جديد الإبداع السوري لرمضان 2006:
يدور هذا النقاش حول جديد الإبداع السوري لرمضان 2006: في قسم اجتماعيات في الملتقى الطبي السوري; المشكلة أن تقييم الموضوع من حيث إلى أي قسم ينتمي ما كتير بكون واضح .... لأن أي موضوع سينتمي إلى عدة أقسام بنفس الوقت مهما كان ... ويبقى للكاتب حرية
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | من هم الأشخاص الواجب التحري عن إصابتهم بالتهاب الكبد B : | القرحة القلاعية Aphthous Ulcers |
| تخفيض خدمة العلم إلى 21 شهرا اعتبارا من بداية 2009 | ||
 |
| | LinkBack | أدوات الموضوع |
Sep, 10 2006, 16:14
| |||
| |||
| جديد الإبداع السوري لرمضان 2006: المشكلة أن تقييم الموضوع من حيث إلى أي قسم ينتمي ما كتير بكون واضح .... لأن أي موضوع سينتمي إلى عدة أقسام بنفس الوقت مهما كان ... ويبقى للكاتب حرية إختيار مكان موضوعه .... يعني شنكول ما اقتنع بنقل موضوع الحب في المنتدى النفسي للإجتماعيات ... ياترى متل موضوعي الآن ضروري ينحط بمنتدى الثقافة أو الفن ؟... طيب أنا بشوفه موضوع إجتماعي بحت مع أنه يتكلم من ناحية فنية ... [خالد بن الوليد] تاليف :عبدالكريم ناصيف المخرج :محمد عزيزية قصة حياة سيف الله المسلول سيدنا خالد بن الوليد بطولة : باسم ياخور ونخبه من نجوم الشاشه [على طول الايام] تاليف :فادي قوشقجي المخرج :حاتم علي يناقش مجموعه من الشباب الذي يربطهم تاريخ دراسي ودرامي مشترك ثم تفرقهم دروب الحياة بطولة :أيمن زيدان، سمر سامي، سلاف فواخرجي، تيم حسن، جلال شموط، نسرين طافش، عبدالمنعم عمايري، حسن عويتي، عزة البحرة، ندين سلامة، خالد تاجا، أنطوانيت نجيب [مرايا 2006] تاليف:نورالدين الهاشمي اخراج:هشام شربتجي لوحات كوميديه ناقدة بطولة: ياسر العظمه و سلمى المصري , روعه ياسين , ليليا الأطرش و غيرهم [المارقون ] تأليف:عشرة كتاب من بلدان عربية إخراج:نجدت أنزور ويتابع عبرالمسلسل معالجة موضوع الإرهاب التي كان بدأها في الحور العين بطولة:الكثير من نجوم الشاشه منهم منى واصف وجلال شموط وقيس الشيخ نجيب وعبير شمس الدين [أبناء الرشيد] تأليف:غسان زكريا اخراج: شوقي الماجري والعمل تاريخي ويتناول حياة الأمين والمأمون ابني الخليفة هارون الرشيد، ويركّز على بغداد التي كانت مركز الخلافة العباسية في عصر الأمين والمأمون. بطولة :رشيد عساف، وعبدالمنعم عمايري، صبا مبارك، بالإضافة لمشاركة الممثلين القديرين خالد تاجا ورضوان عقيلي وعدد كبير من عناصر سورية وأردنية. [باب الحارة] تأليف:محمد مروان قاووق وكمال مرة اخراج:بسام الملا والمسلسل عبارة عن دراما اجتماعية شامية تدور احداثه في العشرينيات من القرن الماضي ويسلط الضوء على مناخ الحياة الاجتماعية الدمشقية والقيم النبيلة والعادات والتقاليد لهؤلاء الناس بطولة:رفيق سبيعي، صباح الجزائري، سليم كلاس وبسام كوسا، عباس النوري، وغيرهم [كل شي ما شي] تاليف:فادي غازي اخرج:سالم الكردي يعتمد مسلسل “كل شي ماشي” على النكات المضحكة، ويجمعها من الكتب المتخصصة والذاكرة الشعبية، ليحوّلها إلى لوحات كوميدية تثير الضحك وتقدّم العبرة .