بسم الله الرحمن الرحيم

لا أدري إن كان هذا الموضوع سيضاف إلى المواضيع الجدية التي يتجاهلها الأعضاء (على حد تعبير الأخ Evereve)... لكنني أحببت أن أوضح بعض الأمور..

- بصراحة كان الهدف من دخولي للمنتدى أن أعطي صورة لا بأس بها عن الإنسان الملتزم (ما أمكن ) لكن مع الأسف يبدو أنني فشلت فشلا ذريعا .. شكرا للأخ Evereve على تعليقه الذي شجعني على اتخاذ هذا القرار الذي كنت أؤجله...

أما عن عدم الجدية ..فما قصدت من ذلك إلا بعض التواقيع التي أزعجتني ...(و هذا رأي شخصي)

- لكن ما أحب قوله لكم في آخر موضوع لي أن الكثير منكم لديه فكرة سيئة عن الدين و عن المتدينين .. كنت أتمنى منكم أن تقفوا موقفا أكثر موضوعية و ألا تظلموا الدين .. كم تمنيت أن أساهم بتغيير هذه الفكرة لكن يبدو أنني زدت الأمر سوءا...

أعتذر من صورة الإنسان الملتزم التي ساهمت بتشويهها .. و أعتذر من اسم نسيبة المازنية الذي استعرته و ما كنت أهلا له .. و أعتذر عن كل كلمة أزعجت أي عضو ..يعلم الله أنني ما قصدتها ...

بالنسبة للأخ سنفور شكرا لك جزيلا لأنك استبدلت أخيرا كلمة زميلة و صديقة بكلمة أخت .. سررت بذلك كثيرا و كنت أتمنى أن أقول لك أن تستغفر لوالدتك لأنه ينفعها حيثما كانت ...لكن خشيت من ردة فعل عنيفة ....

كل ما بقي لي هنا جزء من موضوع الطاقة البشرية سأكمله إن شاء الله ( حتى و إن لم يقرأه أحد ) ....

أستودعكم الله يا طلاب الطب ... قد أعود يوما ما .. لكن ذلك لن يكون حتى أثق تماما بأنني سأعطي صورة جميلة عن الإسلام ....

بالتوفيق للجميع

في حالات بارانويية بتفكر إنو هي قاعدة بمركز العالم، وإنو العالم عم يستنى لحتى ياخد منها الوعي، وإلها مسؤولية تاريخية إنها تنقل العالم من الضلال إلى الهدى، وإنو يعني إذا هي ما اضطلعت بهالدور فرح يخرب العالم،..

أنا بحترم الأخت نسيبة على فكرتها البسيطة، إنو يعني هي مسلمة وبدها تعبر عن حالها متل ما هي، حلو..

وطلعت بآراء عن البعض، وقد يكون إلها حق في البعض وقد نختلف معها، ويمكن لو استمر الحوار نوصل لشي لقاء..

بتمنى إنو ما تحسي بعذاب ضمير، لشي إنت ما أذنبتي فيه، يعني لو كل محمد بالدنيا بدو يقول إنو ما بيستاهل اسم النبي كان انتحر نص الشعب.. طولي بالك ما بدها هالقد..

بالنسبة لبقية المداخلات، يللي يعني متل يللي مستني الفرصة ليبلش..

يا أخي الصبية عندها أسبابها وبدها تروح، ضروري تعملنا ياها معركة بين الكفر والإلحاد من جهة وبين الرب وعباده من جهة تانية..؟؟؟؟

وناس متعجرفين عم يتكبروا على الحق ومنزله، وحكي عن أجر كبير رح ييتنى رواد المنتدى المؤمنين، يللي عم يهدو البشر، لو كان صحيح هالحكي كان شفت العالم ما راحت تحج ع مكة، كانت بتجي عالمنتدى من شان تقطف الحسنات من هالكم كلمة يللي عم تحكيها.. هون،

بس أنا كنت حابب أعرف شو تفسير مصطلح "البنية الإجتماعية للفرد" !! لحتى كمان نوقف على أرضية مشتركة، .. لإني أول مرة بسمعه بجوز متل ما قال الدكتور فراس، لإني ما قريان غير كتاب واحد.. وللأسف هالكتاب ما احتوى هالمصطلح، فأوللياه لأفهمه.. بس.

وطبعا هي الأرضية موجودة، .. وطبعا هو رح يسحب الأرضية والبساطة لتحته لحتى تطلع الأرضية هي أرضيته والناس.. واقفة على الهوا..!

ما بعرف كل ما حدا بدو يدخل المنتدى ويطلع بدو يكون عم يسيء للاسلام.. يا أخي الإسلام أعظم منك ومن كل الموجودين، وما بأثر عليه لو ربع الناس ارتدو عنه، فضلا عن إنو حدا يكون مشارك بمنتدى ويبطل يشارك، إلا إذا مفكر إنو الدين ما بقوم غير ع كتافك.. !

بعدين شو هي مستوى الآخرين، والنزول.. يعني كتير حبيتها.. يعني بتنفهم بحالة وحدة إنو هالشخص يللي ما بدو ينزل هو ملك، وقاعد بالسما الأولى عم يسبح وما بدو يتلوث بهالبشر.. بتسمحلي.. عيب عليك..

ودخلك ليش كل هالوقفة كرجل واحد كإنو يعني في مين نازل بالدين وبدو يخلصه من قلبها، أو هي كإنو على طرف الإلحاد وإنت عم تدعمها.. يعني الدين بخير، لحاله، ويللي بدو يتدين يتدين، ويللي ما بدو ما بدو.. ويللي ما بدو، ما زاعجه النعيم يللي عايش فيه المتدين، خلص يا أخي.. ما حدا مستهدفك.. نام وإنت متطمن..

(شو الفرق بين الفكرة والنظرة..؟؟؟ !)

ما يعني يا شنكول لو بدنا نطرح آراءنا بمواضيع مستقلة، كنت بتشوف إنو كل هالحكي هون، زايد، وخللي كل واحد يطرحه بموضوع مستقل، وبكفي نقللها لنسيبة، يا نسيبة لا تروحي.. !

ما كل العالم عم تفوق بموضوع وتطلع بتاني، وتفوت بحيط وتطلع بسقف.. ليش يعني بس ع سنفور، وللا عجبتكن المحاكمة وبدكن تعملوها جد..!

أنا بضم صوتي مرة تانية لسنفور، وبقول بتمنى كل عضو ما يروح.. لإنو بنكسب أصدقاء، وأخوة، وحتى لو كنا حديين ع بعض أحيانا.. بس الود ما بيفسد.

بتمنى تردي علينا وتقولي عدلت عن قراري



مرة تانية، طولو بالكن، يعني بدك تعطي فكرة حسنة عن دينك الحنيف.؟.؟ بكم كلمة، ولمين، لشباب متلك متلهن، مانك عرفان إنو الناس هون ما عم تشوف من بعضها غير تكويناتها النفسية.. ؟؟ والدين هو عامل فقط.. إلا إذا بتقللي إنو الدين مجسد فيك، وإنت متقمص له.. ! بتكون متخنها شوي.. وللا مفكر أنا باخد تصوري عن الدين من هون.. لو هيك، كنت تركت الدين من أول يوم..

بعدين مين بدو يشوه صورة الإسلام.؟؟ شو المكسب،.. وإذا كان حدا بيفهم الأمور غير فهمك بكون شرير وعدواني، وبدو يشوه..

وللا لا نكون مفكرين إنو الأشرار تبعين برامج الأطفال، يللي بكونوا جايين من كوكب تاني لحتى يخربوا الأرض(.. ليش.؟؟ هيك.. حاببين يخربو الأرض..) يا أخي برامج الأطفال برامج أطفال.. وما بتنطبق على الحياة..



بس الأحلى يللي بقول.. "من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا" مع إني الف مرة قلت إنو خللوا آيات القرآن ع طرف، وما تدعو إنكن متلها لإنو كل مين بقول إنو متل القرآن بكون عم يسيء إله.. ومثال عمرو بن العاص.. لما حمّل المصاحف لجيش معاوية كتير واضح..!

ما عم شبه، بس عم قول، ما كل مين شال القرآن بإيده متدين..

في مثل تقيل ما رح أذكره..



وطبعا لازم نعمل ، ونصبر بدأب، وما نهتز من انتقادات هرائية.. للبعض..

لإنو نحنا عم نتحارب هون..

وطبعا هنن كثيرون، ونحنا قلال.. وماننا منهن.. ما بعرف مين هنن أولا.... بحب من حدا بس يقللي مين هنن.. بحيث أعرفهن..

طبعا في البعض ما بحبوا ينزلو لمستويات الناس التانيين.. أنا بقللهن.. إنو فيه الواحد يطلع بمستواه لفوق .. فوق كتير.. متل البالون، ما في جواته غير الهوا.. ومن شان هيك بيطلع.. بس بدبوس، بينفش، وبصير ولا شي..



لك.. آخ.. يعني أبسط وسائل الدفاع عن الأنا المهزومة، هي رمي الآخر بالسباب، وإعتبار الأنا.. فوق كتير، ومتميزة، ...

الغرب ما منيح، ويللي عنده هو انحدار.. ونحنا الفوق،،.. وهالشباب، عم يتغذوا بالمعلقة.. طبعا يعني ما بعرف أي معلقة هي بتجي لتم الواحد، بالذات.. ما كلنا عايشين بنفس المجتمع، وعم نشوف نفس تلفزيونات، ونفس إذاعات.. وبالشارع عم نشوف نفس المشاكل..

إذا الفرق بين الواحد والآخر هو شغل الواحد ع حاله..

أنا بعتقد إنو التقوقع بهوية مسبقة، نهائية ناجزة، مثالية.. والنقاش بخطاب شعبوي موجود ع كل الشفاه، بكل محل.. بسب على الغرب وبيتعبد للذات النرجسية.. هو أبسط درجات الشغل على الذات.. على فرض في شغل.. جدلا.



طبعا لازم ما نستسلم، ولا نتراجع، ونثلج صدور بعض بالأحلام.. وكل واحد منا بسند بأخوه.. لحتى نضل واقفين بوجه الهجمة الشرسة، من الكافرين.. وطبعا إلنا النصر والسكينة وإلهن عذاب جهنم..



وتذكرو.. الصبر الصبر، الصبر..


طولو بالكن... شوي..

القصة أبسط من هيك.

حلو منك ترجعي نسيبة، منيح تكوني بيناتنا..

وإلك أمنياتنا إذا ما بدك ترجعي..

أنا كنت عمقول للشباب معقول هالنسيبة شو ثقافتها واسعة, وأنا بعتبرك مكسب للمنتدى, يعني على القليلة لقيت حدا يدافع معي عن نفس الأفكار.
إذا بدك تتركينا مين رح تتركي في المنتدى؟.......... سنفور ؟ (مزح)
أنا كمان انزعجت من بعض التعليقات بس بما أني بعرف حالي صح فلازم أقنع اللي قدامي,
يعنى لازم يكون في حدا يرد لما حدا بيحكي وبيغلط على الدين, شو رح أبقى أنا لوحدي, ولا أنا كمان بترك وبيبقى طرف واحد بعبر عن رأيو بدون ما حدا يردعليه.
ورح يكون الذنب ذنبك إذا حدا فات (بالصدفة) وتأثر بأفكار غلط لأنو ما لقى حدا يوضحوا الفكرة التانية.
على فكرة ايفرايف كتير حباب وأنا كمان كنت محسبه (متل بعض الناس) بس عن جد بيحكي من قلب صافي. وما بيقصد الإساءة.

عزيزي سنفور أصلحك الله أيا ما كنت

مايحزنني فعلاً هو أنك قرأت كلامي على مايبدو بسرعة و بدأت تطلق الكلام جزافاً دون تدبر أو هدوء
أنا عندما قلت عن البنية الاجتماعية للفرد أحببت أن أذكرك أن ديننا الحنيف وضع الكثير من الضوابط للسلوك الشخصي للانسان ربما انا و انت و الكثيرين يلتزمون ببعضها و لا يلتزمون بالأخرى و هذا ليس بالمشكلة بقدر أننا لا نعتبر أنفسنا بعدم الالتزام بهذه المبادئ مخطئين "طبعاً مع معرفتنا بخطئنا" اما من لا يعلم لا حرج عليه "لا أنفي عن نفسي صفة الخطأ" فعدم الالتزام هذا عندما أناقش به أحد الأفراد أصبح يتبنى عبارات البنية الاجتماعية و ماشابه ذلك هذا ما قصدته و أحب أن أقول لك أنني لم أخترع هذا المصطلح و إنما سمعته من العديدين

ثانياً النزول لمستوى الآخرين لم أقصد به أن أحداً أقل من الاخر و إنما أظنك تعرف و أعرف حكم الاسلام في حديث الرجل مع المرأة "طبعاً الحديث ليس حرام و إنما لحاجة مباحة أو نقاش ذو مستوى عال " و و بهذا طبعاً لم تخالف نسيبة في ذلك و انما خفت أن يدفعها الحماس الزائد في النقاش في أن تتجاوز ماتؤمن هي به و ركز على كلمة هي و لم أقصد أكثر من ذلك و إذا فهم كلامي خطأ فأتمنى منك المعذرة و شكراً لتنبيهي لموضوع العجرفة لأنني أخاف جداً من هذه الصفة و لا أحب أن تبدر مني تصرفات توحي بذلك
حضرتك قلت :
وناس متعجرفين عم يتكبروا على الحق ومنزله، وحكي عن أجر كبير رح ييتنى رواد المنتدى المؤمنين، يللي عم يهدو البشر، لو كان صحيح هالحكي كان شفت العالم ما راحت تحج ع مكة، كانت بتجي عالمنتدى من شان تقطف الحسنات من هالكم كلمة يللي عم تحكيها.. هون،
بذكرك انو أنا قلت
ثانياً تعلمين جيد أنه إنما الأعمال بالنيات و إنما لكل امرئ ما نوى فإذا كانت نواياك كما قلت فانعمي بالثواب
إذا أنا لم أقصد من كلامي انو المكان هون لهداية حدا وضلال حدا لكن لا بأس برأيي من انو الواحد يحط ببالو نية صالحة و يعمل عليها و الحسنات مابتنقطف بالحج بس يا سيدي الكريم

كمان قلت حضرتك : لك.. آخ.. يعني أبسط وسائل الدفاع عن الأنا المهزومة، هي رمي الآخر بالسباب، وإعتبار الأنا.. فوق كتير، ومتميزة،
أولاً لم أكن في يوم من الأيام أنا مهزومة و السبب أنني لم أحارب الأنا تبع غيري قط و خاصة أنني لم أرمك بالسباب و لم أعتبر نفسي فوق الأنا تبعك بتمنى يكون الحديث موجه لغيري مابعرف مين
كما أنك تفضلت
مرة تانية، طولو بالكن، يعني بدك تعطي فكرة حسنة عن دينك الحنيف.؟.؟ بكم كلمة، ولمين، لشباب متلك متلهن، مانك عرفان إنو الناس هون ما عم تشوف من بعضها غير تكويناتها النفسية.. ؟؟ والدين هو عامل فقط.. إلا إذا بتقللي إنو الدين مجسد فيك، وإنت متقمص له.. ! بتكون متخنها شوي.. وللا مفكر أنا باخد تصوري عن الدين من هون.. لو هيك، كنت تركت الدين من أول يوم

و أنا كتبت :رابعاً أرى انه من أفضل الطرق في هذه الحال مراقبتنا لأنفسنا و محاولاتنا الجادة "ركزي على كلمة جادة" على أن نتحلى بأخلاق طيبة و جميلة و مخالطة المجتمع بها بدلاً من هروبك الذي يسيء للاسلام أكثر و عندما تسألين لماذا تقومين بذلك "كسؤال عن خلق طيب صدر منك " تقولين هكذا يأمر الدين تكونين بذلك قدوة حسنة و تحسنين صورة الاسلام

ألا ترى من كلامي أنني أدعو الجميع و نفسي إلى الالتزام بالأخلاق الحسنة اللي ما أظن في خلاف عليها عند حدا و بالتالي لم أشر إلى تجسد الدين في أحد أو تقمص أحدنا له كما أنني لو بدي أخد تصوري عن الدين من أي أحد ممن يعيشون في هذا العصر لتحطم فؤادي
"فأنا أؤمن بإسلام محمد و ليس بإسلام المسلمين اليوم متضمنا نفسي"

كما أنك قلت
وطبعا هنن كثيرون، ونحنا قلال.. وماننا منهن.. ما بعرف مين هنن أولا.... بحب من حدا بس يقللي مين هنن.. بحيث أعرفهن
و الله هالكلمة ماصدرت مني و لن تصدر لأنك في ساحة نقاش و لست في ساحة معركة و أما كلمة أننا المحقين فالمقصود بها ما نستد فيه على أدلة دامغة لا أكثر و لا أقل و ارجو ألا تفهم أننا نحارب أحداً فكل من قال لا إله إلا الله محمد رسول الله أخي يحرم علي دمه و ماله و عرضه فكيف أحاربه أو أحتى يتخيل للبعض أني أسبه أرجو التبصر في ذلك

و غيرها من العبارات التي أعتبرها مجحفة بعض الشيء أرجو منك التبصر بها فأنا لم اذكرك بكلمة في تعليقاتي رغم أنك أشرت إلى الكثير مما كتبته أنا و فهم الكثير منه خطأ فأرجو منك التعقل قليلاً و صدقني أنني قلت لأحد أصدقائي و هو من المشاركين في المنتدى أنني تعجبني طرقك في الرد كثيراً و النقاش معك يحمل متعة كبيرة فلا تقتل في نفسي الرغبة في النقاش معك بفهمك إياي بشكل خاطئ و أنا أتمنى أن نكون أصدقاء متحابين بدل أن نحمل بعض الضغائن لأسباب تافهة أو غير مقصودة
و إذا أخطأت بحقك في شيء فأرجو منك المعذرة رغم أنني أؤكد لك أنني لم أذكر اسمك في أي كلمة من تعليقاتي
و شكراً مرة أخرى و أتمنى من الأخت نسيبة أن لا تتركنا لأننا سنكون سعداء جداً في طرح مواضيع بناءة يشارك فيها "إذا سمح لي باستعمال كلمة أخ" أخي سنفور
و السلام

الي تعليق صغير.........
نحن لما منخاطب اي شخص بالمنتدى منقول اخ,محترم,زميل ....
مع انو نحن بجوز ما نعتبرو اخ او زميل
بقا يا ريت لما اي حدا بيذكر اسم اي رسول او نبي كريم يخاطبه بشوية احترام (حتى لو هو مو مقتنع) عل القليلة احتراما للاديان.........ولا شو رايكن؟
مع احترامي للجميع...

بسم الله الرحمن الرحيم





الزميل العزيز سنفور:

تحية خاصة مني اليك تعبر عن مدى احترامي لمناقشتك البناءة وأمدد إليك يدي لكي نكون أخوة قبل كل شيء رغم أنني لا أعرفك .

أما بعد :

أنا مابعرف أخي العزيز ليش أنت حسيت أنو الحكي موجه ضدك بالذات أنا كل حيثي كان يدور بشكل عام وأقولها بكل صدق أنني لم أوجه أي نقد مبطن إليك فأنا كنت أخاطب الأخت نسيبة عن المجتع بشكل عام وليس عن أعضاء المنتدى على الاطلاق ولم يخطر ببالي للحظة ان هذا سيوترك وتتفهم أن هذا الكلام موجه ضدك علما بأنني قلت للأخ المحترم evereve أنني لأأقصد أحد وهاأنذا أقولها لك ثانية .

وفيما يلي بعض التوضيح عن ما جاء في كلمتك من انتقاد لي :

* فيما يخص الاية الكريمة فأنا لم أقصد إطلاقا أنني من المخاطبين بهذه الاية الكريمة ولكن كل ماقصدته من هذه الاية هو عدم اليأس والقنوط و أن لم أقصد أن أضرب معلميات على أحد .......فكانت هي نقطة فيها هجوم اعتباطي شوي اسمحلي اقلك يعني.

* فيما يخص بفهمك أننا هنا بساحة حرب ...فاالعيب كل العيب أن أحارب أخي الذي يوحد الله فما بعرف أبدا ليش انت فهمتها هيك علما بأنني بهل العبارة باالذات كنت أقصد الانتقادات الهرائية القادمة من الخارج والتي تتهم المسلمين بالتخلف والرجعية .......فأي درجة من الغباء أن يحلرب الاخ أخوه وقد أمرنا المصطفى عليه الصلاة والسلام بأنه لا يؤمن أحدكم حتى يحب لأخيه مايحب لنفسه ...............أصلحنا الله جميعا.

