رح نبلش موضوع (يمكن يكون طويل شوي) عن STEP 1 ورح نستفيد من خبرات اللي قدموه
مرت فترة على STEP 1 كانت نتائج اللي قدموه مو منيحة ... وصارت ال 90 مهمة صعبة ... في ثغرات ظهرت بكتير مواد كانو الطلاب عبيعانو منها بالفحص ... بس الحمد لله خلال ال 4 -5 اشهر الاخيرة الوضع تحسن كتير نتيجة التغيرات في الكتب والمناهج اللي عمتندرس.
طبعا خلال موضوعنا رح نورد لكتب اللي نصحو فيها المتقدمين للفحص اخيرا بس اكيد حكيهون مانو كتاب مقدس .. واصلا لولا انو هنين عدلو بالمناهج تبعة السلف لما تحسن وضعهون بعد انحدار علامات STEP 1 ... فلازم نحن كمان نطور الوضع ونسد الثغرات


بداية رح نحكي عن المدة اللي غالبا عبتتراوح بين 10 اشهر وحتى سنة طبعا في استثناءات قدموه بـ 7 اشهر او 6 اشهر ... بس هدول كانو دارسين المنهاج خلال دراستون الجامعية .


كيف خطة الدراسة العامة : بينعاد المنهاج 3 مرات ...
الدور الأول بياخد المدة الاطول ... 4 - 6 اشهر ... الفرق بالمدة بيعود لحجم المعلومات اللي طالب ناوي يحتفظ فيها من الدور الأول ... ففي طلاب بتفضل قراءة سريعة ... وطلاب بتفضل تركيز للمعلومات ... اهم شي ماتترك شي ماتقراه بالدور الأول
الدور التاني بياخد بين 3 - 5 أشهر وبيختلف بسبب انو الطالب اللي ركز بالدور الأول الإعادة سريعة عندو واللي ما ركز بتكون الاعادة صعبة عنده ... طبعا الطالب بعد هالدور لا زم يكون جاهز لحل كتب الأسئلة والدورات .. وبالتالي لازم يكون حفظان وفهمان كل شي بعده
رأي الشخصي: الافضل التركيز واطالة الدور الأول لأنو بالدور التاني اللي مو مركز بياخد معه وقت طويل وبالتالي لأخر الدور التاني بيصل لمرحلة وبسبب طول مدته بينسى المعلومات اللي درسها بأولو ... وطبعا هو المفروض ينتقل لمرحلة الأسئلة بعد الدور التاني وبالتالي لازم تكون كل المعلومات براسو
مرحلة كتب الأسئلة : بهالمرحلة الطالب بيحل كتب أسئلة رئيسية هامة بالاضافة لأسئلة الدورات بتاخد هالفترة بين 40 لـ 60 يوم بحسب كمية الأسئلة اللي بدو الطالب يحلها
الدور الثالث : عبارة عن تركيز سريع لأجراء مهمة منالمواد المفروض ما يتجاوز 10 لـ 20 يوم .
.....................................


قبل مابلش الحديث عن كتب الدراسة رح احكي عن نقطة او تحديث في STEP 1 :
من تقريبا 5 أشهر ماكانت كتب الكابلان النسخ الحديثة متوفرة عنا بسوريا ... طبعا موجودة طبعة ال 2004 ومو لكل المواد واللي كانت منقذة بكتير من المواد لطلابنا وهي اللي حسنت وضع STEP 1
من فترة وصلنا كابلانات STEP 1 طبعة 2006 - 2007 بس الزملاء اللي قدمو مؤخرا .. كانو بوقتها مخلصين الدور الاول من كتب غير الكابلان ومن الخطأ يغيرو الكتاب بعد ما خلصوه ... فاطلعوا عليها وابدو رأيون فيها ... وحلو الاسئلة تبعتها ... وفي ميل للاتجاه للاعتماد عليها متل ماهو الحال في STEP 2 اللي صار يعتمد بشكل شبه رئيسي على الكابلان .
كمان نقطة جديدة : وصلنا من قترة قريبة كتير دي في دي فيه تصوير فيديو لدورة الكابلان STEP 1 ... هدول الدي في دي ماحدا من الشباب اللي قدمو عندو اطلاع عليهون .. طبعا كلون كانو عمينهو المراحل الأخيرة لدراستون وبدون يدخلو علفحص لما وصلتنا هل دي في دي
الدي في دي راائعة جدا ... ومميزة .. الشرح جميل واللكنة رائعة ... عميشرح الدكتور فيهون كتير بتبسيط ... بيفيد بتعليم اللكنة والشرح للاشيا اللي مو موجودة بالكتب
مثلا بالفيزيولوجيا ...الدكتور اللي عميشرح بيدرس الفيزيولوجيا من 25 سنة وبيدرس STEP 1 من اكتر من 10 سنين ... بيشرح الافكار وبيبسطها وبعدين بيحكي كيف بتجي الاسئلة بالفحص وبيعلم الطلاب كيف تفك الحالات المعقدة من الاسئلة ...
انا عماعتمدهم بدراستي ... فبقرا كل بحث بسرعة ... وبعدين بشوف الشرح اللي عادة بيكون مطول .. وانا عبشوفه عماحفظ البحث ... وبعدها بحل الاسئلة الموجودة بعد البحث ...


