رح نبلش موضوع (يمكن يكون طويل شوي) عن STEP 1 ورح نستفيد من خبرات اللي قدموه
مرت فترة على STEP 1 كانت نتائج اللي قدموه مو منيحة ... وصارت ال 90 مهمة صعبة ... في ثغرات ظهرت بكتير مواد كانو الطلاب عبيعانو منها بالفحص ... بس الحمد لله خلال ال 4 -5 اشهر الاخيرة الوضع تحسن كتير نتيجة التغيرات في الكتب والمناهج اللي عمتندرس.
طبعا خلال موضوعنا رح نورد لكتب اللي نصحو فيها المتقدمين للفحص اخيرا بس اكيد حكيهون مانو كتاب مقدس .. واصلا لولا انو هنين عدلو بالمناهج تبعة السلف لما تحسن وضعهون بعد انحدار علامات STEP 1 ... فلازم نحن كمان نطور الوضع ونسد الثغرات


بداية رح نحكي عن المدة اللي غالبا عبتتراوح بين 10 اشهر وحتى سنة طبعا في استثناءات قدموه بـ 7 اشهر او 6 اشهر ... بس هدول كانو دارسين المنهاج خلال دراستون الجامعية .


كيف خطة الدراسة العامة : بينعاد المنهاج 3 مرات ...
الدور الأول بياخد المدة الاطول ... 4 - 6 اشهر ... الفرق بالمدة بيعود لحجم المعلومات اللي طالب ناوي يحتفظ فيها من الدور الأول ... ففي طلاب بتفضل قراءة سريعة ... وطلاب بتفضل تركيز للمعلومات ... اهم شي ماتترك شي ماتقراه بالدور الأول
الدور التاني بياخد بين 3 - 5 أشهر وبيختلف بسبب انو الطالب اللي ركز بالدور الأول الإعادة سريعة عندو واللي ما ركز بتكون الاعادة صعبة عنده ... طبعا الطالب بعد هالدور لا زم يكون جاهز لحل كتب الأسئلة والدورات .. وبالتالي لازم يكون حفظان وفهمان كل شي بعده
رأي الشخصي: الافضل التركيز واطالة الدور الأول لأنو بالدور التاني اللي مو مركز بياخد معه وقت طويل وبالتالي لأخر الدور التاني بيصل لمرحلة وبسبب طول مدته بينسى المعلومات اللي درسها بأولو ... وطبعا هو المفروض ينتقل لمرحلة الأسئلة بعد الدور التاني وبالتالي لازم تكون كل المعلومات براسو
مرحلة كتب الأسئلة : بهالمرحلة الطالب بيحل كتب أسئلة رئيسية هامة بالاضافة لأسئلة الدورات بتاخد هالفترة بين 40 لـ 60 يوم بحسب كمية الأسئلة اللي بدو الطالب يحلها
الدور الثالث : عبارة عن تركيز سريع لأجراء مهمة منالمواد المفروض ما يتجاوز 10 لـ 20 يوم .
.....................................


قبل مابلش الحديث عن كتب الدراسة رح احكي عن نقطة او تحديث في STEP 1 :
من تقريبا 5 أشهر ماكانت كتب الكابلان النسخ الحديثة متوفرة عنا بسوريا ... طبعا موجودة طبعة ال 2004 ومو لكل المواد واللي كانت منقذة بكتير من المواد لطلابنا وهي اللي حسنت وضع STEP 1
من فترة وصلنا كابلانات STEP 1 طبعة 2006 - 2007 بس الزملاء اللي قدمو مؤخرا .. كانو بوقتها مخلصين الدور الاول من كتب غير الكابلان ومن الخطأ يغيرو الكتاب بعد ما خلصوه ... فاطلعوا عليها وابدو رأيون فيها ... وحلو الاسئلة تبعتها ... وفي ميل للاتجاه للاعتماد عليها متل ماهو الحال في STEP 2 اللي صار يعتمد بشكل شبه رئيسي على الكابلان .
كمان نقطة جديدة : وصلنا من قترة قريبة كتير دي في دي فيه تصوير فيديو لدورة الكابلان STEP 1 ... هدول الدي في دي ماحدا من الشباب اللي قدمو عندو اطلاع عليهون .. طبعا كلون كانو عمينهو المراحل الأخيرة لدراستون وبدون يدخلو علفحص لما وصلتنا هل دي في دي
الدي في دي راائعة جدا ... ومميزة .. الشرح جميل واللكنة رائعة ... عميشرح الدكتور فيهون كتير بتبسيط ... بيفيد بتعليم اللكنة والشرح للاشيا اللي مو موجودة بالكتب
مثلا بالفيزيولوجيا ...الدكتور اللي عميشرح بيدرس الفيزيولوجيا من 25 سنة وبيدرس STEP 1 من اكتر من 10 سنين ... بيشرح الافكار وبيبسطها وبعدين بيحكي كيف بتجي الاسئلة بالفحص وبيعلم الطلاب كيف تفك الحالات المعقدة من الاسئلة ...
انا عماعتمدهم بدراستي ... فبقرا كل بحث بسرعة ... وبعدين بشوف الشرح اللي عادة بيكون مطول .. وانا عبشوفه عماحفظ البحث ... وبعدها بحل الاسئلة الموجودة بعد البحث ...


