بسم الله الرحمن الرحيم

لا أدري إن كان هذا الموضوع سيضاف إلى المواضيع الجدية التي يتجاهلها الأعضاء (على حد تعبير الأخ Evereve)... لكنني أحببت أن أوضح بعض الأمور..

- بصراحة كان الهدف من دخولي للمنتدى أن أعطي صورة لا بأس بها عن الإنسان الملتزم (ما أمكن ) لكن مع الأسف يبدو أنني فشلت فشلا ذريعا .. شكرا للأخ Evereve على تعليقه الذي شجعني على اتخاذ هذا القرار الذي كنت أؤجله...

أما عن عدم الجدية ..فما قصدت من ذلك إلا بعض التواقيع التي أزعجتني ...(و هذا رأي شخصي)

- لكن ما أحب قوله لكم في آخر موضوع لي أن الكثير منكم لديه فكرة سيئة عن الدين و عن المتدينين .. كنت أتمنى منكم أن تقفوا موقفا أكثر موضوعية و ألا تظلموا الدين .. كم تمنيت أن أساهم بتغيير هذه الفكرة لكن يبدو أنني زدت الأمر سوءا...

أعتذر من صورة الإنسان الملتزم التي ساهمت بتشويهها .. و أعتذر من اسم نسيبة المازنية الذي استعرته و ما كنت أهلا له .. و أعتذر عن كل كلمة أزعجت أي عضو ..يعلم الله أنني ما قصدتها ...

بالنسبة للأخ سنفور شكرا لك جزيلا لأنك استبدلت أخيرا كلمة زميلة و صديقة بكلمة أخت .. سررت بذلك كثيرا و كنت أتمنى أن أقول لك أن تستغفر لوالدتك لأنه ينفعها حيثما كانت ...لكن خشيت من ردة فعل عنيفة ....

كل ما بقي لي هنا جزء من موضوع الطاقة البشرية سأكمله إن شاء الله ( حتى و إن لم يقرأه أحد ) ....

أستودعكم الله يا طلاب الطب ... قد أعود يوما ما .. لكن ذلك لن يكون حتى أثق تماما بأنني سأعطي صورة جميلة عن الإسلام ....

بالتوفيق للجميع

أخت نسيبة أكيد اذا بقيتي بالمنتدى رح تكوني مفيدة أكتر من غيابك.... و في مثل بيقلك( وحده من لا يعمل لا يخطئ)...

و بالنسبة إلي أنا معك حتى آخر رمق.......

و السلام....

السلام عليكم
الأهم يا أخت أن لا تتوقفي عن الدعوة لدين الله فهذه مهمتنا في الحياة
وإن وجدت أن مضمارك ليس هنا فابحثي عنه
وأذكرك بأن رسول الله لما ترك مكة وهاجر إلى المدينةلم يكن لسوء منه أو عدم صحة دعوته
ولكن هاجر لسوء من لم يسلم من أهل مكة وإعراضهم عن الحق
فالدعوة الدعوة
هذا هو رصيدك الباقي
واعلمي أنك ستحاربين وتبغضين
كيف لا وقدوتك وإمامك نبينا محمد قد قاسى من ذلك الكثير
ننتظر أخبارك المشرقة
مع الدعاء لك بالتوفيق من الله عز و جل والسلام عليكم ورحمة الله وباركاته

المشاركة الأصلية بواسطة نسيبة المازنية

[لكن ما أحب قوله لكم في آخر موضوع لي أن الكثير منكم لديه فكرة سيئة عن الدين و عن المتدينين .. كنت أتمنى منكم أن تقفوا موقفا أكثر موضوعية و ألا تظلموا الدين[/b]

ما بعرف اذا وصلت متاخر يا زميلة نسيبة او اخت نسيبة(متل ما بتحبي) مع انو ما بعتقد انو رابط الزمالة أقل قدسية من رابط الاخوة لأنو نحنا كلنا طلاب علم والعلم بيربط بيننا جميعا
بس انا برايي انو كلامك خطأ,لانو ما في مسلم في بقلبو ذرة اسلام ممكن يكون اخد فكرة غلط عن دينو
مين قلك انو نحنا اخدين فكرة سيئة عن الدين والمتدينين
يعني شلون طلعت منك هالجملة,ما بعرف
شو قالولك انو نحنا بنكره ديننا لا سمح الله
ما بعرف شو بدي رد عليكي
بس الله يسامحك
يعني معقول نكره ديننا وناخد عنو فكرة سيئة,شو قالولك عنا كفار
بس نحنا اخدين فكرة سيئة عن اللي بيدعو الدين وبيتشددو فيه لأنو الدين عمرو ما كان متشدد والدين دائما صح وديننا دين اعتدال وتوسط,وهدا بيفرق كتير عن التهمة اللي وجهتيلنا ياها
بعدين ما في احلى من الشب او الصبية المتدينة,بس بين قوسين(شو قصدك بالمتدين؟) هل قصدك الشخص اللي ما بيضحك لحدا وعطول ضارب بوذ وماشي,وللا هل قصدك على اللي بيجادلوكي بكل شغلة وبيعملو حالن احسن منك,وللا قصدك على اللي بيدعو شي بوشك واذا خلوا الى شياطينهم قالوا انا معكم,وللا قصدك عن المتدين الصح اللي بيحب الناس وبيحترمن وبتلاقي بيخلي الواحد يشتهي يتعامل معو ويحكي معو.
نحنا ما عم نظلم الدين,بس امثال هدول هني اللي عم يظلموه ويشوهو صورتو أو بالاحرى عم بيحاولو يشوهوها,بس ابدا ما رح يحسنوا,بتعرفي ليش؟؟؟؟لأنو نحنا واثقين بديننا وواثقين بصوابو وصحتو ومتأكدين و بنقدرو حقو,مو متل ما انت مفكرة,يعني تماما عكس نظريتك
لذلك اتطمني يا اخت نسيبة,نحنا بنحب ديننا فوق ما بتتصوري ومو اخدين صورة غلط عن ديننا لأنو ديننا ارقى من انو نقول هيك حكي عليه,لأنو ديننا بيحاكي العقل والروح
وما بظن انو على المنتدى عم نقوم باشياء بتسيئ لديننا ولو بشعرة,واذا حدث هدا الشي فأكيد بدون قصد مننا
فلا تعتقدي انك بتحبي الاسلام اكتر مننا لانو رح تكوني غلطانة كتير,لأنو ربنا اللي بيعرف اللي في النفوس
واخيرا بدي قلك انو مكان الايمان بالقلب,وعمرو الايمان ما كان بالمظهر الخارجي والادعاءات
ومرة تانية:الله يسامحك على اللي قلتيه
ونصيحة صغيرة:عمرو ما كان الاستسلام وسيلة للمواجهة وتغيير الواقع لأنو الاستسلام اذا دل على شي فبيدل على يأس وضعف ايمان وتوكل على الله