الهارد ديسك ومشاكلو ... !!!
يدور هذا النقاش حول الهارد ديسك ومشاكلو ... !!! في قسم علوم وتكنولوجيا (حواسب واتصالات) في الملتقى الطبي السوري; السلام عليكم ...
بالربيع اشتريت هارد . توشيبا 250 غيغا . ما ركّبتو غير من شهر, لما حاولت أقسمو من الدوز عطاني مشاكل ولما شيكتو طلع فيو كوشة باد سيكتورز.
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | من هم الأشخاص الواجب التحري عن إصابتهم بالتهاب الكبد B : | القرحة القلاعية Aphthous Ulcers |
| تخفيض خدمة العلم إلى 21 شهرا اعتبارا من بداية 2009 | ||
 |
| | LinkBack | أدوات الموضوع |
Oct, 17 2006, 03:30
| |||
| |||
 الهارد ديسك ومشاكلو ... !!! السلام عليكم ... بالربيع اشتريت هارد . توشيبا 250 غيغا . ما ركّبتو غير من شهر, لما حاولت أقسمو من الدوز عطاني مشاكل ولما شيكتو طلع فيو كوشة باد سيكتورز. رحت بدلتو , عطوني سياجيت Seagete 250 غيغا. بس طلع كمان ما بيتقسم  رحت بدلتو على نفسو. رجع صار يعطيني باد سيكتورز بنفس المكان السابق  . هون في احتمالين:1. نظرياً السيستم عندي عم يعطلو, مثلا البيوس (ماني مركبة هاردات تانية) أو البرنامج يلي عم قسم فيه (بارتيشين ماجيك) بس هادا جداً نظرياً لأن مو معقول يعني  وما سمعت حدا سيستمو عطلت هارد جديد شغال.2. أن رجعولي نفس الهارد (من الهبلنة) أو هارد تاني مضروب بنفس المكان. المهم ..... قلت لحالي أوكي شغال من أصل 250 غيغا بايت 60+60+60 = 180 غيغا !! قررت جرب نصب ويندوز عالأماكن الشغالة, بدون ما أبلوك الباد سيكتورز. نزلت بالزور ويندوز اكس بي عربي (لأن ما شاء الله من أصل 6 نسخ أم الخمس وعشرين ليرة من عبارة السيديات طلعت شغالة وحدة بس). ضل شغال عندي شي 24 ساعة . وفجأة .. وقف وجمد كلشي (طبعا السيستم كانت عم تصفن قبل هيك حتى). وطلعت شاشة زرقا . والسلام عليكم. بالعيني والروحي ما عاد اشتغل الهارد  .. بالضرب كمان ما اشتغل.غيرت السليف كمان ما اشتغل. حطيت هارد قديم عليه ويندوز قديم عنفس السليف ونفس كلشي, اشتغل تمام. مممممم .. من الملاحظ أن الهارد بنوب ما عم يشتغل لأن ما عم يطلعلو صوت غير (بييب) عالخفيف, ولكن صوت دوران القرص الداخلي مو مسموع. حدا بيعرف شو ممكن يكون السبب للصفنة العجيبة ؟ والسلام عليكم   |
|
#21
Nov, 17 2006, 01:12
| |||
| |||
| كليوباترا إذا بده يضل الهارد دسك برا ... فتنبئي له بسوء المصير أيضاً. |
|
#22
Nov, 17 2006, 09:28
| |||
| |||
| هلأ .. كل الحق عليكي ..  من الأول كان بلا ما تشغلي ملف الصوت هداك .. من وقتها حذرتك من خطورة انضراب الهارد .. وقلتللك خلّي عندك كمبيوتر تاني للاحتياط .. وما أدل على صحّة هالكلام أنو كرت الصوت كمان انضرب وبلّش يوش .. الخ ... المهم .. خلينا بالجد .. علبة الهارد شغالة .. بس المشكلة بالتوصيلات .. (على الأرجح) .. بعدين هاد الهارد الجديد مو شغّال تمام ؟.. كيف عم تقولي "هلك سماكي" .. هدوليك الهاردات القديمة .. هاد حبّاب وآدمي بلا ما يزعل ويبطّل يشتغل هوّ كمان .. امبارح بالزبط .. انضرب هاردي وبطّل يشتغل .. وأصيب جهاز بمتلازمة العوز الهاردي .. المهم .. أنا سارعت بفكّ الهارد .. وفكّ جميع توصيلاتو .. وركبتو مطرح السواقة .. مع تزبيط الجمبرز .. الله ستر ومشي الحال واشتغل تمام .. ولله الحمد .. بس شو أكلت هزّة بدن .. شي بيقطع القلب فعلاً .. يعني مجرّد تخيّل للحظة أنو المعلومات الموجودة عالهارد تطير .. يا لطيف .. العبرة .. أنو بالفعل الله يعينك على هالمشاكل المؤرقة .. التي تقضّ المضجع .. ((ومن فترة سابقة انضرب المعالج وبدلتو .. وكمان كرت الشاشة انضرب ، صلحتو لكن ما زال مو طبيعي ... يعني حبيت اذكر مشاكلي من باب اللي بيشوف مصايب غيرو بتهون علي مصيبتو ..)) والسلام عليكم |
