تم افتتاح مركز تسوق للأزواج في دالاس حيث يمكن للسيدات الذهاب واختيار زوج من بين مجموعة كبيرة من الرجال.
المبنى مكون من خمسة أدوار كلما صعدت للدور الأعلى كان الرجال أفضل في الصفات و المميزات, القاعدة الوحيدة أنك لو فتحت باب أي دور من هذه الأدوار لابد أن تختار زوجا أو تصعد للدور للأعلى
ولا يمكنك الرجوع مرة أخرى .. النزول يكون للخروج بلا عودة فقط.
فذهبت صديقتين الى المركز لاختيار زوجين.
الدور الأول عليه لافتة تقول: الرجال هنا لديهم وظائف محترمة و يحبون الأطفال.
فقالت الفتاتان لبعضهما: حسناً هذا أفضل من ألا يكون لهم وظيفة أو ألا يحبوا الأطفال, ولكن لنر ماذا في الدور الأعلى.
الدور الثاني عليه لافتة تقول: الرجال هنا لديهم وظائف بمرتبات عالية .. يحبون الأطفال .. و في غاية الوسامة
قالت الفتاتان: .. ممممم .. ولكن ماذا في الأعلى؟
الدور الثالث عليه لافتة تقول: الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت.
قالت الفتاتان : واو .. رائع .. ولكن ماذا قد يكون في الأعلى؟
الدور الرابع عليه لافتة تقول: الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت .. و في غاية الرومانسية
قالت الفتاتان : يا الهي .. تخيلي ماذا يكون بانتظارنا في الدور الأعلى.
فصعدتا الى الدور الخامس .وجدتا لافتة تقول :
لا رجال هنا و هذا الدور فاضي و موجود فقط لإثبات أنه من المستحيل ارضاء المرأة .. مع السلامة.

وهذه بعض الأمثال عن المرأة:

أغبى امرأة تستطيع أن تخدع أذكى رجل.

الشيطان أستاذ الرجل وتلميذ المرأه.

الشيطان يكفية عشر ساعات ليخدع رجلا, والمرأة يكفيها ساعة واحدة لتخدع عشرة شياطين.

إذا أخفق الشيطان فى التسرب الى مكان أوفد امرأة.

تعلمت المرأة من الحية: الرقص..والغدر..وطول اللسان.

المرأة بلا فضيلة.. كالوردة بلا رائحة.

لاتستند الى الجدار المائل ولا الى المرأة .

لاتثق بشمس الشتاء ولا بقلب المرأة.

الرجل هو النار والمرأة هى الحطب وإبليس هو الهواء.

أحسن طريقة لتجعل امرأة تغير رأيها هو أن توافق عليه.

وعود المرأة تكتب على صفحات الماء.

للمرأة سبعا وسبعون رأيا فى آن واحد .

ستظل المرأة لغزاًمجهولاً ..في الوقت الذي يعتقد الرجل أنه قادر على حله.

ثلاثة انواع من الرجال لايفهمون المرأة الشباب والشيوخ والكهول .
(منقول)

أعتقد أن عنوان صديقي وايزمان "هذه هي المرأة" وهذا التقديماللطيف هما أفضل عنوان ومقدمة، لموضوع أود أن نبدأ نقاشا مفتوحا فيه..

المرأة، ذلك المجهول، .. عبارة قالها رجل لم يعرف بعد طولبحث ما هي المراة.. وربما لن يعرف..

فهل المرآة حقا كذلك؟

هل المرأة .. هي ذلك المجهول.. (عينه) للمرأة أيضا..

ما هي المرأة.؟ سؤال نسمعه كل يوم.. وتتعدد الإجابات..

أكثرها جاهزة، أكثرها مسبقة، أكثرها مصنعة في قوالب أزلية؟؟أم اجتماعية..؟

هنا لب المسألة.. : أتصنع المرأة !!!!.... أم تخلقالمرأة..؟ !!!

هل المرأة نتاج كم هائل من الأمثال والحكايات الشعبية (وألفليلة وليلة.. وشعر جاهلي.. ونزار قباني..) ونتاج لمصانع المجتمع والتاريخ.؟؟؟

أم هي عشتار الأبدية.. المرأة ذاتها كما أرادتها الطبيعةوكما شاءت إرادة خالقها.؟

أيوجد شيء اسمه امرأة...؟ أم.. كل فتاة هي "سمه ما شئت " مختلفة؟

وإذا أردنا أن نعرف الشيء.. فبضدها تتمايز الأشياء..

ما هو الذكر.. ؟ مقابل ما هي الأنثى.؟؟؟

وكذلك هل الانقسام مذكر/ مؤنث.. هو انقسام أزلي؟ أم هو نتاجالتحول التاريخي قبل 6000 سنة، عند ولادة مجتمع ذكوري؟؟

هل الإنسان "مذكر ليس مؤنث" أو "مؤنث ليست مذكر"؟؟ أم كلإنسان هو مذكر ومؤنث في آن واحد؟؟؟



هذه الأسئلة وغيرها سنحاول الإجابة عليها بالنقاش هنا..

وإن أردت المشاركة لا يكفي أن تقول رأيك كمن يصوت لأحدالفريقين.. نحتاج منك دخولا إلى الأعماق..

لنصل لمعنى أرقى.. ولفكرة أقوم، .. وفي النهاية .. لإنسانأعلى..

يرجى عدم التخندق وراء عقائد مسبقة، والنقاش على أرضية إنسانية عامة وفكرية مجردة..
النقاش على أرضية محايدة,, ونحو آفاق جديدة..

أنا ميال لنظرية، بتقول إنو الأنوثة أو الذكورة هي طريقة تصرف..
الأنوثة تجميع للطاقة، والذكورة صرف لها..
الأنوثة كمون، والذكورة حركة..
مثال اللبوة التي تستعد للقفز على فريستها. . قبل قفزتها تكون في حالة توتير واستعداد وتجميع لطاقتها، (أنوثة) عند القفز وتحرير طاقتها المخبأة (ذكورة)
الإنسان المتأمل هو في حالة أنثوية..
الإنسان المتكلم في حالة ذكورية..
لا انفصال بين الاثنين..
لكل إنسان رجلا كان أو امرأة.. جانبان في شخصيته.. مذكر ومؤنث..
المرأة التي لا تمارس الفعل بالمطلق(مثلا لا تتكلم، لا تعبر..) لديها عطب في الجانب الذكوري من شخصيتها
وكذلك الرجل الذي لا يسكن (يمارس تجميع الفكرة، أو التأمل.. مثلا. ) لديه عطب في الجانب المؤنث من شخصيته..
وهذا سينتج عنه خلل في الجانب المذكر..

برأيي (وهو ما فهمته من كتابات بيير داكو وغيره) أن الإنسان هو مذكر ومؤنث بنفس الوقت.
والفرق هو بالدرجة.. فالمرأة.. هي مؤنثة أكثر من الرجل وهو بدوره مذكر أكثر من المرأة..
ما رأيكم؟؟

الظاهر ان بيير داغو عميخلط بين المفاهيم الصينية ومفاهيمنا.

اللي عمتحكي فيه يا سنفور هو الين واليانغ وليس الذكورة والأنوثة.
الين هو الطاقة البنائية ,والمرأة تعتبر ين, بينما اليانغ هو الطاقة الفاعلة, والرجل يعتبر يانغ. وهناك في كل إنسان طاقة بنائية (ين) وطاقة فاعلة (يانغ).

أما هذ (مثال اللبوة التي تستعد للقفز على فريستها. . قبل قفزتها تكون في حالة توتير واستعداد وتجميع لطاقتها، (أنوثة) عند القفز وتحرير طاقتها المخبأة (ذكورة))
فهو ما يسمى أطوار التحول الخمس: الخشب- النار- المعدن - الماء- الأرض.وكل شئء في الدنيا بيمشي بمفهومهم حسب هذه الأطوار.
طبعاً مارح أتوسع بالموضوع.إذا بدكم ممكن أضيف مشاركة بمنتدى العلوم عن هذا الموضوع.

أنا أعتقد أن الرجل والمرأة متشابهان في كثير من الأمور, لكن في خلافات طبيعية بينهما,
وإذا حبينا نفسر: هناك شيء في طبيعة المرأة يعني من غريزتها وبنيتها الجسدية, وهناك أمور تسببها طريقة تربية المرأة وبنيتها الفكرية( وهي السبب الأكبر).
(طبعاً بكل مجتمع طريقة تربية المرأة تختلف عن طريقة تربية الرجل)
لكن كما قلت يا سنفور, ماهو الرجل؟
يمكن لأن معظم الشعراء والحكماء من الرجال فطبيعي يكون في كتير كلام حول المرأة.وكلام قليل حول الرجل. ويمكن في سبب تاني وهو:
فتنة المرأة وقدرتها على إستثارة الرجل, جنسياً وعاطفياً. يعني المرأة اللي ماعندها أخلاق إذا بدها بتقدر تفتن مئة رجل بليلة واحدة. وطبعاً الرجل ما بيقدر يعمل مثل هيك فتنة حتى ولو أراد ذلك.
ومشان نكون حقانيين: متل ما في نساء كاذبات هناك رجال كاذبون, لكن_بإعتقادي_ نسبة النساء أكثر بكثير.وهكذا بالنسبة للأفكار الأخرى حول المرأة.

