مرحبا ياجماعة

ببشركم انو اليوم رح تبلش المسابقة الطبية بسؤالها الاول
ياترا جاهزين للانطلاق و لا الصيف اثر عليكم ؟!

بتتألف المسابقة من 6 مسائل سريرية أو أسئلة متنوعة بتشمل عدة اختصاصات ( حتى ما تملو )
على كل سؤال 6 علامات

شروط الاشتراك :
مين مابده فينه يشترك
المسابقة مفتوحة لجميع الراغبين بتنشيط خلاياهم الدماغية

رح يتم استقبال الاجوبة من قبلي و قبل شنكول على العنوان التالي حصراً
contest@syrianmeds.net
الإجابات عن طريق الرسائل الخاصة تُهمل
والإجابات في هذا الموضوع تُحذف




ملاحظة تحفيزية : للرابح رح يكون في جائزة
--------------
و هاي السؤال الاول كتير بسيط
شوية روداج

الحالة السريرية الأولى :


راجعت مريضة متزوجة عمرها 22 سنة تعمل كسكرتيرة العيادة الهضمية تشكو من الم في منطقة الشرسوف , متكرر مع حس حرقة و لذع , هذه الشكاية تعاودها أحياناً عدة مرات في الأسبوع , و قد تغيب فترات تطول أو تقصر , ثم تتكرر مرة أخرى
دامت هذه الشكاية على مدى السنتين الماضيتين .
بسؤال المريضة لم تذكر أي ارتباط بين الألم و اللذع , و تناول الطعام , بل أفادت ايضاً أن هذه الشكاية كثيراً ما جعلتها تخاف و تبتعد عن الطعام , و ترتاح جداً لهذا الإجراء .
لا تترافق الشكاية مع إقياءات , او أي تغير في عادات التغوط
كما لم تبد المريضة أي شكايات اخرى


الفحص السريري :
المريضة في حالة سريرية جيدة
النبض 75 ن\د
الضغط 110\70 مم ز
الحرارة 37 م
و لم يظهر فحص جميع الاجهزة و البطن أي معطيات إيجابية


الأسئلة :


1 _ أي التشاخيص التالية تحبذ ؟ و لماذا ؟
أ ) قرحة معدية
ب )التهاب مري قلسي
ج ) تشنج الكولون
ء ) حصيات مرارية

2 _ ماهو الاستقصاء الاكثر أهمية للوصول إلى تشخيص الحالة ؟
3 _ على فرض أن التنظير أثبت التهاب مري قلسي , فما العلاج ؟


بانتظار إجاباتكم مع العلم انو آخر مدة لاستلام الأجوبة هي يوم الأحد 20 بالشهر و بعدها رح يتم عرض الإجابة الصحيحة

first thanks elloni for this nice questions,and congratulation for whom get the answer correctly ,In fact I choice Goodpasture Syndrom (although Ithe diagnosis is more typical for wegner_but it didnt come to my mind that moment
but i think that goodpasture still can be a differential, lets look again to the symptoms:
cough, dysnea , hemoptysis====also in good pasture syndrome
nasal discharge==== 20-60%of the cases preceded by upper respiratory tract infection
kideny involvment===== definietly seen in goodpasture
but the X-ray will show pulmonary infiltrate and not nodule

by the end do u agree with me that it can be adifferential dignosis at least

thanks

ألونة مامعقولة إجابتي ما ويصليتك بعدتها الساعة 11

المهم مابدي مناقشات مشتركة و علامات موحدة و إلا الكل علامة الصفر

عم تحكي عنجد ... طيب لكن سهليلنا الأسئلة ..
هلكتينا بالسؤال الماضي ..
إن شاء الله هاد يكون أسهل
والسلام عليكم

اش رأيكم يا شباب ، والله أنا شايف الشغلة تعجيز
لسع منجاوب على جواب منشوف البعدو أصعب ، منتعاون بيمنعوا التعاون (طيب مو التعاون بزيد الألفة والمحبة بين الأعضاء) ، بكرا والله بقولوا ممنوع المراجع كمان
لا حول ولا قوة إلا بالله

وتعاونوا على البر والتقوى ......................... بس لا تتعاونوا على حل أسئلة ( Elloni ) الخطيرة ...............الأسئلة الخطيرة مو إنتي .


