السلام عليكم ...


بالربيع اشتريت هارد . توشيبا 250 غيغا . ما ركّبتو غير من شهر, لما حاولت أقسمو من الدوز عطاني مشاكل ولما شيكتو طلع فيو كوشة باد سيكتورز.
رحت بدلتو , عطوني سياجيت Seagete 250 غيغا. بس طلع كمان ما بيتقسم رحت بدلتو على نفسو. رجع صار يعطيني باد سيكتورز بنفس المكان السابق . هون في احتمالين:
1. نظرياً السيستم عندي عم يعطلو, مثلا البيوس (ماني مركبة هاردات تانية) أو البرنامج يلي عم قسم فيه (بارتيشين ماجيك) بس هادا جداً نظرياً لأن مو معقول يعني وما سمعت حدا سيستمو عطلت هارد جديد شغال.
2. أن رجعولي نفس الهارد (من الهبلنة) أو هارد تاني مضروب بنفس المكان.

المهم ..... قلت لحالي أوكي شغال من أصل 250 غيغا بايت 60+60+60 = 180 غيغا !! قررت جرب نصب ويندوز عالأماكن الشغالة, بدون ما أبلوك الباد سيكتورز.
نزلت بالزور ويندوز اكس بي عربي (لأن ما شاء الله من أصل 6 نسخ أم الخمس وعشرين ليرة من عبارة السيديات طلعت شغالة وحدة بس). ضل شغال عندي شي 24 ساعة . وفجأة .. وقف وجمد كلشي (طبعا السيستم كانت عم تصفن قبل هيك حتى). وطلعت شاشة زرقا . والسلام عليكم.
بالعيني والروحي ما عاد اشتغل الهارد .. بالضرب كمان ما اشتغل.
غيرت السليف كمان ما اشتغل.
حطيت هارد قديم عليه ويندوز قديم عنفس السليف ونفس كلشي, اشتغل تمام.
مممممم .. من الملاحظ أن الهارد بنوب ما عم يشتغل لأن ما عم يطلعلو صوت غير (بييب) عالخفيف, ولكن صوت دوران القرص الداخلي مو مسموع.

حدا بيعرف شو ممكن يكون السبب للصفنة العجيبة ؟


والسلام عليكم

بعلامة الشيبسات يلي طعميتنا ياهون حابعتلك هاد داتا من هون 160 غيغا . تمام هيك ؟

يا سلام... كم شيبساية = 160 غيغا.. والله الشيبس صار حقو دهب هالإيام.. تسلمي.. أكيد تمام هيك عم تستنى الـ160 غيغا .. من شان السهولة بعتيون ميغا ميغا.. على الإيميل

السلام عليكم


آخر يومين الويندوز صاير عم يعمل كوشة مشاكل, أن بكون عم بشتغل, بيعيد الاقلاع لحالو لاء وشو ؟ بيعلق عند السكان ديسك. لما برجع بعيد إقلاعو بيعطيني شاشة الويندوزات تبعون السيف مود ولا الويندوز العادي.
حتى لما بفوت عالسيف مود وبعيد التشغيل, بعد فترة بيرجع بيحشش لحالو.

خطرلي أنه فايروس ....... بلشت أحمل نورتون, كلما حكيتلو إينستول, بيعيد الاقلاع

هلئ عم حمل نسخة كاملة للنورتون من غير مكان. ....... مشكلة رامات ؟ ولا فايروس ؟ ولا شي خطأ بالويندوز نفسو ؟




والسلام عليكم

مشكلة رامات ؟ ولا فايروس ؟ ولا شي خطأ بالويندوز نفسو ؟

عندي حل بسيط ومجرّب ... (من بعد إذن المعلم الكترودوك .. إن شاء الله توافقني على هالكلام)

رجعي نزلي ويندوز من جديد .. بدون فرمتة .. يعني "Repair" .. فإذا مشي الحال .. بتكون الشغلة من الويندوز وبتعدي على خير ..

أما إذا إعادة الإقلاع الذاتي ضلت عم تصير .. فللأسف .. يمكن المشكلة من الهاردوير ..

طبعًا .. قبل كل شي .. وأول شي .. لازم تعملي سكان للفيروسات .. لأنها الاحتمال الأقرب في التشخيص التفريقي للحالة .. ويمكن الكاسبر بيحل مشكلة هون .. لأنو تنصيبو كتير سهل وتحديثو كمان ...

