| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Sep, 15 2006, 14:30
| |||
| |||
| الن يفهم هؤلاء تصوروا لو أن أبطال هذه المشكلة جاؤوا الى مشفى الجامعة على نقالات في سيارات اسعاف وهم بحاجة الى الانعاش الذي سنفشل في عمله {لقلة التدريب}.......ليخرجوا منالدنيا وهم يطبلون ويدخلوا الى الآخرة وهم يزمرون... ثم ننسى في معمعة الزحمة والمرضى أن نقرأ الفاتحة عليهم نتيجة اهمالهم وسوء صنيعهم.... المشكلة أنني طالب سادس وستاجي {للأسف} داخلية ,وفرزي في الكندي حيث لايوجد ستاج بل مرضى بدون تعليق {يعني صورة بلا صوت} وباستثناء دكتورين يشرفان في الساعة 11.30موعد اقلاع طائرة السائق أبو اصطيف {باص الجامعة} فاننا لا نلتقي بهم .....ما علينا ...تدربت في الفترة السابقة كلها في الكندي ليلا وبعمل طوعي..ولقد استفدت من ذلك لسماحهم لي بالعمل بيدي فلهم الشكر...ولله الحمد . وبعد 40 يوما تحول فرزي الى الجامعة ودخلت في أول يوم الى الاسعاف الداخلي {سوق الهال} ولدى احتكاكي مع أول مريض فوجئت بطالب الدراسات فوقي يرتل علي بلهجة فوقية بشرط الاسعاف {وهو عدم جواز بقائي} ومنوعية التحدث الى المرضى أو سؤالهم أو النظر اليهم أو حتى البقاء في المشفى باستثناء الأجنحة التي لن يضن بأن يحرمني منها لو استطاع.تلك الاجنحة الخاوية من الدكاترة{في اجازاتهم}اللذين أسأل الله ان لا يردهم الينا بالنقالات الآنفة الذكر.... والتي تكاد تخلو من المرضى....ثم ابتسم ابتسامة بلهاء وقال {الآن ترى كيف أخرجك} وكأنني قاتل أبيه..ثم غاب هنيهة وعاد الي بثلاث ممرضات سمان غلاظ .. حواد اللحاظ ...بأعماركبيرة ...وألباب صغيرة...فان كن عوانسا فقد وقى الله الناس ذرية بلهاء..وان لم يكن فأعان الله من ابتلي بهن وأخلفه بمصيبته خيرا.. بحجم جامبو وبأعمار مرعبةاقتربن وهن يصرخن ويولولن ويغنين {اخرجوا واطلعوا بصوت عال عال} حاولت التبرير فأضجرني الصراخ.. والايخ الآخ..أيقنت أني أخاطب الحجر..و أنشد الحجة بمنطق الغجر..فضاع مني حلمي وعقلي..وحل محله غضبي وجهلي..وبادلتهم الصراخ بصراخ...وانقلبت الديناصورات الى فراخ..وسكتت تلك المعازف...وغنت بدلها الهواتف...ووجهت الي دعوة رسمية من سكرتيرة سعيد حمدون عبر الهاتف...واجهتها بالرفض بغضب جارف...وتمنيت وأنا بتلك الحالة ..أن تنزل هي الى الاسعاف على نقالة...وما هي الا لحظات قليلة..واذ برجل يقصدني بخطا ثقيلة...انه رئيس قسم الاسعاف..{أخرج ولا تتسبب بوجع الراااس} انتهى الاقتباس..ثم.......... دارت بيني وبينه مناقشة...أنهاها بعبارة لها رنة و كشكشة ..{أخرج بأمر العميد}...فظننت المقصود عميدا في الأمن أو الحربية...وفوجئت أن المقصود عميد الكلية..فأشعروني أنها رتبة عسكرية ..وأنا أعرفها رتبة علمية.. توجهنا الى سكرتيرة العميد فأدخلتنا على بكري دبلوني...والذي بعث بي بدوره الى د.حمدون..والذي بلطفه ودماثته أدخلني في الحائط الأول ولم يتركني الا وقد أخرجت من الحائط الألف..وهو يحدثني عن نضاله لدخولنا الاسعاف لولا رفض العمادة والادارة..... انتهيت من هذه المشكلة بكلاشتي حنين....ثم علمت أن مشكلة شبيهة حدثت في عيادة النسائية وأخرى بالجلدية.. سؤالي: متى اتفق هؤلاء المتناقضون {العمادة..الادارة..الاسعاف}الا على قرار أبله كهذا... هل فكر أولئك أنهم يخلقون شهادات بدون أطباء..وأن العلم ليس بالمحاضرات المترجمة التي لاحياة بها ويثقلون بها علينا...بل بالعمل الذي يجهدون أن نحرمه.. ان حل مثل هذه الأمور أهم من نفض الطابق السابع على أهميته...أو بناء مظلة فوق شمسية الكلية للضحك على ذقون الزوار اذا فهموا ...فقد انحلت المشكلة......وان ام يفهموا ...فمشكلة ..مشكلة ...مشكلة  |
