صراع !!!
يدور هذا النقاش حول صراع !!! في قسم علوم وتكنولوجيا (حواسب واتصالات) في الملتقى الطبي السوري; -->
معظمنا اذا ما كان كلنا منستعمل برامج مشكل ملون عكومبيوتراتنا
هالبرامج بيختلفو عن بعضون بكتير شغلات...منا للرسم و منا للكتابة و منا و منا.....
بس كلون بيجمعون شغلة وحدة.......السرقة
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Mar, 22 2005, 10:43
| |||
| |||
 صراع !!! معظمنا اذا ما كان كلنا منستعمل برامج مشكل ملون عكومبيوتراتنا هالبرامج بيختلفو عن بعضون بكتير شغلات...منا للرسم و منا للكتابة و منا و منا..... بس كلون بيجمعون شغلة وحدة.......السرقة ما بدي ناقش الموضوع من وجهة نظر دينية لانو بتصوري هالشغلة محسومة بانها حرام بس رح ناقشها كظاهرة اجتماعية بعيدا عن الدين اللي عم اعملو (باستخدامي لهذاالبرنامج) سرئة الا لأ هل البرنامج اللي عم استعملو ملك للعموم ....مشاع اكيد لأ... معناها هو ملك المبرمجين اللي صمموه...... طيب مين عطاني الاذن لحتى استعمل هالبرنامج ...??? معناها انا عم اسرق !!! سرئة فكرية ?!? شو يعني....غير السرئة المادية اذا ما بيفرقو ..... ليش ماعم انشل و انهب و اختلس ... شو سبب الهدوء النفسي العايش فيه ? لهالدرجة الانسان عندو مقدرة على تطويع الضمير و تشويه القيم ? معؤول نئدر نجزء السيئ لقسمين .... قسم نرضى عنو و قسم لأ ? طيب و اذا بيفرقو .... شو رح يعمل طالب المعلوماتية بعد ما يتخرج? ليش عم يدرس برمجة خمس سنين? و مين عطاني الحئ باني احرمو كسب لقمة العيش من شغلة ئضى خمس سنين عم يتعلمها? و غيرا و غيرا من الاسئلة اللي ما بتنتهي...... ما زلت استخدم برامجي .....و مازال الصراع داخلي قائما يا ترى انا الوحيد اللي عم يعاني من هالصراع? و ما الحل برأيكم......!!!!  |
|
#2
Mar, 22 2005, 13:18
| |||
| |||
| أحلى اب نذرة ملك أوكلاهوما و بشري حلب شلووووووووووووووونك......... هلأ انت ليش زعلان عالأميركان مادام هنن عميسرقو نفط العراق معلش خلينا نحنا نؤذيهن شوي بسرقة كام برنامج.......... أصوووووووووووووول......... بعدين هالشعب الميت من الجوع شلون بدو يلحق حق برامج؟؟؟؟؟ لأ عن جد الموضوع متشعب كتير يعني المشكلة أنو دخل الفرد ببلدنا إيكل هوا مثلا الموظف يا دوب عميشتري جهاز (إذا قدر) فكيف كل ما لزمو برنامج رح يشتري؟؟؟؟ لو كان الوضع عنا متل برا يعني سعر البرنامج متناسب مع دخل الفرد بقلك الموضوع بسيط؟؟؟؟؟بس تخيل واحد راتبو الشهري 200 $ بدو يشتري ويندوز بأراضي ال250$ بعد ما كان اشترى الجهاز وطلعت عيونو ب 400$ بعد عشر جمعيات وتقسيط ل700 شهر ........ يعني الموضوع مو سهل بس بشكل عام بيضل الموضوع غلط لأن المبرمج "الدرويش" مالو ذنب..... بس خلي بيل جيتس يخصرلو كام فرنك معلش ما رح يموت من الجوع....... سلام و عمبستناك على ناااااااااااااااااااااااا ار............. |
|
#3
Mar, 22 2005, 15:30
| |||
| |||
| عندي حل حلو لألك لابقى تسدخدم هل برامج وخلّي طالب المعلوماتيه الدرويش يصمملك (اذا بيقدر طبعا) برنامج بديل وكلشي بسعرو بس الفكره انو هل برامج الموجوده لولا هل طريقه (بسرقتها ) ماكنا رح نعرف منها غير أقل من نصفها والباقي عل سمع طبعا والشوف مو متل السمع |
|
#4
Mar, 22 2005, 18:28
| |||
| |||
| هه........! |
|
#5
Mar, 23 2005, 01:51
| |||
| |||
