شوفوا يا صبايا ويا شباب الفكرة بكل بساطة، نختار دكتور من كليتنا العزيزة
وكل واحد بحط أسئلة بوجهها للدكتور عدد الأسئلة 2 فقط لا غير.
ممكن نزيد عدد الأسئلة لكل شخص إذا ما كان في كتير أسئلة
بعدين بروح أنا عند الدكتور بطرح عليه الأسئلة وبعدها مننشر ردوده هون في المنتدى

أنا مبدئيّاً بقترح
الدكتور العميد رياض نور الدين أصفري
الدكتور عبدالله خوري
والدكتور مصطفى صطوف
والدكتور شكري مبيض

الأسئلة اللي ممكن نطرحها:
- أسئلة عن مهنة الطب
- عن المادة اللي بدرسها الدكتور (مو أسئلة علمية أسئلة متل ما رايك في مادة كذا؟)
- عن اختصاص الدكتور
- أسئلة فقهية في الطب
- أسئلة عن أيام الشّباب والدراسة في الكلية
- نصائح آراء ....
وهي كلها على أمثلة
وممكن نسأل أسئلة شخصية بس ما تغمقوا كتير !!

هاتوا لنشوف شو في عندكم أفكار
طبعاُ باعتبار أنا بدي أروح أسأل إلي الحق إني ما أسأل بعض الأسئلة إذا شفتها غير مناسبة
يعني بتعرفوا مشان ما أتبهدل

يعني والله يا شنكول برافو وبحييك على الهل الشجاعة

بدي اقول مشكلة بدي تقلو اياها للدكتور رياض عميد الكلية : انو بفحوصات النظري بالكلية عبتكون كمية النقل مي طبيعية وفي ناس عبينجحو وما بكونو دارسين ولا ربع المادة .. انو اشي المشكلة ما تكون الاسئلة بنماذج مشان نلغي هل الظاهرة السلبية واللي عبتقلل من مستوى كليتنا والدكاترة ياللي عبيتخرجوا منا , ويعني ما يكون الجواب المثالي دائما انو اي بس يتخرجوا هل الطلاب اللي عبنقلو ما رح بنجحوا بحياتون لانو هل الشيي عبارة عن حكي نظري وهروب من مواجهة المشكلة .. فرجاء يا اخ شنكول توصل هل الفكرة الهامة انا برايي ولك جزيل الشكر .

ياريت تسألنا الدكتور صطوف عن مادة التغذية يعني ليش ملؤمين مننا كل هاد وبعدين ليش بالفصل الأول يعني قسمه كان أكبر قسم وما أجا منو ولا سؤال يا زلمه معقول ؟؟؟؟؟؟؟؟؟؟؟؟؟؟؟؟

في سؤال ياريت توجهو للدكتور مصطفى صطوف و للدكتور رياض الأصفري
مادة اللغه4 ممكن تتأجل للسنه الرابعه (بس بهل سنه) ويعني مو معقول تكون الماده بالأخير 30 صفحه _هي بأحسن الأحوال_
لأنوهيك رح تكون الفائده من هل ماده قليله جدا

انا بدي اوجه سؤال للاستاذ الدكتور رياض الاصفري:

ياريت نعرف اشو هو مصير فحص التخرج؟؟
واش صار مشان فحص الاختصاص؟؟ هل المعدل رح يبقى 40% ولا رح يشيلوه بالكامل؟؟
وهل من العدل انو مصير طالب طب يتعلق بامتحان واحد (وهو امتحان الاختصاص)؟؟؟
وكل الشغل خلال ست سنين ينشال وينكب بالزبالة؟؟
وهالطريقة الجديدة أليست دافع للطلاب انو ما يهتمو ابدا بدراستن اثناء السنوات المختلفة ؟؟
وشكرا سلفا يا شنكول...

يا شباب ما كان قصدي بس أسئلة عن الدراسة؟
قصدي أسئلة شخصية
يعني متل إذا كنا عم نعمل مقابلة مع هالدكتور أو هداك
على كل حال تكرم عينكن بس مو هي الأسئلة اللي فبالي نكوشوا وحكوشوا كمان بركي في غير أسئلة مو عن الدراسة؟

يعني عفوا أخ حسن :
أنا برأي يعني هاد الفحص خطوة جيدة على الطريق الصحيح فجميع الدول المتقدمة علميا لديها امتحان للقبول في الاختصاص وليش نحن مانصير متلهم .
أما فيما يخص موضوع أنو هل الشي بيأثر على دراسة الطالب خلال الست سنوات فأنا رأي لأ يعني الطالب بخلص هيك من عبأ الملخصات وقرفها وبصير بدرس دراسة عملية من مراجع عالمية على سبيل لمثال دون أن يقع في عذاب الضمير اللي ينتاب أكترنا وهو الموازنة بين الملخصات والمراجع وكأنو الموضوع تجاري بحت .
يعني أنا برأي هادا أحسن حل أنو 40% للمعدل و60% للفحص هيك بيكون ماضاع حق حدا .
وشكرا

أنا بدي أسأل بعد إذنك يا أخي شنكول العميد إنو ليش ما يعملو الفحص على أساس النماذج المختلفة يعني يحط الدكتور 4 نماذج وتوزع الأسئلة على الطلاب بحيث لا يكون هناك أي غش مع إنو الغش ما شاء الله على أشده وهذا ما يغضبنسي ويغضب كل من يريد النجاح والتوفيق في هذه الكلية وكل من يريد أن تكون شهادة الطب التي سيحصل عليها هي من عرق جبينه من الدراسة وليس من حك راسه كيف بدو يغش بالفحص .

مشكور أخي THE MAN على طرحك وأنا أؤيدك تماماً وأرجو لجميع الطلاب التوفيق وشكراً لك يا أخ شنكول وبدي أسأل في المرة القادمة الدكتور محمد عماد بليد وشكراً مرة أخرى .

انا بدي اسأل كل دكتور منن اش هية الاختصاصات الي البلد بحاجة الا؟
وفي شغلة لاحظتها في المحاضرات انو دائما ما عنا احصائيات عن وضع الامراض عنا فاما نستعمل احصائيات اجنبية او بتكون الاحصائيات قديمة
واقتراحي ليش ما بيعملو لمادة الاحصاء عملي(ضروري كثير يكون عليه علامات)منو منستفيد من النتائج ومنو المادة بتبطل مملة وجافة ومجرد طلاسم ما عم نفهم فيا شي
وكمان بدي اسأل الدكتور رياض ليش برغم كل الجهود الي عميعملا- ونحنا مقدريتا ونشكرو عليها-ما عم نحس بالفرق يعني مخبر المهارات ما عم يستغل كما يجب مندخل-اذا دخلنا- ربع ساعة مع الاستاذ تفرجو بس لا تدقرو شي,شفتو, طلعو يعني شم ولا تدوق هادا اذا ماسمعتلك كم محاضرة من الموظفات قبل ما تطلع وسمعتا عن دورات اسعا ف وطوارئ وماشفنا شي