وفي العام الماضي عرض الجزء الأول ونال متابعة جماهيرية واسعة، وهذا العام تتكرر التجربة ليأتي الجزء الثاني مشيراً إلى نضوج التجربة، ومستفيداً من ثغرات الجزء السابق.. بطولة:فادي غازي , عبير شمس الدين , سوسن ميخائيل و اخرين [فسحة سماوية] تأليف:ميا الرحبي اخراج:سيف الدين سبيعي المسلسل دراما اجتماعية تعالج قضايا المرأة والشباب من خلال التعرض إلى همومهم ومشكلاتهم بمختلف شروط الحياة التي يعيشون بطولة:رفيق سبيعي،سلافة معمار وفاء موصللي، منى واصف، عبير شمس الدين، ميلاد يوسف، ومحمد علي جمعة من تونس [الوزير وسعادة حرمه] تأليف:محمود الجعفوري اخراج:سامر برقاوي مسلسل العمل الاجتماعي الكوميدي بطولة: شكران مرتجى أيمن زيدان [غزلان في غابة الذئاب] تأليف:فؤاد حميرة اخراج:رشا شربتجي ويتناول المسلسل حياة الشريحة الفقيرة في المجتمع وكيف تحاول الخروج من واقعها، كما يعرض العمل نهاية الفقير الذي يحاول الخروج من واقعه بطرق غير مشروعة. بطولة:امل عرفه جهاد سعد خالد تاجا، سلمى المصري، أيمن رضا، نادين، عبدالحكيم قطيفان [وشاء الهوى] تأليف:يم مشهدي اخراج:زهير قنوع المسلسل يتلمس حياة الشباب الجامعي وواقعهم من خلال الحياة الدراسية أو بعـد تخرجهـم مـن الجامعـة، ويدخل العمل في عمق المتغيرات الاجتماعية التي طرأت على حياتنا في سؤال الغد وماذا يأمل منه الشباب بطولة: كاريس بشار باسل خياط وأمل عرفة ونضال نجم ورنا أبيض، كما يشارك فيه نجوم مثل منى واصف وخالد تاجا وغيرهم [الواهمون] تاليف: فتح الله العمر، اخراج:سمير حسين وهو دراما انسانية تعالج بعمق قضيتين مهمتين في حياتنا المعاصرة، وهما علاقة العلم بالأخلاق، اذ لا قيمة للعلم من دون وازع من أخلاق وأهمية ترسيخ القيم والمبادئ لدى الناشئة في ظل العولمة بطولة: بسام كوسا، سلاف فواخرجي، فاديا خطاب، رضوان عقيلي، ثناء دبس، قيس الشيخ نجيب، زهير عبدالكريم، رنا الأبيض، عزة البحرة، جهاد عبدو، دينا هارون، وائل رمضان وتولين البكري ونخبة من الممثلين. [أسياد المال] تأليف:هاني السعدي إخراج: يوسف رزق مسلسل أســـياد المـــال درامــا اجتماعيـة ترصد عالم رؤوس الأموال بكل ما تنطوي عليه من تناقضات ومعارك لجني المال وما يخلفه ذلك من تبعات على حياتهم وظروفهم العائلية والخاصة بطولة:سليم صبري، نادين، رنا جمول، أيمن رضا، باسم ياخور [أحقاد مخفيه] تأليف:يوسف عرعور اخراج: مروان بركات مسلسل درامي اجتماعي بوليسي يبحث في العلاقات الانسانية القائمة بين الناس وخاصة الأقرباء والأصدقاء، .. بطولة: بسام كوسا، ونادين، وكاريس بشار، وقصي خولي، وسلافة معمار، وعارف الطويل، ويارا صبري، وعبد الحكيم قطيفان، ونسرين طافش، وباسل خياط، ورنا جمول، وسليم صبري، ونبيلة النابلسي وآخرين [لا مزيد من الدموع] تاليف:منى صندوق اخراج:محمد العوالي العمل يطرح سؤال الماضي وآثاره الحالية والمستقبلية من خلال سؤال عريض: هل يحق للمرء أن يحاسب آخر على ماضيه بطولة : وائل رمضان فاديا خطاب، طلحت حمدي، يارا صبري، وفاء موصللي، عبد الهادي الصباغ، فيلدا سمور، رافي وهبي. [الملاك الثائر] تأليف: نهاد سيريس، اخراج:فردوس أتاسي، عن حياة الكاتب الأديب جبران خليل جبران، والفترة التي سبقت ولادة جبران ورحلته من لبنان إلى بوسطن والمصاعب التي