إخوتي و أخواتي
بعد انقطاع طويل عنكم و عن مشاعركم الرقيقة
أتيتكم اليوم طامعاً بهذه الخدمة الصغيرة

أحد أقاربي صحفي سوري ...... و يدعي أنه يكتب الشعر الحديث ( التفعيلة )
و لما كنت أنا من أعداء هذا الـ؟؟؟؟؟
فقد اتفقت معه على أن تقوموا أنتم بالتقييم ( كونكم من الشريحة الأولى التي ستقرأ هكذا أشعار )
أرجو التعبير عن القصيدة ؟؟؟؟؟!! بمنتهى الموضوعية
أنتم الحكم في نشر هذه القصيدة من عدمها



هـــــــــذا أنـــــــا
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
لأنني لا يمكن أن أكون سماء" بلا قمر ..
أو بستانا" بلا ربيع وشجر ...
أو حصانا" بلا سرج ...
أو ليلا" بلا ضوء ..
أو موسيقا بلا ألحان ..
أو صحفياً بلا قلم ...
أو قلماً بلا دفتر ...
أو دفتراً بلا أسطر ..
أو أسطراً بلا كلمات ....
أو كلماتٍ بلا حروف ...
أو حروفٍ بلا معنى ...
أو معنىً بلا هدف ..
أو هدفاً بلا طموح ....
أو طموحاً بلا عزيمة وإصرار .
أو إصراراً بلا إرادة ..
أو إرادةً بلا روح ..
أو روحاً بلا نُوّار ..
****************
لهذا أنا عاشق
مجرد عاشق
يعشق الدنيا لأنك فيها
وفيها حب وعذاب
عذاب الحبيب مر وعلقم
والعلقم هو الأمر من المر
والأمر من المر هو غيابك عن ناظري
وناظري يدرك مأساتي
ومأساتي بدأت بمرساتي
ومرساتي رست على شاطىء حبك
وحبك يأخذني الى الهوس فيك
ومن فِيك أستقي حناني
و حناني لك أنت
وأنت أمي وحبيبتي
وحبيبتي قاتلتي
وقاتلتي حبيبتي
وحبيبتي طفلتي
وطفلتي حبيبتي
وحبيبتي أميرتي
وأميرتي حبيبتي
هكذا القدر
والقدر مشيئة القادر
والقادر يعرف أني أحبك
وحبك مدفون في قلبي
وقلبي ينبض باسمك
واسمك الرنا
و الرنا في السنا
والسنا في روحي
وروحي أمانة في قلبك
وقلبك إن لم ينبض بحبي
نبضُ قلبي يتوقف ......

مع احترامي لكل موهوب ...

إلّا أنّ القصيدة سيئة ... وعيوبها:

- لا يوجد فكرة جديدة ..
- لا يوجد صور ولا بلاغة
- مجرد صف للكلمات بوزن ما
- تغيب الموسيقى الشعرية بشكل مقيت

وأخيراً وأنت تعرف فكرتي يا أبو العون

ليس المهم الشكل سواءً أكان الشعر عمودياً (شطرين) أو شعر تفعيلة
المهم هو المضمون بكل تأكيد

لك تحياتي ولصديقك ...
انصح صديقك بالقراءة لمن يطمح أن يكون مثله
وقل له أنّ الأسد هو خراف مهضومة

أبو العون مستغرب كيف أصلا بتطرح هيك قصيدة
يعني والله ذوقك الشعري مابيشكي من شي
كان فيك تجنبو لررفيقك ردود انت مسبقا متأكد منها
ولا انت بدك هيك

هي الـ.. !!!!.. ؟
أنا بحترم كاتبها.. بتعبر عنه، وكل واحد بعبر بطريقته يلي.. بتعبر عنه..
سواء كاتبها.. كان كاتبها لحتى يعبر عن حاله،.. (أحيانا الواحد ممكن يكتب شغلة من شان يعبر عن غيره، وهي القصيدة ممكن تكون من هي النوعية..) أو متل ما وضحت بين القوسين.. من شان التعبير عن غيره بطريقة تبينه إنه فش كتير.. فبكمل الجملة.. بتعبر عن يلي كاتبها.. وأنا بحترم يلي كاتبها لأنه هيك هو.. وهيك بعبر عن حاله.. وهيك.. بدو يعبر عن حاله..
بس هلا.. يا أبو العون.. واحد ممكن يطول دقنه.. ويمسك بطحة نبيد بإيده.. طيب بتقول عنه.. شوفو أهل الدقون شوفو..!؟ ما بصير.. هدا واحد بعبر عن حاله.. (هلأ الأبشع.. يكون متل قبل شوي.. يكون هدا الواحد.. رايد يعبر عن غيره.. ويشوه صورة غيره.. فطول دقنه وشال بطحة.. بتصير ولا ما بتصير؟ ؟) ...
بتصير..

إذا.. هي ال... يلي ناشرها.. ما فيه الواحد ياخد منها شي.. غير إنو.. هي هيك..
يعني هي هيك.. ونقطة,..
بس بدك تستنتج من هي ال.. إنو التفعيلة ما منيحة.؟؟
ما بصير..

على الرغم من اني أقل معرفة شعرية من سنفور وشنكول

بس ما حسيت انو هدا شعر ولا حتى نثر

آسف بس هدا رأيي

أنا بفهم بالشعر متل ما بيفهم الجبل بالرياضيات

بس مع هيك بفكر أكتر من مرة قبل ما سمي المكتوب فوق ( شعر )

تحياتي

مجرد خاطرة . ...

شكراً جزيلاً لجميع الإخوة الأعزاء
حتى الآن أظن أن الأمور لا تحتاج لشرح
و لكن لتصفية النوايا : أريد أن أقسم لحبيبي سنفور أن القصيدة ليست لي

يا سنفور الغالي....
أنا أحب شعر نزار مثلاُ لكنني أكره شعر التفعيلة
كلنا مؤمنون بأهمية الإنسان و فكرته و حصيلة تجاربه المسماة ( كتابات و آراء )
لكن من الغباء أن يعتقد أحد ما بأنني غبي لدرجة أن أخترع فكرة مشوهة طمعاً بتشويه مبدأ ( الأفكار )
صدقني الأمر هو الثاني
فالرجل مصر أنه صحفي و شاعر ...... و الله العظيم لقد أصلحت الأخطاء الإملائية و النحوية قبل أن أعرضها

صدقوني هذا حال الشعر
لقد أصبح للتكسب..
لكم سلامي و جزيل شكري..