السلام عليكم ...


بالربيع اشتريت هارد . توشيبا 250 غيغا . ما ركّبتو غير من شهر, لما حاولت أقسمو من الدوز عطاني مشاكل ولما شيكتو طلع فيو كوشة باد سيكتورز.
رحت بدلتو , عطوني سياجيت Seagete 250 غيغا. بس طلع كمان ما بيتقسم رحت بدلتو على نفسو. رجع صار يعطيني باد سيكتورز بنفس المكان السابق . هون في احتمالين:
1. نظرياً السيستم عندي عم يعطلو, مثلا البيوس (ماني مركبة هاردات تانية) أو البرنامج يلي عم قسم فيه (بارتيشين ماجيك) بس هادا جداً نظرياً لأن مو معقول يعني وما سمعت حدا سيستمو عطلت هارد جديد شغال.
2. أن رجعولي نفس الهارد (من الهبلنة) أو هارد تاني مضروب بنفس المكان.

المهم ..... قلت لحالي أوكي شغال من أصل 250 غيغا بايت 60+60+60 = 180 غيغا !! قررت جرب نصب ويندوز عالأماكن الشغالة, بدون ما أبلوك الباد سيكتورز.
نزلت بالزور ويندوز اكس بي عربي (لأن ما شاء الله من أصل 6 نسخ أم الخمس وعشرين ليرة من عبارة السيديات طلعت شغالة وحدة بس). ضل شغال عندي شي 24 ساعة . وفجأة .. وقف وجمد كلشي (طبعا السيستم كانت عم تصفن قبل هيك حتى). وطلعت شاشة زرقا . والسلام عليكم.
بالعيني والروحي ما عاد اشتغل الهارد .. بالضرب كمان ما اشتغل.
غيرت السليف كمان ما اشتغل.
حطيت هارد قديم عليه ويندوز قديم عنفس السليف ونفس كلشي, اشتغل تمام.
مممممم .. من الملاحظ أن الهارد بنوب ما عم يشتغل لأن ما عم يطلعلو صوت غير (بييب) عالخفيف, ولكن صوت دوران القرص الداخلي مو مسموع.

حدا بيعرف شو ممكن يكون السبب للصفنة العجيبة ؟


والسلام عليكم

إذا كان رولان بارت يقول : "على المرء أن يخفي عن الآخرين صيدلية بيته.. ومكتبته!"
وأحلام مستغانمي تقول: "فإذا كانت صيدلية بيتنا تفضح للآخرين أمراضنا، فإن مكتبتنا قد تقول لهم أكثر مما نريد أن يعرفوه عنّا. خاصة إذا وقعوا على كتاب شاركنا في مواصلة كتابته على الهامش"
فأنا أقول : "طبعاً عليك أن تخفي عن الآخرين هارداتك !!!"

ولكن أنا رح حطلكون صورة سريعة لشكل الهاردات وأقسامون عندي :




هلئ المشكلة وين. أن الأرقام 1-2-3-4 هنة الهارد الجديد. والأرقام 5-6- .. وإلخ هي الهارد التاني القديم. وأنا حابة يكونوا ورا بعض الهارد الأول, بعدين التاني. شو بتنصحوني ؟


للقليل من الترفيه:

اللي حواليه دائرة زهرية هو سي دي تعريب الواجهة. طبعاً Service Back 2 + Service Back 1 هع هع ظريفين العرب !!!



شكراً لحسن القراءة

زملائي :

المشاركة الأصلية بواسطة BigBoss

عندي حل بسيط ومجرّب . رجعي نزلي ويندوز من جديد .. بدون فرمتة .. يعني "Repair" .. فإذا مشي الحال .. بتكون الشغلة من الويندوز وبتعدي على خير ..
أما إذا إعادة الإقلاع الذاتي ضلت عم تصير .. فللأسف .. يمكن المشكلة من الهاردوير ..
طبعًا .. قبل كل شي .. وأول شي .. لازم تعملي سكان للفيروسات .. لأنها الاحتمال الأقرب في التشخيص التفريقي للحالة .. ويمكن الكاسبر بيحل مشكلة هون .. لأنو تنصيبو كتير سهل وتحديثو كمان ...