واجهته في صغره بطولة:سوزان نجم الدين جانب عدد من الفنانين السوريين واللبنانيين [سفير فوق العادة ] تأليف: حسن م إخراج:سيف الدين سبيعي والعمل يتناول واحداً من ملفات المخابرات السورية في الخمسينيات،، بطولة:ايمن زيدان كامل نجمة خالد تاجا وسلاف فواخرجي وحسن عويتي ورامي حنا وسلافة معمار، وغيرهم. [صدى الروح] تاليف: حافظ قرقوط اخراج:محمد الشيخ نجيب العمل الاجتماعي حيث يتناول نظرة المجتمع السلبية للمريض نفسياً على أنه مختل عقلياً وإبراز كيفية التعاطي مع هذا الوضع. . بطولة: بسام كوسا، باسل خياط، رامي حنا، سمر سامي.. وآخرون [مشاريع صغيرة ] تأليف:ممدوح حمادة إخراج:المثنى صبح يتناول المسلسل نموذج لأسرة كثيرة العدد مات الأب في مرحلة مبكرة فوقع العبء على الابن الأكبر ويتناول العمل هذه الأسرة في مرحلة نضوج الأبناء، بطولة:سلوم حداد ومرح جبر ومنى واصف وخالد تاجا وعبد المنعم عمايري وأناهيد فياض ورنا جمول وآخرين. [بوابة الصالحية] تأليف: قمر الزمان علوش إخراج:بسام سعد عمل اجتماعي دمشقي بامتياز للمخرج بسام سعد ويحكي عن فترة زمنية تمتد من 1948 - 1967 وتجري الاحداث في حي الصالحية الدمشقي الذي كان ايامها ماوى وملجأ آمناً للمجاهدين والنازحين من البلقان إلى الشيشان مرورا بارمينية بطولة:مل عرفة وباسل خياط وخالد تاجا ومنى واصف وغيرهم. [سرايا الظلام] تأليف:- إخراج:- مسلسل درامي اجتماعي سياسي ننتجه لمصلحة تليفزيون أبوظبي، ويخوض في بيئة وجذور تشكل ظاهرة العنف متناول الأحداث الأخيرة التي شهدها الأردن والسعودية ومصر من خلال مجموعة قصص وحكايات تدور في بقاع مختلفة على مساحة جغرافية واسعة ، بطولة:سلوم حداد عابد فهد وسولاف فواخرجي وعبدالاله السناني ونواف الجابر ومجموعة من الفنانين السعوديين [الهشيم] تأليف:عبدالمجيد حيدر اخراج:بسام سعد يعتمد مسلسل على نص اجتماعي معاصر ويطرح من خلاله الظروف التي تسبق الجرائم عادة وافتقاد كل جريمة للتكامل والنجاح النهائي، بطولة:رشيد عساف ونخبه من النجوم ما قدرت أعرف إذا حاتم علي أخرج مسلسل سقوط غرناطة ولا لأ ... المقالات اللي بتذكره قديمة ... دائماً بتكون أنه على وشك إخراجه ... ومافي شي جديد عن هذا الموضوع ....بتمنى يكون أخرجه وإذا ما فضي فعندنا شي يعوض هالسنة وهو مسلسل خالد بن الوليد بتوقعه يكون خيلة متل الظاهر بيبرس السنة الماضية ... في مسلسلات تانية سمعت عنها وغير مذكورة هون ما بعرف ليش ... فعلاً عمنشوف قفزات وتطور كل سنة عن اللي قبلها بالنسبة للتقنيات والأفكار ... المشاركة مع الممثلين العرب والقدرات العالمية المميزة ... وبكرة ببين المسلسل الحلو.... المفيد الممتع بنفس الوقت من المسلسل التجاري الفارغ ... وإن شاء الله رح نعمل تصويت على الأفضل متل السنة الماضية ... تحياتي ....  |
|
#11
Sep, 11 2006, 23:01
| |||
| |||
| المشاركة الأصلية بواسطة Kliopatra أكثر شيء فعال في التأثير في المجتمع هو الإعلام ... وأهم شيء فيه هو التلفاز ... وأهم مافيه المسلسلات .. خاصة المتقنة والرائعة ... في كتير أفلام أو مسلسلات رائعة ونادرة لاتنسى ... راسخة في الذاكرة ..... وبتبقى بتأثر فينا حتى بعد فترات طويلة من حياتنا ... 
