمزية ووجوه تعبيرية (انفعالات) وكل ملفات الهاكات والستايل، وبقيت الهاكات الموجودة في قاعدة البيانات فقط.

لذلك قرّرنا الآن إعادة المنتدى بوصفه أكثر أقسام الموقع شعبيّةً، وسنقوم في الأيام التالية باستعادة الموقع كما كان وفقاً للمعلومات الّتي عادةً تتم تجربتها محليّاً قبل رفعها إلى الموقع الحي، وسنعمل من الآن فصاعداً على اتخاذ كل التدابير الممكنة الّتي من شأنها أن تحول دون تكرار ما حصل ثانيةً، والآن نحن نعمل على سيرفر جديد أقوى من السيرفرين السابقين (القديم والمحترق).

نعتذر عن ضياع المواضيع والمشاركات في الفترة المذكورة، ونعتذر كذلك من الأعضاء الّذين انضموا إلينا خلال الفترة المذكورة وقد ضاعت بياناتهم، ويمكنهم التسجيل مرةً ثانية.

أشياء لن نستطيع استعادتها: صور الأعضاء الرمزية وبعض صور الانفعالات وبعض أيقونات المواضيع، لذلك يُمكنكم إعادة تحميل صوركم الرمزية من جديد، حاولت أن أضع كل ما رأيته عندي من الملفات والصور، وخاصةً الإنفعالات ولم أجد المجموعة كاملةً لدي

هذا ونحمد الله على نعمة البقاء والعوض بسلامتكم.

يا سيدي بالهنى السيرفر الجديدو الرجعة الحميدة......و الله انضمنا بدون الموقع بهالكم يوم

ألف الحمد لله عالسلامة ..ومتل ما قال رورو مر هالوقت بإحساس كبير بالغربة ...

والله يا شنكول عبتتعب كتير كتير وان شا الله ما بروح تعبك هباء ...والله يجزيك الخير

مع خالص المودة
محمد

الف حمد لله على سلامة الموقع
وان شاء الله ماتتكرر هيك مآسي لأنها بتأثر كتير على مسيرة الموقع والمنتدى
والله يعطيك العافيه ابو الشناكل على جهودك

وان شاء الله بدنا نحرك المنتدى بالصيف ويرجع متل قبل وأحسن

على فكرة كنت عم بجرب افتح الموقع عن طريق اشتراك آية لكن ما زبط...لكن لما جربت اضع البروكسي العائلي تبع آية في المتصفح مشي الحال لذلك اي واحد عم تواجهه المشكلة يجرب يحط هالبروكسي:
family.aya.sy والمنفذ : 8080

تحياتي للجميع

شكرا الك كتير شنكول على هل ترجيعه الحلوه

بس شغله صغيره ..هيه سمجه شوي بس لازم تنقال
..ضلت المشكله نفسها انو بملقم آيه ما عبيفتح الموقع ..وصاير شوي او كتير بطيء فاذا بتقدر تحلها بكون كتير كويس

يا جماعة شكراً إلكم جميعاً

بالنسبة للمشاكل على بعض مخدمات الانترنت فهي يجب أن تنتهي بسرعة واتخذت الإجراءات اللازمة مساء أمس ... يجب أن تُحل جميع المشاكل مساء غداً على الأكثر ... آمل ذلك ...

جربوا الحل اللي قال عليه توربو

الحمد لله على الولادة الجديدة واللي على ما يبدو كانت قيصرية .. بس المهم أنو مش الحال ..

وألف مبروك لترفع الشباب .. والخلوص من الامتحانات ..........

بانتظار التقدم والتطوير ............

أخوكم / وســــــــــــام ..

واخيرا منتدانا الحبيب....اطال الله في عمره... is back to work....

بس ان شا الله ما تروح صورة القطة تبعيتي...اللي عم تضحك .... لأنو هي صورتي وانا وصغير.... وما خرج ارجع صغر حالي مرة تانية واتصور هيك صورة....

وعلى كل حال شكرا كتير يا شنكول على الوقت اللي عم تقضيه عالمنتدى ...انا لو محلك كنت انتحرت من زمان...
(بعد هالجملة أكيد راح تخليني مشرف عالموقع...)

وأخيييييرااااا.....!!!!

الف مبروك النجاح للأعضاء الكرام و الف مبروك على عودة الموقع....

الحمدلله على رجعة بشري حلب بالسلامة....

ألف مبروك رجعة بشري حلب من جديد ... و الله اشتقناله ..

بانتظار حركة ظريفة للموقع بالصيف ..

و مبروك الإنتهاء من الامتحان و الترفع لجميع من ترفع و العوض عالله للي ما حالفه الحظ بشي مادة أو بشي سنة ..