شكراً بيغ بوس عالنصائح .. لكن إذا من أصلها النسخة الويندوز خربانة. فأنا فضلت إرجع نزلو كلو عبعضو. لنشوف المشكلة من وين . ولا تكون متشائم هيك , آل هارد وير آل ... لا ان شاء الله لاء !!!
الكاسبرسكي (متل ما حكينا من قبل) بدأ يتراجع, وحتى المبرمجين الروس بلشوا يشيلوه ويحطوا النورتون. متل ما عرفتوا النورتون ما كان ينزل معي.

المشاركة الأصلية بواسطة sadekly

السلام عليكم.. هناك عدة احتمالات:
الاحتمال الأول :فيروس والفيروسات الجديدة لعينة .. بتمنع النورتون من النزول (يعني الحل فرمتة)
الاحتمال الثاني : خطأ في الويندوز كمانة فرمتة)
الثالث :مشكلة رامات واللي غالباً يمكن أن تظهر أثناء الفرمتة لأني الإكسبي إذا الرامات فيها شي بيعذب كتير لينزل وحتى ممكن ما ينزل معك (يعيد الإقلاع وهو عم ينزل)
الرابع :مشكلة باور (من كتر الأجهزة ما شاء الله إللي عندك) بعد ما شفت صورة كمبيوترك على الأغلب صار بدو باور إضافي ليشغل كل هاللمة من السواقات والهاردات ....
ملاحظة : الاحتمالات الأربعة السابقة صايرة معي كلها..!!
يعني بالمختصر فرمتي وإذا مشي الحال كان بها وإلا .... منشوف!!

أنا برجح الاحتمال الأول والتاني (والتالت لاء لأن المشكلة حصلت مؤخراً وقلي محسسني أن مو من الرامات) (الرابع لاء لأن مؤخراً حطيت لوحة طاقة أكبر من السابقة -لأنها ما كانت متحملة كل الأجهزة-, وما بعتقد ما كفت, بعلامة أن أول فترة اشتغل منيح).
وان شاء الله الاحتمالات يلي صارت معك تنذكر وما تنعاد . وهي فرمتت ... ادعيلنا !!!!!

المشاركة الأصلية بواسطة Shankool

سبب الإقلاع خطأ في تركيب المآخذ الكهربائية على السواقات غالباً ... وهذا مرجح إذا كانت السواقات والهاردات خارج العلبة الكومبيوترية العظيمة

كمان لاء ........... لأن أول فترة اشتغل تمام بعدين بلش ينهبل !!! حتى بعد ما حطيت الهارد جوّا, مرت فترة يشتغل تمام.

المشاركة الأصلية بواسطة ElectroDoc

كليوباترا بالنسبة للمصطلحات..
ATA = Advanced Technology Attachment
هي عبارة عن طريقة التوصيل بين الهارد والمذربورد
الـ ATA في منها أنواع تطورت عبر الزمن ATA, ATA2, ATA66, ATA100 وهدول بينقلوا البيانات بطريقة متوازية Parallel..
لذلك سمي هذا النوع P-ATA تمييزاً له عن الـ S-ATA (الأحدث واللي بينقل البيانات بطريقة تسلسلية Serial)..
الـ IDE هو تسمية أخرى للـ ATA القديم (IDE = Integrated Drive Electronics)
وفي كمان الـ (Enhanced IDE (E-IDE المكافئ لـ ATA2 و كمان الـ ATAPI (للسواقات) اللي بينتمي كمان لمجموعة ATA2 ..
(بظن هارد الـ DATA مقصود فيه IDE بس بلفظ تجاري...)
شي بدوخ
لما سألتك عن هاردك قصدت هو IDE ولا S-ATA..لأن الاختلاف بيناتهم كتير كبير وما ممكن واحد يشتغل مكان التاني.
بس على ما أظن اشتغل فترة كويس (بعدما دخلتيه لجوا الكايس)، وبحسب المشاكل اللي صارت بعد هيك بستبعد تماماً يكون في مشكلة بالهارد كهاردوير..
كمان البيوس ماله علاقة بهالحالة (بالنسبة للتحديث يمكن من موقع شركة Intel، أو شي موقع درايفرز - وعلى كل الأحوال مو مهم كتير لأن البيوس عندك حديث)

