الآن و بعدما تخرجنا من كلية الطب البشري بجامعة حلب حاملين معنا هذا الكم الهائل من الذكريات
وجدت نفسي متحسراً على أشياء لم أفعلها أو مبتسماً من أشياء فعلتها مشاركاً بذلك أهل و شباب دفعتي في تلك السنوات الست

كانت السنة الأولى لنا هي العام 2000 - 2001 و هنا يجدر الوقوف أما حدث عاصرته دفعتنا دون غيرها ففي هذا العام تمت مبايعة الدكتور بشار الأسد رئيساً لسورية
في السنة الثانية لا أجد ذكرى ألمع من معسكر التدريب الجامعي و يذكر زملائي تلك المشكلة الكبيرة في ساحة المعسكر التي لم يستطع حتى قائد الكتيبة إطفاءها
السنة السادسة و في أيام امتحان التخرج كانت حرب لبنان

أذكر ايضاً أشخاصاً بأسمائهم و طرائفهم
علاء نزال الاول في الامتحان الوطني و الأول لسنتيين متتاليتين : في السنة الثالثة كنت أنا و إياه في كلية الصيدلة . أعجبتنا فتاة جميلة فقلنا لبعضنا على مسمع منها ( يا الله ما أحلاها ) . التفتت إلينا و إذ بها الدكتورة المعيدة في مخبر الطفيليات التي كانت تدرسنا آنذاك . و التي كانت في دورة اللغة الألمانية مع علاء
باسل داؤد الأكثر مرحاً في الكلية كلها : في السنة الرابعة كان الدكتور ؟؟؟؟؟ يعطي محاضراته عبر اللابتوب الخاص به ( بس أبو البيس الأخطبوط وصل على اللابتوب كاميرا ديجيتال و ماوس دون علم الدكتور و راح يلعب باللابتوب على هواه ) و الله لا يفرجيكون الدكتور و هو ينظر من بعيد إلى المؤشر على لوح الإسقاط يتحرك لوحده
علي كوسا و الشلة العظيمة : دخلوا سوزوكي إلى الكلية و جابو سحارة فواكي ( ماني متذكر شو هي ) و صار التوزيع على أبو جنب بالكلية
مرة سرقنا من لابتوب دكتور 90 سؤال امتحاني لمادة و طشيناها قبل الفحص بيومين . و لهلأ نفس الأسئلة بتجي كل سنة ( بس أهل الخير يللي فسدوا كتار )
بالسنة الخامسة شلتنا طلعت رحلة ( خاصة ) كنا نحنا لحالنا 40 واحد تقريباً وصلنا لمعلولا و صورنا فادي نعسان الحاج علي مع الحمار ( أهل الدفعة بيعرفوا قصدي ) و بعدين عملنا حضرة بين الجبال بمعلولا و لهلّأ يللي بيشوفا بيبكي
عرس عبيدة العموري يللي الله يخليلوا راتب و بعدها رحلة تدمر لعند علاء ( يومان من المقالب و النكت المستمرة ) -- اسكتوا شفنا سجن تدمر الله لا يفرجيكون --
و ذكريات أخرى كثيرة أطلب من أصحابها أن يذكرونا بها

حلوة الفكرة كتير ... يعطيك العافية أبو العون ... رح أكتب مذكراتي إن شاء الله ....

بتذكر لما كنت عمنزل ملخص الطفيليات ... كان في محاضرتين بيعطيهون دكتور غير الدكتور المسؤول عن المادة
كنت ما استظرفو لهلدكتور ... وكانت محاضرتو أول محاضرة الصبح
رحنا أنا وشب معي من الدفعة شامي قبل المحاضرة بنص ساعة ... أخدنا ملخصات قديمة مابتلزمنا ... وحجزنا الصفوف السبعة الأولى من المدرج كلها (وزعنا وراق الملخصات القديمة على المقاعد )
دخلو طلاب الدفعة وقعدو ورا على اعتبار المقاعد القدامية محجوزة .... قعدنا أنا ورفيقي بس قدام
دخل الدكتور اندهش ليش كل الطلاب قاعدين ورا ماعدا هلتنين .. وسألون ليش قاعدين بعيد ... قلو رفيقي الشامي ... يمكن بيخافو منك

بصراحة انا كل ما بفكر انو السنة الجاية رح اتخرج ان شاء الله بينتابني شيء من الخوف وبريد انو الوقت يوقف

عن جد ذكريات الجامعة لا تنسى

ذكرياتي بهالكلية كتيرة كتير
منها الحلو ومنها الحزين
بس فعلا ايام ما بتتعوض و دائما بحن لهالايام
شكرا ابو العون على فتح هالموضوع

الموضوع كتير حلو


بتمنى من كل دكاترة الدفعة 34 المتواجدين بأسرة بشري حلب يسمعونا شوي من ذكرياتهم



أبو العون .... كلك مفهومية ... موضوع بيعقّد

no body

و الله ضحكتني
أنا تذكرت الموقف تماماً .
بدي ذكرك بشغلتين
1 بالمدينة الجامعية وقت اللي ييجي الشوام لعند نور .....بتتذكر شو كانو ينادوه ؟؟؟؟؟؟
( نور الـ..................) و بتتذكر هداك الشامي كم مرة خلع باب درج الإنقاذ بالاوحدة 18 ؟؟؟؟
يا أخي الشوام شغلة

2 مرة كنت حاجز أول صف . إجت طالبة معنا إسما ( نـ........) و أخدت محلي
طلبت منا تتركوا ما تركتو .................... ظبعاً أنا كتيير مؤدب ......... استنيتا لراحت برا القاعة و خفيتللا دفترا بآآآآآآآآآآآآآآآآآآآآآآآخ ر صف و أعدت محلي ببساطة

مدري ليش المواقف اللي بتذكرها عن الدفعة كلها مزعجة ... أو فيها جانب مزعج
بمحاضرة الجراحة 1
الدكتور اللي بيعطينا قسم جراحة الثدي ... كان كتير حريص إنو ماتتاخد ملفات البور بوينت من سيديتو
ومرة طلبت منو الملف قلي مستحيل
جبت برنامج ونزلتو عجهاز الكلية
هاد البرنامج بينسخ السي دي المحطوط بالسواقة بشرط يأقلع جهاز الكومبيوتر والسي دي بالسواقة
شو الحل ؟
إجا الشب الشامي بنص المحاضرة (طبعا مادخل علمحاضرة ) وكان الدكتور حاطط السيدي بالسواقة وعمسرح
من برات المدرج محل القاطع تبع الكهربا
الشب الشامي فصل الكهربا عن المدرج ... ثواني ورجع وصلها
الجهاز أعاد اقلاعو ... والملف انتسخ
موهون اللذة ... بعد المحاضرة لحقتو للدكتور عمسألو سؤال ... بعدين قلتلو : دكتور ماقررت تعطينا الملف ...
قلي : لأ ... قام الشب الشامي (كان واقف جنبي ) قللو: براحتك.
...............................
بمحاضرة الغدية ... الدكتور اللي بيعطينا الدريقات
وأنا قاعد أول صف
هو دار وجه ... نسخة الملف تبع الدريقات ...
الدكتور حس بحركة غريبة ... اندار علي وزورني ... ابتسمتلو ابتسامة بلهاء (وكأنو عبقول عديها هلمرة ) فمن ابتسامتي ضحك .... ومشت الأمور ... على اساس مو كل محاضراتو ناسخينها

احلى شي كان بدفعتنا هو تعاونها على النيل من الدكاترة
بتذكر بالسنة الرابعة كنا اول دفعة كانت بتساوي سرقة منظمة لكل ملفات الدكاترة

لهلأ بتذكر كيف كنا نجيب الخبير اب البيس من المدينة خصوصي ليسرق هالملفات حتى من الاب توب الخاص بالدكاترة

بتذكر مرة انو د حسن كيالي (مو رفيقنا اوبتمستو) حس على باسل انو سرق ملفاته وطععاه بهدلة

و تذكرت انو بمعسكر التدريب كنا اول دفعة ابتكرت فكرة كتابة اسماء الدكاترة على اللوحات الاسمية
بتذكر انو مرة فصلوا دكتور انور دندشلي من المعسكر من وراها

مرة كنت هربان من المعسكر (معسكر السنة الأولى) ... ورجعت علاجتماع الصباحي بعد سهرة طويلة
بالمحاضرة البايخة بعد الاجتماع الصباحي ... أنا وطالب تاني نمنا
الملازم اللي عبيعطينا المحاضرة فيقنا وقلنا روحو منبطحا تحت الشمس مشان اعلمكم كيف بتنامو بالدرس (كانت الساعة تقريبا 11الظهر )
رجع يطل علينا بعد ربع ساعة لقانا منبطحين وما عمنحرك ساكن ... قرب مننا .. لقانا نايمين
انجلط ... وقلنا: روحو كملو نومتكون بالخيم ... انتو مافي أمل منكم
أنا حملت حالي وبوشي علسور تبع المعسكر ... رحت كملت نومتي بالبيت