|
#23
Nov, 17 2006, 14:39
| |||
| |||
 وَلو كليوباترا.. بدنا خدمة تحرز  أنا في الخدمة دايماً.. إن شاء الله أكون عبفيدك، يعني بصراحة حل المشاكل عن بعد شغلة مو سهلة طيب..منرجع لموضوعنا بظن..والله أعلم.. البيوس عندك قديم شوي.. والهارد الجديد حديث - (على ما أظن نوعه ATA وليس IDE) من إبدأ..تشغيل.. اكتبي msinfo32 في البرنامج اللي بيطلع دوري على Bios Version/Date رح يكون بجنبها اسم الشركة الصانعة للبيوس ورقما وتاريخا - شوفي المرفقات اكتبيلي هالبيانات.. يعني إذا كان البيوس قديم ممكن تنزلي برنامج تحديث للبيوس من الشركة الصانعة من الإنترنت بس على كلٍ، ما له علاقة البيوس بعلبة الهارد (لأنو في بيناتهم وسيط - الكونترولر).. بس يمكن يريحك من مشاكل تانية (متل ما شفتي أول شي الهارد، وكرت الصوت والكونترولر..) صحيح، شو صار بكرت الصوت ؟؟ ما دام الهارد عبيشتغل بره الجهاز كويس وما بيشتغل بالعلبة البلاستيك فمتل ما قلتي تأكدي من التوصيلات، أو بجوز العلبة مو متوافقة معو تماماً أو مع الكونترولر..(وهذا الأرجح - مشكلة توافقية) بتعرفي، أنا دائماً لما بشتري شغلة جديدة شو ما كانت أول شي بقرأ الكتالوج حتى قبل ما أشغله.. ما بيعرف الواحد يمكن ملاحظة صغيرة بين السطور يكون فيها الحل.. شوية نصائح:
|
|
#25
Nov, 24 2006, 09:26
| |||
| |||
| السلام عليكم .. ما شاء الله  شكراً كتير د.إليكترو .الهارد عندي من النوع القديم DMA !! لأن الماذر كتير قديمة (صرلها 5 سنين )بس البيوس طلع أجدد من عندك  الكونترولر شلتو وشلفتو لبعيد. والعلبة كمان شلفتها (ما عاد بدي  زعلت منا).رح حاول أمشي حالي بهاردين هي سمعت بنصيحتك, إلك مني جمل. بس سهلة تقول : (انقلي اللي بالهاردين عالهارد الجديد) لكن انا ليش اشتريت الجديد ؟؟؟ أكيد لأن هدوليك التنين ما عادوا يكفوا.والعلبة ما كان معاها كتالوج !!! مدري ليش ؟ يمكن اعتبروا مو مستاهلة كتالوج. ولا الكونترولر, بالغلط لما اشتريتو كبيت علبتو شكراً كتير عالنصائح. آخر الاجراءات المتخذة :
وآخر مشكلة ..... ركبت كل البافلات الـ5.1 آم ما اشتغلوا غير تنتين !!! معقول يكون بسبب كرت الصوت ؟ والسلام عليكم |
| قال العضو التالي أسمه شكراً لك يا Kliopatra على هذه المشاركة المفيدة: | ||
|
#27
Nov, 24 2006, 21:54
| |||
| |||
| حلو .. هيك اطمنا أن البيوس مو أصل المشكلة.. إذا الهاردين هلق شغالين تمام (واحد قديم والتاني جديد على ما أظن) فمعناها بالفعل كان في مشكلة توافقية مع الكونترولر.. (بالمناسبة، الـ DMA شغلة تانية (DMA = Direct Memory Access) وما بظن في هارد بيشتغل على ويندوز XP ما بيدعم الـ DMA، يعني أنا وجهازي الأقدم من جهازك (تمام هيك ؟ ) عندي الهارد بيشتغل على Ultra-DMA ،،، مو مهم..عندي فكرة، شو رأيك تشتري ناسخة CD وتعملي لحالك "مكتبة" للأشياء المهمة .. هيك بتستغني عن الهاردات القديمة، وبتضل عندك البيانات المهمة محفوظة (أنا برأيي السي دي لما بينحفظ في مكان أمين أأمن في حفظ الملفات من هارد قديم) (بس ما فهمت شلون المذربورد صرلا 5 سنين والبيوس تاريخا 2003 )(يمكن قصدك تقولي قديمة، مو خمس سنين بالتحديد) وبالنسبة للصوت والبفلات اممممممممم ، إما المشكلة من البفلات أو من الكمبيوتر، مالن تالت إذا جربتي البفلات على جهاز تاني وكانوا شغالين تمام.. وإذا ويندوز متعرف على الكرت وما في مشاكل أبداً .. (رسائل خطأ.. شاشة زرقا .. إعادة إقلاع لوحده .....) فمعناها .. لحظة، ممكن نعمل اختبار بسيط.. شغلي شي ملف صوت بالأول، وبعدين على رمز الصوت في أسفل الشاشة جنب الساعة .. كبستين بالماوس.. حركي مؤشر الـ Balance في عمود الـ Volume Control أو الـ Wave مرة لليمين ومرة لليسار والصوت شغال وانتبهي للبفلات... شو صار؟ لسا بس اتنين شغالين ؟ |
