شو مشكلتكن يا شباب؟ ويا صبايا..؟
يدور هذا النقاش حول شو مشكلتكن يا شباب؟ ويا صبايا..؟ في قسم اجتماعيات في الملتقى الطبي السوري; أحب أن نفتح موضوعا جديدا قديما..
هو ربما واسع جدا، وقد نتشعب من بعده إلى اكثر من محور..
ولكن أريد في البداية كي يشترك الكل في النقاش، أن يكون طرح
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Apr, 09 2005, 19:06
| |||
| |||
| شو مشكلتكن يا شباب؟ ويا صبايا..؟ أحب أن نفتح موضوعا  جديدا قديما.. هو ربما واسع جدا، وقد نتشعب من بعده إلى اكثر من محور.. ولكن أريد في البداية كي يشترك الكل في النقاش، أن يكون طرح المشاكل قبل النقاش من قبل الجميع،.. ليس مطلوبا أكثر من خمس كلمات.. أو خمسة أسطر.. أو كما تريد.. تتحدث فيها عن مشاكلك باعتبارك شابا/ فتاة ( أي في سن الشباب..) ولنحاول عدم توجيهه وإخراجه من الاستقطابات المعروفة.. وأن يشارك أكبر عدد.. طبعا محتار أن أوجه الدعوة لفرد وأنسى آخر.. فالكل مدعو أولا.. (والذي لن يشارك سأدعوه باسمه:emotions1 ..) بعد الطرح الأولي قد نعمل تبويبات، أو كل منا يكتب عن بمشاركات خاصة..  |
|
#21
Apr, 17 2005, 01:00
| |||
| |||
| شوف الشباب وين والعالم وين...؟ يمكن يا شنكول.. كنت مستعجل شوي، لما فكرت إنو والله الحكي بغير محلات بغطي موضوع الصداقة بس الواضح هلأ.. متل ما قال أوبتمستو.. لأ إنو الموضوع أكتر من مهم.. مع إني قلتلك إنو أحد أسباب السأم هو إنو ما عم يضاف للشخص يللي عم يدخل لهون أي شي إنساني جديد، عم نحكي من أول يوم، عن أزمات بتدل إنو نحنا بتأخرنا تحت الصفر بألفين درجة، .. وعم نراوح مكاننا.. يعني ما معقول إنو الشباب اللبناني بالوقت يللي أنا عم أكتب فيه الرد السابق كان قاعد مع غسان بن جدو، وعلى الهواء مباشرة عم يحكو بقضايا سياسية واجتماعية واقتصادية حتى.. بوعي متميز وبلغة راقية، وطبعا هنن شباب وبنات، يعني ما حدا عم يطلع من المشاهدين يقول يا جماعة والله كيف هيك قاعدين مع بعض بلكي حدا دبت فيه الغريزة فجأة ونط.. و..! ما هيك الدنيا.. وبالفعل بحس بعمق الهاوية، لما بشوف إنو لسا العقل الجماعي للشباب هون بالمنتدى عم يلف بفلك هيك أزمة، وعم يحاول يناضل من شان تحقيق هيك مكسب.. إنو شو.. والله يا ترى مشروع إلي أصادق بنت وأعمل مجموعة وللا ما بصير.؟؟ شوف مللا نقاش.. بس ع رأي شنكول، شو الواحد بدو يضل عم يتطلع بالسما.؟؟ هادا مجتمعنا وهدا تخلفنا.. وعايشن هون.. بس بسأل إيمت ممكن نتناقش بقضية عن جماليات شيء ما، عن الفن عن الأدب عن الشعر، عن الإنسان عن العلم عن المعنى، عن فلسفات الوجود، عن مشكلات الإنسان المعاصر، عن تحديات العولمة، عن الثقافة والعلاقة مع الآخر، عن التاريخ والتغيير الإنساني، عن الحرية، عن وضع المجتمع الإقتصادي، والإجتماعي والسياسي، عن دور الشباب بتغيير واقع ما..! إيه.. بدنا عمر.؟؟ لأ.. بقللك لا تتشاءم، إنت طراح الموضوع ونحنا معك..! ما بعرف إذا حكيي الأخير بوضحلك ليش صاير حدي شوي.، لإنو منيح إنو نمشي لقدام (طبعا بعد ما نخلص .. من هيك قضايا.. لإنو لسا في كتير شغل..) |
|
#22
Apr, 17 2005, 15:48
| |||
| |||
| يعني سنفور أنت مصر أنو مشكلة البنات هي الحب..... أنا برأيي أذا كان و لا بد يكون في مشكله فرح تكون التفكير بالمستقبل بكل جوانبه مو بس مين رح يكون شريك حياتي(و طبعا هادا رأي شخصي).. بعداالله يسامحك هلأ التفكير بشريك الحياة مشكله...؟؟؟؟.... |
|
#23
Apr, 18 2005, 09:55
| |||
| |||
