ذكريات الدفعة 34
يدور هذا النقاش حول ذكريات الدفعة 34 في قسم اجتماعيات في الملتقى الطبي السوري; الآن و بعدما تخرجنا من كلية الطب البشري بجامعة حلب حاملين معنا هذا الكم الهائل من الذكريات
وجدت نفسي متحسراً على أشياء لم أفعلها أو مبتسماً من أشياء فعلتها مشاركاً
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Sep, 26 2006, 16:08
| |||
| |||
 ذكريات الدفعة 34 الآن و بعدما تخرجنا من كلية الطب البشري بجامعة حلب حاملين معنا هذا الكم الهائل من الذكريات وجدت نفسي متحسراً على أشياء لم أفعلها أو مبتسماً من أشياء فعلتها مشاركاً بذلك أهل و شباب دفعتي في تلك السنوات الست كانت السنة الأولى لنا هي العام 2000 - 2001 و هنا يجدر الوقوف أما حدث عاصرته دفعتنا دون غيرها ففي هذا العام تمت مبايعة الدكتور بشار الأسد رئيساً لسورية في السنة الثانية لا أجد ذكرى ألمع من معسكر التدريب الجامعي و يذكر زملائي تلك المشكلة الكبيرة في ساحة المعسكر التي لم يستطع حتى قائد الكتيبة إطفاءها السنة السادسة و في أيام امتحان التخرج كانت حرب لبنان أذكر ايضاً أشخاصاً بأسمائهم و طرائفهم علاء نزال الاول في الامتحان الوطني و الأول لسنتيين متتاليتين : في السنة الثالثة كنت أنا و إياه في كلية الصيدلة . أعجبتنا فتاة جميلة فقلنا لبعضنا على مسمع منها ( يا الله ما أحلاها ) . التفتت إلينا و إذ بها الدكتورة المعيدة في مخبر الطفيليات التي كانت تدرسنا آنذاك . و التي كانت في دورة اللغة الألمانية مع علاء باسل داؤد الأكثر مرحاً في الكلية كلها : في السنة الرابعة كان الدكتور ؟؟؟؟؟ يعطي محاضراته عبر اللابتوب الخاص به ( بس أبو البيس الأخطبوط وصل على اللابتوب كاميرا ديجيتال و ماوس دون علم الدكتور و راح يلعب باللابتوب على هواه ) و الله لا يفرجيكون الدكتور و هو ينظر من بعيد إلى المؤشر على لوح الإسقاط يتحرك لوحده علي كوسا و الشلة العظيمة : دخلوا سوزوكي إلى الكلية و جابو سحارة فواكي ( ماني متذكر شو هي ) و صار التوزيع على أبو جنب بالكلية مرة سرقنا من لابتوب دكتور 90 سؤال امتحاني لمادة و طشيناها قبل الفحص بيومين . و لهلأ نفس الأسئلة بتجي كل سنة ( بس أهل الخير يللي فسدوا كتار ) بالسنة الخامسة شلتنا طلعت رحلة ( خاصة ) كنا نحنا لحالنا 40 واحد تقريباً وصلنا لمعلولا و صورنا فادي نعسان الحاج علي مع الحمار ( أهل الدفعة بيعرفوا قصدي ) و بعدين عملنا حضرة بين الجبال بمعلولا و لهلّأ يللي بيشوفا بيبكي عرس عبيدة العموري يللي الله يخليلوا راتب و بعدها رحلة تدمر لعند علاء ( يومان من المقالب و النكت المستمرة ) -- اسكتوا شفنا سجن تدمر الله لا يفرجيكون -- و ذكريات أخرى كثيرة أطلب من أصحابها أن يذكرونا بها  |
|
#21
Oct, 05 2006, 21:02
| |||
| |||
 واااااااااء واااااااااااءيا زلمة و الله رح تبكيني ......... ستور علينا هلق الناس بتفكرنا إخوة لاقي ما كتبت شي عن يوم الصلعة العالمي يا جماعة الساعة 3 بالليل ..ز أنا و أبو البيس استوينا دراسة ( دراسة الوضع الاستراتيجي الذي سيؤدي فيما بعد إلى وضع مؤهب للأجواء الدراسية ) و كان عنا ماكينة حلاقة ألمانية ( شغلة ) باسل حلقلي على الصفر بعدين حلقتلو و تاني نهار صار الحالقين هم عوني باسل فريد يمان حسين و التفاصيل لبيسو |
