صدور قانون الضمان الصحي خلال أشهر..!
3% اشتراكات العاملين .. مقابل 6% على الدولة

تعتزم وزارة الصحة أخيراً إعتماد قانون الضمان الصحي بعد إطلاق التجربة الميدانية للمشروع في ثلاث محافظات( الرقة – درعا – اللاذقية ) في إطار تقييم ودراسة سلبيات القانون وإيجابياته تمهيداً لصدور مطلع العام المقبل.
وقال مدير التخطيط والتعاون الدولي في وزارة الصحة الدكتور محمود بشاش " لسيريانيوز " : إن مشروع قانون الضمان الصحي توصل أخيراً إلى الصيغ المناسبة التي ركّزت على اعطاء دور كبير للقطاع الخاص في التأمين الصحي في سورية، وتحديث التشريعات بحيث تراعي الجهة القادرة على تحمل كلفة الريعية الصحية،لافتاً إلى أنّ القانون لن يطرح للمناقشة في مجلس الشعب إلاّ بعد الإنتهاء من التجربة الميدانية في المحافظات الثلاث وذلك لجهة دراسة سلبيات القانون وإيجابياته ، مشيراً في الوقت نفسه إن إختيار المحافظات الثلاث جاء لأسباب إقتصادية وإجتماعية وصحية .
هذا وينظر المشروع إلى الشرائح الإجتماعية كاملة محدداً نسبة اشتراكات العاملين في الدولة بـ 3% في مقابل 6% تساهم بها الدولة علماً أنّ عدد العاملين في الدولة يمثل 1.200 مليون عامل ، بينما يبلغ عدد المتقاعدين نحو 430 ألف متقاعد ، وتشكل الصحة 5% من دخل الفرد السوري .
ويسعى المشروع إلى تحسين جودة الخدمات الصحية وتطوير معايير الجودة وتحقيق شمولية أفضل للمواطنين.يذكر أن العمل يتم حالياً على تأسيس البنية الإدارية ونظام العقود وبطاقات الإشتراك فضلاً عن تهيئة فريق الخبراء والفنيين علماً أن مشروع القانون ينفّذ بالتعاون مع منظمة الصحة العالمية والإتحاد الأوروبي .

أمل السبط : سيريانيوز 5/9/2006

اعطاء دور كبير للقطاع الخاص
وتحقيق شمولية أفضل للمواطنين

هاد أهم الشي ... وياريت يتحقق

نظام أروع من الروعة نفسا بس هل رح يتحقق متل مو محققته كندا مثلاً ؟؟؟
أشك بهالشي

just about time

ياشباب، الضمان الصحي شغلة رائعة إذا تتنفذ كما يجب، على ان يدفع المريض جزء و لو بسيط من التكلفة في كل مرة يزور فيها المشفى او الطبيب. لأنه النظام الصحي الحالي سيء جدا. طبعا ليش لازم يدفع المريض ولو جزء بسيط مثلا 15-20%، لأنه هلأ بعض الناس بيروح على المشفى من شان يتسارن وبيقلك ببلاش بدي اطمن على حالي. على قولة الشي إللي ببلاش كتر منو، ولما الدولة بتفع كلشي مارح حدا يهتم من الكادر الطبي حتى الأطباء، بس لما بيكون في شركات تأمين رح يسألو الطبيب ليش هيك وصفت و ليش هيك شخصت، وبالتالي سوف ينعكس وجود شركات تأمين صحي من المفترض ان ينعكس بشكل ايجابي على الوضع الصحي العام.

بس الله يستر، نحنا عنا كل شي غير شكل غير كل العالم.

المشاركة الأصلية بواسطة kakkoi

ياشباب، الضمان الصحي شغلة رائعة إذا تتنفذ كما يجب، على ان يدفع المريض جزء و لو بسيط من التكلفة في كل مرة يزور فيها المشفى او الطبيب. لأنه النظام الصحي الحالي سيء جدا. طبعا ليش لازم يدفع المريض ولو جزء بسيط مثلا 15-20%

يدفع ؟؟
مو كأنو أنت قلت أنو الضمان الصحي شي كويس ؟؟

المشاركة الأصلية بواسطة kakkoi

، لأنه هلأ بعض الناس بيروح على المشفى من شان يتسارن وبيقلك ببلاش بدي اطمن على حالي. على قولة الشي إللي ببلاش كتر منو، ولما الدولة بتفع كلشي مارح حدا يهتم من الكادر الطبي حتى الأطباء،