| يا سنفوري العزيز أنا برأيي انت عم تحط رأيك وأنا عم حط رأيي وهداك وهديك عم يحطوا رأين في نقطة مهمة كتير لازم ننتبه إلها هي إنّه متل ما رأيك هو نتيجة لكتير عوامل تدخلت في تكوينك منها تربيتك - طبيعة حياتك - تعامل أهلك معك - ثقافاتك والكتب إلي قريتها وشو أضافتلك - انفتاحك - وعيك ..... متل ما الرأي الصادر عنك بتدخل فيه عوامل كتير كمان تقبلك لرأي وارد بتدخل فيه نفس العوامل وعوامل تانية يعني مدى استعدادك لتقبل الآخر الانفتاح العقلاني كمان على كل حال أنا بحكي وانت بتحكي والتالت بيحكي وفي النهاية في مين عم يقرأ وبياخد باللي بيعجبه وكل واحد منّنا بيتمنى إنه آراؤه تعجب الناس وبالنسبة للوضع في المنتدى أنا حاسس ممكن أحكيه بيني وبينك وبالنسبة للمواضيع اللي عم تحكي عن ضرورة مناقشتها أنا بقلك "إنت طراح الموضوع وأنا معك" بس طوّل بالك خلينا نخلص من موضوع ورا موضوع إذا تناقشنا بالمواضيع دفعة واحدة أو على دفعات صغيرة ما رح نستفيد وما رح ياخد كل موضوع حده وحقه يعني هون نحن طرحنا مشاكلنا وين نقاشنا حول الحلول؟ وما عاد حدا زاد وطرح مشاكله خلينا نبلش ونحل هي المواضيع باعتبارك صاحب أول مشكلة بتحب تبدا تحكي عن حلول لذاتك ولا نحن نحكي ونعطيك حلول؟ |
|
#24
Apr, 18 2005, 11:46
| |||
| |||
 طول باااااااااالك المشاركة الأصلية بواسطة Opium والله انا ما قلت انو مستحيل وغلط وممنوع انو المراة تصرف ليرة عبيتها لحتى تتهمني بالسلبية بهالشكل.........على مهلك علينا شوي
انا وقت قلت مالك مجبورة كان كلامي واضح كنت بقصد انو المراة الها حرية الأختيار اذ ما بدها مالها مجبورة تصرف عالبيت متل مالشباب مالن مجبورين يمسحوا ويطبخوا ويكنسوا انا رايي انو مافي مراة قد ما كانت انانية وسلبية رح تبخل على بيتها وولادها باي شغلة بيحتاجوها اذا كان دخل زوجها ما بكفي او حتى احيانا بكفي بس بدافع المشاركة معه بكل شي بيرموا علي كشب كل المسؤوليات انا كنت بقصد بالمسؤولية الناحية المادية......بقى اذا تحمل الشباب هالمسؤولية صار اسمنا رمينا عليهن كل المسؤوليات؟؟؟؟؟؟؟؟؟؟؟ ليش ما في غير هالمسؤولية!!!! عفوا منك يا اوبيوم مالقصد اوقفلك عالكلمة بس الشيء بالشيء يذكر اسفة للخروج عن الموضوع بس كلامك استفزني..... والسلام..... |
|
#25
Apr, 19 2005, 02:49
| |||
| |||
| آآآآآآآآآآآآآسف......... أنا ما كان قصهدي هاجمك إلك......... أنا كنت عماحكي على أفكرا رسخت بلاوعي إناث مجتمعنا....... وهو أنو ما علينا مسؤولية (طبعا عدا التربية)..... مسؤولية البيت و المصروف عالرجل..... بلا .......بلا........ بلا....... وبالأخير بيجي الاتحاد النسائي....... نحنا منطالب بحق المرأة بالعمل ........نحنا .....نحنا ........نحنا.... و البنت بدا العريس يكون كامل مكمل..... وما بدا تتعب حالا أو تساعدو بلم قرش .... وإنما لازم يكون ج...محمل مصاري .....و الأمثلة كتيرة .....وأنا ما بقصد حدا معين..... ويا ستي وقفيلي عالكلمة..... وطلعي عن الموضوع .....بيطلعلك....تاج راسنا لولو من طرف المتفائل ليش بسترجي أنا؟؟؟؟؟؟؟؟ و السلام........ |
|
#26
Apr, 19 2005, 14:17
| |||
| |||
| مشاركة داخل الحَلَبة وخارج الموضوع - بعتذر منك سنفور ما بعرف إذا كان هون المكان المناسب لهالمشاركة واللفتة الكريمة منّي أحياناً بحس حالي في حلبة لتصفية الحسابات، وين؟؟؟ في المنتدى ما بحب أشوف تنين عم بصفّوا حساباتن مع بعضهم قدام العالم يعني أنا وسنفور منصفي حساباتنا مع بعضنا في السبايس توون مو في المنتدى وبرجع بعتذر من سنفور وبقلك حوّل عـ Space Toon لنتصافى |