بالنسبة للصوت..المشكلة صارت واضحة أكيد من شي درايفر أو برنامج من اللي كانوا عالسيدي أو إعداداتهم (ضلي عبتجربي، إلا ما توصلي للحل)
(شكراً صادقلي، نبهتني لنقطة كنت ناسيها)
بس في سؤال، كم مخرج للصوت موجود على الكمبيوتر عندك؟ في بعضن بكون فيه أكتر من منفذ مخصصة لأنظمة الـ 5.1

طيب.. وبالنسبة لجهازك وإعادة الإقلاع ..... الشغلة مو بسيطة أبداً، وما ممكن الواحد يحدد السبب بدقة بهالسهولة...
سؤال.. لما بيعمل سكان ديسك بعد إعادة الإقلاع، دائماً بيعلق ولا شلون؟ طيب إذا عملتي سكان ديسك بشكل يدوي من خصائص الهارد واخترتي البحث عن الـ Bad sectors كمان بيعلق؟ طيب وقبل ما يعيد الجهاز إقلاعه لوحده، بيصدر عن الهارد شي صوت مو طبيعي؟ (تكة مثلاً ....)
طبعاً الاحتمالات الأخرى قوية جداً (فايروس - مشكلة في ويندوز - مشكلة كهربائية - رامات ...) لكن أنا حبيت أختار الأسهل باعتبار الأنتي فايروس ما عبينزل، (وإذا نزل افحصي جهازك بدون تأخير) ...
مشكورين الشباب على الأفكار والنصائح.
وعلى فكرة، إذا كانت المشكلة فايروس -لا سمح الله- فهيك حالة احتمال ما تنفع الفرمتة لأن الفايروس بكون نسخ نفسه للهاردات التانية (يعني فرمتة الـ C لوحده ما بتنفع) ولازم تركبي أنتي فايروس يقضي عليه من كل أقسام الهاردات....أو تفرمتي الجهاز كلو ... (إن شاء الله ما بتحتاجي تعملي هيك)..
مشكلتك مو بسيطة الله يكون بعونك..

شكراً إلك كتير كتير كتير . تعلمنا كام مصطلح وإلك جزيك الشكر. الصوت عندي سيستم 5.1 . ورح ضل جرب الاعدادات ان شاء الله, مع الويندوز الجديد لما رح عرف الكرت.

السكان ديسك كان يطلع كل مرة. بس مرة بيعلق مرة لاء مرة بيعلق مرة لاء, يعني بالتناوب تماماً, تقول موزعين المهام بين بعضون !!! الهارد كان يعطي مو بس تكات .. .. كان صوتو متل بطن واحد شربان كولا كتير. بس أنا بشربو متة.
حاولت أزبط من الويندوز الهارد وسكانتو, كان يعطي مشاكل كمان.
عكل حال ................ فرمتنا ......................... تابعوا التحديثات !!! ..

المشاركة الأصلية بواسطة Shankool

إذا اجتاح الفيروس كل أقسام الكومبيوتر، يمكن السيطرة عليه بالطريقة التالية:

- نقوم بفرمتة الـ C ومن ثم تنصيب ويندوز كالمعتاد
- بعد انتهاء تنصيب الويندوز.
- نقوم بتنصيب مضاد الفيروسات وتحديثه من الانترنت مع مراعاة عدم فتح أي سواقة غير الـ C ولا أي من مجلداتها وملفاتها.

نقوم بفحص كامل للأقراص ونقضي على الفيروسات الأُخرى دون أن تصيب الويندوز الجديد.

ميرسي شنكولولو وأنا هيك عم بعمل. وبكرا حنزل الأنتي فايروس قبل ما نزل أي شي تاني ..... والله يستر !



