| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Nov, 08 2006, 23:42
| |||
| |||
 STEP 1 2006 -2007 رح نبلش موضوع (يمكن يكون طويل شوي) عن STEP 1 ورح نستفيد من خبرات اللي قدموه مرت فترة على STEP 1 كانت نتائج اللي قدموه مو منيحة ... وصارت ال 90 مهمة صعبة ... في ثغرات ظهرت بكتير مواد كانو الطلاب عبيعانو منها بالفحص ... بس الحمد لله خلال ال 4 -5 اشهر الاخيرة الوضع تحسن كتير نتيجة التغيرات في الكتب والمناهج اللي عمتندرس. طبعا خلال موضوعنا رح نورد لكتب اللي نصحو فيها المتقدمين للفحص اخيرا بس اكيد حكيهون مانو كتاب مقدس .. واصلا لولا انو هنين عدلو بالمناهج تبعة السلف لما تحسن وضعهون بعد انحدار علامات STEP 1 ... فلازم نحن كمان نطور الوضع ونسد الثغرات بداية رح نحكي عن المدة اللي غالبا عبتتراوح بين 10 اشهر وحتى سنة طبعا في استثناءات قدموه بـ 7 اشهر او 6 اشهر ... بس هدول كانو دارسين المنهاج خلال دراستون الجامعية . كيف خطة الدراسة العامة : بينعاد المنهاج 3 مرات ... الدور الأول بياخد المدة الاطول ... 4 - 6 اشهر ... الفرق بالمدة بيعود لحجم المعلومات اللي طالب ناوي يحتفظ فيها من الدور الأول ... ففي طلاب بتفضل قراءة سريعة ... وطلاب بتفضل تركيز للمعلومات ... اهم شي ماتترك شي ماتقراه بالدور الأول الدور التاني بياخد بين 3 - 5 أشهر وبيختلف بسبب انو الطالب اللي ركز بالدور الأول الإعادة سريعة عندو واللي ما ركز بتكون الاعادة صعبة عنده ... طبعا الطالب بعد هالدور لا زم يكون جاهز لحل كتب الأسئلة والدورات .. وبالتالي لازم يكون حفظان وفهمان كل شي بعده رأي الشخصي: الافضل التركيز واطالة الدور الأول لأنو بالدور التاني اللي مو مركز بياخد معه وقت طويل وبالتالي لأخر الدور التاني بيصل لمرحلة وبسبب طول مدته بينسى المعلومات اللي درسها بأولو ... وطبعا هو المفروض ينتقل لمرحلة الأسئلة بعد الدور التاني وبالتالي لازم تكون كل المعلومات براسو مرحلة كتب الأسئلة : بهالمرحلة الطالب بيحل كتب أسئلة رئيسية هامة بالاضافة لأسئلة الدورات بتاخد هالفترة بين 40 لـ 60 يوم بحسب كمية الأسئلة اللي بدو الطالب يحلها الدور الثالث : عبارة عن تركيز سريع لأجراء مهمة منالمواد المفروض ما يتجاوز 10 لـ 20 يوم . ..................................... قبل مابلش الحديث عن كتب الدراسة رح احكي عن نقطة او تحديث في STEP 1 : من تقريبا 5 أشهر ماكانت كتب الكابلان النسخ الحديثة متوفرة عنا بسوريا ... طبعا موجودة طبعة ال 2004 ومو لكل المواد واللي كانت منقذة بكتير من المواد لطلابنا وهي اللي حسنت وضع STEP 1 من فترة وصلنا كابلانات STEP 1 طبعة 2006 - 2007 بس الزملاء اللي قدمو مؤخرا .. كانو بوقتها مخلصين الدور الاول من كتب غير الكابلان ومن الخطأ يغيرو الكتاب بعد ما خلصوه ... فاطلعوا عليها وابدو رأيون فيها ... وحلو الاسئلة تبعتها ... وفي ميل للاتجاه للاعتماد عليها متل ماهو الحال في STEP 2 اللي صار يعتمد بشكل شبه رئيسي على الكابلان . كمان نقطة جديدة : وصلنا من قترة قريبة كتير دي في دي فيه تصوير فيديو لدورة الكابلان STEP 1 ... هدول الدي في دي ماحدا من الشباب اللي قدمو عندو اطلاع عليهون .. طبعا كلون كانو عمينهو المراحل الأخيرة لدراستون وبدون يدخلو علفحص لما وصلتنا هل دي في دي الدي في دي راائعة جدا ... ومميزة .. الشرح جميل واللكنة رائعة ... عميشرح الدكتور فيهون كتير بتبسيط ... بيفيد بتعليم اللكنة والشرح للاشيا اللي مو موجودة بالكتب مثلا بالفيزيولوجيا ...الدكتور اللي عميشرح بيدرس الفيزيولوجيا من 25 سنة وبيدرس STEP 1 من اكتر من 10 سنين ... بيشرح الافكار وبيبسطها وبعدين بيحكي كيف بتجي الاسئلة بالفحص وبيعلم الطلاب كيف تفك الحالات المعقدة من الاسئلة ... انا عماعتمدهم بدراستي ... فبقرا كل بحث بسرعة ... وبعدين بشوف الشرح اللي عادة بيكون مطول .. وانا عبشوفه عماحفظ البحث ... وبعدها بحل الاسئلة الموجودة بعد البحث ... يتبع في المشاركة رقم 2  |
| الأعضاء الـ 28 التالية أسماؤهم قالوا شكراً لك يا No Body على هذه المشاركة المفيدة: | ||
Ahmad Bsata, amarel, atassi, Atlantis, basboos, BigBoss, ElectroDoc, electron, Elloni, flower, Good Doctor, Hani, Jasser, keane, loukhj, mohammad taher, mr.yellow, neil, New Moon, shakazolo, Shankool, sherehan, subzero, tartousieh, TURBO, قصص حب, لارا, Wesambassout | ||
|
#2
Nov, 08 2006, 23:45
| |||
| |||
| كتب الدراسة بداية لتقدير توفر الكتب وطبعاتها وحجمها وعدد صفحاتها ... فهرسة للكتب الطبية المتوفرة لدينا Physiology طبعا ال BRS مجرب ومعروف بانو كتاب جيد ... الشباب شافو الكابلان ممكن يكون بديل عنو بس ماحدا جربها عنا بحلب (علما انو طلاب الشام بيدرسوه لأنو افضل) لأنو في مأخذ عليه حجمو اكبر من BRS ( مع الأسف هاد الحكي خاطىء ... هو تقريبا نفس الحجم لأنو صفحة الكابلان مفرفدة مقارنة بصفحة ال BRS المضغوطة ... وبالاضافة للكم الكبير من صفحات الاسئلة اللي في الكابلان واللي حلوها الطلاب اللي درسو ال BRS بكل الأحوال ) وبيتميز الكابلان بتوجهو للفحص وبالتالي مافيه قوانين زايدة مابتلزم او افكار معقدة مابتجي بالفحص انا جربت كابلان فيزيولوجي 2007 وشفت انو اكتر من رائع وبيمشي بسرعة خيالية وكافي وشرحه حلو طبعا حاطط جنبو ال BRS وعمقارن ... فوجدت انو فقط نحن بحاجة لدراسة فيزيولوجيا العصبية من ال BRS مع انو فيزيولوجيا العصبية مغطاية بالكابلان بس هي مغطاية بين كتابين الفيزيولوجيا والتشريح ... بس مابيمنع ينقرا هالبحث من ال BRS .. وطبعا انا عبحل اسئلة ال BRS طبعا انا درست مع حضور المحاضرات من الدي في دي لأنو المحاضرة تكمل الكتاب ملاحظة: قد يلجأ بعض الطلاب لقراءة كتاب HY Acid-base لأنه يساعد كثيرا ِAnatomy الطلاب عمتدرس ال HY gross anatomy و ال HY neuroanatomy بس كل اللي شافو الكابلان قالولي مننصحك بدراسة الكابلان ... وحتى عملنا مقارنات بكل بحث ببحثو ... ففعلا الكابلان كان رائع ... كان في مشكلة انو ال clinical considerations اللي بيطرحا ال HY غير اللي بيطرحها الكابلان فيفضل الجمع بيناتهون ... طبعا حتى اللي درسو ال High Yield حلو اسئلة الكابلان وقالو انها كانت في غاية الاهمية ملاحظة : أسئلة العصبية ممكن تجي بشكل مقاطع CT or MRI وبالتالي ضروري يكون الطالب ملم بالصور العيانية . انا درست الكابلان مع مشاهدت الدي في دي ... وكان كافي مع اطلاعي على clinical considerations في ال HY Embryology اسئلته بالامتحان قليلة ... 3 -5 اسئلة ... يكتفى في دراسته بال HY القديم وهو عبارة عن 45 صفحة ... اما الجديد فهو كبير الحجم نسبيا ... ولا داعي له Histology تدرس من ال HY وقالو الطلاب انو حجمها زيادة عن اللزوم وعادة الاسئلة بتجي من اول 60 صفحة .. وكانت النصحية انو ممكن استبدالو بكابلان مع الاطلاع على اول 60 صفحة من HY ... وهاد اللي عملتو انا وكان كافي Biochemistry هي كتلة كبيرة بتشمل Biochemistry Cell Molcular Metabolism Genetics كلها مشمولة بكتاب واحد كابلان .... كانت تعتبر احدى مشاكل الـ STEP 1 وبوجود الكابلان وخاصة طبعة 2006- 2007 تم تجاوز جزء كبير من المشكلة ... وبعتقد وجود الدي في دي رح يسكر بقية الثغرات Microbiology تدرس من ال Microcards وهي كافية