شو مشكلتكن يا شباب؟ ويا صبايا..؟

Apr, 09 2005, 19:06

أحب أن نفتح موضوعا

جديدا قديما..

هو ربما واسع جدا، وقد نتشعب من بعده إلى اكثر من محور..

ولكن أريد في البداية كي يشترك الكل في النقاش، أن يكون طرح المشاكل قبل النقاش من قبل الجميع،..

ليس مطلوبا أكثر من خمس كلمات.. أو خمسة أسطر.. أو كما تريد..

تتحدث فيها عن مشاكلك باعتبارك شابا/ فتاة ( أي في سن الشباب..)

ولنحاول عدم توجيهه وإخراجه من الاستقطابات المعروفة..

وأن يشارك أكبر عدد..

طبعا محتار أن أوجه الدعوة لفرد وأنسى آخر..

فالكل مدعو أولا.. (والذي لن يشارك سأدعوه باسمه:emotions1 ..)

بعد الطرح الأولي قد نعمل تبويبات، أو كل منا يكتب عن بمشاركات خاصة..

#11 Apr, 12 2005, 11:42

ما التلك الله يجعلا أكبر المصايب......

#12 Apr, 12 2005, 11:53

في شوية فرق شيري..

ما بعرف شو رأيك.؟

بمجتمعنا بين هموم الشب وهموم البينت؟؟

إنتي سنة تالتة.. يعني سنتين تانيين رح يتغيرو همومك،
ما مطلوب منك من هلأ، بقعدي تحسبي، عيشي حياتك الجامعية، بكل أبعادها..
ما بعتقد صعب عليكي تتفهمي مشكلة شب رح يتخرج ولسا قدامه عسكرية

، وبدو يطلع لبرا، وما عرفانا شو مستقبله، وبدو يرتبط.. لإنو الحب حق إنساني..
المسألة ما بهالبساطة..
يمكن فيكي تشوفي صبايا السنوات الأخيرة.. (وتحكي عن مشاكل الحب..
في أزمة حقيقية بهالموضوع..

أنا من حقي أحب، ومن حقي انحب.. وباعتبار أنا محافظ اجتماعيا فلازم أرتبط..
شو بنعمل.؟؟
البنت شو بتعمل..؟ لو ما إجا.. (الله لا يرده )
يمكن كترت منه هدا.. الـ

بس حبيته بمشاركتك..

#13 Apr, 13 2005, 02:38

اول شي بحب قلك يا نواعم انو مشكلتك العظيمة كنت عمبعاني منها من يومين........ بس وبعد عناء شديد وكفاح طويل رح اطلع عالرحلة أخيرا"

واذا كانت هي مشكلتك الوحيدة فنيــــــــــــــــــــــ الك (بتعرفيني شقد بكره هالكلمة )

تاني شي ياعزيزتي شيري نحن هلأ عمندرس ونتعب ونفكر ونخطط لنأمن مستقبلنا ونحدد مصيرنا فأكيد رح نكون كتير آكلين هم واذا كان رأيك غير هيك فيمكن لأنك مالك مجبورة تتحملي مسؤلية بيت وعيلة عكس الشباب

وتالت شي .....مشكلتي.......
أنا لهلأ ما قررت شو بدي اختص؟؟؟؟
وكلما بختار اختصاص بلاقي فيو علة (مثلا النسائية كتير متعبة ورح عيش بقية حياتي عمبشتغل ليل ونهار ...... الجراحة بدها قلب قوي وأنا بصراحة كلما بشوف جرح بدوخ .......... والداخلية دراستها كتير طويلة يعني بصير عمري 35 سنة ولساتني عمبدرس

...... والجلدية مابحب احط عقلي بعقل حباية او شعراية ...... والأشعة والتشريح المرضي مابحبون و تجهيز العيادة بكلف كتير...........الخ):emotions1
بعدين اذا قررت شو بدي أعمل ......لوين بدي أسافر؟؟؟؟؟؟؟؟ واذا أهلي بالزور وافقو اطلع عالشام ......شلون بدون يقبلو أسافر عانكلترا مثلا.... أختص أو حتى أعمل ستاج شهرين بس ؟؟؟؟

#14 Apr, 13 2005, 18:48

كلو كوم ومشكلة نواعم كوم ، يعني إذا كانت هي مشكلتك الحالية فياريت تكون مشاكلنا كلها من هالنوع ...وإذا الزميلة loulou وافقت تطلع عالرحلة ( او مابعرف إذا كان الامر متوقف عليها أو على شي وزارة بالبيت ) ، بركي بتضل الرحلة واقفة على اجريها ، لأنو عم تعترضها الكثير من العقبات ، ولكن ستبقى صامدة في وجه الاعاصير والتيارات وفي وجه المشاكل والعقبات ، بس جكارة بالحاقدين ( مواللي مابدون يانا نطلع ، بس اللي مابدون يطلعو ومابدون انو ننبسط ) ...