شكراً جميعاً ....... أنا شو كنت عملت بدون نصائحكون


والسلام عليكم

انو تتلخبط أقسام الهارد لوحدا ........ غريبة
متأكدة ما غيرتي شي أثناء تركيب الويندوز الجديد؟

في طريقة يدوية ممكن ترتبي أحرف جميع أجهزة التخزين في ويندوز (هاردات، سواقات، ذواكر فلاش ......)
وهو برنامج ضمن الويندوز:
من لوحة التحكم - الأدوات الإدارية Administrative Tools - إدارة الكمبيوتر Computer Management
من القائمة عاليسار اختاري Storage ثم Disk Management (المرفقات - ما نسيتون هالمرة )

وهلأ ممكن تكبسي بزر الماوس الأيمن على أي قسم من أقسام الهاردات (أو حتى السواقة وغيرها) ومن القائمة تختاري Change Drive Letters and Paths، وترتبي الأقسام على كيفك...
طبعاً في نقطة مهمة: ما ممكن يتسموا قسمين بنفس الحرف لذلك مثلاً ما رح يقبل تسمي القرص O (اللي هو تاني قسم من الجديد) بالحرف D..
بالأول سمي القرص D بالاسم Z مثلاً وبعدين سمي الـ O بالحرف D ...وهيك البقية..

(بس لازم تنتبهي كتير أثناء تعاملك مع هيك برامج ،استعمليها بعناية فائقة - ما بحط شي بمسؤوليتي )
لأ عن جد، انتبهي كتير.. خطأ صغير أو حركة مو محسوبة بتضيع قسم كامل من الهارد لا قدر الله.

ولا تنسي الأنتي فايروس، عملي Full Scan لكل الهاردات وبأسرع وقت..

بالتوفيق

السلام عليكم ...


شكراً كتير إليكترو دوك ............. في أخ كريم بالمنتدى اسمو (إليكترون) اليوم حكالي عن الطريقة.
وأنا بقلب مقطوع عملتها .. الحمد لله ما ضاع شي ............ بس ............. ؟
نزلت البرامج كلون على الديسك o .. ولما حولت أسمو على D فيكون تتخيلوا شو صار

عملت سكان للهاردين .. الحمد لله مشي الحال

يا ريتني ماني منزلة هالخمس برامج


السلام عليكم

بالنسبة لترتيب الأقراص عندما يكون هناك أكثر من هارد ديسك هو كالتالي:

C القسم الـ Primary من HD0
D القسم الـ Primary من HD1
ثم تأتي الأقسام الثانوية من HD0
وبعدها الأقسام الثانوية من HD1
واختلاط السواقات طبيعي جداً هنا وفق الترتيب السابق

شنكول ........ راجع الصورة المحطوطة سابقاً لترتيب الديسكات .. غريبة ....... مع اني ما خبصت شي , غير اني فرمتت السي بالبارتيشن ماجيك من الدوز ........... وبس

هلئ مشي الحال .. الحمد لله

كلام شنكول صحيح تماماً..
أغلب الظن كليوباترا انو ويندوز كان شغال بأمان الله على الهارد القديم، وبعدين ضفتي الهارد الجديد، فلذلك خلّا الوندوز ترتيب الهاردات متل ما هو، وضاف الأقسام الجديدة بعدا..
لما فرمتي بعد هيك، أجا الويندوز الجديد ما بيعرف شلون كان الويندوز القديم مرتب الهاردات، قام رتبها حسب الأصول .. (متل ما حكا شنكول)..
وهلأ شلون ؟؟
ما تقوليلي الصوت لسا عبيعمل مشاكل بعد الفرمتة

السلام عليكم


امبارح بالليل رجعت فرمتت (ان شاء الله المرة الأخيرة . متل ما عرفتوا سابقاً بسبب أن الهاردات كانت موزعة خطأ وانا أعدت ترتيبها بعد ما نزلت برامج على إحداها ولما غيرت الليبل تبعه انضرب كلشي وبطل يفهم الويندوز وبطل يفتح أي برنامج.

الحمد لله هالمرة (رجع هو رتبهون بنفس الشكل متل بالصورة السابقة), بس أنا استعملت ذكائي وخبرتي السابقة ورتبتون قبل ما أنزل أي برنامج. الحمد لله هلئ كلللللشي على ما يرام

بالأول رجع الصوت يوش .. متل من زمان ..... بس رجعت زبطت الدرايفرز, لعبت بخصائص الصوت عالمزبوط, والحمد لله اشتغلوا كل البفلات الخمسة

ميرسي إليكترو دوك عالاستفقادة .. الحمد لله ... كلو بخير ... وان شاء الله عقبالكم ما تزبطوا كومبيوتراتكون وتكونوا مبسوطين ومقتنعين فيهم


والسلام عليكم