سلام

أكيد المشكلة من بشري.....
لأنو هادا لسوريا مو لروسيا

السلام عليكم.. هناك عدة احتمالات:
الاحتمال الأول :فيروس والفيروسات الجديدة لعينة .. بتمنع النورتون من النزول (يعني الحل فرمتة)
الاحتمال الثاني : خطأ في الويندوز كمانة فرمتة)
الثالث :مشكلة رامات واللي غالباً يمكن أن تظهر أثناء الفرمتة لأني الإكسبي إذا الرامات فيها شي بيعذب كتير لينزل وحتى ممكن ما ينزل معك (يعيد الإقلاع وهو عم ينزل)
الرابع :مشكلة باور (من كتر الأجهزة ما شاء الله إللي عندك) بعد ما شفت صورة كمبيوترك على الأغلب صار بدو باور إضافي ليشغل كل هاللمة من السواقات والهاردات ....
ملاحظة : الاحتمالات الأربعة السابقة صايرة معي كلها..!!
يعني بالمختصر فرمتي وإذا مشي الحال كان بها وإلا .... منشوف!!

سبب الإقلاع خطأ في تركيب المآخذ الكهربائية على السواقات غالباً ... وهذا مرجح إذا كانت السواقات والهاردات خارج العلبة الكومبيوترية العظيمة

سبب الإقلاع خطأ في تركيب المآخذ الكهربائية على السواقات غالباً ... وهذا مرجح إذا كانت السواقات والهاردات خارج العلبة الكومبيوترية العظيمة

هذا هو الاحتمال الأكبر بعد الفيروسات .. برأيي ..

والسلام عليكم

السلام عليكم،

كليوباترا بالنسبة للمصطلحات..
ATA = Advanced Technology Attachment
هي عبارة عن طريقة التوصيل بين الهارد والمذربورد
الـ ATA في منها أنواع تطورت عبر الزمن ATA, ATA2, ATA66, ATA100 وهدول بينقلوا البيانات بطريقة متوازية Parallel..
لذلك سمي هذا النوع P-ATA تمييزاً له عن الـ S-ATA (الأحدث واللي بينقل البيانات بطريقة تسلسلية Serial)..
الـ IDE هو تسمية أخرى للـ ATA القديم (IDE = Integrated Drive Electronics)
وفي كمان الـ (Enhanced IDE (E-IDE المكافئ لـ ATA2 و كمان الـ ATAPI (للسواقات) اللي بينتمي كمان لمجموعة ATA2 ..
(بظن هارد الـ DATA مقصود فيه IDE بس بلفظ تجاري...)
شي بدوخ
لما سألتك عن هاردك قصدت هو IDE ولا S-ATA..لأن الاختلاف بيناتهم كتير كبير وما ممكن واحد يشتغل مكان التاني.
بس على ما أظن اشتغل فترة كويس (بعدما دخلتيه لجوا الكايس)، وبحسب المشاكل اللي صارت بعد هيك بستبعد تماماً يكون في مشكلة بالهارد كهاردوير..
كمان البيوس ماله علاقة بهالحالة (بالنسبة للتحديث يمكن من موقع شركة Intel، أو شي موقع درايفرز - وعلى كل الأحوال مو مهم كتير لأن البيوس عندك حديث)

بالنسبة للصوت..المشكلة صارت واضحة أكيد من شي درايفر أو برنامج من اللي كانوا عالسيدي أو إعداداتهم (ضلي عبتجربي، إلا ما توصلي للحل)
(شكراً صادقلي، نبهتني لنقطة كنت ناسيها)
بس في سؤال، كم مخرج للصوت موجود على الكمبيوتر عندك؟ في بعضن بكون فيه أكتر من منفذ مخصصة لأنظمة الـ 5.1