* وفيما يخص قصة القلة الذين يتغذون بالملعقة من الغرب فقصدت تلك الفئة القليلة التي تلهث وراء الغرب بدون وعي وبدون تفكير وهنا أقول للجميع حقكم علي لأن هذه الجمله لم تكن في محلها رغم أهميتها وأتمن من الجميع المعذرة على هذه الجملة وفعلا لم أقصد بها الاساءة لا للأخ سنفور ولا لغيره من الأخوة الأحباء في المنتدى ........فالعذر كل العذر على زلة القلم هذه فيبدو أن الانفعال أثر علي قليلا متل ما أثر على الجميع .

وفي النهايه أود مرة أخرى أن أمدد يدي للجميع وخاصة الأخ العزيز سنفور لنبدأ صفحة جديدة وارجو أن تقبلوني أخا في هذا المنبر الجميل وشكرا على هذه الشفافية .

خلص سيد سنفور المحترم صافي يا لبن ؟؟؟؟؟

والسلام عليكم ورحمة الله وبركاته.

أخوكم :
المخلص
أمين

للعموم:
أنا مشتهي نصل للمرحلة اللي نكون فيا نعرف إنه أنا وأنتَ وأنتِ وهذا وهداك، كلنا منختلف عن بعضنا
بس منحترم بعضنا وما منقول فلان (أو هدول) بختلف عني وهو معناها ضد كذا وكذا وكذا.


وبالنسبة لـ sunshine
أنتِ تركتِ كل شي وجيتي على هي؟؟
طيب أنا ما فهمت متل ما فهمتِ

المشاركة الأصلية بواسطة سنفور

يعني لو كل محمد بالدنيا بدو يقول إنو ما بيستاهل اسم النبي كان انتحر نص الشعب.. طولي بالك ما بدها هالقد..

أنا فهمت إنه كل واحد عامل من حاله محمد (يعني عم يدعي للدين) وأكيد مو المقصود سيدنا محمد عليه الصاة والسلام.

أمين أنا بصافحك أول واحد
بالمناسبة
Common cava?

لا أستطيع أن أنكر أني شعرت ببعض الندم على عجالة أخذتني حين كتبت ما كتبت،

بدا هذا واضحا في تحميل الكلمات التي وردت على لسان البعض، محمولات قد لا تكون مقصودة في كلامهم،

ولا أخفي أني بمشاركتي السابقة كنت أنتقد خطابا عاما: أي طريقة كلام وآليات تفكير، (وطبعا أنا لا أعرف أيا من المشاركين هنا باستثناء إيفريف، فلست متحاملا على أحد بعينه.. وأحب أن أكون صديقا للجميع، ويكون الكل أصدقاء لي، ونبقى كذلك..) أقول، إني أنتقد خطابا بات اليوم طاغيا على كل لسان، خطاب هو إنتاج لواقع اجتماعي ويتبع لحال المجتمع (تقدما وتأخرا، هزيمة وانتصارا، ..) ويمتاز بما في المجتمع من إشكاليات وأمراض،..
وكنت أنتقد ما أراه منطبقا على هذه الآليات. !!


هي بداية مشاركة إلي كاتبها بموضوع مستقل، لحتى ما نحمل موضوع غياب نسيبة أكتر مما بيحتمل عنوان (مشاركتي هو محاولة لنقد "آليات تفكير" في مجتمع متأخر.. )
بتمنى نكمل حوارنا فيها.. وفيها حاكي رأيي..
وبتمنى إنو ما يزعل مني البعض على العجالة السابقة..

شكرا إلك يا شنكول الملك على هل التلرحيب ونقاشك الموضوعي وبالمناسبة ca va bien merci

اخ شنكول ....معك حق يمكن انا استعجلت شوي وما فهمتها
عل مظبوط...
بس على كل انا اللي قلتو كلام صحيح
في مختلف الظروف والمواقف...
وبعتذر اذازعجت حدا لانو هدا اخر شي بتمناه
(او بالاحرى ما بتمناه طاول)
وشكرا...