ذكريات الدفعة 34
يدور هذا النقاش حول ذكريات الدفعة 34 في قسم اجتماعيات في الملتقى الطبي السوري; الآن و بعدما تخرجنا من كلية الطب البشري بجامعة حلب حاملين معنا هذا الكم الهائل من الذكريات
وجدت نفسي متحسراً على أشياء لم أفعلها أو مبتسماً من أشياء فعلتها مشاركاً
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Sep, 26 2006, 16:08
| |||
| |||
 ذكريات الدفعة 34 الآن و بعدما تخرجنا من كلية الطب البشري بجامعة حلب حاملين معنا هذا الكم الهائل من الذكريات وجدت نفسي متحسراً على أشياء لم أفعلها أو مبتسماً من أشياء فعلتها مشاركاً بذلك أهل و شباب دفعتي في تلك السنوات الست كانت السنة الأولى لنا هي العام 2000 - 2001 و هنا يجدر الوقوف أما حدث عاصرته دفعتنا دون غيرها ففي هذا العام تمت مبايعة الدكتور بشار الأسد رئيساً لسورية في السنة الثانية لا أجد ذكرى ألمع من معسكر التدريب الجامعي و يذكر زملائي تلك المشكلة الكبيرة في ساحة المعسكر التي لم يستطع حتى قائد الكتيبة إطفاءها السنة السادسة و في أيام امتحان التخرج كانت حرب لبنان أذكر ايضاً أشخاصاً بأسمائهم و طرائفهم علاء نزال الاول في الامتحان الوطني و الأول لسنتيين متتاليتين : في السنة الثالثة كنت أنا و إياه في كلية الصيدلة . أعجبتنا فتاة جميلة فقلنا لبعضنا على مسمع منها ( يا الله ما أحلاها ) . التفتت إلينا و إذ بها الدكتورة المعيدة في مخبر الطفيليات التي كانت تدرسنا آنذاك . و التي كانت في دورة اللغة الألمانية مع علاء باسل داؤد الأكثر مرحاً في الكلية كلها : في السنة الرابعة كان الدكتور ؟؟؟؟؟ يعطي محاضراته عبر اللابتوب الخاص به ( بس أبو البيس الأخطبوط وصل على اللابتوب كاميرا ديجيتال و ماوس دون علم الدكتور و راح يلعب باللابتوب على هواه ) و الله لا يفرجيكون الدكتور و هو ينظر من بعيد إلى المؤشر على لوح الإسقاط يتحرك لوحده علي كوسا و الشلة العظيمة : دخلوا سوزوكي إلى الكلية و جابو سحارة فواكي ( ماني متذكر شو هي ) و صار التوزيع على أبو جنب بالكلية مرة سرقنا من لابتوب دكتور 90 سؤال امتحاني لمادة و طشيناها قبل الفحص بيومين . و لهلأ نفس الأسئلة بتجي كل سنة ( بس أهل الخير يللي فسدوا كتار ) بالسنة الخامسة شلتنا طلعت رحلة ( خاصة ) كنا نحنا لحالنا 40 واحد تقريباً وصلنا لمعلولا و صورنا فادي نعسان الحاج علي مع الحمار ( أهل الدفعة بيعرفوا قصدي ) و بعدين عملنا حضرة بين الجبال بمعلولا و لهلّأ يللي بيشوفا بيبكي عرس عبيدة العموري يللي الله يخليلوا راتب و بعدها رحلة تدمر لعند علاء ( يومان من المقالب و النكت المستمرة ) -- اسكتوا شفنا سجن تدمر الله لا يفرجيكون -- و ذكريات أخرى كثيرة أطلب من أصحابها أن يذكرونا بها  |
|
#11
Sep, 28 2006, 21:34
| |||
| |||
| ذكرياتي كتيرة بالكلية بس في أمور رح ضل أتذكرها لفترة طويلة ... في أصدقاء أعزاء ما بينتسوا  ... بس كمان تعرفت على أشخاص ماكنت أتخيل أنو في ناس بتكذب متلهم ... والحمد لله بعرف حالي ماكذبت على حدا ... ولا حاولت أسبب الأذى لأحد ولا حتى بتمناه لأحد ... حتى الأشخاص اللي ما كتير بحترمهم وحتى اللي تعاملوا معي بأسلوب كتير سيء وبكذب ... على أساس شطارة .... كان السفر للخارج أحد المقدسات بالنسبة إلي ..... لكني بعدين رتبت أولويات حياتي وأجلت الفكرة لبعدين ... كان في نقط تحول كبيرة بحياتي وطريقة تفكيري خلال دراستي ... الأولى في السنة الثالثة والثانية في نهاية الخامسة ... بتذكر موقف مابنساه أبداً ...