يتبع في المشاركة رقم 2

مرحباً

رح نعذبكم كتير ياجماعة بس حدا بيقدر يجيب هدول السيديات بحيث نقدر ننسخهم و نوزعهم بين بعضنا باعتبار مشروع النسخ بإحدى المكاتب ما ممكن يزبط للاسف

شكراً

في سيديات بتنباع بمراكز التصوير تبع النفق بالشام....

المشاركة الأصلية بواسطة Atlantis

في سيديات بتنباع بمراكز التصوير تبع النفق بالشام....

شكرا زميل اتلانتيس.........
يمكنك الاطلاع على هذا الموضوع فيه قائمة السيديات المتوفرة هناك

اوردنا في المشاركة رقم 2 من الموضوع المصادر المضلة لدراسة مواد STEP 1 مع الالتزام ببعض التسلسل في ادراج المواد وفقا للتسلسل اللي بيعتمدو طلابنا في دراسة المواد....
لحد الان تسلسل دراسة المواد مافي شي بيحكمو ... وكل طالب بيعتمد تجربة خاصة فيه وفقا لايجابيات وسلبيات هو بيشوفها بهالتسلسل اللي بيتبعه

نقلا عن كابلان:
باحد ملفات الـ pdf كابلان عمتعلم الطلاب كيف يحضرو لـ STEP 1 ومن احد الاشياء المفيدة المحكية هي تلسل دراسة المواد ... مع شرح سبب وضع هالتسلسل

كابلان بتنصح الطلاب بدراسة المواد الـ 3 هدول دون وجود فرق في دراسة احداها قبل الاخرى ... بس المهم يكونو أول الشي .ِ
Anatomy ... طبعا بيشمل gross anatomy ـ neuroanatomy ـ Embryology ـ Histology .
Physiology ...
Biochemistry ... طبعا بيشمل Cell Molcular ـ Metabolism ـ Genetics .
التفسير: طبعا منطقيا التشريح والفيزيولوجيا هامة كأساسيات لفهم بقية المواد .... وما ممكن تبدا بغيرهون ...
بالنسبة لكتلة الـ Biochemistry فطلابنا بيأخروها على اعتبار حفظية حتى ماينسوها ... بس ومع ذلك الـ Biochemistry تعتبر كتير اساسية لفهم مواد تانية كتيرة طلابنا بيدرسوها قبل الـ Biochemistry وهاد الشي بيسببلهون ثغرات بالمواد هي وبيضطرو لترك افكار بدون مايفهموها لانها بتعتمد على الـ Biochemistry بالاضافة الى انو الـ Biochemistry مابتعتمد بشكل كبير بدراستها على غيرها من المواد اللي رح نوردها بالتسلسل.