|
#22
Oct, 05 2006, 21:36
| |||
| |||
| نعم يا خيي بو العون حدا بينسى ال baldness day 21 كانون الأول 2004 كان يوم من العمر ~أبو العون: شو رأيك نحلق عالصفر....؟؟؟ ~بيسو: يلا شو ورانا .....ما في شي بيتخبى.... و الله و صار اللي صار طبعاً قمنا ببعض التسريحات المميزة أثناء الحلاقة عالصفر و أخذ الصور .... و كان يوم عالمي و بعد ما كنا اتنين شاركنا بعدين فريد و يمان و قمنا باللعب بعقلات حسين الغاوي و حلقنالو.................  طبعاً بعد هالمنظر اللي صرنا عليه ما نزلت عالجامعة إلا بالقبوعة الستر أحسن |
|
#23
Oct, 07 2006, 14:38
| |||
| |||
| بيسو .................... شو رأيك تنزلنا كام صورة عن اليوم العلمي للصلعة و علمني كيف بركي بنزل كام صورة عن فادي |
|
#24
Oct, 07 2006, 22:02
| |||
| |||
| أبو العون إذا بتحب تضيف صورة أنزل لمكان بتكتب مشاركتك بس اضغط على الوضع المتقدم بيفتحلك صفحة فيها خيارات أكتر منها إضافة مرفقات وهيك شي بس ما رح نزل صورنا يا زلمة استحي عدمك بلا فضايح....  |
|
#25
Oct, 24 2006, 23:57
| |||
| |||
| يا الله ياالله كيفكون يا شباب ع سيرة الفضايح خلينا نبلش فيها لما طلعنا ع طرطوس أنا و فريد و كتبنا في القطار قصيدة خنفشارية رائعة و نسيناها في القطار ثم وصلنا إلى طرطوس حيث يطرطس أبو البيس و تعرفنا إلى المنزل العظيم و الشرفة الرائعة و الجيران الـ( مسغربين ) آنذاك يا سادة يا كرام ابتكرت الأفكار الـ( مستشرقة ) لأبو الفر مصطلح الـ( هش ) و هو كلمة تقال مع المد ست عشرة حركة وجوباً عند رؤية شباب أو شابات ( مصيفين ) أي : هشششششششششششششششششششششششش ششششششش ثم يذكر أبو البيس أننا في العم التالي اتينا و معنا تسعة من أصدقائنا الآخرين الذين تعلموا مثل هذه المصطلحات و قاموا بمساعدة أبو البيس في تخليص والديه من عبء نصف كيلو عسل و أكثر من مئة جوزة و ربطتي خبز طرطوسي مسترطب من الرطوبة التي ما عاد ينفع معها إلأا السباحة و الله رحنا اسبحنا بشاطئ النورس ( عائلات ) و نحن كلنا شباب ما عدا فادي ( و هو شاب مما ملكت أيماننا كنا قد سبيناه في مخبر الكيمياء الحيوية في السنة الثانية ) و لهذا دخلنا بقوة قلب و سبحنا لكن عندما أردنا العودة إلى طرطوس ( 5 كم ) ركبنا في سيارة شحن سكانيا عتّلتنا من النورس إلى مكتب الدور في طرطوس حيث انتهت المغامرة الثانية في طرطوس و حاج فضايح اليوم ولا شو بيسوووووووووووووو |
|
#26
Oct, 25 2006, 12:27
| |||
| |||
| حبيبي أبو العون مزبوط كلامك ... و على سيرة طرطوس كنا نحنا بالبيت في المغامرة التانية و كنا ناطرين فادي و هديك الأيام ما كان في موبايلات و فجأة واقفين عالشرفة و إذا بفادي نازل من بعيد ماشي ورا وحدة ؟؟؟ وكانت مفاجأة إلنا كيف وصل لجنب بيتي و هي أول مرة بيزور طرطوس فطلع كل الشباب على الشرفة و صاروا يصيحولو فارتعبت البنت اللي قدامو و هرولت و هوي متل عادتو ما همو شي ركض لعندنا متل الـ؟؟؟؟ و كان حدث مثير و مفرط للضحك... و الفضايح أكتر و أكتر |
|
#27
Oct, 25 2006, 12:29
| |||
| |||
| عن جد ذكرياتكم كتير مثسرة .. و مليانة أكشن ... من السبي ..للحلاقة .. للرحلات والسباحة .. بس كمان طلع عندكم مصطلح الهششششششششششششششش ؟؟؟؟؟ يبدو أن هدا المصطلح متوارث في طلاب الكلية و بكل دفعاتها |