الفكرة يللي بفهمها من نموذج الين واليانغ.. (وبتمنى تحكي عنه أكتر.. بمشاركة مستقلة، أو هون إذا بتشوف صلة بالموضوع مباشرة..)

هو وجود الآخر داخل الأنا..

يعني إذا بتشوف الدائرة يللي ترسم على غلاف كتير من الكتب النفسية.. نصفها أسود ونصفها أبيض، داخل النصف الأسود فيه دائرة بيضاء وداخل النصف الأبيض فيه دائرة سوداء..

هي أداة تحليلية لمقاربة كل ثنائية..

على خلاف النظرة التقليدية يللي بتشوف وجود إنفصال وتمايز، (الشرق شرق والغرب غرب، المرأة مرأة والرجل رجل، أنا أنا وأنت أنت..)

هون بنشوف إنو كل شيء يحمل نقيضه في داخله..

الأنثى جسدا فيها موجودات ذكورية، والذكر جسدا فيه موجودات أنثوية..

هي هي فكرتي.. الأولى..

الفكرة التانية.. هي إنو الأنوثة أو الذكورة هي حالة condition وليست بنية construction !!

يعني بينقال عن سلوك إنه أنثوي، وعن حكي إنه بطريقة رجولية.. (طبعا هدا غير الأنثى والذكر جسديا...)

والمرأة هي بتكون بحالات أنثوية أكتر وقتها، والرجل بحالات ذكورية..

صعب تلاقي شب وبنت قاعدين بالمقصف والشب ساكت والبنت هي يللي عم تحكي.. !

السؤال كان شو هو يللي من طبع المرأة الأصلي يعني يللي بتفترضه سيكولوجيتها كامرأة، وشو هو يللي من فرض المجتمع يللي فرضه تطور تاريخي

في سؤال أساسي..

إنو هل ياترى فيه حكي عن المرأة..؟ من بين كل هالطق الحنك.. لك حتى بحكيي أنا يللي مملي فيه واحة الشعر.. يا ترى عم أعرف تماما أوصف حالة بنت واحدة، ولا عم أحكي عن حالي أنا.؟؟

في متخيل عم يرجع ينتج حاله.. في صورة بذهن الذكر عن المرأة هي يللي عم تنقال.. والمرأة صامتة..

في كتيرين بقولو إنو المرأة ما بتهمها كل هالطق الحنك.. لإنها مكتفية بذاتها.. يعنيما مضطرة كتير تعمل تنظيرات لتفهم الكون أو لتفهم الآخرين.. لإنها بتفهمهم مباشرة بحدسها.. وبدون تواسطات من لغات وتجريدات.! (هي بحاجة لتأمل..)

عن الأخلاقيات يللي بتضبط المرأة.. برايك ومرأة بتفتن وما بتنفتن..
في رأي بقول كمان إنو الأخلاق منتج ذكوري..
أصلا هي حالة تعاقدية بين رجال، لضبط المرأة أساساً بالوقت يللي بكون لكل واحد حريمه الخاص وما حدا بيتعداله عليه..

امرأة واحدة بتفتن ميت رجل بليلة وحدة قلتلي.؟

طيب هدا الرجل يللي بيفتن أربع بليلة وحدة شو وضعه؟؟ هو أخلاقي.. لإنو الأخلاق مفصلة ع قياسه..

طبعا كان سابقا ما بس بيفتن الأربعة بليلة .. كان إله ما ملكت يمينه.. وشماله .. يعني إيدك وما تعطيك..

(يمكن يبين الحكي مبتذل.. بس هدا واقع الحال.. ) وبتحكي على الأخلاق.؟؟

طبعا أنا ما عم حاكم الماضي.. وما حدا تاخده الحمية ويقول عم أحكي على الدين.. كل شي بزمانه منيح، هلأ حرموا ملك اليمين..!



والرجل ما بيفتن؟؟(شو معنى الفتنة ما بعرف..) يعني بطبيعة الحال بنت ملعون نفسها وما عم تطلع من بيتها وإذا طلعت بدو يكون معها أخوها، ويللي بتشوف الدنيا من ورا أسود.. طبيعي ما رح تنفتن بشي.. لإنها ما عم تشوف شي..