كابلان بتنصح بدراسة المواد الـ 3 التالية مباشرة بعد الانتهاء من المواد الـ 3 اللي ذكرناهون فيما سبق ...
Behavioral science
Microbiology
Immunlogy
التفسير: هي المواد بتعتمد بشكل او بأخر على معرفتك بفيزيولوجيا الاعضاء الاخرى والـ Biochemistry بشكل معقول بالسبة للمناعة
وبالمقابل هالمواد بتلزم كتير لدراسة المواد اللي بعدها بالتسلسل


كابلان بتنصح بدراسة الـ Pathology متأخرا بسبب اعتماده الكبير على بقية المواد ... وطلابنا بتدرسه اخر الشي ... وحتى بعد الادوية ...بس هاد الشي بيخالف فكرة التسلسل عند كابلان


كابلان بتنصح بدراسة الأدوية Pharmacology أخر الشي ... لأنو من غير المطق تدرس ادوية الها اليات وانت مابتعرف الاليات اللي رح تعمل عليها من خلال الفيزيولوجيا والـ Biochemistry
طلابنا حتى بيدرسسوها باكرا جدا ... بس هل من المعقول تدرس ادوية بتعمل لتعديل اضطرابات مرضية ... وانت لسا مانك دارس التغيرات المرضية في الـ Pathology ... او حتى بتدرس استطبابات دواء ما ... ومابتعرف شي عن المرض اللي رح يعالجه؟؟؟

A.J. order.JPG

هذا الموضوع سيحدث باستمرار ...
تم تحديث بعض المعلومات فيه واضافة بعض النقاط
يمكنك قراءة المشاركات الـ 4 الاولى لاستبيان الاضافات التي وضعتها في مكانها المناسب

سيتم اضافة كتاب مراجعة جديد قد يتم استبدال ال first aid به ... كتاب رائع جدا صادر عن كابلان ... حجمه صغير ... الزملاء اللي قدمو ستيب 1 وشافوه قالو انو ممتاز ... انا راسلت Kaplan Residency Expert J لحتى شوف امكانية دراستو بدال ال first aid وبانتظار الرد ... رح اورده قريبا ... وبالعادة بيرد علي بنفس اليوم

اي استفسار رح يكون مرحب به
بالتوفيق للجميع

Hi nobody, how r you?....how is everybody and everything.....i really appreciate the topics u wrote on the site, it helps to know what's going on..especially,about usmle..anyways i 'll start this project this semister, and offcourse i need help..i intend to start with step1.. and as i read above that you have helpful dvd's..if you don't mind i'd like to have copies of them,cos i like interactive studying with videos and sounds and so forth methods...can you help me nobody?

طبعا كين ... تكرم عينك ... بس تشوفني او شوفك بالكلية زكرني ... فمنحكي وبأمنلك ياهون تنسخهون بأقرب فرصة
موفق

thx nobody, i intend to start with anatomy and i prefer to study from kaplan .i went to al-rwad and al-kashaf ,and they said that they don't have 2006-2007 edition, so i'll ask you another favor: if u have up to date information about libraries selling this book, i'd like to know where they are.. alep ,damas , or wherever in syria,if not..i'd like to copy it if you don't mind..and sorry for bothering you again...but i badly need help

( my emotions are not working, otherwise ...i'd send you a flower ---)

note:i sent you an email to your yahoo adress to know how we can contact...would you plz check it out...and thx again

تكرم عينك كين ...
الكتب تصويرهون مابظن رح يكون مفيد من عندي ... لانو بكتب كتير علكتب وبضيف وهيك ....
فرح دلك كيف فيك تصورهون من نسخ جديدة ... بس رح تطول بالك ... لانو كل كتاب من مكتبة وكل نسخة بمحل

بالنسبة للدي في دي ... تكرم عينك رح أمنلك نسختي تنسخ منها ... لانو مابظن في غير نسختي بحلب ... وانا واثق انهون رح يعجبوك كتير لانو كتير مفيدات

وفي اشيا تانية ممكن تفيدك منحكي فيهون قبل ما تشتري اي كتاب او تنسخ شي ... مشان تكون كل الخيارات مفتوحة قدامك

ماتشيل هم ... رح نتساعد قدر المستطاع ... وأنا رح شوف الايميل اللي باعتلي ياه ....
ورجائي ... بس تمهلني شوية وقت مشان اقدر امنلك كلشي دفعة وحدة إذا قدرت ...

موفق كين

you are the MAN!.... take your time... thank you alot NOBODY