| قال العضو التالي أسمه شكراً لك يا ElectroDoc على هذه المشاركة المفيدة: | ||
|
#28
Nov, 25 2006, 10:34
| |||
| |||
| السلام عليكم.. تباً للهارد ديسك ومشاكلو.. شو كني هالإيام العالم كلها عم تبدل هادراتها.. مالنا بالطويل.. كليوباترا سؤال.. الهادر الـ 250 غيغا وصلته Data وللا Sata لأني أنا من فترة بدلت هاردي وفتلت السوق كله على هارد 160 Data ووما لاقيت وقالولي أكبر شي على الداتا هو هارد 80 !! واضطريت أشتريه.. بالنسبة لمشكلة كرت الصوت فأعتقد إنو ما في مشكلة أبداً .. ادخلي على برنامج تشغيل كرت الصوت والعبي بالخصائص .. لأني أنا عندي إذا بدي أحط بفلات 5.1 لازم أغير بخصائص كرت الصوت حتى يشتغلو كلن وإلا فلن يشتغل إلا 2 منهن وحطيتلك الصور بالمرفقات .. وإن شالله يمشي الحال معك.. صوت.JPG صوت0.JPG |
| الأعضاء الـ 3 التالية أسماؤهم قالوا شكراً لك يا sadekly على هذه المشاركة المفيدة: | ||
|
#29
Nov, 25 2006, 17:38
| |||
| |||
| صادقلي توجد تحويلة تمكن أصحاب الهاردات الجديدة ال sata من وصله على لوحات أم قديمة ليش ما سألتني؟  |
|
#30
Nov, 26 2006, 07:15
| |||
| |||
| السلام عليكم (طالما أنا وكومبيوتري على قيد الحياة فما رح يتسكر هالموضوع) !! د.إليكترو شكرا عالدعم والمعلومات. وهلئ فهمت -شوي- شو يعني DMA. طيب ATA و IDE شو هدول ؟لك عندي ناسخة دي سي داخلية وناسخة دي في دي خارجية .. بس هدول (80+80=160) غيغا بدون ترتيب وتزبيط وووووووو إلخ ... يعني شغلة طويلة. بسيطة ان شاء الله. أما يلي حضرتك ما فهمتا فهي بتوقع أخي كان إلو إيد بالموضوع. لأن انا ما صرت اشتغل بجهازي لحالي غير من أقل من سنة يعني ما صرلنا بالقصر غير من امبارح العصر. بنيسان الماضي, أول مرة فكيت كل القطع بالكيس والماذر بورد وكلشي (لأن كنت عم ركب بلوك تغذية جديد) .. وأكلت ميت رعبة ما أخرّب شي, بس الحمد لله مشي الحال, فحتى بالسوفت وير النظام صرت العب لحالي. ممممممممممممم, بس عجب شلون هلئ بدي ارجع اعمل أبديت للبيوس؟مشان الصوت حركت المؤشر .. ماكو فايدة. العجيب أن من باقي البفلات جربت أسمع,. فعم يطلع صوت (مكتوم - صمت) يعني متل بافلات شغالات بس مافي ملف صوتي شغال. عرفتوا كيف؟ . حتى قلت لحالي بلكي المشكلة لأن ملف عادي ؟ أمت شغلت فلم دي في دي صوتو ديجيتال مع هيك ما اشتغلوا غير تنين وقررت أجرب نصيحة صادقلي عادةً أنا بنزل بس الدرايفرز, ما بنزل برامج من السيديات تبعون الهاردوير, المهم رجعت نزلت كلشي كان بالسي دي ... آم صار يطلع صوت من البفل النصاني, بس الباقيين سكتوا والصوت كان يطلع مع تشويش ... رجعت عملت إينستول لكل شي ونفس المشكلة .... آخر الشي حذفت كلشي ورجعت بس الدرايفرز ورجعوا بس بافلين شغالين.خيّو خلي بافلين .. أرحم من ولا شي. صادقلي ... Data و Sata بينباعوا هون بكل الأحجام, يلي عندي داتا . وخلص تكرم عينك, بعلامة الشيبسات يلي طعميتنا ياهون حابعتلك هاد داتا من هون 160 غيغا . تمام هيك ؟ والسلام عليكم |
| الأعضاء الـ 2 التالية أسماؤهم قالوا شكراً لك يا Kliopatra على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| الويندوز ومشاكلو ... !!! | Kliopatra | علوم وتكنولوجيا (حواسب واتصالات) | 35 | Feb, 02 2008 07:43 |
كل الأوقات حسب GMT +2، والوقت الآن 01:16.
