| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Oct, 10 2006, 01:46
| |||
| |||
 امتحن نفسك (5) !!!! مرحبا يا شباب الرابعة وشو نسيتو التشخيص يا شباب الخامسة .. حبيت أضع هذا الاختبار كنوع من شحذ الهمة عند شباب الرابعة وتذكرة لجماعة الخامسة .. أنا قمت بوضع بعض المعلومات لكل حالة ، وانا جاهز لأي إيضاح آخر .. هاتو لنشوف أجوبتكن ..  بتمنى من شباب البشري يشاركونا مشكورين بخبارتهون كمان .. أرجو عدم التسرع بالإجابة إلا عند التأكد واسأل عن جميع الاستقصاءات اللي بدك ياها وأنا أعطيك الإجابة ولا يهمك بس لا تحط الجواب عن عبث لأنو في بعض الحالات سهلة كتير بس بدها تدقيق والبعض كتير صعب وبدو نكش وبحبشو وراها، وهون مافي مجال للتشخيص البدئي يعني ما عندك عذر بدي التشخيص النهائي الدقيق للحالة تماماً وطريقة العلاج كمان واطلوب التحاليلي والاستقصائات والقصة الطبية اللي بدك ياها وأنا جاهز ... سأقوم بوضع الإجابات الصحيحة بعد عدد جيد من المشاركات وعندفقد الأمل من إضافات مشاركات جديدة  موفقين الحالة الأولى : مريض تعرض مؤخراً لنزلة كريب شديدة ، وبعد شفائه من الكريب بـ 4 أيام ظهرت هذه الآفة ، كان المريض يتناول أدوية مسكنة للألم (سيتامول) وفيتامين ج أثناء الأنفولنزا ، لا يوجد آفات أخرى في الحفرة الفموية ، فحص الإطباق : سليم ، الصحة الفموية جيدة جدا إن المريض هو رقم 7 بين أخوانه الشباب وعمره 12 سنة 1.jpg الحالة الثانية : مريض عمره 27 سنة ، لا يوجد أمراض عامة ، يوجد فقد في الأسنان الأمامية العلوية غير ، لدى المريض أعراض صعوبة مضغ وبلع ، ويشكتي المريض من هذه الآفات التي ظهرت منذ أسبوع ولم تزول كم أنه قد زارنا سابقاً واشتكى من تكرار النخور رغم عنايته الجيدة بالصحة الفموية وقد تمت معالجة النخور، المريض لا يتناول أي أدوية ولا يستعمل مضامض فموية ولكنه يحب شرب الشاي بكثرة . 2.jpg الحالة الثالثة : مريضة من أفريقيا ، أثناء زيارتها لنا في الصيف كسائحة أتت معالجة حالة التهاب لب حاد ، وإذ نكتشف وجود هذه الأفة البيضاء على اللسان ، بعد التحري وجدنا أنها موجود منذ فترة لا بأس بها ، عمر المريضة 25 سنة ، غير مدخنة ولا تشرب الكحول إلا في المناسبات ، تحب أكل شرب العصائر الحمضية بكثرة ، الحالة الاجتماعية لديها ولد من زوج سابق وولد من زوج قد هجرها منذ ثلاثة أعوام لعدم ثقته فيها . 3.jpg الحالة الرابعة : طفل ظهرت له أمس هذه البقع أتى به أهله لعيادة طب الفم خوفاً من أمراض دموية أو نزفية ، التحاليل الدموية لم تكشف وجود أي خلل في الصفيحات أو الكريات ، لد الطفل توعك وتعب بشكل عام ، لم يتناول المريض أي دواء منذ ثلاثة أشهر حيث تناول حيننها صادات حيوية وومسكنات ألم لوجود كريب متوسط الشدة سابق مع إصابة بلعومية إنتانية مرافقة وشفي منها تماماً.لا يوجد تنفس فموي والإطباق طبيعي .. المريض مازال تحت المراقبة منذ ظهور الآفات من يوم وحتى الآن .. 4.jpg الحالة الخامسة : لدى هذا المريض العديد من القرحات المنتشرة في الحفرة الفموية والتي ظهرت بشكل متزامن ،مؤلمة ، وتتوضع في العديد من المناطق ، المريض وأهله ذكروا أن مثل تلك القرحات لم تظهر عنده إطلاقا وأن ذلك حدث غريب عليه ،حيث تتشكل حويصلات سرعان ما تنفجر للترك هذه القرحات المؤلمة .. 5.jpg  |
|
#2
Oct, 10 2006, 01:49
| |||
| |||
| برجع بنبه !!! التشخيص الذي يختلط مع تشخيص آخر يعتبر خاطئ ، أي مافي مجال للتشخيص التفريقي بدي التشخيص النهائي حتماً حتى ولو كان التشخيص موافق للوصف البدئي لآفة بس لا يوجد عذر كل شيئ متاح من قصة وخزعة وتحاليل انت بس اطلب وأنا تحت أمرك .. وقد أعذر من أنذر ..!!! |