كيفك يا أبو بشير كان بدي أشوفك هذاك النهار بس إنت تأخرت .....................والله مشتاقلك .

مستني شوفك الأحد في المقعد الأول معاي ..................

أنا آسف Elloni ................بس لا تزعلي والشغلة التانية لا تصعبي الأسئلة أكتر من هيك ، يعني لولا معاي هاريسون يمكن ما كان حسنت أفتح تمي بشي بالمسألة الماضية .

مع حبي للجميع ...............SHAKAZOLO ...............

نيالك يا شاكازولو عندك هاريسون مرجع كافي ووافي مو متلي بدور على مية مرجع وما بطلع إلا

ياجماعة .. يا جماعة .. هدّوا اللعب ..
شوي شوي .. ليش معصبين ..
أصلاً ايللوني .. لما قالت :

المهم مابدي مناقشات مشتركة و علامات موحدة و إلا الكل علامة الصفر

ما كان قصدها عليكن .. إنما (كما أتوقع) .. كانت بتقصد ناس آخرين .. لأنه حسب معلوماتي .. فإن عضوين قاموا بإرسال ايميل واحد .. وكتبوا في آخر الايميل .. هذا الجواب عن .... فلان .. وفلان ..
ورغم هالشي .. الموضوع ما بده زعل .. Take it easy geys ... المهم الفائدة .. أنا هيك رأيي .. ولا شو ؟

المشاركة الأصلية بواسطة BigBoss

ياجماعة .. يا جماعة .. هدّوا اللعب ..
شوي شوي .. ليش معصبين ..
أصلاً ايللوني .. لما قالت :
ما كان قصدها عليكن .. إنما (كما أتوقع) .. كانت بتقصد ناس آخرين .. لأنه حسب معلوماتي .. فإن عضوين قاموا بإرسال ايميل واحد .. وكتبوا في آخر الايميل .. هذا الجواب عن .... فلان .. وفلان ..
ورغم هالشي .. الموضوع ما بده زعل .. Take it easy geys ... المهم الفائدة .. أنا هيك رأيي .. ولا شو ؟

تعرف Bigboss نا كنت كمان مفكر ابعت جوابي مع واحد تاني لنو النت كان مضروب عندي ولما اتصل فيني الساعة 11 اخبرته مشي الحال وحتى هو كان متوقع حاله ما يقدر يبعت منشان انشغاله
اتصاله الساعة 11 فيني كان لنعرف مين رح يبعت الجواب المشترك انا ولا هو ولا على انفراد
بس اخترنا كل واحد لحاله( يعني مشي الحال) كني الله مو رايد إلوني تنجلط
مزحة إلوني لا تزعلي
--------------

المشاركة الأصلية بواسطة Abdo-farah

اش رأيكم يا شباب ، والله أنا شايف الشغلة تعجيز
لسع منجاوب على جواب منشوف البعدو أصعب ، منتعاون بيمنعوا التعاون (طيب مو التعاون بزيد الألفة والمحبة بين الأعضاء) ، بكرا والله بقولوا ممنوع المراجع كمان
لا حول ولا قوة إلا بالله

الله يستر ما تصير متل د ناظم قاضي يعني تحطنا مسألة مالا جواب

على فكرة التعاون حلو كتير

بس اكيد التعاون ما كتير رح يفيدنا بآخر سؤال

لانو صعب كتير

أول شي بدي أعرف شلون يا دكتور zf إنت بتعرف إنو المسألة الأخيرة صعبة كتير وما راخح يفيد التعاون أبداً .

شو عم تستخدم العصفورة لحتى تجيبلك الأخبار .

بعد المقدمة اللطيفة ....................... يا زاهر .

أنا حبيت أمزح معك بس على فكرة ما وصلتني أخبار عنك وعن التخرج ................أجلت تخرجك ولا تخرجت .



مع حبي للجميع .................SHAKAZOLO...............