يتبع في المشاركة رقم 2

كتاب جديد نزل علساحة من شي شهرين ... هالكتاب هو كتاب Review لـ step 1

Kaplan medEssentials

كتاب اكتر من رائع ... شغلتو متل الfirst aid ... عدد الصفحات 498 ... مقسم لجزئين رئيسيين
الجزء الاول عام... بيحكي عن الادوية العام والجرائيم العام والبيوكمستري والبائولوجي العام وووو
الجزء التاني جهازي ... بيحكي عن كل جهاز بالجسم (هضمي تنفسي قلبي ) وضمن كل جهاز بيحكي عن ... الجنين النسج التشريح الفيزيولوجيا الباثولوجي والأدوية تبعة الجهاز


الكتاب اغلبو جداول ومخططات ... يستخدم بعد ما يكون الشخص وصلان لمرحلة فهمان المادة وبدو بس الاشيا اللي لازم تنحفظ ... فبيفتح هالكتاب وبيلاقيها مجمعة قدامو باجمل طريقة


رأي الشبيبة اللي قدمو انو قوي جدا ويمكن اعتمادو بدل ال first aid ... وانو الكتاب شامل بحيث يمكن للشخص اللي وقتو ماسمحلو يدرس شي مادة بانو يدرسها منو لانو كافي

هلأ الأهم هو رأي الخبرات المتمثلة بعمو Kaplan Residency Expert J لما سألتو عن تقيم الـ MedEssentials مقارنة بالfirst aid ... فكان الرد علشكل التالي

You'rem joking right? You are asking me whether I recommend FirstAid or Medessentials, so don't be surprised that I think MedEssentials beats FA coming and going.... it's a better summary of the high yeild, and it has the online drill exercises.

Honestly, I really do think MedEssentials is a far superior resource than FirstAid for reviewing the higher yield information. FA leaves out a lot, as many who have used it will tell you. So while what is there is good, it omits a lot that is truly higher yield. So the extra time needed to work through ME is well-spent and pays off in actual usmle performance.

النسخة الاصلية سعرها 499 دولا ... يعني دولار للصفحة
النسخة الحلبية متوفرة بسعر اقل من ليرة للصفحة

اضافتين مو 3 :
1) الكتاب نزلو ملف تصويبات من فترة وأنا صرلي فترة عبستناه ... وهلأ لحصلت عليه AJmedEssentials.pdf
2) الكتاب فيه صور مهمة للفحص ... ولانو ما ممكن ينتسخو تصوير... فصارو على سيدي عمينباع مع الكتاب
3) بالاذن من بابا شنكول وسياسة منع الاعلانات ...مشان ما ألاقي هلأ عشر مشاركات و50 رسالة خاصة ومية ايميل عميسألو منين نشتري الكتاب .... الكتاب هاد وغيرو من كتب كابلان step 1 2006 2007 متوفرين بمكتبة وضاح اللي جنب مطعم بنينو ... ورا صحتين ...