|
#3
Oct, 10 2006, 12:59
| |||
| |||
| بالنسبة للحالة الثانية شو وضع لعاب المريض؟ والفقد بالأسنان الأمامية العلوية هل هو معوض وما هو نوع التعويض؟ بالنسبة للحالة الثالثة بدي قوام اللسان بالجس هل هو قاسي أم طبيعي ..وهل الآفة مؤلمة .. أو محرقة؟ هل يوجد طعم غير طبيعي؟ بالسنبة للحالة الرابعة . كم عمر الطفل؟والصورة ما هي واضحة كتير,,هل يوجد آفات حمراء معممة في المخاطية الفموية أم فقط على قبة الحنك؟ وهل يوجد حرارة عند الطفل؟ الحالة الخامسة.. هل يشكو المريض من أية أعراض جلدية ؟ |
|
#4
Oct, 10 2006, 18:36
| |||
| |||
| أوكي صادقلي .. رح جاوبك بس بحب أنبه إنو بتمنى الإجابات ترسل إلي على بريدي الإلكتروني مشان ما حدا يغش (لأنو بعرفكون) كل واحد بصير يقول أنا هيك كان بدي قول ، وخلو المجال هون لطرح الاستفسارات .. عنواني البريدي wesambassout@gmail.com سوف يتم إعلان النتائج كما أسلفت سابقاً بعد فقداني الأمل من إضافات جديدة .. وشكراً وإذا حدا لسى بيرغب بتعديل إجاباتو يبعتلي ما في مشكلة لأنو هي أول مرة منبلش فيها هيك شغلة .. شدو حيلكون .. -------------- هلق صادقلي مشان أسئلتك ، أنا حكيت مع المرضى (عم بمزح  ) وقالوا مايلي :الحالة الثانية : وضع لعاب المريض بالنوعية (طبيعي) ، أجري له فحص جريات لعابي بتحريض الغدد اللعابية فتبين وجود انخفاض شديد بالإفراز ، اللأسنان الأمامية غير معوض عنها وعم يستنى حدا يحن عليه من العيادات السنية ويعملو جسر أمامي الحالة الثالثة : اللسان بالجس طبيعي ، اللآفة غير مؤلمة وغير محرقة ، لا يوجد طعم فموي سيئ أو غير طبيعي .. الحالة الرابعة : عمر الطفل 9 سنوات ، يوجد ارتفاع في الحرارة ، لا يوجد سوى هذه الآفات بشكل نقط بيضاء مزرقة على قاعدة حمامية ومكان التوضع واضح تماماً بالصورة . الحالة الخامسة : نعم يوجد أعراض جلدية غير معممة ، حيث يوجد بعض الحويصلات على جلد كل من الذقن ، الشفة ، الأصابع. |
| قال العضو التالي أسمه شكراً لك يا Wesambassout على هذه المشاركة المفيدة: | ||
أنا بالانتظـــــــــــــــار !!!|
#6
Oct, 19 2006, 04:59
| |||
| |||
| المشكلة يا وسام انك بدك التشخيص النهائي طيب الحالة الاولى : حدا من اخوة المريض عندو افات مشابهة؟ الحالة التانية : قصدك ب (فقد في الأسنان الأمامية العلوية ) يعني ماطلعلو سنان امامية ابدا؟ عندو افات جليدة ؟ الحالة التالتة: جربت شي تقلع الغشاء الابيض ... شو طلع تحتو؟ الحالة الرابعة: في عندو مشكلة باللوزتين؟ الحالة الخامسة : في افات مشابهة في المنطقة التناسلية؟ يسلمو وسامو .. بدك تستحملنا بس الاسئلة شوي دقيقة سلام  |
|
#7
Oct, 19 2006, 20:09
| |||
| |||
| عراسي يا نو بدي !! رح أجاوب على أسئلتك .. الحالة الأولى : لا يوجد أي من أفراد العائلة لديه آفة مشابهة (يعني انسوا موضوع الوراثة ) ، وبحب أزيد أنو المريض منتسب لنادي الاتحاد لكرة القدم (الأشبال طبعاً) !!! الحالة الثانية : فقد الأسنان عند هذا المريض كان بسبب تعرضهم منذ 3 سنوات لرض (حادث سير) في المنطقة الأمامية فقد على أثرهم الأسنان الأمامية العلوية (يعني مو فقد ولادي) ، لا يوجد آفات جلدية مرافقة .. الحالة الثالثة : الآفة غير قابلة للإزالة .. الحالة الرابعة : ما في مشكلة في اللوزتين (طبعاً في هذا اليوم من التشخيص) ما بعرف شو صار معو بعدين لأنو نحن بهمنا هذا اليوم مشان نشخص الآفات المماثلة ، هي كتير قربتلكون ياها !! الحالة الخامسة : لا يوجد آفات تناسلية أو بلعومية مرافقة (ما بدي أعقد القصة أكتر من هيك .. ) ..خلو تشخيصكن أسهل من هيك تعقيد ... وفكرو بالقصة السريرية منيح واستنبطوا الأشياء التي ممكن ألا يذكرها المريض أو يخفى عن الطبيب السؤال عنها !! |