| الأعضاء الـ 11 التالية أسماؤهم قالوا شكراً لك يا dr_mm على هذه المشاركة المفيدة: | ||
|
#11
Sep, 17 2006, 04:35
| |||
| |||
| ما في فايدة .. أصلا كلنا متفقين أنه الوضع الحالي مزري للغاية .. وكلنا بنعرف هالشي .. بس مين فينا بايده يقدم شي .. ما حدا .. ولو فتحنا هلأ مجال لذكر القصص (من أمثلة اللي ذكره غريب) فأنا متأكد أنه 20 صفحة ما رح تكفي .. بس ليش وأشو الفايدة؟ شو طالع بالايد؟ مالنا غير نواسي بعضنا .. ونتأمل نطلع لبرّا .. على أمل أن نعود بجديد مفيد .. أما الآن .. فليس لنا إلاّ البكاء على الأطلال .. والسلام عليكم |
|
#12
Sep, 17 2006, 15:48
| |||
| |||
| المشكلة يا DR.MM انك طالب سادس كمان ((يعني لو أنك أصغر شوي فينا نتجاوز و نقول أنو معلوماتك لا تؤهلك حى تدخل على الإسعاف )) بس طالب سادس يتقلع من الإسعاف ؟؟؟؟؟؟يعني الواحد متى بدو يتعلم الأمور الإسعافية برأيكم ؟؟؟؟بس يتخرج؟؟؟ يا جماعة في نقطة صغيرة صارت معي بإسعاف الكندي ولولا ماشفتا شوف العين وتعلمتها بالإسعاف عندون كنت ماراح كنت أنتبه عليها وبيجوز كنت بروح حياة مريض مشانها: أجانا مريض لديه مضض في الخاصرة اليمنى((الظاهر حصية متحركة عندو ))ولوقت ما اسنتينا تحاليل البول حتى تطلع قام الدكتور المقيم ((والإسعاف كان معجوق بالمرضى ))وعطاه ديكلوفيناك عضلي حتى يخففلو الوجع شوي............. والنتيجة أنو المريض ضاق نفسو وبلش يرف بعيونو وماعاد يحكي!!!!!!بتعرفوا ليش؟؟؟ المريض طلع عندو ربو ونحن بنعرف((وأنا بصراحة ماكانت المعلومة هالقد فايتة برأسي ))أنو الNSAID بتساوي تشنج قصبي معمم لدى مرضى الربو وممكن تودي بحياته!!!!!((والمريض فعلا تم تحويله إلى العناية المشددة ووضعه على جهاز التنفس الاصطناعي....... ومرة تانية بالصدفة قاللي دكتور بالإسعاف أنو إذا شفت مريض عم يحتشي فأحسن شي تعطي 3 حبات أسبرين قرط قبل ما تبعتوا على المشفى وهيك بتكون زدت من فرصة عودة جريان الدم في الشريان المسدود بنسبة 70 -80%.....وبالتالي رفعت كتير من فرص نجاته ..... ومتل هذه الشغلات ما ممكن الواحد يستفيد منها ويشوفها عملي إلا بالإسعاف ((لك يا جماعةنحنا طلاب سادس ولا شو؟؟؟)) ياجماعة والله الشغلة مو عرقلة عمل الأطباء ولا قعدة وتسلاية بس شوية تنظيم على شوية معلومات صغيرة ممكن تساويها لمريض ممكن بوقت من الأوقات يكون بأمس الحاجة لأصغر شغلة بتساويها له وبتساعد على إنقاذ حياته ,والعالم بهيك زنقة مابتعرف أنك طالب خامس أو سادس أوعلوا سنة أولى [="Red.......العالم في هيك مواقف حرجة بتعرف أنك طبيب وبس........ما تفهموا من كلامي أنو يلي بدوا يروح على الإسعاف يروح ويصير يشخص على كيفو, بس الواحد ياجماعة لازم يعرف على الأقل الالف والباء بهيك أمور حتى لا لايقف مكتوف الايدي أمام حالة هو معرض لها بأي وقت وأي زمان(جهد صغير ممكن ينقذ حياة مرض والباقي على الله) وأنو وخصوصا إذا كان أحد الأشخاص قريب لك أو أحد من أهلك........... تحياتي.................. |
| الأعضاء الـ 3 التالية أسماؤهم قالوا شكراً لك يا Tamtam على هذه المشاركة المفيدة: | ||
|
#13
Sep, 18 2006, 15:13
| |||
| |||