قراءة التاريخ ومعرفته والإستفادة منه في قراءة وفهم الواقع ... توسيع المدارك حول الحياة والتفكير بأمور لم يسبق أن فكرت فيها أو مشاهدت نفسك في شخصية ما بطريقة تدفعك إلى تغيير الكثير في شخصيتك وإهتماماتك ... كتبت من فترة طويلة موضوع عن التغريبة الفلسطينية وتأثيرها على الفلسطينيين أولاً وعلى العرب ... والأمر نفسه في كل المسلسلات الجميلة التي طرحت ... أحد التعليقات التي لن أنساها قال صاحبها بأنه أصبح يعشق اللغة العربية بعدما شاهد مسلسل نزار قباني ...التي لم يكن يحس بحلاوتها من قبل ... وأخص بشكر كبير لكل من عمل في بعض الأعمال الرائعة السنة الماضية : عصي الدمع ... ملوك الطوائف ... الظاهر بيبرس ... المشاركة الأصلية بواسطة Kliopatra لأ عادي ....شنكول عزيز علي حتى لو إختلفنا في بعض الآراء ... بس هيك من باب التذكير وطرح فكرة على الماشي ...
|
|
#12
Sep, 11 2006, 23:29
| |||
| |||
| السلام عليكم .. أخي وايز مان لا تنسى أن تأثير الصورة المرئية التي غالباً ما تكون مغيرة عن قصة الواقع مهما قال كاتبو السيناريو والمخرجون أنها تقارب الواقع فهي في الحقيقة تبعدك عنه ! عندما تقرأ كتاباً, ثم تقرأ كتاباً آخر في نفس المجال (ولنأخذ التاريخ مثلاً) تتأكد من الوقائع ويدفعك ذلك ذهنياً للتفكير فيما تقرأ وتحاول المقارنة بين المراجع.. وتخيل الصورة بنفسك كما تشاء ....... كل ذلك يضيع عندما تصبح الصورة ضمن مربع 21 بوصة  . يختفي عالمك الجميل وشخصياتك الرائعة ليظهر مثل "غسان مسعود" في مملكة السماء ويقول عن عمر ابن الخطاب -رضي الله عنه- I'm not like him بترفع (عندما قصد أنه ليس دموي مثله)  .ثم أن الشخصيات التي يضعها المخرج تكون على مزاجه هو, ولا تحاكي الواقع. أي أن أحداً آخر يفرض عليك خياله ويسرق خيالك. عندما يتحول الكتاب إلى مشاهد مصورة, يضطر المخرج كذلك إلى حذف وإضافات. ربما هذا الحذف -برأيه- غير مهم ولكنه في الواقع يفيد كثيراً, وربما الإضافات تكون كاذبة. أنا مع الكتاب ............ !!! ........... وضد التلفاز ويلي بدو يقلي: أنا عندي الديش 24 ساعة عالجزيرة ما بسدئو !! . ويلي بدو يقلي: لكان شلون بدنا نعرف شو عم بيصير بالعالم؟ ... هي أدامك الانترنيت وموقع الجزيرة. طلعوا على الأطفال بهالزمن ؟؟ عن شو ممكن يحكيلك؟ عن سوبر ستار ويغنيلك كل أغاني الدعايات والبوكيمون والوحوش الالكترونية الغازية. ................ طبعاً بالإضافة للمسلسلات كلها.مو حرام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ أنا شخصياً ما حاسمح لطفلي بمتابعة التلفزيون (لأن أصلا ما حدخلو عالبيت) لأنه يجلب الغباء. وبيعبي مخو بشغلات فاضية... أما بخصوص البرامج التعليمية والأفلام الهادفة , ففي اختراع اسمو دي في دي. كمان أنا ضد متابعة مباريات كرة القدم ......... بعرف شباب ورجال مهووسين بيقلبوا الديش من مباراة لمباراة وبيقعدوا بيسبوا وبيعصبوا وبيروحوا خلاياهون العصبية كرمال مبارات بين غفينيا وكوبا ...... ومشاكل عائلية وأطفال مشردين !!!!!!!!!!!!! .. لك مشان الله من كل عقلون بيحطوا عقلون بعقل طااااابة ؟ بيضيع العقل وبيضيع الرشد كرمال طابة ؟؟؟ أنا كمان مو ضد التسلية والترفيه. ممكن الإنسان يجيب فلم حلو يتفرج عليه دي في دي. لكن المسلسل بالذات بيخلي الانسان ينسى كل التزاماتو ويضحي بعلاقاتو ... كرمال بنفس الوقت كل يوم يكون مصمود أدام الشاشة. مع احترامي والسلام عليكم -------------- بحب ضيف أن رمضان فترة فقط 30 يوم ... شهر من أصل 12 بالسنة. لما ربنا بيعمللنا تنزيلات وسعر الأفعال الحسنة والعبادة فيه تزداد أضعافا أضعاف .................. مو حرام هالكام ساعة نقضيها بمسلسل ؟مسلسل (ساعة يوميا) = 30 ساعة بالشهر. يعني بدك تحسب أكتر من يوم كامل من أصل 30 يوم عمتقضيه هدر. كأنك عم تقصر يوم من رمضان من حياتك !!! مسلسلين = 60 ساعة 3 مسلسلات = 90 ساعة تخيلوا؟؟ هالوقت هدر هدر هدر |
|
#13
Sep, 12 2006, 00:11
| |||
| |||
| كليوبترا الشي اللي بيقدمه التلفزيون متلو متل أي شي تاني لما بتقري كتاب ممكن تكتشفي إن الكاتب تافه أو عبيستصغر بعقولنا أو عبيحرف الحقائق وإذا قلتيلي أنا بختار الكتاب وبكون عرفانه شو فيو من قبل ما اقراه ... بقلك وأنا بختار البرنامج التلفزيوني بدقة كمان المسلسل الاجتماعي متلو متل أي قصة اجتماعية والمسلسل التاريخي عبيقدم حقائق تاريخية مدققة غالبا وأنا برأي لازم نرفع قبعة لبعض البرامج التلفيزيونية الشعب اللي عمتحكي عنه فيو نسبة كبيرة ما بتقرا .... فالتلفيزيون عبيقدم خدمة تثقيفية جليلة ... والجميل إنها ترفيهية بنفس الوقت أنا مثلا أريان أعمال المتنبي كاملة وسيرة حياتو بس استمتعت أكتر لما شفت مسلسلو على التلفزيون وبتذكر في مجلة اردنية عملت استفتاء عن الزير سالم وحرب البسوس طلع النتيجة إنو 67% من شعبك اللي بيستخدم ((الزير سالم وحرب البسوس )) في أمثلة الشعية ما بيعرف عن القصة شي
 مومشان شي بس مشان ولادك  |
|
#14
Sep, 12 2006, 00:48
| |||
| |||
| الزميل نوبدي طيب نحنة شو بدنا بربات البيوت يلي ما بيعرفوا يقروا , بيقوموا طول اليوم بيقعدوا من مسلسل مكسيكس لمسلسل مصري لمسلسل سوري (طبعا شريحة معينة) والأطفال يلي من سبيس تون لكارتون نيتورك لقنوات (...) تانية .. كثير من الفتيات في عمري يلي بعرفون بطلوا من التاسع أو من البكالوريا وقاعدات لا شغلة ولا عملة بانتظار العرسان , كلشي بيهمهم هو شو في مسلسلات جديدة.انا ما بقول ان حامنع أطفالي من الترفيه, لا أبدا وحيتفرجوا على أفلام كرتون وبرامج لكن من بعد ما انا نقيهم ! الله يخليلنا الدي في دي. لا انا ما بقول ان بعرف كلشي بينكتب بالكتب, ولكن المسلسل بيعملك إدمان, وبيشدوا فيه وبيمطوا عكيفون. وبسبب قدومو بتوقيت معين انت ممكن تعمل أي شي لحتى ما تروح الحلقة. انا ضد هالشي هاد بالذات. مسلسل اجتماعي ؟؟؟ سوري ؟؟؟؟؟ مفيد ؟؟؟؟؟؟؟؟؟؟؟ ساعة ترفيه باليوم اوكي. ولكن مو ساعة ترفيه وساعة مسلسل ! بعدين ممكن الواحد يضل يترفه على مدار أسبوعين بعدين يبطلها أما المسلسل فصعب تبطلو. مع احترامي والسلام عليكم |
|
#15
Sep, 12 2006, 01:20
| |||
| |||
لك 70% من طلابنا ما بيقرو غير كتبهم الجامعية هدول كلهون التثقيف التلفزيوني بيبقى رحمة الهم .... وطبعا بيبقى قصة الاختيار الصحيح للبرنامج
وين المشكلة إذا ادمناه مع بقاء الانتقائية وبالنسبة للشط والمط لك حتى أجاثا كريستي لما بزمانو قريتلها وعلى الرغم من الحديث عن اسلوبها المشوق البعيد عن الملل .... بتشط وبتمط كأنو القصة علكة
... بس رح يعرفو قيمة الشي اللي عملتي بس يكبرو |
|
#16
Sep, 12 2006, 01:35
| |||
| |||
