السلام عليكم ...


بالربيع اشتريت هارد . توشيبا 250 غيغا . ما ركّبتو غير من شهر, لما حاولت أقسمو من الدوز عطاني مشاكل ولما شيكتو طلع فيو كوشة باد سيكتورز.
رحت بدلتو , عطوني سياجيت Seagete 250 غيغا. بس طلع كمان ما بيتقسم رحت بدلتو على نفسو. رجع صار يعطيني باد سيكتورز بنفس المكان السابق . هون في احتمالين:
1. نظرياً السيستم عندي عم يعطلو, مثلا البيوس (ماني مركبة هاردات تانية) أو البرنامج يلي عم قسم فيه (بارتيشين ماجيك) بس هادا جداً نظرياً لأن مو معقول يعني وما سمعت حدا سيستمو عطلت هارد جديد شغال.
2. أن رجعولي نفس الهارد (من الهبلنة) أو هارد تاني مضروب بنفس المكان.

المهم ..... قلت لحالي أوكي شغال من أصل 250 غيغا بايت 60+60+60 = 180 غيغا !! قررت جرب نصب ويندوز عالأماكن الشغالة, بدون ما أبلوك الباد سيكتورز.
نزلت بالزور ويندوز اكس بي عربي (لأن ما شاء الله من أصل 6 نسخ أم الخمس وعشرين ليرة من عبارة السيديات طلعت شغالة وحدة بس). ضل شغال عندي شي 24 ساعة . وفجأة .. وقف وجمد كلشي (طبعا السيستم كانت عم تصفن قبل هيك حتى). وطلعت شاشة زرقا . والسلام عليكم.
بالعيني والروحي ما عاد اشتغل الهارد .. بالضرب كمان ما اشتغل.
غيرت السليف كمان ما اشتغل.
حطيت هارد قديم عليه ويندوز قديم عنفس السليف ونفس كلشي, اشتغل تمام.
مممممم .. من الملاحظ أن الهارد بنوب ما عم يشتغل لأن ما عم يطلعلو صوت غير (بييب) عالخفيف, ولكن صوت دوران القرص الداخلي مو مسموع.

حدا بيعرف شو ممكن يكون السبب للصفنة العجيبة ؟


والسلام عليكم

يا ربي ... أديش راسكون يابس الله يعين مريضكون ههههههه خلص بس حطيتو ببالكون تشخيص ما بتغيرو


شكرا للجميع وانا بكرا نازلة عالشركة أبدل الهارد

أحسن شي

بس انتبهي شيليه بكفوف الراحات
وما تهزيه على الطريق

كليوباترا بتعملي زينة العقل ..
أغلب الظن أن المشكلة من الهارد نفسه.. شغلة أن ويندوز اشتغل مرة بتحير شوي
ومتل ما قال شنكول طبيعي الجهاز يصفن إذا كان في قطاعات تالفة..

شو رأيك تخلي الشركة تقسمه وتجربه وبعدين تستلميه (إذا كانت هالخدمة متوفرة )
بالتوفيق..

السلام عليكم ..

للصراحة عم بتكاسل هاليومين انزل .. لأن دوامي بالجامعة للستة ونص . بس يله بكرا ان شاء الله

المشكلة ............. هادا تالت هارد باخدو من الشركة فيو مشكلة. هنة طبعا مجبروين يضلوا يخدموني ويبدلولي ياه لبين ما يزبط معي عالكفالة. بس والله من أخد إجري لهونيك ما عدت حبيتون.

لسه جهازي هادا بلش يصفن كمان . يعني عن قريب بصفي بلا جهاز

ادعولي ..

وشكرا

والسلام عليكم

لسه جهازي هادا بلش يصفن كمان . يعني عن قريب بصفي بلا جهاز

الله يعينو هالجهاز
شو بدو يتحمل ليتحمل
انتبهي ما ينتحر متل الهارد ديسك

كليوباترا ما خبرتينا شو صار معك ؟؟ بدلتي الهارد

she told you her PC is dying looks like this really happend

السلام عليكم ...


منرجع لهالموضوع أنا قصدا ما كنت عم فوت لأن ما كان في أحداث صايرة.