| إليكم إحدى الطرف... التزاما منا بنصائح أساتذتنا بالابحار ابدا في رحاب الطب, قررنا أنا والبعض من الزملاء الدوام في مشفى الجامعة - اسعاف الداخلية -الصيف الماضي... كان الوضع كما وصف سابقا أشبه بسوق الهال , لكن السبب كان واضحا وهو سوء التنظيم... فشي طلاب من روسيا وشي طلاب من جامعة القلمون وشي سنة تانية ...وشي سادسة. وصلت أخيرا شرطة المرور -ممرضاتنا السمان المألفات - لتنظيم الوضع...فقمن بطرد جميع الطلاب من الاسعاف وأؤكد على كلمة طرد الخالية من أي ادب أواحترام... من بقي ياخزركن في الاسعاف؟؟؟ ياسيدي تم طالبين جامعة القلمون سنة أولى ....بس أولى...جاؤوا لا لتعلم الاسعاف والانعاش والتخطيط والوصفات الاسعافية...إنما لتعلم قياس الضغط !!! وشباب السادس اللي على بعد خطوات من فتح عيادة أو استلام اسعاف أو...كرشوهن لبرا...لبرا مستشفاهن اللي حاطة الدولة عليه مئات الملايين حتى يتعلموا.. طبعا هالطلاب الصغار-وعذرا من بعض الزملاء - اللي ماعندهن أي فكرة عن الأمراض أو الاستقصاءات أو التحاليل أو...كانوا مسلحين بتصاريح دخول على الاسعاف من رئاسة المشفى أو الجامعة...لان كليتهم المحترمة تطالبهم بالتدرب في المشافي ...وأي مشافي احتلوها...مشافينا...ونحن صحاب البيت برا بدون رحمة... أي منطق أعوج تسير به الأمور هذه؟؟؟ومن المسؤول عن هذه القرارات الذكية؟؟؟ مابدك زحمة يا سيدي معك حق ...ممكن تسمح لطلاب السادس على الاقل بالتدرب في الاسعاف....وياأخي بس اللي عندهن ستاج داخلية وبالجامعة بس ......بس أما هيك تنشفها بالمرة؟؟ وتسلط علينا الممرضات والبوابين والكبير والصغير ...كأني عم نسرق....ياسيدي حقنا نحن الطلاب بالمشفى أكبر من حق المدرسين فيه اللي كتير منهن عاملو خاص لمرضاتو وتحاليلهن وصورهن.. لماذا هذا التسيب؟؟؟ لسه في من المدرسين اللي بيمر علية الستاج بعد الآخر والعيادة الخارجية اسبوعا تلو الآخر دون أن يعذب نفسه بالحضور..ليترك تعليم الطلاب لطلاب الدراسات الفايتين بستين ألف حيط اللي مالهن حدا فاضيلهن -الا من رحم ربك-... فهل من المعقول أن تنقل تخطيط قلب بين ثلاثة طلاب دراسات مستلمين الاسعاف ومعه رقاب الناس ولا تجد بينهم من يتفق مع تشخيص الآخر... أو يمسك طالب دراسات سنه تانية على بعد أشبار قليلة من السنة التالتة صورة صدر فبها انخماص رئة بيقلع العين ...وبيدو يصرف المريض بشوية مسكنات دون ما يحوله للجراحة....أو تاني بيقبل مريض تغبر رئة ذو قصة مهنية واضحة على أنه سل دخني ...كمان سنة تانية دراسات ...ولا ولا .. طبعا اذا كتير من المدرسين ما بيجي لمشفى الجامعة الا ليأخذ الاسم والفخفخة والمرضى وليزين تلك اللافتة العريضة بعبارة مدرس في كلية الطب!!!...مارح تكون النتيجة الا هيك..متل ما صار مع بعضهن الله يرحموا -وإن كانوا رحمهم الله جيدين وعندهم ضمير -. وتكون في النهاية حجة المسؤولين ورؤساء الأقسام بأن لاسلطة لي على المدرسين ولا استطيع احراج زملائي وهادا واسطته كبيرة وهادا ما بعرف شو.... ايــــــه ..وبعدين؟؟؟ خلوها على الله بس... |
| قال العضو التالي أسمه شكراً لك يا davidson على هذه المشاركة المفيدة: | ||
|
#14
Sep, 19 2006, 01:14
| |||
| |||
طالما أن المحسوبية موجودة وخاصة في الوسطج الجامع8ي لا أمل في تطور هذا البلد |
|
#15
Sep, 20 2006, 20:12
| |||
| |||
| و الله يا صديقي بهالبلد تربينا على غناية : عشنا و ياما حنشوف عوجة و الطابق مكشوف طول بالك و تذكر أنو الطب مو بالكتب ولكن بالتعب على الذات تخرجنا بدون علامات عالية بس الحمد لله منعرف ندبر أمورنا ............... و مو بشطارة الدكاترة كلون و لكن بعض بعضهم الله يهديهون |
|
#16
Sep, 22 2006, 01:08
| |||
| |||
 وأنا كمان صار معي نفس الشي بمشفى التوليد كنت كلما أروح على قسم يطلعلي الدكتور موسى محسن متل القضى المستعجل ويقلعني (الله وكيلكن تقليع ) من القسم ومرة شافني بالمصعد وسألني وين رايح قلتلوا على الطابق الرابع (قسم النسائية) قام قلعني وأنا لسه بالمصعد |