طيب.. وبالنسبة لجهازك وإعادة الإقلاع ..... الشغلة مو بسيطة أبداً، وما ممكن الواحد يحدد السبب بدقة بهالسهولة...
سؤال.. لما بيعمل سكان ديسك بعد إعادة الإقلاع، دائماً بيعلق ولا شلون؟ طيب إذا عملتي سكان ديسك بشكل يدوي من خصائص الهارد واخترتي البحث عن الـ Bad sectors كمان بيعلق؟ طيب وقبل ما يعيد الجهاز إقلاعه لوحده، بيصدر عن الهارد شي صوت مو طبيعي؟ (تكة مثلاً ....)
طبعاً الاحتمالات الأخرى قوية جداً (فايروس - مشكلة في ويندوز - مشكلة كهربائية - رامات ...) لكن أنا حبيت أختار الأسهل باعتبار الأنتي فايروس ما عبينزل، (وإذا نزل افحصي جهازك بدون تأخير) ...
مشكورين الشباب على الأفكار والنصائح.
وعلى فكرة، إذا كانت المشكلة فايروس -لا سمح الله- فهيك حالة احتمال ما تنفع الفرمتة لأن الفايروس بكون نسخ نفسه للهاردات التانية (يعني فرمتة الـ C لوحده ما بتنفع) ولازم تركبي أنتي فايروس يقضي عليه من كل أقسام الهاردات....أو تفرمتي الجهاز كلو ... (إن شاء الله ما بتحتاجي تعملي هيك)..
مشكلتك مو بسيطة الله يكون بعونك..

إذا اجتاح الفيروس كل أقسام الكومبيوتر، يمكن السيطرة عليه بالطريقة التالية:

- نقوم بفرمتة الـ C ومن ثم تنصيب ويندوز كالمعتاد
- بعد انتهاء تنصيب الويندوز.
- نقوم بتنصيب مضاد الفيروسات وتحديثه من الانترنت مع مراعاة عدم فتح أي سواقة غير الـ C ولا أي من مجلداتها وملفاتها.

نقوم بفحص كامل للأقراص ونقضي على الفيروسات الأُخرى دون أن تصيب الويندوز الجديد.

السلام عليكم


شكراً للتفاعل ... رح أكتب كام تعليق وكام سؤال, بعدين بكتب كام رد !

جبت ويندوز (آل انكليزي) مكتوب عليه SP3 مما أثار كل دهشاتي , بس طلعوا كذابين لأنه طلع SP2 . وقررت أنزلو يوم الأحد بالعطلة يعني, بتعرفوا, ويندوز جديد وتحميل الدرايفرز والبرامج ووو إلخ.
إمبارح المسا, استعصت معي الحالة كتير, بعد ما تفرجت على فلم رعب, قعدت عالجهاز الساعة 4 بالليل, صفنت فيه, وقلتلو : صحيح يا ويندوزي العزيز أنا بحبك كتير لأنك تاني ويندوز بنزلو يحالي يحالي (الأول متل ما بتتذكروا ما عاد أقلع من الهارد يلي بنوب ما عاد اشتغل - راجع الصفحة الأولى), ولكن .. سنّة الحياة ... انت بلشت تعملي مشاكل وأنا مضطرة أودعك. آم عاد التشغيل أدام عيوني بهاللحظة . طبعاً ما خليتو يكمل تحميل الويندوز. طفيتو, طالعت العدّة (سيديات اقلاع وأدوات العمليات) وبلشت فيه.
للصراحة, أول مرة بفرمت جزء من الهارد لحالي, يلي هو C, وما بخفيكون خوفي ودعواتي لأن ما يروحوا الداتاز على الأقسام الباقية أو الهارد التاني. لأن حتى مع أمهر المبرمجين بتصير حالات إسعاف عناية مشددة.
كلو جرى على ما يرام ولما بلشت تباشير الويندوز الجديد تظهر, ما بتتخيلوا فرحتي (كانت الساعة تجاوزت 5 صباحاً).
على رأي وكفالة ومسؤولية إلكترو دوك ركبتلو واجهة عربية (على الأساس للـSP1 بس المهم انها زبطت تمام. لا يخلو من بعض الأمور السخيفة الصغيرة يلي ما تعربت. وعرفت شغلتين بالويندوز (كرت الشاشة , والمودم) وفتت أسلم عليكون وأقلكون عن هالآخر التطورات

أما المشاكل يلي واجهتني هالمرة ... فهي ....... أن ..... الأقسام تخربطت مع بعضها . القسم C من الهارد الجديد D من القديم ... وهلم جرّاً .............. شو الحلللللللل ؟ النجدة !!!!!!!!!!!!!



يتبع .......