مرحبا ياجماعة

ببشركم انو اليوم رح تبلش المسابقة الطبية بسؤالها الاول
ياترا جاهزين للانطلاق و لا الصيف اثر عليكم ؟!

بتتألف المسابقة من 6 مسائل سريرية أو أسئلة متنوعة بتشمل عدة اختصاصات ( حتى ما تملو )
على كل سؤال 6 علامات

شروط الاشتراك :
مين مابده فينه يشترك
المسابقة مفتوحة لجميع الراغبين بتنشيط خلاياهم الدماغية

رح يتم استقبال الاجوبة من قبلي و قبل شنكول على العنوان التالي حصراً
contest@syrianmeds.net
الإجابات عن طريق الرسائل الخاصة تُهمل
والإجابات في هذا الموضوع تُحذف




ملاحظة تحفيزية : للرابح رح يكون في جائزة
--------------
و هاي السؤال الاول كتير بسيط
شوية روداج

الحالة السريرية الأولى :


راجعت مريضة متزوجة عمرها 22 سنة تعمل كسكرتيرة العيادة الهضمية تشكو من الم في منطقة الشرسوف , متكرر مع حس حرقة و لذع , هذه الشكاية تعاودها أحياناً عدة مرات في الأسبوع , و قد تغيب فترات تطول أو تقصر , ثم تتكرر مرة أخرى
دامت هذه الشكاية على مدى السنتين الماضيتين .
بسؤال المريضة لم تذكر أي ارتباط بين الألم و اللذع , و تناول الطعام , بل أفادت ايضاً أن هذه الشكاية كثيراً ما جعلتها تخاف و تبتعد عن الطعام , و ترتاح جداً لهذا الإجراء .
لا تترافق الشكاية مع إقياءات , او أي تغير في عادات التغوط
كما لم تبد المريضة أي شكايات اخرى


الفحص السريري :
المريضة في حالة سريرية جيدة
النبض 75 ن\د
الضغط 110\70 مم ز
الحرارة 37 م
و لم يظهر فحص جميع الاجهزة و البطن أي معطيات إيجابية


الأسئلة :


1 _ أي التشاخيص التالية تحبذ ؟ و لماذا ؟
أ ) قرحة معدية
ب )التهاب مري قلسي
ج ) تشنج الكولون
ء ) حصيات مرارية

2 _ ماهو الاستقصاء الاكثر أهمية للوصول إلى تشخيص الحالة ؟
3 _ على فرض أن التنظير أثبت التهاب مري قلسي , فما العلاج ؟


بانتظار إجاباتكم مع العلم انو آخر مدة لاستلام الأجوبة هي يوم الأحد 20 بالشهر و بعدها رح يتم عرض الإجابة الصحيحة

المشاركة الأصلية بواسطة mr.yellow

أولاً حمدالله ع السلامة
أنا بالسؤال الثاني حطيت جوابين أكثر احتمالاً واقل احتمالاً لأنو شنكول قلي بالكلية سوي هيك
وإذا بدك تروحيلي علامات استطفلي فأنت حرة
بس والله شنكول هو السبب

مافي مشكلة mr.yellow يلي عملته كتير منيح

موفق

الإجابات :


1 ) ) حسب المعطيات لدينا ما التشخيص الأكثر احتمالا لدى هذه المريضة ؟

إن موجودات القصة السابقة و الفحص الفيزيائي تتماشى مع متلازمة المبيض متعدد الكيسات ( polycystic ovarian syndrome (PCO)

تعاني مريضات ال PCO من :
• عقم infertility
• تباعد طموث oligomenorrhea
• شعرانية hirsutism
• بدانة obesity

و يلا حظ لديهم ارتفاع اندوجينات المصل و ازدياد نسبة LH على FSH
بالإيكو نجد ضخامة مبيضين ثنائية الجانب مع كيسات متعددة ( تعطي مظهر حبال اللؤلؤ )







2 ) ) أي الامراض التالية تعتبر المريضة عالية الخطورة بالنسبة لها ؟

B سرطان باطن الرحم


3 ) ) ماهو تعليل إجابتكم على السؤال الثاني ؟

_إن تباعد الطوث الذي يميز هذه المتلازمة يضع النساء في خطورة زائدة لسرطان باطن الرحم

إن النساء اللواتي تحدث لديهن إباضة كل شهر : يتميز النصف الثاني للدورة الطمثية عندهن بإنتاج البروجسترون من المبيض و الذي يلعب دوراً واقياً على بطانة الرحم لمنع تطور فرط التصنع hyperplasia و السرطان لديهن .

أما عند مريضات ال PCO لا تحدث الإباضة بشكل منتظم لذلك لا يحدث إنتاج البروجسترون الواقي في كل دورة , فالنساء المعرضات لاستروجين غير معاكس بالبروجسترون معرضات لخطر زائد لتطور سرطان باطن الرحم

_ لا تعتبر هذه المريضة ذات خطور زائدة لتطور سرطان عنق الرحم , فلديها شريك جنسي وحيد , و لطاخة عنق رحم طبيعية لعدة سنوات

عوامل الخطورة لسرطان عنق الرحم هي :
• تعدد الشركاء الجنسيين
• العمر الباكر عند أول جماع
• قصة أمراض منتقلة بالجنس ( الإيدز و الثآليل التناسلية )
• تدخين السجائر
• عسرة تصنع في عنق الرحم