بتمنى كون قدمت شي مفيد للجميع ... واي تساؤل رح يكون مرحب به

سؤال عن التشريح:
بدأت بدراسة kaplan gross anatomy ومع متابعة ال clinical considerations تبع ال high yield......لاحظت أنو بالهاي ييلد....كأنو كتار الأعتبارات السريرية....لدرجة أني حسيت حالي عم أقرا pathology.....وطبعا فتت بألف حيط....ودخلت بحالة أكتئاب.... ...هلأ هدول الأعتبارات السريرية تبع الهاي ييلد مالهون موجودين بالكابلان باثولوجي أو غيرو من سلسلة الكابلن لأنو أنا ماأطلعت عليه وبدي نصيحة من حدا سابقني..........بمعنى....أليس من الأفضل قراءة كتاب واحد لكل مادة في البداية( ولو أنو مابيسير أعمم بهالموضوع)...بدلا من مرافقة كذا كتاب مع بعض.....يعني .....أذا حدا مخلص الدور الأول يخبرنا......هل تكتمل الصورة في أي سلسة كتب...مثلا كابلان لوحدها...أو هاي ييلد لوحدها ...بحيث يختلف الأسلوب بين كتب تفضل ذكر معلومة معينة في مادة ما...وكتب تفضل ذكر معلومة في مادة أخرى..............أنا لساتني جديد بالمشوار.........بمعنى مثل بسيط:

بالهاي ييلد في بحث العمود الفقري: بيحكو عن الفتوق اللبية بالتفصيل...أما بالكابلان...فهنن بيذكرو مثالين عن الفتوق اللبية على صيغة أسئلة في أخر البحث......وغيرها الكثير من الأعتبارات السريرية غير الموجودة في الكابلان.......سؤالي بالتحديد: هل سأجد هذه الأعتبارات في الباثولوجي كابلان.................وشكرا سلفا للمساعدة......

كين أنا زاكر بشرحي عن المواد بعض النقط اللي هية نتيجة تمحص ... بس ماني زاكر ليش هالنتيجة طلعت معي

المشاركة الأصلية بواسطة No Body

ِAnatomy
كان في مشكلة انو ال clinical considerations اللي بيطرحا ال HY غير اللي بيطرحها الكابلان فيفضل الجمع بيناتهون ... طبعا حتى اللي درسو ال High Yield حلو اسئلة الكابلان وقالو انها كانت في غاية الاهمية

كين الاعتبارات السريرية اللي بيطرحا الHY تشريح مانها موجودة بالباثولوجي
هلأ بالنسبة لكابلان بيغطولك ياها خلال المادة ... وجزء بيتغطى خلال اسئلة الابحاث ... وجزء بيتغطى خلال حل اسئلة الQbook وال Qbank ... فهي عليك عليك... ولازم تدرسها ...
بالنسبة للامراض التشريحية اللي هية خلينا نقول جراحية فمابتتغطى بستيب ون غير بالتشريح تحديدا ... وضرورية
نسبة الاسئلة السريرية كبيرة

عكل حال بتوقع على اعتبار انك درست الفيزيولوجيا وشفت انو الاعتبارات السريرية اللي فيها اغلبها داخلية وشغلتها بسيطة ... بس ماكلشي طيب متل الفيزيولوجيا ... يعني بكرا بالمناعة والبيوكيمستري رح تسمع بامراض بعمرك ماسمعت عنها

هدول الاعتبارات كتير بتسهل عليك اذا كنت انت منيح بالمواد السريرية ... لذلك وكونك طالب سنة خامسة فضروري تهتم بمواد الكلية لانو هية اللي بتعطيك عالاقل تغطية على الامراض بحيث وانت عبتدرس ستيب ون ماتصل لمرحلة تقرا عن مرض بالاعتبارات السريرية ومانك سمعان باسمو هالمرة

مرحبا Nobody

بليز انا زوجي بدو يقدم على الكابلين (طبعا هو طبيب
ممكن اعرف وين بسوريا ممكن روح انا بدمشق

شكرااااااا

النداء الأخير..

يا جماعةاذا حدا بدو ييبدا ب step 1 في شلة بدا تبدا من الصفر باول تموز باذن الله

كل ما كنا أكتر كلمام كان اسهل

النداء الأخير..

يا جماعةاذا حدا بدو ييبدا ب step 1 في شلة بدا تبدا من الصفر باول تموز باذن الله

كل ما كنا أكتر كلمام كان اسهل

شلون يعني ؟؟
شو قصدك .. ؟؟
لمين النداء ؟
ومين الشلة ؟ ووين ؟

يا جماعةاذا حدا بدو ييبدا ب step 1 في شلة بدا تبدا من الصفر باول تموز باذن الله

شو الطريقة اللي رح تفيدج بعضها فيها الشلة ؟

هو صحيح إنو أنا مبلش من قبل وليس من الصفر ، بس المراجعة الثانية يحتاج فيها الواحد لشخص مبلش من الصفر يعني ممكن تكونين قادرة على مساعدتنا يا لارا .