بدي أسألك سؤال
يعني الواحد ما بيحقلو يتطمن على حالو ؟؟؟ إلا لبين ما يوقع الفاس بالراس لحتى يروح و يكتشف انو في معو مليون علة ؟؟؟
هي هون بكندا , الكل عندو فحوصات دورية ... أكيد مو تتحول الشغلة لسيران , بس في الك موعد لفحص دوري و فيك تتأكد من سلامة جسمك خلالو.
و ما أكثرها واحد راح ع أساس بدو يعمل عملية و حلل دمه و اكتشف أنو معو سرطان دم !!
لأ يا سيدي , خلي المريض يجي و يفحص حاله , وين المشكلة ؟؟
و خلينا نحنا كسبانين .... مريض ببلاش أنت ليش زعلان يا زلمة ؟

المشاركة الأصلية بواسطة kakkoi

بس لما بيكون في شركات تأمين رح يسألو الطبيب ليش هيك وصفت و ليش هيك شخصت، وبالتالي سوف ينعكس وجود شركات تأمين صحي من المفترض ان ينعكس بشكل ايجابي على الوضع الصحي العام.

بس الله يستر، نحنا عنا كل شي غير شكل غير كل العالم.

إذا بدك شركات تأمين معناتا بدك ترجع تدفع المريض أضعاف مضاعفة و رح يصير الوضع أزبل من قبل.
لأ , خلي الدولة تاخد ضريبة خفيفة دورية مو متل اللي قلتا 15-20% ع كل جية ... هاد هوو الضمان الصحي الحقيقي...لأنو افترض اجاك مريض منتوف بدو عملية زرع كلية, إذا رح تاخد منو 15 - 20% رح تبهدله
بس خلص , خود من الكل ضريبة خفيفة شي 100 ل.س من كل مواطن بأول كل شهر رح يصير عندك رصيد مالي ممتاز لتغطية كل المواطنين المصابين بأمراض لأنو 100 في 18 مليون رح يصيرو مليار و 800 مليون شهرياً, يعني أحلى تغطية مادية للنفقات الطبية لكل المصابين.
و خلي شعبنا يتنعم بصحة جيدة و يكون دكاترتنا متكافئين بالفرص.

شكرا ammour444 على التعليق على مشاركتي

المشاركة الأصلية بواسطة ammour444

يدفع ؟؟
مو كأنو أنت قلت أنو الضمان الصحي شي كويس ؟؟

المشاركة الأصلية بواسطة ammour444

إذا بدك شركات تأمين معناتا بدك ترجع تدفع المريض أضعاف مضاعفة و رح يصير الوضع أزبل من قبل.
لأ , خلي الدولة تاخد ضريبة خفيفة دورية مو متل اللي قلتا 15-20% ع كل جية ... هاد هوو الضمان الصحي الحقيقي...لأنو افترض اجاك مريض منتوف بدو عملية زرع كلية, إذا رح تاخد منو 15 - 20% رح تبهدله
بس خلص , خود من الكل ضريبة خفيفة شي 100 ل.س من كل مواطن بأول كل شهر رح يصير عندك رصيد مالي ممتاز لتغطية كل المواطنين المصابين بأمراض لأنو 100 في 18 مليون رح يصيرو مليار و 800 مليون شهرياً, يعني أحلى تغطية مادية للنفقات الطبية لكل المصابين.
و خلي شعبنا يتنعم بصحة جيدة و يكون دكاترتنا متكافئين بالفرص.