قبل فحص الفصل الثاني للسنة الخامسة بحوالي أسبوع ... يمكن خلال حوالي عشرة دقائق ... فعلاً ممكن أحط نقطة وأكتب ... أنا قبل .... وأنا بعد ... بتذكر موقف باسل المرح والرائع وهو عميسرق الملفات من جهاز الدكتور وردة فعل الدكتور ... بتذكر بعض المدرسين وأرفع لهم القبعة ... وبتذكر كمان أشباه المدرسين ولا أرفع لهم شيئاً ... بتذكر كمان أني نزلت مع التشريح المرضي الخاص بالـ2003 مجلة سميتها المجلة الطبية ... كانت أول عمل جدي الي على الفلاش ماكتير بتذكر الكلية بالسنوات الست .. أكتر شي بتذكره حالياً هو فحص التخرج وفحص الدراسات ... يعني فعلاً كنت رح طق .... كتير من الأحيان كنت أكره الكلية بس بتذكر أكتر مرة حسيت حالي بكره الكلية كان قبل فحص التخرج بعشرة أيام وضليت خمسة أيام بدون دراسة ... الحمد لله كان فحصي ماشي حاله .. بس بعرف أني كان ممكن أقدم الفحص بطريقة تانية تماماً .. طبعاً الحمد لله .... الله سترني... بعدين صرت عد أيام الفحص الوطني باليوم ... وأكثر شي كنت مبسوط فيه بعد الفحص كان مو لأني خلصت الفحص ... لكن لأنه كان 14 بالشهر ... حتى محمد كان يمزح معي ونحن راجعين لحلب .... ويقول لرفقاتي لو عطوه لأحمد عشرة آلاف لحتى مايروح الأحد على الكلية ما بيقبل ... وفي الآخر إذا قارنت نفسي بين السنة الأولى والآن ... أجد أنه لا مجال للمقارنة .... بكل شيء ... والفضل لله تعالى ... حمداً له كثيراً ... بس أهم شي طلع الحكي صح ... يعني بعد الفحص بتعرف منين تدرس ... |
| قال العضو التالي أسمه شكراً لك يا Wiseman_a على هذه المشاركة المفيدة: | ||
|
#12
Sep, 28 2006, 22:09
| |||
| |||
| مرة يا شباب بمعسكر السنة الرابعة إجا زاهر فنري يسهر معنا ( بالمقر العسكري تبعيتنا ) حطينا أنا و براء يعقوب آغا بالنص ............... و أركلنا لدخنا ... الغلطة إنو أنا دغدغت زاهر من ( كرشو ) .... و ادعو لي الله يرحمني ... طبعاً التخت العسكري ........ بح ( لا تزعل زاهر .... لأنا أحلى أركيلة بحياتي ..... صبّاحية ) مرة كان عنا مخبر جراثيم و كانت فترة عيد ......... جبنا أنا و حازم اليوسف ( مفرقعات نارية بهديك الحسبة و مسدسات و فتاش و خلافو ) و التفجيرات كانت بحرم الكلية الداخلي الساعة 4 العصر الأصوات الـ( لطيفة ) طالعت البآنسة كاترين من المخبر و لما شافتنا قالت ( أنتو دكاترو إنتو ؟.؟؟؟؟ ) قلتلا : و الله بالغلط ..... ( طبعاً دكاترة بالغلط .............. ) -------------- و الله يا جماعة أبشع ذكريات الجامعة ................................. الحب  لأنو ذكرى بتخليك تبكي أنا أعتبرها لحظات غباء في حياتي  و الله يستر علينا أسسنا حزب لا زواج بعد اليوم للي حابب  |
|
#13
Sep, 29 2006, 04:51
| |||
| |||
 و ضلت عم تشتغل ساعتين تلاتة الله يرحم سهرات المعسكر |
|
#14
Sep, 29 2006, 08:50
| |||
| |||
المعسكر ... مستحيل أتذكر المعسكر بدون ما أتذكر التواليتات ... مستغربين ؟!!... لا تستغربوا ... بتذكر مرة واحد ماشي وراي وعمقللوا لرفيقوا .. ماني مشتاق لا لأمي ولا لأبي ولا لحدا ... بس مشتاق لتواليت متل العالم والخلق ... اييييييييييييييه الله لا يرويكم ... وبتذكر قصة الأسماء المزيفة .. كان في أسماء مشهورة ... يمكن محمد المحمد ... فمرة لقط المعقيد كام طالب .. طلعوا تنين منهم كاتبين نفس الاسم ... بس بما أنه ذكي طلب أسم الأب لحتى مايخربط بيناتهم ... ناظم القاضي ... أنور دندشلي وباقي دكاترة الكلية ... أسماء محببة ... يا أخي المحبة من الله |
|
#15
Sep, 29 2006, 20:30
| |||
| |||
| بالسنة الرابعة كانت الدنيا عمتتلج و الكلية بيضاااااااااااااااااااااا اااااااااا طلعنا على سطح الكلية ( فوق التعويضات ) _ المكان الذي لم ندسه أقدام غالبية الخريجين على مدار السنين _ و كل ما نشوف دكتور أو طالب نعرفو نبعتلو هدية ( من السماااااااااااااااااااء ) و الزلمة يعرف من وين الرصاصة خلصنا و نزلنا على محاضرة الأذنية رجلينا مي ( متشتشين ) و الله يا جماعة شلحنا من رجلينا و ( تجاذبنا أطراف الحديث ) عصب الدكتور و استلمني أنا و عبيدة العموري ......................... ( يا حزركون لحقنا نلبس و نحنا عمنتبهدل ؟؟؟؟ ) -------------- حزب اللازواج يقبل من يتقدم إليه أياً كان شريطة ألا يفكر بالزواج ( حتى ولو كان متزوجاً ) |