وأتمنى التوفيق للجميع .............

مع حبي للجميع ..........SHAKAZOLO...............

--------------

لما قرأت الموضوع فعلاً وجدت إنك شارح الموضوع بشكل ممتاز .

يا نوبدي

أول شي بدي أسألك عن طريقة دراسة first aid بالوجه الثاني :
1- ندرس first aid كله ثم نقرأ الكتب وبعد كل كتاب نقرا الجزء تبعه من first aid .

2- أم نقرأ كل كتاب وأسئلة kaplan الخاصة به وبعد كل كتاب والأسئلة نقرا first aid تبعه وبنهاية الوجه الثاني ندرس first aid بشكل كامل ونضع ملاحظاتنا عليه والمعلومات الجديدة .

شو رأيك الخيار الأول أم الثاني . مع إني أفضل الخيار الأول .

بدي رأيك يا نو بدي أو اي شخص يعرف ودارس step1 لو وجه واحد .

مع حبي للجميع ...........SHAKZOLO............

المشاركة الأصلية بواسطة shakazolo

أول شي بدي أسألك عن طريقة دراسة first aid بالوجه الثاني :
1- ندرس first aid كله ثم نقرأ الكتب وبعد كل كتاب نقرا الجزء تبعه من first aid .

2- أم نقرأ كل كتاب وأسئلة kaplan الخاصة به وبعد كل كتاب والأسئلة نقرا first aid تبعه وبنهاية الوجه الثاني ندرس first aid بشكل كامل ونضع ملاحظاتنا عليه والمعلومات الجديدة .

شو رأيك الخيار الأول أم الثاني . مع إني أفضل الخيار الأول .

الغاية من الفيرست ايد ... او اي كتاب مراجعة مثيل ... هي تركيز المعلومات باضيق مساحة ممكنة مشان المراجعة ما تطول

لما بتكون انت دراس كتاب لمادة معينة وبعدين بتقرر تحول علفيرست ايد مرة وحدة فالذاكرة البصرية مارح تساعدك كونك حفظان هالكتاب ومامعقول تنقل على غيرو ... فعملية النقل المفروض تجي تدريجية مع ربط بين الكتابين ...
انا اللي فهمتو من خياراتك (حاسسها مو محبوكة متل خيارات دكاترتنا باسئلة الفحص) انو الخيار الاول بيقول انك تبدا دراسة الستيب ون من الفيرست ايد ... وهاد الشي ما ممكن ... لانو الفيرست ايد معلوماته مركزة كتير ومافيو شروحات ... يعني بيدرسو شخص مخلص الكتب وفهمان كلشي ... شغلة الفيرست ايد بس تثبيت المعلومات الاهم وبشكل مركز دون شرح
فلذلك انا بشوف الخيار التاني افضل ... وانا شارح هالشي بمشاركة سابقة بالموضوع
وانا بالنسبة الي ما عبستعمل الفيرست ايد وانما عبستعمل كتاب اخر

طبعا أهم شي... كل شخص بيدرس بالطريقة اللي بتريحو وبيشوفها صح ... ممكن يستأنث بطريقة غيرو ... بس اكيد هو الاقدر على تحديد طريقة الدراسة الخاصة فيو
بالتوفيق

طولوا بالكن علي يا جماعة و بعتذر اني ما وضحت من الاول...


how can i help...

1- i have tow uncles that r practising med in u.s. and they are comming 4 summer so if anyone needs any book from there(like new editions ) just lat me know

2-for me , the thing that made me dalay starting with step 1 although i wanted to start 2 years ago that i coudn`t find some one to commit with , so i wanted to tell those that they don`t know where to start from that we have been collecing informations and collecting students 4 a long time so all you have to do(tetwakal 3ala allah))and join the clup

3- we are shelleh in al baath uni 2 of us toke steps last year so we have good informations inshalla even if you are in another city it doesn`t matter we can stell comitt and help each other

4-fainally the american educational center in damas are opening educational advicing center soon ,i was there last week ,i don`t know yet what kind of help they can offer but i took the number of smeone that works there and she promised to call when they open< anyway i`ll call her next week and if there is any informations <like webside<i`ll tell you

5- i heard that there are syrian doctors teaching kaplan in alep so please if anyone have informations tell me

wish you all the best of luke