في البداية.. اعترف بأنني لم أعرف أين يجب أن أضع موضوعي هذا..
لكن وجدت ان منتدى الاجتماعيات هو الأقرب..
المهم.. أعتقد أن لا مشكلة أين وضعته، لأنه يجب أن يكون دوما في قلوبنا وذاكرتنا..

ستة وثلاثون شهيدا... الكثيرون منا قد لا يعرفون ذلك..
ستة وثلاثون شهيدا سوريا ً من العمال البسطاء قضوا على أرض لبنان ضحية عنصرية بعض المتطرفين من اللبنانيين..
ولا أحد يعرج على ذكرهم!! وكأن أرواحهم رخيصة!!

الحقيقة أننا نحن كذلك نريد الحقيقة.....لا بل ونريدها مرتين!!

فعلا أخي العزيز حسن يعني موضوع جدا غريب .القنوات الفضائية ولا جابت سيرة ولا خبر .
تغمد الله شهداءنا الابرار برحمته وستنكشف الحقيقة عاجلا أم اجلا وسينقلب السحر على الساحر وإن غذا لناظره قريب .
الفاتحة على أرواح شهدائنا الابرار.

لقد قتل وجرح في الأيام الأخيرة عمال سوريون لا احد يعرف عددهم. لا أحد يحصيهم في الأيام العادية وعندما يموتون في إصابات عمل لا تعوض، ولكن يعيب سوريا وربما يعيب الجيرة وعلاقات الأخوة أن تذكر حكومتنا أن مواطنيها يعاملون كالعبيد عديمي الحقوق في لبنان.

حكيكون صح ...... و اكيد الف رحمة تتغمد المرحومين ...... وما في شك بانو ما بجوز يصير هيك شي تحت اي ظرف

بس هالشي بيطرح سؤال مهم ..... ماذا يفعل هؤلاء العمال السوريون في لبنان ????
و يا ترى اللبنانيين موافئين على تشغيل كل هالعمال عوضا عن الشباب اللبناني العاطل عن العمل ??

احسن الشي الله يرحم ارواحهم

أخي everev أنا معك أن هؤلاء العمال يرتكبون بعض الأعمال المشينة هناك ويعطون صورة سيئة عن شعب سوريا ولكن ليش يتعاملوا بعض اللبنانيين مع الموضوع بعنف فهذا دليل قاطع على الكره والطغينة الشديدة في نفوس هؤلاء القلة القليلة في لبنان.

اخي امين ..... يعني بدنا نضحك عحالنا ...... !!!!

مين هدول اللي قلة قليلة ... ?? ليكا لبنان روح و اسئال اي لبناني بالشارع عن رأيو ..... و احكوم بنفسك بعدها مين هنن القلة ...

evereve المحترم : يعني والله أنا مالي مختص بالشؤؤن اللبنانية لأقلك مين هدول القلة القليلة لكن اللي بعرفه أنو في مظاهرة التأييد لسورية التي قادها حزب الله كان معظم الشعب اللبناني فيها فمن البديهي جدا أن من يرتكب هذه الأعمال هم قلة قليلة و أنا والله ماحصل لي الشرف وشفتهن يعني ولا بعرف مين هل القلة .

يعني الصراحة غريبة عمنجي و منحكي عشعب طلع بأكتر من مليون و نص من أفراده للوقوف إلى جانب سوريا بعدما ما اجتمعت عليها الهموم أنا ما بنكر انو الكتير منهون بينتقدوا التصرفات اللي تصرفا بعض الأفراد السوريين لكن هل هادا مؤشر عن الشعب السوري الحضاري المسالم المحب ما بظن
بظن انو اذا كان الشعب اللبناني عميداهن في متل هيك مظاهرة و رح يتنكر للفضل السوري فبقلكون انو بيستاهل اللي رح يصير فيو بعدما نتركو "على الرغم من تأكيدناعلى ضرورة تقوية أواصرالأخوة"

أما شهداؤنا فللاسف انو لم يذكروا على أي من القنوات الفضائية المدعية للشفافية و الحرية و المصداقية و لا بس يكون بالموضوع فتنة بيصيروا مافي أحسن منهون

يا حسرة
و السلام

evereve العزيز..
من عندك من أمريكا! هل تستطيع أن تتصور رد الفعل في أمريكا فيما لو جرح ابهام قدم عامل أو مواطن أمريكي على يد أحدهم في أي مكانت في العالم؟؟؟

لست هنا بصدد مناقشة العمالة السورية في لبنان، لكننا نعرف (وللأسف) أن العمال السوريين يشتغلون بوظائف لا يقبلها العمال اللبنانيون وبأجور بخسة لا يرضى فيهاغيرهم.. ولا أحد يفرضهم على أرباب العمل لتوظيفهم، فمن الطبيعي أن أرباب العمل سوف يفضلون اليد الماهرة الرخيصة الأجر..
ولا تنس أن من جلبهم لإعمار بيوت لبنان هو نفسه من يقتلوهم انتقاما له يعني (الحريري)..

أخي دعك من قضية العمال... ممتلكات السوريين ومحلاتهم وسياراتهم باتت عرضة للنهب والاعتداء
في حين ترقد سيارة جارنا اللبناني على رصيف شارعنا في أفضل مكان ينظفها العامل يوميا قبل سيارتنا ولا تلبث أن تبدأ بالعواء والصراخ ما إن أقتربت منها نسمة هواء!!!

آخ... على كل.. الأهم الآن هو المطالبة بحقنا الشرعي لمعرفة الجناة وتقديمهم للعدالة( يعني ما حدا أحسن من حدا)..

صح كلامك يا اوبتيمستو ...... و لاحظ اني ئلت سابقا انو مافي شي بالعالم بيمنح الحق بالحاق الاذى باي انسان شو ما كان ....
و اكيد من حقنا ان نطالب بمعرفة الجناة و تقديمهم للعدالة

كمان انا ما ئلت انو العمال السوريين مفروضين على اللبنانيين

عكل حال الوضع حاليا مو مستقر بلبنان ... و موت الحريري بغض النظر عن هوية الجاني اثار بلبلة كبيرة .

يا عزيزي هالحوادث مو الاولى من نوعا ..... يعني من يوم يومهن العمال السوريين بتعرضو للاساءة و الاعتداء ... بظن انت بتعرف هالشي ...!!
و بهيك جو مكهرب شو متوقع ...? ..... رح تئل الاعتداءات ...?!?
اكيد لأ ..... شي اكيد رح تزيد .....
السؤال ليش هالعمال ماعم يستوعبو الوضع الجديد ... ???
و ما عم يتقبلو فكرة انو ما عاد مرغوب بوجودون في لبنان ....???

يا اخي انت عم تشطفلي الدرج من عشر سنين و هلأ ما عاد بدي .... درجي و انا حر فيو ..... حئي الا مو حئي ??

(طبعا اكيد ما ئصدتك انت بهالحكي .... و متأكد انك بتعرف هالشي .... بس مشان بقية القراء ما تختلط عليهم الامور)