أنا حاكي بموضوع بقايا الأسرة التقليدية عن العوامل يللي بتخللي المرأة بمجتمعنا متل ما عم تحكي.. تلجأ لأساليب اللف والدوران و"ناقور الليل" ( يللي إنت شفتها إنو فيه كذابات أكتر من كذابين!!!!!) أكيد هي آليات دفاع مرضية.. بس لإنو في عوامل مرضية.. وفي ضغوط بتخللي المرأة ما تكون واضحة ومباشرة وصريحة وصادقة..

والله أنا بقللك ، إذا بنت بتحب شب.. وبدو أهلها ما يخلوها تطلع معه.. والله أنا بقللها قوليلهن إنو أنا عند رفيقتي وروحي معه.. !

بتسميه هدا كذب؟؟ أنا بسميه مجتمع خانق.. وطريقة تكيف.. خاطئة.. بس الخطئية الأصلية هي بالسبب والضغط..

وايسمان اسمحلي أصحّحلك بعد إذنك
بالنسبة للين واليانغ ما منحسن منقول إنه الرجل يانغ والمرأة ين
الصحيح إننا نقول الرجل أكثر يانغ والمرأة أكثر ين وبإمكانك تراجع هالموضوع وتتأكد
ما في شيء في الكون ين مطلق أو يانغ مطلق
كل شيء في الكون مزيج من التنين وبجوز يطغى أحدهما على الآخر
وهون منرجع للي حكاه سنفور إنه الذكر أكثر ذكورية والأنثى أكثر أنوثة
وفي داخل كل شيء جزء من نقيضه

الأنثى يللي بحكي عنها.... (حاولت أحلل شي كتبته ب هي .. بعد المطر.. )

بتتميز بـ.
الإغواء/ الوعد والحرمان
العبث اللذيذ،
التسلط..
السكينة
الجمع بين النقائض

من أريدك حبا صعب المنال.. شفت إنو
الأنثى.. كما أحبها..(طبعا هي بتعكس تكوينتي أنا..
وما بالضرورة تعكس ما يجب على فرض وجود شيء اسمه يجب..

حلو تكون رقيقة..
حلو كتير تكون ما سهلة، يعني إنو ما تدوخ من كلمتين غزل..
وما تعطي حبها لأول عابر..
تخبي حب عاصف.. تفحره لما بيجي الوقت..

طبعا انت طرحت الموضوع بشريكة حياتك طالبة جامعية كنت حابة رد هونيك بس مشان ما حدا ياخد ردي بشكل شخصي ...
اول الشي انا رح قول راي انا... يعني مش مستندة لاعلى افكار فلاسفة ولا محللين مجرد افكار ممكن تدور فيني انو الأنثى مش انسان لحالها ولا الذكر انسان لحاله يعني منشوف انو الأتنين بيكملوا بعضن البعض يعني منشوف انو الذكر وقت اللي بده يبحث عن العاطفة عن الحنان عن احساسية بدور عالأنثى وكمان الأنثى دايما بتحتاج لرجل يوقف معها لأنه مصدر قوة بالنسبة لألنا لأنها بتشعر بالأمان مع شخص بتقدر ترمي عليه المسؤؤلية لأنو اجدر بحملها انا ما عم قول انو المراة ما عندها مسؤلية بالعكس عليها اهم مسؤلية بالمجتمع وهي التربية يعني بناء مجتمع بس انا عم احكي عن صفات الرجل اللي بتاهله ليكون اقوى متل شهامته وشجاعته.....يعني باختصار انا برايي الأنسان ما بيصير انسان كامل ليلاقي نصفه الأخر......... قال تعالى(وخلقناكم ازواجا).............. يعني انا بفتخر كوني بنت لأنو عندي ميزات الشباب بيفتقدوها والشباب بيحبوا كونن شباب لأنو عندن صفات ما عنا ياها .....هلأ بدك تقلي كيف انا مالي انسان وانا مشروع دكتورة يعني المفروض اكون ادرى انو فيني من التكوينات الجسدية اللي بتخليني عيش حتى لو نصفي مو معي برجع بقلك انا ما بعرف هي مجرد افكار ....انا بعتقدها وانا ما عم اقصد بالعيش يعني العمليات الفزيولوجية اللي عم تبقيني عايشة انا عم احكي عن نمط للحياة.........
وشكرا