ذكرت دراسة أجرتها جامعة "كولورادو" الأمريكية أن القدرة على التفكير عند الشخص الذى لم ينم منذ 24 ساعة تكون أفضل منها عند الإنسان المخمور أو حتى الذى استيقظ للتو بعد قسط جيد من النوم في الليلة السابقة.

وتشير الدراسة التي أن القدرة على الفهم والاستيعاب والذاكرة قصيرة الأجل تكون أسوأ بعد الاستيقاظ.

وخلال الدراسة أمضى المشاركون ست ليال تمت خلالها مراقبة نومهم، حيث كانوا ينامون 8 ساعات في الليلة، وكان الباحثون يفحصون أداءهم بعد النوم كل ليلة.

وتوصل الباحثون إلى أن مهارة الأشخاص موضع التجربة لا سيما الذاكرة قصيرة الأمد والعد وبدء الوعي بالمحيط خلال الثلاث دقائق التي تتلو الاستيقاظ تكون في حدها الأدنى.

ويضيف الباحثون أنه رغم أن آثار هذا الانحسار في القدرات العقلية بعد النوم تختفي عادة خلال العشرة دقائق التالية للاستيقاظ إلا أن آثاره عادة ما يمكن تقفيها حتى بعد مرور ساعتين لذلك يجب على أي شخص أن لا يؤدي أي عمل مهم خلال فترة تتراوح بين 15 -30 دقيقة من وقت الاستيقاظ."
--------------
عفوا ما ذكرت المصدر مركز المعلومات الطبي
http://www.roro44.com/health/artcat.php?catid=111

يسلمو على الموضوع
بس ما شفت الفكرة تبعة العنوان ضمن سطور الموضوع

القدرة على التفكير عند الشخص الذى لم ينم منذ 24 ساعة تكون أفضل منها عند الإنسان المخمور

وبعدين عن تجربة شخصية :
صرلي فايق 23 ساعة
بس الشباب اللي حولي عبيأكدو إنو القدرة العقلية عند أي مخمور أرحم من الشي اللي عميطلع معي

شكراً عل موضوع mr.sad
[QUOTE
]ن القدرة على التفكير عند الشخص الذى لم ينم منذ 24 ساعة تكون أفضل منها عند الإنسان المخمور أو حتى الذى استيقظ للتو بعد قسط جيد من النوم في الليلة السابق[/quote]ة

بس بصراحة نتيجة الدراسة غير مقنعة على الإطلاق , يعني جربوا ما تناموا يوم كامل و حاولوا تدرسوا بعدين و شوفوا كيف رح يكون التركيز !!!!!!!!!!

بس هل جملة بتفق معاها تماماً

الانحسار في القدرات العقلية بعد النوم تختفي عادة خلال العشرة دقائق التالية للاستيقاظ

على طول بدنا وقت لنصحصح و نقدر نبلش ندرس بتركيز

[quote=Mr.sad]ذكرت دراسة أجرتها جامعة "كولورادو" الأمريكية أن القدرة على التفكير عند الشخص الذى لم ينم منذ 24 ساعة تكون أفضل منها عند الإنسان المخمور أو حتى الذى استيقظ للتو بعد قسط جيد من النوم في الليلة السابقة.
إذا كان القصد فقط المقارنة مع من استيقظ للتو فهذا صحيح
أما إذا كان القصد أن زيادة السهر(يعني عدد الساعات) فلا أتفق أبداً مع النتيجة وعندها أتمنى منهم أن يثبتوها علمياً(فيزيولوجياً)
وشكراً ع الموضوع

شكراً يا حبيبنا MR.SAD وأنت بهذه المقالة الرائعة تثبت نظرية أحد شعرائنا الحشاشين حيث قال:
ما أطال النوم عمراً ولا قصر بالأعمار طول السهر

والله أنا معي بتزبط ... حتى اني صرت عمدا أسهر قبل الفحص لأنو أحسن من النوم الناقص ... أنا أكتر الشي لاحظت انو وقت ما بنام لمدة طويلة مهاراتي اللغوية ( باللغات الأجنبية ) بتزيد بشكل كبير ... هي لازم حدا يعمل عليها دراسة

أنا متأكد .. أني سمعت بهادا الموضوع ... بس وييييييييييين؟؟؟؟ ما عم أتذكر ........
يمكن عالـ BBC .. يمكن عالمنتدى ... يمكن على أحد المواقع .. المهم يسلمو دياتك ..
سلام

السلام عليكم..
الله يعطيك العافية أخي Mr.sad، بس أنا بضم صوتي للشباب اللي ما اقتنعوا بفكرة إنه تكون القدرة عالتفكير عند السهران 24 ساعة أفضل من اللي مرتاح وشبعان نوم ( طبعاً مو أول ما يفيق )، يعني أنا بحس إني لما بسهر كتير ما بحسن أركز بالدراسة، وببذل جهد مضاعف للتركيز فيما أسمعه وللبقاء مستوعباً ومتفاعلا ً مع الكلام، حتى الابتسامة تصبح متعبة وأبذل جهداً لكي أبتسم، وهالشي عن جد بيصير معي..
والله أعلم.. وشكراً لك..

شكرا dr sad
لكل قاعدة شواذ وانا من حالات الشواذ بهذا الاكتشاف
كان لازم لما اكتشفوها يجربو علي لحتى يتفاجئو انو تعبون راح
لكم تحياتي

المشاركة الأصلية بواسطة etoil de la mer

شكرا dr sad
لكل قاعدة شواذ وانا من حالات الشواذ بهذا الاكتشاف
كان لازم لما اكتشفوها يجربو علي لحتى يتفاجئو انو تعبون راح
لكم تحياتي

ما فهمت كيف يعني شواذ
يعني انت أول ما بتفيقي من النوم بتكوني بقمة التركيز وبعدين بيروح التركيز