| قال العضو التالي أسمه شكراً لك يا عابد على هذه المشاركة المفيدة: | ||
|
#28
Oct, 25 2006, 13:49
| |||
| |||
| مرة برحلة المعسكر الانتاجي كنا بالبولمان عمنغني و الدكتور قائد المعسكر مع عائلته الكريمة في الطابق الثاني من البولمان من الأمام و صرنا نغنيلو ( طبعاً أغانينا المشفرة يللي بدال الكلمة النابية منقول طوت و بدال اسم الدكتور منقول _ أأ_ ) و إجا الدكتور لعنا لورا يا شباب و نحنا عيال صغيرين منعرفش حاجة .... آل إيه عاوز غنيّة حلبية و الله غنينالوا ( أخاصمك آه أسيبك لا ) بألحان ( إبعتلي جواب و طمني ) مرة جبنا ع المدرج بالسنة التاتة ( شلمون ) يللي بيشربا فيو الكازوز و كنا نحط بطرف الشلمون بذرة شجرة الكينا و ننفخ باتجاه الطلاب و الطالبات و الأساتذة و الموظفات و ما سلم حدا من شرنا و يمكن هلأ لانكشف سر الكينا فيما بعد ظهرت حرب الصطيك ( بالحلبي ) المطاط ( باللغات الحية ) و هي عبارة عن مطاطة تلفها على إيدكبحيث تجعل الزناد هو الخنصر ..ثم ......... نار يعني و الله كان يجي مطاط بالكيلو ع الكلية و أكبر الضحايا كان الأوائل في الدفعة ( علاء عبيدة فراس و حسام و حسن و غيرهم ) و وصل الأمر إلى أن حازم ( مربع ) علموا الدكتورة بمخبر التشريح المرضي كيف تلعب بس الخاينة تعلمت و ما لعبت !!! |
|
#29
Nov, 16 2006, 14:03
| |||
| |||
| يوم 15 \ 11 \2006 كان عرس الدكتور حازم اليوسف و هو من أكثر طلاب الدفعة عنداً و تناحة حضرنا العرس 14 واحد من الدفعة رقصنا كتير و ضحكنا كتير .... فرحنالو لحازم من قلبنا و عقبال المشتهي و لما خلصنا .... وقفنا على باب الصالة بساحة العاصي بحماه ( قلب سوريا ) و اشتغل البكاء يللي طلعلوا بالشام متل علاء نزال و براء يعقوب آغا و الأحدب و أنس السليمان و يللي تم بحلب متل فريد و العابة (وايسمان ) و الطرقجي و الجراح و نبيه و الخضاري و الهارون و غيرون و يللي راح ع حمص متل خالد العلي و يللي لحماه : العريس و يللي ع اللاذقية : أنا و أبو البيس يا جماعة والله صعبة عشرة عمر ................ وصلت لىخر المشوار ماعاد في غير الإيميلات و الموبايلات و الله العين بتشتاق يا زفرةً ما أكاد أخرجها آخرها محرقٌ و أولها نهاية المشروع ................ و لم يبق إلا الذكريات يا أحلى ذكريات يا كل الذكريات يا عمر العمر كلو يللي جاي و اللي فات قفا نبك من ذكرى حبيب و منزل بسقط اللوى بين الدخول فحومل فوداعاً يا أحبائي وداعاً أنا متعبٌ و العين تحتاج لغمض وداعاً يا حلب ..................... يا كرام حلب ......... يا من تركناهم في حلب يا سنين اللي رح ترجعيلي ارجعيلي بلحظة ارجعيلي و رديلي ضحكات اللي راحو اللي بعدا بزوايا الساحات |
|
#30
Nov, 17 2006, 01:47
| |||
| |||
| عوني رح نشتقلك دائماً طلطل علينا إذا فيك مبروك اختصاصك الجديد لو كنت بعيد عننا محبك بكل جوارحي شنكول |
| قال العضو التالي أسمه شكراً لك يا Shankool على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ذكريات | etoil de la mer | قصص وروايات | 2 | Feb, 17 2007 20:42 |
كل الأوقات حسب GMT +2، والوقت الآن 03:39.
