| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Jul, 27 2006, 17:40
| |||
| |||
| تدخين الأركيلة عند المرأة...ظاهرة حديثة في مجتمعاتنا إن ازدياد تدخين المرأة للنرجيلة في المقاهي أصبح ظاهرة واضحة في هذه الأيام .. وهذه الظاهرة لها أبعاد اجتماعية نفسية .. وتتلخص الأبعاد الاجتماعية فيما يلي : 1- التقليد : للرجل وللمرأة أيضاً .. فالمرأة تقلد الرجل في هذه العادة وتعتبر نفسها مثله ، كما أن المرأة تقلد المراة الأخرى وتنافسها . 2- التنافس : مع الرجل في هذا السلوك .. حيث جرت العادات أن يكون التدخين في بلادنا مرتبطاً بالرجل .. وحين تدخن المرأة فهي تنافس الرجل في سلوكه وتتحداه وتأخذ منه ماهو مرتبط به . 3- الظهور بمظهر اجتماعي معين : والصورة الاجتماعية للمراة المدخنة هي شخصية مغرورة ، قوية ، مستقلة وأيضاً ( مفزلكة ، تحب البروظة ، مودرن : عصرية ) . وهذه الصورة تشجعها شركات التبغ بأشكال عديدة على الرغم من أنها غير واقعية وغير صحيحة . ومن النواحي النفسية تتلخص الأبعاد في عدة نقاط ولاسيما في الدراسات الغربية الحديثة التي بحثت ظاهرة ازدياد تدخين المراهقات والشابات صغيرات السن .. ومنها : 1- التمرد والخروج عن التقاليد 2- الاستقلالية والقوة 3- المغامرة والتجريب 4- الابتعاد عن الأسرة والاستغراق في عالم الأصدقاء 5- وجود معلومات ناقصة عن التدخين وأضراره وإدمانه 6- القلق العام والتوتر والضغوط المتنوعة الاجتماعية والعاطفية والأسرية 7- الاكتئاب والاستعداد له .. حيث يمكن للفتاة أن تعالج نفسها من قلقلها واكتئابها بواسطة التدخين أو تخفف من معاناتها وآلامها ولكن العلاج غير صحيح وخاطئ . والنصائح العامة بعد هذه التحليلات .. أنه من الضروري البحث عن المشكلات العميقة التي تكمن خلف هذه الظاهرة .. والسعي لحل هذه المشكلات أو التخفيف منها ..ولابد من القول للمرأة بأن القوة الحقيقية تكمن في البناء والسلوك الايجابي والاصلاح ، وليس في الهدم أوالأذى .. د.حسان المالح / استشاري طب نفسي من موقع حياتنا النفسية. ------------------------------------------------------------------ حبيت انشر هالموضوع بعد ما شفت انه هالظاهرة المقززة مستفحلة في مجتمعنا (على الاقل في حلب) وصارت موضه ومشان يكمل البريستيج!! وفي ارقى المطاعم والمقاهي...يعني ناس غالبا من الطبقة المتعلمة  كنا نعيّب على الشب اللي بيأركل!! سبحان الله تحياتي   |
|
#2
Jul, 28 2006, 06:50
| |||
| |||
| والله أنا بكره التدخين للرجل والمرأة على حد سواء ... ولكن ما دام هناك رجال يدخنون فمن حق النساء أن يدخنوا ... التحليل جميل ومنطقي وعلمي فشكراً للدكتور حسان المالح وشكراً لك يا توربو ... |
|
#3
Jul, 28 2006, 07:18
| |||
| |||
| الله يعطيك العافية أخي توربو.. وأنا كمان من جماعة شنكول.. بكره التدخين لكلا الجنسين.. ولو إنه فعلا ً منظر المرأة المدخنة بيستفزني أكتر وبكرهه أكتر.. ويمكن السبب هو متل ما ذكرت: إنه الصورة الاجتماعية للمرأة المدخنة إنها مغرورة وقوية ومستقلة ومودرن، متل ما بيصوروا في الإعلانات.. وهالشي فعلا ً صرنا نشوفه في حياتنا اليومية.. وبدأ الداء بالاستفحال.. الله يصرف هالعادات السيئة والضارة عنا.. والمشكلة ما عندنا حملات قوية لمكافحتها.. وكل ما قامت حملة قوية مشكورة ما بتستمر أكتر من فترة قصيرة.. والإعلام عندنا مقصر كتير بهالمجال.. بس البركة فينا نحن الكوادر الطبية في المجتمع.. لازم يكون في إلنا دور فعال.. وشكراً ثانية على الموضوع.. |
|
#4
Jul, 28 2006, 14:24
| |||
| |||
| انا ما عرفت المقصود بكلمة ( حديثة ) ؟ ظاهرة حديثة ... يعني ظهرت في العصر الحديث ؟ أو بالقرن العشرين يعني ؟ ... من يوم يومن عم يدخنوا ويأركلوا .... |
|
#5
Jul, 28 2006, 14:54
| |||
| |||
| السلام عليكم ورحمة الله ليس دفاعاً عن مدخنات الأراجيل في المقاهي العامة لكن في أمور مذكورة ما بتدخل بالعقل مع الاحترام للدكتور الباحث. هلئ المرأة بتدخن أرجيلة مشان تنافس الرجل ؟؟؟؟؟؟؟؟؟؟؟؟؟؟؟ أو مشان تسترجل ؟  ولا الرجال صالروا يشوفوا بكل خطوات المرأة منافسة لإلهم ؟ طبعاً الدكتور الباحث أدرى مني بعلم النفس, لكن أنا (من المدخنات في المقاهي سابقاً) بعمري ما فكرت بهالسبب. يعني الرجل وئت اللي بيأرجل وبيحصل على متعة معينة من هالفعل, المرأة ما بتحصل عليها ؟ بعدين ........... ليش عادة مقززة ؟ إذا وحدة قاعدة عم تأرجل ؟ ... طيب لا تتفرج عليها ؟!! اللهم أبعدنا عن العادات الضارة ........ والسلام عليكم |