_ لايوجد أي علاقة بين PCO و سرطان الرئة

_ ترقق العظام هو خطر عند كثير من النساء لكن هذه المريضة حسب القصة تعتبر اقل خطورة لحدوث ترقق العظام
يعتبر ترقق العظام أقل شيوعاً عند العرق الاسود بالنسبة للعرق الأبيض و الاصفر , و هو أقل شيوعاً عند البدينات بالنسبة للنحيفات
و لا يعتبر ترقق العظام مميزاً لمريضات ال PCO

_ يقل حدوث سرطان المبيض عند النساء ذوات الإباضة القليلة متل مريضات ال PCO

مرحبا
بعدما شفتوا الإجابة رح اعلقلكم العلامات
الحمد لله علاماتكم كتير منيحة , هو المسألة ماكتير معقدة , بس الحلو أنو الكل فاتح مراجع و كاتب معلومات مفصلة دليل عن فهم و اقتناع , و هيك أكيد استفادوا كتير

بالنسبة للي علاماتهم قليلة فكتير بشكرهم على مشاركتهم و جهودهم و اكيد المسألة الجاي لو بحثوا اكتر بالكتب مارح يغلطوا بالإجابة

Mr.sam: 6
Smile : 6
Abdo_frah : 6
Venus : 6
Shakazolo : 6
Mr.yellow : 6
D.zf: 6
ElectroDoc : 6
BigBoss: 6
Nobody : 6
Flower : 4
Subzero : 4
Newmoon : 2
Atlantis: 0
--------------
الحالة الثالثة :

رح نغير شكل كمان بشي مسألة أطفال سهلة و لذيذة

جاء طفل صغير إلى العيادة عمره سنتين يعاني من ارتفاع في الحرارة 103F دام طوال الخمسة أيام الماضية

1) أي من الأعراض او العلامات التالية لا يتوافق مع تشخيص داء كوازاكي ؟

a) التهاب ملتحمة ثنائي الجانب
b) احمرار الشفاه و جفافها و تقشرها
c) اعتلال العقد البلغمية الرقبية
d) طفح حطاطي بقعي على الأليتين و النهايات maculopapular rash
e) وذمة قاسية على اليدين و القدمين indurative edma

2) هذا الطفل تتوافق أعراضه مع داء كوازاكي , ماهو العلاج الرئيسي المناسب ؟

a) الستيروئيدات القشرية
b) الصادات الحيوية
c) تعويض الشوارد
d) التحال
e) إعطاء الأسبرين والأميونو غلوبيولينات الوريدية IVIG)

3) ماهو الاختلاط الأهم و الاخطر لداء كوازاكي ؟

a) أم الدم الإكليلية
b) القصور الكلوي
c) التهاب المفاصل
d) النزف الهضمي
e) ارتفاع الضغط


طيب تحت طلبكم رح أخلي المهلة قصيرة
10 بالشهر يوم الأحد المسا آخر موعد لاستلام الإجابات

شكرا للأخت اللوني الجهد الذي تقومين به في هذه المسابقة

والتي تتميز بتنوع المواضيع و المجالات

وتنوع طريقة العرض

[

معلش يكون بعد كل مسلبقة شي يومين للمناقشة العلمية

هو فكرة حلوة بس في عدة إشكاليات منها أنو الجماعة بدهم تخلص المسابقة بسرعة فماممكن اضيف يومين بعد كل حالة خاصين بالمناقشة

بس عندي حل افضل : وقت المناقشة لاي سؤال مفتوح طالما أن المسابقة مفتوحة أيمتا مان كان

هيك أحسن مو هيك ؟؟

الله يعطيك العافيه ألونه لوأنه علامتي قليله
يالله إلي الشرف العلامه قبل اللأخيره....
لانه عندي مشكله بالجهاز ودخلت بالسرقه على جهاز أخوي
لهيك مالحقت أفتح مراجع
المهم عرفت التشخيص......
وشكرا عالعلومة أنه سرطان المبيض أقل حدوثا في هالحالة طبعا المهم الفائدة العلمية موالعلامة وبالذات أنه هاالمتلازمةكثير شائعة

أهلين بيك New Moon
المهم انك دخلت و شاركت هادا الشي يلي اكتر شي بيسعدني
و انشالله هل سؤال تقدري تاخدي فيه علامة تامة
كم New Moon عندي ؟؟

للأسف مشاركة الزميلات بالمسابقات ضعيفة لهيك بحيي كتير يلي شاركوا , و اكيد هنن المستفيدات
لاتفكروا عم أعملهم واسطات

بتمنى التوفيق للجميع

الحمد لله على السلامة
شكراً على التعب المستمر في المسابقة

س: ما معنى كلمة دائمة في وذمة اليدين والقدمين (هل تعني أنها من العقابيل ، أم أنها من الأعراض المتأخرة) .

المشاركة الأصلية بواسطة Abdo-farah

الحمد لله على السلامة
شكراً على التعب المستمر في المسابقة

س: ما معنى كلمة دائمة في وذمة اليدين والقدمين (هل تعني أنها من العقابيل ، أم أنها من الأعراض المتأخرة) .

الله يسلمك
بشكرك Abdo_Farah أنت و smile نبهتوني لشغلة
الجملة التالية indurative edema مقصود بها وذمة صلبة (قاسية_ جامدة )
ترجمتها خطأ لوذمة دائمة

بعتذر منكم

يلا ياجماعة شوية حماس

بدكم يقصر وقت المسابقة فلازم تتعودوا تركضوا

اليوم بالليل رح تنرفع الأوراق فشدوا الهمة يلي لسا ماجاوبتوا

موفقين