#15 Apr, 13 2005, 19:04

لأنني من الأشخاص الذين لا يكفون عن الهراء - و كأنه واجب مقدس - أقول إن مشكلتي هي الثقة المفرطة فى النفس والطيبة التى بلا حدود و .........إلى آخر هذا الهراء الذي لا طائل من هرائه !!!!!!.....

#16 Apr, 14 2005, 15:06

بديت أشعر بالملل..

يعني حكي بيمشي ع نفس السطح، بتغني لنفس الوتر..
وبترقص ع نفس الإيقاع.
واحد بطبل، والتاني بزمرله.. (و ع المشفى يا بو فهد..)

أنا ما عم أحكي عن علي الديك..
عم أحكي ع منتدى عم يعيد حاله..
بدنا نفس جديد.. أو بدنا طريقة تفكير جديدة..
ممل جدا إنك تسمع كل يوم نفس الطرب، وياريت.. كله عم يتغنى بحسنه وشايف حاله ما حدا قده..
ونازل بالعالم، جواهر ودرر..
حكم ومواعظ..
تقاسيم ..
النشاز بيهلك.. والله إدني صارت توجعني..

#17 Apr, 14 2005, 15:37

هل حقا تجد صوتي ناشزا ؟!؟..... شيء غريب !!!!....

سأحاول جاهدا يا أخي سنفور أن أتوقف عن هرائي , و أسلوب سخريتي المقيت ....

سأحاول أن أتصرف بقدر أكبر من الجدية , و خصوصا في مواضيعك ....

أرجو أن تعذرني لأسلوبي الذي مللته أنت .... و أعدك بتغييره ....و لكن هذا يحتاج إلى المزيد من الوقت ....و لا أعرف إن كنت قادرا على تغييره حقا .... فأنا أعتبر أن طريقة كلامي و أسلوب كتابتي شيء لا يد لي فيه ... شيء - تستطيع أن تقول عنه - كحجم أنفي , و طبيعة شعري , و لون بشرتي !!!!...... سأحاول الخضوع لعملية جراحية قريبا .....

#18 Apr, 14 2005, 16:07

.......

المشاركة الأصلية بواسطة loulou

لأنك مالك مجبورة تتحملي مسؤلية بيت وعيلة عكس الشباب.......

عفواً بدي قول شغلة........ دائما بينقال إنومجتمعنا كمجتمع ذكوري.....كيف بتحمل كذكر المسؤولية المطلقة بهالموضوع؟؟؟؟؟ و90% من الاناث بمجتمعنا سلبيات بهالشكل؟؟؟؟؟

و أنا بعتذر من لولو لأنو مو القصد وقفلا عالكلمة بس الشيء بالشيء يذكر.... يعني أنا متفاجأ كيف البنات هيك بيحكو و بيفكرو بهالطريقة و بيرمو علي "كشب" كل المسؤوليات وبعدين بيجو بيطالبوني بالمساواة و تحرير المرأة.... ولا المساواة بكلشي عدا المسؤوليات؟؟؟؟؟

آسف للخروج عن الموضوع بس الجملة استفزتني.........

والسلام.......

#19 Apr, 14 2005, 19:58

أنا ما عنيتك إنت بالذات فراس..

وبعتذر منك إذا عملتلك شي أزمة، أو تضايقت..
أنا ماقصدت شخص بالذات، أنا قصدت أحكي عن إحساسي..
بالشي يللي عم شوفه بالمنتدى

#20 Apr, 16 2005, 09:40

الله يسامحك يا أبو الفيص

ضربتني بحجارك أنا مابدي ياكون تنبسطو لأنو ما رح أطلع
صدقني بريد انو تنبسطو و لأكبر حد ممكن حرام عليك مو حلوة منك بالمرة

إذا أنا ماطلعت"صدقني الي أسبابي و الرحلة القبلها ماكانت حلوة و ما انبسطت بالمرة" بيكون انو مابدي ياكون تنبسطو و بتجاكر

الله يسامحك
زعلان كتير منك

The Oldest Halabian

القرحة القلاعية Aphthous Ulcers	كلمة بكلمة مع مادة النسج (حمل المحاضرة الثالثة من فضلك)	عندي مذاكرة تشريح 1 بكرى ومالي ملحق .......شو بدي اساوي؟!!!؟
استفسارات بخصوص الفيزيولوجيا	خلونا نحل اسئلة دورات الفيزيولوجيا سوا ...Go

المواضيع المشابهة
الموضوع	مبتدئ الموضوع	المنتدى	الردود	آخر مشاركة
يا ترى لو عينتك عميد للكلية شو راح تعمل؟	Philip Hardo	شؤون عامة	46	Sep, 23 2007 15:05
حلوة.... ويا نيالها...........!	Mr.Sam	الموسيقى	13	Dec, 23 2005 17:29
من أبن أبدأ.. يا غريبة.. ويا حبيبة..؟	سنفور	هديل الروح	2	Mar, 19 2005 12:04


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني