YELLOWكديدنه بابتسامته العريضة ومشيته المميزة ونظارته الشمسية يأتي كل يوم كغمامة صيفية لا تكاد تبين حتى تختفي وتبين من جديد لقد اتى ظهر يوم الاربعاء ليلقي علي انا ونور تحيته ثم اسرع بالاعتذار لأنه يريد الذهاب الى البيت ..........وعندما اراد ان يستقل مركبة الى البيت عاد الينا مسرعا بوجه { بدون نظارة شمسية }اقل ما يقال فيه انه yellow ثم اخبرنا انه قد سرق ..........لا لا ليست نظارته التي سرقت بل جهازه النقال عندما نظرنا الى خصره الميال لم يكن يوجد فيه الا بيت جلد خاوي ....تحت الحاحي الشديد ذهب ليوقف خطه ثم غير رأيه ....هذا الجهاز اشتريته له بيدي منذ شهر {بكرتونته } ولم يتهنى فيه المسكين فيد اللص كانت اطول اليه .....

قصة مشابهة حدثت لمحدثكم منذ فترة ليست ببعيدة واخرى مشابهة حدثت لأخي واخرى لوالدة d.x واخرى لوالد دافيدسون حتى دكتور اكس سرق جهازه ذات مرة ومن حسن حظه انني كنت الفاعل ردا على تهكمه كيف ان جهازي سرق من خصري ولم اشعر ...

وسؤالي هنا هل ان تلك الشركتين العظميتين شركة بعيدة وشركة يا وجع{ اريبا وياهلا} شريكتان في هذه السرقة......الجواب نعم لماذا لا تقومان بتفعيل خدمة كشف اول اتصال من الجهاز وليس من السيم الا تشكل بذلك غطاء لأولئك اللصو ص بل انها تفوقهم سرقة بسرق المشتركين ولسان حالهما يقول {شركة اريبا ....... نحن هيك خود السيمة او سيبا }...{شركة ياهلا خو من عنا او بلا }

لقد راجت هذه الظاهرة وماجت حتى للفتيات سرقتهن صارت فنونا فمجرد ان يسحب اللص عليها سكينا او شنتيانة او اي قطعة سلاح اخرى {مسدس }حتى تعطيه حقيبتها ونقودها وجهازها ....حتى السيارات لم تسلم من السرقة ان كان فيها جهاز نقال ..لذلك هذه هي نصيحتي:


لا تضعوا الجهاز في السيارة ظاهرا ....وللفتيات اربطن الجهاز على الصامت على عكس شفاهكن {على الهزاز} عندما تمشين في شوارع خالية نسبيا ولا تحاولن مقاومة اللص اذا ابتزكن حفظا على السلامة ....وللشباب الحيطة في الأماكن المزدحمة كمواقف السيارات وللأسف {في المساجد} ..خلاصة القول ان yellow وانا اشهد له بذلك تقبل الامر ببساطة وروح رياضية مع ان دمعته {اقصد جهازه} كادت ان تحرق قلبي ....

وعليه اقول :
yellow وآل yellow ينعون اليكم بكامل الآسى واللوعة فقيدهم الغالي البالغ من العمر شهرا واحدا اثر حادث اليم{اقصد سارق لئيم} تغمد الله الفقيد في جيب خصر اامن من جيب يللو وانا لله وانا اليه راجعون ......
ملاحظة : تقبل التعازي في موضوع صديق صاحب الفقيد ........ولا حول ولا قوة الا بالله العلي العظيم ...



قبلاتي بشفاه مثلمة ليللو وجميع الاصدقاء ....DR_MM

.

الله يرحمو ويحسن إليه....((قصدي على جهاز yellow طبعا))
المشكلة أنا كنت معو وقت انسرق الجهاز بس ما قدرت أنقذوا ....... ..((أنقذ جهاز yellow طبعا))
صدقني أنا راح انتحر هلق لأني ماقدرت ساوي شي ....
سلام.....

يا لطيف ... هيك والدنيا رمضان ...

يمكن كنت لازم تغير جهازك من زمان ..
آسف .. عبمزح

الله يهون عليك.. تقبّل تعازيّ الحارة mr.yellow..

البقاء لله ... لا اله إلا الله ...