| ما في طريقة لإعادة توزيع الثروة بالعالم، غير بإنو هالشعوب الملتعن نفسها تسرق من الأغنياء.. ع رأي أبو يوم، إنو هنن عم يسرقوا مننا. بعدين.. ما بس هو رد سرقة، هو حق العالم بالمعرفة يللي ما بصير تكون محتكرة، القوانين يللي عم تحكي عنها بتحمي حق الأغنياء بس. مين عم يحكي عن حق الفقير بإنو ياكل ويشرب، ويلبس، ويتعلم، وياخد المعرفة.؟. آخ يا إيفريف.. ما ناقص غير تدافع عن حق أبناء المسؤولين بمحلات يصفوا فيها سياراتهن.. ياخدو ساحات المدارس يعملوها كراجات.. للمرسيدسات.. والله حرام.. معقول تتوسخ سياراتهن.. أصلا هي الحقوق يللي عم تحكي عنها الملكية الفكرية، عم ترجع للمهندس وللا للشركة.؟ برايك من حق شركات الأدوية مثلا إنها تبيع الأدوية بالشيء الفلاني، أو يموتوا العالم من الإيدز..؟ في شي إسمه حقوق أساسية، لكل إنسان بالعالم.. لازم توفيرها الحياة، الصحة، الكرامة، المعرفة.. وهالشي هو من هيك.. صلح السيستم كله.. بنبطل نسرق منهن.. دخيلك بعدين شقد عم نسرق، ع أساس نحنا كتير سوق مستلهكة لهي القصص.. |
|
#6
Mar, 23 2005, 03:43
| |||
| |||
| له يا سنفور... يعني اذا هنن مافي أخلاء منصير متلون ? بعدا انا ما عم أحكي عالويندوز اللي بينباع برا مع الجهاز بشكل روتيني... و دون اي كلفة اضافية انا عم احكي عن برامج المحاسبة و برامج التصميم و برامج الهندسة بظن انو اللي عم يستعمل هالبرامج معو يحط 200$ حئ برنامج عم يستفيد منو بشغلو بعدا بظن غلط نربط تعاملنا بشخص بسياسة دولتو يعني لانو اميركا عم تهدد سوريا ما بيعطيني الحئ انو اوصف ادوية غلط لمريض اميركي عم تتحجج بالفقر......ما ضروري اذا حالتك معترة تستخدملي احدث اصدار نزلتو الشركة... و كمان في شي اسمو برامج مستعملة... بدك تتحجج بحق المعرفة ...وين المعرفة ? لما بتستخدم ميزة ببرنامج وين المعرفة ? و لما بتوفر شوية تعب و بدل ما ترسم مخطط بايدك بترسمو باستخدام برنامج ما وين المعرفة ? و ....و...و....... ابدا مو موضوع معرفة اخيرا عم تئلي انو الفائدة عائدة عالشركة مو عالمبرمج انا بئلك صح ....لانو بآخر الشهر المبرمج بمد ايدو و بياخد راتب من الشركة صح !! |
|
#7
Mar, 23 2005, 04:04
| |||
| |||
| اما ميدو فبئلك انو كل البرامج بتنزلها الشركات بنسخ تجريبية لمدد مختلفة ....هالنسخ بتسمحلك تجرب البرنامج و تشتغل في بايدك...و اذا عجبك بتشتري....و اذا الغاية مجرد الاطلاع بكون مشي الحال مو انت المأصود بالفكرة ..... يعني مو المستخدم اللي بيستعمل برنامج مرة كل تلات تشهر ... انا عم احكي عن المستخدم اليومي لبرنامج ما بمجال يعود عليه بفائدة يشكل دائم متل مهندس (اوتوكاد) ...مصمم غرافيكس (3d max) ... مبرمج (++C) |
|
#8
Mar, 23 2005, 04:15
| |||
| |||
| شو عاجبينك كتير النئط صبحي..... سمعنا آرائك انفعلنا |
|
#9
Mar, 23 2005, 19:14
| |||
| |||
| انا برأيي إذا عم تحس بتأنيب الضمير لا عاد تشتري هيك برامج .. أنا بصراحة بحس بتأنيب الضمير إذا ما اشتريت آخر نسخة من office أو هيك برامج ... بعدين مابدو أحكيلك على واحد رفيقنا ، كمان بيقول هيك ، ومابيترك لعبة إلا وبيشتريها ، شو ماكانت اللعبة ، ومابيسأل لا على حقوق نشر ، ولا على حرية فكرية  |
|
#10
Mar, 24 2005, 03:56
| |||
| |||
| اذا بتنتبه يا فيسو بتلائي اني مالي مستثني حالي من الغلط.... بس عالائل بعرف حالي غلطان و قدر الامكان عم صلح اغلاطي عكل حال الموضوع ليس لتقييم افعالي و انما لمناقشت فكرة حقوق الملكية الفكرية ومستغرب انو سنفور ما عاد جاب سيرة (او جاب و نحذفت مشاركتو)..  عكل حال خلينا نوسع النقاش يا سنفور افندي هل سرقة البرامج حرام اسلاميا ولا لأ ? و ياريت حدا يصحلو لاوبتيمستو .... بعرف روح ئلبو هيك شغلات |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| قصة صراع | Shadi Ghriebo | هديل الروح | 1 | Dec, 17 2006 02:22 |
| صراع داخل قلب عاشق، تاه عن حبه.. عندما رآها.. | سنفور | هديل الروح | 7 | Apr, 10 2005 04:09 |
كل الأوقات حسب GMT +2، والوقت الآن 19:19.