|
#27
Apr, 20 2005, 17:02
| |||
| |||
 ما من هراء هنا ..... صدقوني !!!!!......... بما أن هذا المكان هو مكان لعرض المشاكل ..... فأنا سأعرض لكم مشكلتي !!!!!..... و صدقوني فإن هذه من المرات القليلة التي أحاول الجدية فيها ...... فما سأعرضه لكم هو مشكلة أعاني منها فعلا !!!!!!!!..... مشكلتي - يا جماعة - هي الشرود في الصلاة !!!!!!...... بصدق أكلمكم !!!!!...... فعلى الرغم من أنني قبل الدخول في الصلاة أحاول توفير جميع الظروف المناسبة لها إلا أن ذهني يذهب بعيدا في أراض أخرى بعيدة !!!!!!...... ما أن أدخل في الصلاة حتى تتداعى الذكرايات .... و تخطر لي آلاف الأفكار العبقرية .... و أتذكر مواعيد لم أف بها ... و مكالمات هاتفية لم أجرها.... !!!!!!...... المهم أن كل شيء يخطر في بالي بمجرد أن أكبر.... ( الله أكبر ) !!!!!!!!!!!!!!!!.......... أعرف أن البعض سيقول أن المشكلة سخيفة ...... لكنها حقا مشكلة ..... و أنا -حقا - أعاني منها !!!!!!!...... مع محبتي ..... |
|
#28
Apr, 22 2005, 18:05
| |||
| |||
| رد لdr.firas007 هي مشكلة معظمنا بعاني منها... انا مرة قرأت بكتاب لعمرو خالد بما في معناه ان: المصلين ثلاثة..... مصل خاشع يشعر بنفسه وكانه بين يدي الرحمن فلا يدري من حوله شيئا من شدة الخشوع.. (وهذا الاحسن والصعب) النوع التاني هو الساهي في الصلاة لا يدري ما يقرأ وما يفعل ( عم بصلي بس فكره بغير شي,و ما بصدق ايمت يخلص حتى يروح يكمل شغلته) النوع الثالث هو المصلي الذي ينوي ويحاول الخشوع لكن الشيطان يلهيه فيعود ليخشع فيعود الشيطان ليلهيه وهكذا.... وهذا له اجر المجاهد لانه يغالب الشيطان ويبذل جهده من اجل الخشوع.... فاذا ما كنا من النوع الأول ,لازم نحاول نكون من النوع التالت..... و سلااااااااام.... |
|
#29
May, 12 2005, 15:19
| |||
| |||
| بسم الله الرحمن الرحيم ...(فذكر إن الذكرى تنفع المؤمنين...)...صدق الله العظيم أعرف أن ردي في هذا الموضوع متأخر نوعا .... و لكنني أعتقد أنني مدين لـSunshine بنوع من الشكر ..... ففي الواقع فإن ردها أعجبني بشدة .... حتى أنني صرت أتذكره خلال كل صلاة , فأحاول التركيز أكثر , طمعا في الثواب .... الطريف في الموضوع أنني سمعت هذا التعليق بالذات للداعية ( عمرو خالد ) في إحدى حلقاته !!!!..... و لكنني نسيته !!!!!..... بصراحة , فإنني لم أكن بحاجة لرد Sunshine كي أعرف هذه المعلومة القيمة .... و لكنني كنت بحاجة شديدة إليها لكي أتذكرها !!!!!........ مع محبتي .... |
|
#30
May, 12 2005, 17:57
| |||
| |||
| مشكلة حقيقية بما أنو الحديث عن المشاكل ..زميلكم واقع بمشكلة حقيقية: التدخين. أنا مدخن شره جداً ,بدخن حوالي باكيت و نص يومياً و هالشي طبعا بالأيام العادية أما بها لأيام السودا ....إييييييييييييييييه خليها على الله أحسن شي. ما تركت طريقة إلا و جربتها..علكة النيكوتين,اللصاقات,الإبر الصينية,الإيحاء ....عدا عن الطرق التقليدية.و ما في نتيجة.دخيلكن اللي عنده فكرة أو حل يرد علي لأني تعبت  |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| يا ترى لو عينتك عميد للكلية شو راح تعمل؟ | Philip Hardo | شؤون عامة | 46 | Sep, 23 2007 15:05 |
| حلوة.... ويا نيالها...........! | Mr.Sam | الموسيقى | 13 | Dec, 23 2005 17:29 |
| من أبن أبدأ.. يا غريبة.. ويا حبيبة..؟ | سنفور | هديل الروح | 2 | Mar, 19 2005 12:04 |
كل الأوقات حسب GMT +2، والوقت الآن 19:28.