المشكلة أنا كنت معو وقت انسرق الجهاز بس ما قدرت أنقذوا

معقول كنتو تنين وانسرق الجهاز ... والله هالسارق لذيذ

على فكرة انا بقدر مأساة مستر ييلو لانو موبايلي طب مني من يومين
والطتش بعدها وا لقيتوا
بتمنى انو تتفعل هي الخدمة اللي حكيتوا عنها

ياحرام
الله يجعلها اكبر المصائب

انسرقلي جهاز من سنتين ماكان جهاز محرز بوقتها بس شي بيقهر كتير انو ينسرق غرض
المهم الواحد يدير باله للأخير على جهازه
أنا مابسترجي أرفع موبايلي لأحكي بالسوق او بالشارع فممكن أي شخص على بسكليت أو عم يركض يسرقه و يسحب بسرعة ( انتشرت هل ظاهرة كتير آخهر فترة )
أفضل مكان لإله هو بالشنتاية و ما بيطلع غير وقت اللزمة

ديروا بالكم

خيرها بغيرها .. تعيش وتاكل غيرها ..
شلون بدنا نواسيك .. عنجد موقف صعب جدًا .. وإن شاء الله .. ربنا يعوضك خيرًا منه في الدنيا والآخرة .ز
والسلام عليكم

والله هالقصص كترانة وصايرة ظاهرة هالكم يوم
كمان من فترة صارت مع أحد رفقاتي والأنكى من هيك أنو الحرامي أوبالأغلب العصابة ( لأنن أبدا ما بيشتغلو لحالن ) سحبو عليه سكاكين وهددوه
وصارت الحادثة قدام شرطي مرور عمل حالو مو شايف شي ( كمان الزلمة عندو عيلة وولاد بدو يرجعلن )

الله يجعلها أكبر المصايب وانشا الله بيعوضك بأحسن منو والعوض بالسلامة
الأحسن كل واحد ياخد حذرو كتير منيح
ولاد ال............... كتار


تحياتي

حسبنا الله ونعم الوكيل........... تعازي الحارة لمستر يللو ولا يهمك بكرا بتجمع عيداياتك وبتشتري جهاز جديد

طيب اسمعوا شو صار اليوم :

كنت قاعد انا وmmi ومعنا واحد من الشباب من الدير في الجامعة على الكرسي ع بنتحادث ومالكم بالطويلة قمنا بدنا نروح ع البيت وصلنا ع باب الحرس وع بنودع بعض قام صرخ mmi جهازي .........راح ........ولي .ضرب ايدو على خصره مالقى الجهاز المهم رجعنا ع الجامعة ..دورنا ع الكرسي عسى ولعل يكون طابب بشي محل .........عبث مالقينا شي
قعدنا نواسي mmi ونفكر وين راح الجهاز فخطر على بالنا انو قبل شوي اجا واحد من هدول الولاد اللي بيلزقوا فيك وبيقلولك {عطيني خمسة} شكينا انو هو اللي اخد الجهاز والله ما كذبنا خبر رحنا وسألنا شباب اذا حدا شاف الولد ........ما في امل ما حدا شافو و راح الجهاز
والله قام رفيقنا الديري وقال مافي النا غير بائعي الدخان هدول بيعرفوه .....ايه .....رحنا وقلنالهم .هيك .....هيك القصة .قام بياع الدخان وقال .ايه مو تكرم عيونكم .خمس دقايق وبجبلكم ياه
وفعلا ما في خمس دقايق كان الولد والجهاز قدامنا .
مابعرف انا حسيت انو القصة مفبركة والجماعة عصابة وحدة ولولا انو الشب الديري بيعرفوا لبياع الدخان ومهدد ومتوعد لكن الجهاز طار وماحدا سمى عليه

فديروا بالكم يا جماعة من هدول الولاد

معقول كل هاد .. ما كنت متوقع أنه سرقت الموبايلات مستشرية لهالدرجة ..
أرجو من كل واحد بيعرف قصة موبايل انسرق من صاحبو يكتبلنا اياها هون ..
سواءً كان موبايلو الشخصي انسرق (متل ايللوني مثلاً) أو موبايل حدا من رفقاته ..
عسى ولعلّ نصير نعرف أساليب هالحرامية .. ونحذر منهن .. الله يستر على موبايلي ..
سلام
--------------
ليه ما في زر شكر عند مشاركة نور .. الف شكر ... هيك يا جماعة .. اللي بيصير معو قصة يحكيلنا اياها ..
سلام