|
#16
Sep, 30 2006, 04:45
| |||
| |||
| حتى الاماكن تشتاق ... أما كانت في اللقاء
بعرفو من لما كنت سنة أولى وبتردد عليه لليوم ... واللي ما بيعرف قيمة هالمكان يطلع ويوقف فيه عشر دقايق ( تحت المطر أو بعز الشوب) ... ساعتها بيعرف أحلى شي بكليتنا ... وكل واحد بيطلع لهنيك يتذكرني ... وإذا ما تذكرني ... فالمكان بيتذكرني ... شهتوني اطلع زورو ... يمكن صرلي أكتر من شهرين مانزلت علكلية .... |
|
#17
Sep, 30 2006, 10:28
| |||
| |||
| حلوة الفكرة كتير أخي أبو العون.. ألف مبروك التخرج لكل طلاب الدفعة 34، والله يديم المحبة والذكريات الجميلة بينكم، وما تنسوا بعض في غمرة المشاغل والتزامات المستقبل.. تذكروا بعض، ولا تنسوا بعض ولو من رسالة جوال أو بريد الكتروني كل فترة.. والله يعطيك العافية.. وعقبالنا وعقبال كل الطلاب يتخرجوا وتصير لهم ذكريات.. |
| قال العضو التالي أسمه شكراً لك يا Ghareeb على هذه المشاركة المفيدة: | ||
|
#18
Oct, 01 2006, 00:02
| |||
| |||
| بصيف السنة الرابعة كان عرس عبيدة العموري العرس بلا عراضة و الله مالو طعمة ( مو هيك شباب ) أنا زلمة من حماة و العراضة الحموية _ مشهورة _ و الله انتخيت و رتبنا بعضنا انا و الشباب ( الدكاترة ) و ساوينا العراضة في جملة عنا بالعراضة بتقول ( عالديزستر ......... عالديزستر و الروسية سلاح العسكر و اللي ما عندو روسية يقعد بين النسوان .......... أستر يا حبابة ......... يا حبابة نحنا خلقنا للدبابة و عنا الفشك كوام كوام حاج تقول سلاحي قصّر ) النكتة إني قلتا و سكتنا فجأة بعد ما تذكرنا إنو نحنا بنادي الضباط ( مكان العرس ) الحمد لله ما انشحطنا |
|
#19
Oct, 04 2006, 01:55
| |||
| |||
| السلام عليكم جميعا و أحلى أبو العون بهالدني و لعيونك رح شارك و حاول أتذكر مع جميع الناس الرائعين بكل معنى الكلمة اللي شاركوني و شاركتهم هالدفعة 34 اللي ما بتتنسى أول شي أنا بعترف أنو هي أكثر الدفعات تفاهم و انسجام برأيي *رغم أنها لا تخلو من النقد أحيانا بسبب بعض الأشخاص* لكنهم أقلية و بالنسبة إلي أنا بحمد الله على أنو شرفني كون نقطة من بحر هالدفعة الرائعة  و أخيرا و ليس آخرا لن أغادر هذه الصفحة إن شاء الله و سأبدأ مشاركة الذكريات معكم لكي لا ننسى بعضنا..  |
|
#20
Oct, 05 2006, 01:18
| |||
| |||
| بصراحة أنا أول ما انقبلت بكلية الطب كنت مزعوج لأنو رغبتي الأولى كانت دمشق و كنت بحاجة علامة وحدة بس لصير بالشام.... بس اليوم بدعي و بقول ألف الحمد لله أنو كتبلي كون واحد من هالدفعة و أتشرف بمعرفة هالناس الطيبة و ما أكترهم و كان أول شخص بتعرف عليه بكل حلب و بكل الدفعة فريد فاخوري اللي بتربطني فيه لليوم صداقة رهيبة.. و طبعاً أبو العون من أوائل الأصدقاء و أكترهم جاذبية و مرح و جدية.. و هوي بكل بساطة أخوي .... و ما بنسى بحياتي موقفو مني لما كنا بالسنة الثالثة.... يومها انصبت بالتهاب الكبد A و كنت وقتها بحلب و خلاني المرض بالفرشة ( بعيد عنكم) و مهدود حيلي و الله أعلم بهديك الإيام شو كانت قاسية عليي.... وقتها زارني أبو العون و شاف حالتي هيك... قام ركض نزل عالسوق و جبلي بطاطا و راح سلقلي إياهم و صار يطعميني بأيديه ( الله يسلمهم ) و الله يا جماعة موقف ما بيصدر من إنسان عادي..... مشان هيك الله محببني بهالإنسان الخلوق ... و الله يدملو صحتو و عافيتو |
| قال العضو التالي أسمه شكراً لك يا basboos على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ذكريات | etoil de la mer | قصص وروايات | 2 | Feb, 17 2007 20:42 |
كل الأوقات حسب GMT +2، والوقت الآن 05:51.