| قال العضو التالي أسمه شكراً لك يا Kliopatra على هذه المشاركة المفيدة: | ||
|
#6
Jul, 28 2006, 15:01
| |||
| |||
| شكرا جميعا على المرور
بالنسبة الي شخصيا بحاول ابتعد عن الشباب الي بيدخنوا او بيأركلوا...او على الاقل ما بعقد معهم وقت الأركيله...فما بالك اذا كانت بنت! تحياتي |
|
#7
Jul, 28 2006, 21:50
| |||
| |||
| شكرا توربو تحليل الباحث منطقي مع بعض المبالغة برأي هالظاهرة سلبية بس بالنسبة الي غير مقززة لأنو ماشالله بمجتمعنا تعودنا على شوفتها من شي 10 سنين أو أقل يعني تجاوزنا مرحلة التقزز ودخلنا بغير مرحلة بس الشي الجديد اللي عم نشوفه بهالظاهرة أنو الأم بتطلب الها ولبنتها أركيلة مشان يكتمل برستيجهن  فالاركيلة عم تكون وسيلة للهرب من منظر السيجارة بيد المرأة اللي مو متعودين عليه بالاماكن العامة يعني تحايل عالمظهر بس المبدأ واحد واذا بدنا نشوف خلفيات وتاريخ أركيلة المرأة لازم نرجع لخلفيتها عند الرجل لأنو المبدأ واحد عند الاثنين وشكرا |
|
#8
Jul, 29 2006, 14:21
| |||
| |||
| شكرا اختي babyface على ردك
يمكن الباحث ذكر اسباب ثانوية...لكن باعتقادي السبب الذي يدفع الرجل للتخدين (بكافة اشكاله) اكيد نفسه الذي يدفع المرأه للتخدين ايضا....لكن ما هو؟! تحياتي |
|
#9
Jul, 29 2006, 14:50
| |||
| |||
| الدكتور حسان المالح من أرقى الأطباء النفسيين في الوطن العربي .. و أنا بعتبره بالعالم .. بحترمه جدا .. بس ما بعرف بالنسبة لأركيلة البنت ... يعني يمكن من شي 5 سنين .. كنا نستغرب .. بس هلأ ما شا الله .. تعودنا عليها تماما .. أنا قبل لما كنت أدخل على مقهى و فيه بنت عبتأركل .. كنت أسترق النظرات من باب اللفضول .. بس هلأ .. بدخل و بقعد شي 3 ساعات و بطلع و ما بحس إني حوالي شي عشرتعش بنت عبطحوا و بنفخوا بالأركيلة .. |
|
#10
Jul, 29 2006, 15:33
| |||
| |||
 أنا بتضايق من شوفة أي دخان طالع من الفم أركيلة , سيجارة ........................... كله سيء و كله مو كويس بس إذا بدنا نحدد قصة الاركيلة و خصوصاً الأركلة عند المرأة فبرأي أنها قصة تقاليد و عادات ما تبحثوا كتير بالعمق أنو بدها تسترجل وتنافس الرجل ( دخليكم على هل تنافس العظيم و يلي رح تغلب فيه الرجل  ) و................و , يمكن بالعكس بعض النساء بيشوفوا فيها انوثة أصلاً عم بتقولوا بيأركلوا و قاعدين بالمقهى ساعات و ساعات , هدول لأنهم مالين و ماعندهم شغلة يتسلوا فيها بيقعدوا بيأركلوا نوع من ترويح الوقت و الاستمتاع و الأهم تفريغ مافي بداخليتهم من ضغوطات لو كان وقت فراغهم معبى بشي تاني ماكانوا لحقوا يأركلوا أكيد , و هاي حال أغلب الشعب العربي ماعنده شي يساويه و مالل , لهيك ما بنلاحظ الاركيلة غير بالبلدان العربية عدا عن هيك في ظاهرة تدخين البنات بالحمامات , طبعاً خوفاً من أنو شي شب يشوفهم عم يدخنوا و ينحكى عليهم ياترا الاحسن أنو يتخبوا بمكان مغلق و يدخنوا فيه و يخنقوا الباقيين و لا أنو يدخنوا برا محلما هنن !!!!!!!!!!!!!!! لست ادري انتو شو رايكم ؟؟؟!!!!!!!! برايي كأطباء لازم تحاربوا الاركيلة عند الرجل و المرأة لأنو عند كلاهما ضارة بدلما يصير التركيز على هل مرأة و تطبيق القواعد عليها بس و زيادة الضغط النفسي عليها لانو هيك ما بتنحل المشكلة |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| المرأة في التراث العربي | dr.nour | الثقافة | 5 | Dec, 13 2008 21:47 |
| تدخين الحوامل يؤدي إلى تلف دائم في شرايين القلب!!! | Milad Kawas | آخر المستجدات الطبية | 1 | Aug, 10 2008 12:17 |
| المرأة أقوى من الرجل في عيادات الأسنان | shareef | اجتماعيات | 3 | Dec, 23 2005 19:43 |
| تغيرات في الشخصية عند امرأة في ال 58 | Evereve | مستشفى الملتقى (حالات سريرية) | 11 | Oct, 21 2005 15:56 |