من فترة رحت بدلت الهارد (طبعاً تحت زورات الموظفين أول ما دخلت عالشركة) والموظف اللي قلي : وبعدين ؟ .. بس متل الـــ.... اضطر يبدلّي ياه . مالنا فيه.
شلتو عكفوف الراحة .. بحيث ما يهتزلّو ولا هزوزاية

بما أن كنت خايفة أن المشكلة من جهازي (القطع الباقية), مثلا الماذر أو السي دي الاقلاع يلي كنت عم استخدمو .. إلخ
فعطيت الهارد لأخي ....... أخي قسّملي ياه ومشي الحال جبتو نزلت عليه ويندوز وهياتني عم حاكيكون منو !

بس صار في مشكلة تانية

كرت الصوت !!!

أول الشي ما كان عم يشوفو الويندوز قمت فكيتو ورجعت ركبتو.
شافو وعرّفتو وكلشي, اشتغل الصوت لمدة دقيقة .. بعدين صار غباش ؟؟
هلئ كلو غباش ......... أنا متأكدة الشغلة مو من الدرايفرز ............... من شو ممكن تكون ؟
أول ما بفتح الويندوز .. أحيانا عم يكون منيح بعدين بيغبش.

كمان مو الدايركت إكس .... ومو من البافلات (لأني جربت الإير فونز).

حدا صارت معو هيك مشكلة ؟؟


والسلام عليكم

أول شي كنت عبقول متل بسام يلا الحمد لله عالسلامة

بالنسبة لكرت الصوت....ممممممممممممم
غريبة كتير .. بس من الأعراض اللي ذكرتيها أنا برجح تشخيص "متلازمة المقبس" (على الطريقة الطبية )
بما أن الصوت عبكون واضح أحياناً وسيء غالباً وبعدين بيرجع بصير كويس مرة تانية لوحده وبرجع بسوء، فالمشكلة مو برمجية (يعني مالو دخل ويندوز ولا الدرايفرز)
المشكلة أكيد هاردوير..
أول شي تأكدي كويس من تركيب كرت الصوت في محله كويس (وركبيه ببرغي)
وتأكدي كمان أنو السماعات شغالة تمام (لازم تجربيها على جهاز تاني - مسجلة مثلاً وحركي شريط السماعات مشان تتأكدي أنو سليم)
إذا عملتيون ولسا المشكلة قائمة فمعناها متل ما قلت - متلازمة المقبس
يعني إما المقبس اللي فيه الكرت فيو مشكلة وبالتالي لازم تفكيها مرة تانية وتحطيها بمقبس تاني (على المذر بورد)
أو........
أو الكرت مضروب، يعني مرة بيشتغل ومرة لأ ومرة بغبش ...
(بصراحة هادا اللي برجحه بس خلي عندك أمل وجربي المحاولات السابقة)
إذا كان ولابد ..... بدك تغيري الكرت

جربي وخبرينا شو بصير معك

السلام عليكم .....


بدي غيّر اسم الموضوع. أعملو (ومشاكلو التي لا تنتهي) . عم عذبكون معي خصوصي إلكترو دوك الله يعطيك العافية ويجزيك كلللل الخير يااااااا رب .

حذفت لدرايفرز (احتياطا) .. طفيت الكومب .... حركت الكرت شوي (مليت من شغلة الفك والتركيب), ما ضل عندي ملح بالماذر, لكن اذا لزم الامر فرح شيل الكونترولر (بالمناسبة حدا جرّب يستخدم الكونتروللر مشان زيادة سليفات الهاردات والرومات ؟ - لأن كمان مو شغّال معي من أول ما جيتو يا اما انا مو عرفانة شغلة).

المهم ... اشتغل الكرت لما رجعت عرفتو ولهلئ شغال لنشوف شو بيصير مع الوقت !

في كمان مشكلة هلئ انا عندي الكيس مليان شغلات . سوّاقتين .. وهاردين . الهاردين عليهون داتاز مهمة, وهنة قديمات ما عليهون نظام, وهلئ انا ماني واصلتون لو أن هنة جوات الكيس. للهارد الجديد (ربي يحرسو) دحّشت علبة بلاستيك مشان يصير سحّاب. بس ما عم تشتغل !! لذلك حاطة علبة جنب الكيس وواصلة الهارد من برّا.
المهم .. ممكن الواحد يقول ان العلبة البلاستيك في خطأ بوصلاتها ... بس اخي شغّلها على هارد عندو بكيسو واشتغلت !!

ايه ..... كيفكون انتوا ؟


شوفوا المرفقات !!!


والسلام عليكم