| نوبدي !! ..... طيب التاجر خليه يتفرج على مسلسل !! ... أبحنالو ... بس مو يكون عندو زبون يحلقلو كرمال يروح يتفرج على مسلسلو؟ الطلاب طيب ليه ما بيقروا ؟؟ من قلة وقت القراية ؟؟  بس كترة وقت لتفرج التلفزيون ومعرفة كلشي فيديوكليبات جديدة نازلة ؟حرااااااام نجيب محفوظ يتثقف عليه الواحد بمسلسل !!!!!!!! حرااااااااااااااااااااااا اااااااام أو جبران .........................................  ...لكان مين بدو يضل عنا يتذوق الأدب ؟زميلي نوبدي  انا زعلانة على ابو الولاد أكتر ....... لان حابعتلو يتفرج على المباريات ببيت أهلو ! عكل حال ما رح يكرهوني ....... لأن ما رح يكون في عندون وقت ليكرهوني ........ ! وبعدين الطفل كيف ما انت حطيتو حيسير, ومافي طفل بيكره أمو لتصرف معين أو نمط حياة فرضتها عليه. ممكن يكرهوا وهنة كبار ههههههه بس ما بتصور.  والسلام عليكم |
|
#17
Sep, 12 2006, 03:03
| |||
| |||
والله ياخوفي يبعتك على بيتك أهلك بلارجعة شوي شوي عليه |
|
#18
Sep, 12 2006, 04:40
| |||
| |||
| المشاركة الأصلية بواسطة Kliopatra
برافو عليكي كليوباترا قوية كتير حابة اتعرف عليكي استسقي شوي من افكارك  من ناحية الكره بظن رح يكون كره مؤقت لو حصل لانو في كتير امور لما توبخنا عليها وانحرمنا منها بصغرنا صحيح وقتها زعلنا وحسينا بالحرمان بس لما كبرنا عرفنا انو كانت لمصلحتنا .....وقدرنا اهلنا على اسلوبهم بالتعامل بالطريقة الصحيحة انا بايدك بهي النقطة كتير |
| قال العضو التالي أسمه شكراً لك يا etoil de la mer على هذه المشاركة المفيدة: | ||
|
#19
Sep, 12 2006, 15:19
| |||
| |||
| اسمحولي ادّخل بهالنقاش الحلو .. ما كنت اتصور إطلاقًا أنه رح يجي يوم واسمع أنه في امرأة على وجه الكرة الأرضية ما بتحب تتفرج عل المسلسلات .. لأ .. وبتعتبرها كمان قلة عقل وتضييع وقت عالفاضي وبلا طعمة ...(أنا بدأت شك بالموضوع .. معقول تكون كليوباترا شب  ... معقول )بس الحمد الله .. أنه سمعت وشفت بعيني .. لأنه لو حدا حاكيلي ما كنت رح صدق .. وآسف جدًا عن النظرة السيئة اللي كنت آخدها عن النساء من هالناحية .. بس بعد هالنقاش الجميل والممتع ... صار عندي قناعة .. أنه .. ربَّ امرأة أفهمُ من ألف رجل .. بس يمكن كان معي حق .. لأنه 99.99 % من النساء بيعتبروا المسلسلات تعبير عن الواقع .. ولازم يتابعوا المسلسلات حلقة بحلقة .. طبعًا أنا مع كليوباترا بكل ما قالته .. بس يا أسفي على رجالنا .. كنت متوقع تكون عقولن أوعى من هيك .. أخيرًا .. لا حدا يزعل .. وخصوصًا .. ما حدا.. ما بيهون عليّ زعلك .. رغم أني ما باتفق معك بالرأي ... وشكرًا .. والسلام عليكم |
| قال العضو التالي أسمه شكراً لك يا BigBoss على هذه المشاركة المفيدة: | ||
|
#20
Sep, 12 2006, 16:08
| |||
| |||
محاكمتك العقلية فظيعة على مايبدو ماقريت كل المشاركات أنا حكيت عن شي اسمو انتقائية
 |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| الإبداع... اكتشاف أم اختراع؟؟؟! | Mr.Sam | الثقافة | 10 | Jun, 18 2007 22:37 |
| إلى جميع الزملاء : لأجل الامتحانات تعلم الإبداع | BigBoss | مقهى الملتقى | 7 | May, 29 2007 03:23 |
| ماجدة الرومي تفجّر الإبداع - الحب والوفاء | Shankool | الموسيقى | 12 | May, 14 2006 17:09 |
كل الأوقات حسب GMT +2، والوقت الآن 00:48.