ولسا عند كلامي، بس مين قال انه الضمان الصحي هو انه يكون العلاج ببلاش 100%؟؟
الضمان الصحي هو انه وقت اللي بتمرض بتقدر تلاقي رعاية صحية جيدة و صحيحة و بسعر مقبول. بيقدر عليها كل الناس.
الضمان الصحي انه تدفع لشركة تأمين شوية مصاري كل شهر من شغلك، و الشركة رح تدفع حوالي 80-85% من مصاريف المشافي والأطباء و العمليات و تضمن حقك بأنك تاخذ رعاية صحية جيدة. مو تتبهدل بالمشافي و يخربطو معاك و يعملولك عملية انت مالك لازمها، و الكل يتنتر فيك. ومايكون في نظافة و تدخل على المشفى من شان عملية زائدة يقوم يطلع معك اتهاب الكبد c أو b و إلى اخره. والكل بقلك ببلاش ما بيطلعلك تحكي.
حتى بنظام التأمين الصحي شركة التأمين رح تدفع 80-85% من تكلفة الطبيب بعياده او المشفى الخاص. يعني انت دائما معك بطاقة و رقم و بتقدر تروح على اي مكان وانت مطمن انه في حدا رح يدفع عنك وقت الحاجة. وبتقدر تروح على المشافي العامة والخاصة و عيادات الأطباء و مالك مضطر تستنى بالدور لعملية في مشفى عام و يمكن يكون رقمك 4785 يعني ممكن تسنى شي سنة و تموت وتشبع موت.
وقت اللي الناس بتدفع للمشافي الخاصة والعامة والأطباء اجر جيد طبعا عن طريق التأمين الصحي، هذا رح ينعكس بشكل ايجابي على مستوى الرعاية الصحية.
هلأ رح ترجع و تقلي طيب ليش لازم الشخص يدفع من 15 -20 %؟ رح اجاوبك كالتالي: لأنه مثلا إذا انت بدك تروح على مشفى خاص و في كتير مشافي و الأسعار مختلفة. فإذا انت مارح تدفع شي رح تروح على المشفى الأغلى وكمان نفس الشي بالنسبة لعيادة الطبيب. من شان هيك انت وقت اللي بتفع جزء رح تعرف حالك انك رح تدفع اكثر إذا رحت على المشفى خمس نجوم، و رح تكون واقعي وتختار المشفى حسب فعلا ما بتحتاج وقدرتك و ما نبالغ في زيارة الأطباء و تروح على المشفى العام فيقولك ما معك شي شو رأيك نشلك الزائدة الدودية لأنه ممكن بالمستقبل تعملك مشكلة. وبيرجعو بيقولولك انت دافع شي من جيبتك كل شي ببلاش.
لمعلوماتك معظم الناس لما عم تروح على المشفى العام اللي ببلاش و يسمعو انه لازم يستنو على الدور لمدة سنة او سنتين في بعض انواع العمليات مثل عمليات القلب المفتوح، رح يروحو و يبيعو البيت و يديننو ويدفع مئات الآلاف للمشافي الخاصة ويعملو العملية و يخلصو. فما كتير تفرح على التأمين الصحي اللي عنا. ومثال تاني بتروح على المشافي العامة او الخاصة وبيقوللك هذا الدوا مو متوفر عنا اشتريه من برا، رح تطلع و تتدين مصاري من شان تشتريه و الدوا عادة بيكون غالي. انا نسيت اقلك انه بالنظام اللي انا عم احكي عنو بيشمل الدوا يعني الصيدليات.

المشاركة الأصلية بواسطة ammour444

بدي أسألك سؤال
يعني الواحد ما بيحقلو يتطمن على حالو ؟؟؟ إلا لبين ما يوقع الفاس بالراس لحتى يروح و يكتشف انو في معو مليون علة ؟؟؟
هي هون بكندا , الكل عندو فحوصات دورية ... أكيد مو تتحول الشغلة لسيران , بس في الك موعد لفحص دوري و فيك تتأكد من سلامة جسمك خلالو.
و ما أكثرها واحد راح ع أساس بدو يعمل عملية و حلل دمه و اكتشف أنو معو سرطان دم !!

هلأ بتمسي روحة بعض الناس على المشفى من شان يكسبو شي صورة شعاعية او شي دوا ببلاش فحص دوري.

المشاركة الأصلية بواسطة ammour444

لأ يا سيدي , خلي المريض يجي و يفحص حاله , وين المشكلة ؟؟
و خلينا نحنا كسبانين .... مريض ببلاش أنت ليش زعلان يا زلمة ؟

على فكرة مستغرب انه هالحكي عم يطلع من طالب طب. بطريقة التفكير هي مارح يتقدم الطب عنا أبدا.

بالنهاية بدي اقلك انه انا الشي اللي عم احكيلك عنو مطبق في معظم الدول المتقدمة. كل الناس عندها بطاقات صحية و معتمدة على شركات التأمين.