| قال العضو التالي أسمه شكراً لك يا Wesambassout على هذه المشاركة المفيدة: | ||
|
#8
Oct, 20 2006, 02:00
| |||
| |||
| وسام استحمل اذا بتستحمل ... الحالة الاولى : عندو مشاكل هضمية؟ ... بدي تعداد كريات بيض وحمر ... عندو مشاكل عينية أو مفصلية؟ ... في افات جلدية مرافقة؟ معقول يكون في مشكلة بالاسنان الامامية السفلية عمتسببلو هالتقرح (هي مو شغلتي)؟ الحالة الثانية : شرحلنا شو الافة بالضبط ؟ ... الصورة ما بتوضح بدقة نوع الافة الفموية ... معقول يطلع المريض حارق سقف حلقو بالشاي السخن .. بدي اضداد ايدز؟ ... في مشاكل عينية او مفصلية ؟ الحالة التالتة : عميل للمريض تحليل اضداد ايدز؟ ... الحالة الرابعة: انا شايف تمو كلو ابيض ... وين توضع الاففة بالضبط ؟ هدول نقط؟  الحالة الخامسة : كم يوم صرلها ؟ عبتروح حويصلات ويطلع غيرها؟ في افات هضمية مرافقة ؟ يسلمو وسامو |
|
#9
Oct, 20 2006, 17:50
| |||
| |||
| أوكي معلم : بس بحب ذكر انو الإجابات ترسل على بردي الالكتروني لأنو شايفكون بلشتو تفكروا مزبوط !! وكل واحد يرتب لاسيرة المرضية حسب المعطيات الجديدة مع بعضها هيك بكون أسهل استنباط التشخيص ! الحالة الأولى : لا يوجد مشاكل هضمية... تعداد الكريات البيض 6900 كرية / مم3 ، الكريات الحمر 4.8 مليون كرية / مم3 ... لايوجد مشاكل عينية أو مفصلية ، ولا يوجد افات جلدية مرافقة .. ارتصاف الاسنان الامامية السفلية ممتاز ومافي مشاكل (كويس انك انتبهت للنقطة بس أنا ذكرت فوق أنو الإطباق طبيعي ) .. الحالة الثانية : وصف الافة : نقاط حمراء ...... أكيد المريض مو حارق سقف حلقو بالشاي السخن (بس عجبني تفكيرك فيها) .. فحوص الـ HIV antibodies حسب الـ ELISA والـ Western Blot كانت Negative ... لا يوجد مشاكل عينية او مفصلية .. الحالة الثالثة : تحليل الـ HIV antibodies : - ELISA أول مرة : Positive - ELISA ثاني مرة : Positive - Western Blot : كانت النتيجة Positive الحالة الرابعة : وصف الآفات : الآفات بشكل نقط بيضاء مزرقة على قاعدة حمامية والتوضع واضح جدا في الصورة (شراع الحنك والجزء الخلفي من قبة الحنك) الحالة الخامسة : اللآفة ظهرت من 5 أيام ، الحويصلات الفموية عم تنفجر تتقرح ومو مبين أنو هذول الحويصلات عم يطلع بدالون لأنو الفم مليان منها مع ما أشرت إليه سابقاً .. يوجد تعب جسمي عام وتوعك وارتفاع حرارة ولا توجد أمراض هضمية بالخاصة مرافقة للحالة اللهم سوى فقدان للشهية (ما بعرف إذا إلو علاقة أو يعتبر مرض هضمية) |
| قال العضو التالي أسمه شكراً لك يا Wesambassout على هذه المشاركة المفيدة: | ||
|
#10
Oct, 20 2006, 22:08
| |||
| |||
| هلااااا أبو السوم هلأ شفت الموضوع الحلو هاد اعطينا مهلة ولايهمك |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| امتحن نفسك 4 - وين طلاب البشري يشاركوا معنا | Adeeb | طب الفم | 32 | Jan, 08 2006 00:11 |
| امتحن نفسك 3 | sadekly | طب الفم | 11 | Dec, 13 2005 14:22 |
| امتحن نفسك - 2 | Wesambassout | طب الفم | 4 | Dec, 09 2005 13:38 |
| امتحن نفسك | Adeeb | طب الفم | 14 | Dec, 09 2005 02:10 |
كل الأوقات حسب GMT +2، والوقت الآن 11:55.