مع وجود حاجة لقراءة الجراثيم العام والفيروسات العام وبحث المقاومة الجرثومية والصادات من الكابلان أو كتاب Made ridiculously simple ... وطبعا اسئلة الكابلان لاغنى عنها اللي عندو ضعف بالجراثيم والفيروسات فممكن يقرا المادة من Made ridiculously simple هادا الكتاب كتير ظريف ورائع بس مشكلتو انو بيعتمد النكتة بشرح الفقرة واللي غالبا بتكون باللغة العامية ... فبتكون بمشكلة الطبي ... بتصير بمشكلة اللغة ... بس بيضل الكتاب رائع ومساعد علحفظ Immunlogy هي المادة فعلا كارثة ... انقذنا منها الكابلان ... لأنو الطالب كان يدرس HY بس ماتنحل معو الاسئلة ... وكأنها من المريخ ملاحظة دي في دي الكابلان ... عرض محاضرات الكابلان من قبل بروفسور كتير مشهور وعلى ما يبدو الو علاقة بالأسئلة ... واللي بيشوف الدي في دي لحالو بيفهم شو قصدي  Behavioral science تم الاعتماد على كتاب ال HY ولكن مازال الطلاب يواجهون اسئلة لايستطيعون حلها خلال الامتحان ... ولكن حتى الآن يبقى ال HY هو الأفضل .. ملاحظة لم يجرؤ احدهم على الدراسة وتقيم الكابلان في هذه المادة ملاحظة : في بعض الطلاب بيقرو HY psychiatry لتعيم معلوماتهم Biostatistics حديثا يتم قراءة كتاب الاحصاء Lange ومن ثم الانتقال الى الكابلان ... فقد وجد الطلاب ان كتاب الكابلان غني جدا وضروري ولكن لابد من قراءة شيء مبسط قبله Pharmacology يكتفى بال Pharmacards مع ابحاث الادوية العامة من كابلان ... ان قسم الادوية في ال First Aid قوي جدا وكافي للمراجعة . Pathology ال BRS جيد جدا ولكن بعض الاسئلة في الامتحان تأتي بشكل مقاطع نسيجية لذا لا بد من ارفاق الدراسة باطلس كال web path أو Robbin's يتبع |
| الأعضاء الـ 11 التالية أسماؤهم قالوا شكراً لك يا No Body على هذه المشاركة المفيدة: | ||
|
#3
Nov, 10 2006, 06:12
| |||
| |||
| كتب الأسئلة كتب و CDs الاسئلة في STEP 1 تقسم الى نوعين ... النوع الأول لاستقاء المعلومات من الأسئلة وليس لحلها ... والنوع الثاني لحل الأسئلة بشكل يقيم دراسة الطالب ويدرب الطالب على نمط اسئلة الامتحان طبعا بالاضافة للمعلومات التي قد ترد جديدة اسئلة كتب الكابلان في كتب الكابلان السبعة وخلف كل بحث في اسئلة متعلقة بالبحث ... في جزء منها بينحل لأنو معلوماتو من ضمن البحث ... وفي جزء ما بينحل لأنو غايتو اعطاء معلومة جديدة الاسئلة في كل كتب الكابلان هامة جدا ونمطها قريب من نمط الامتحان يمكن البدء بحل هذه الأسئلة مع دراسة الدور الأول اذا كنت من النوع اللي بيركز دراستو بالدور الأول أو تركها للدور الثاني اذا انت من النوع اللي بدو يمشي بسرعة بالدور الأول كتاب NMS review STEP 1 ماكل الطلاب حالينه ... بس في طلاب حلوه واستفادو منه في كسب المعلومات .... اذا حله يتعلق بالوقت المتاح ... كتاب PreTest كتاب حلو لكسب المعلومات ممكن البدء به مبكرا نوعا ما سلسلة ال Undergound Clinical عادة الطلاب بتحل منها الاقسام اللي بتحس انها بحاجة لحل المزيد من الأسئلة فيها .... ويمكن الاستغناء فيها عن قسمي السلوك والأدوية لأنو نمط الاسئلة غير موجه للامتحان اسئلة متفرقة اسئلة كتاب ال Lange في الجراثيم والمناعة أسئلة ال BRS في علم السلوك اسئلة ال BRS في الكيمياء الحيوية الأسئلة التي تحل بعد الدور الثاني متل ما قلنا انو بعد الدور التاني بيكون الطالب ركز معلوماتو وصار وقت التقيم للشي اللي درسو فالطلاب بهالفترة بتحل الأسئلة الأهم والأقرب لصورة الامتحان وتقريبا هالفترة بتكون من 40 وحتى 60 وم وصار تقريبا معروف السكور اللي لازم يجيبو الطالب بهالأسئلة بحيث يعتبر حالو جاهز للامتحان هدول الاسئلة كتيييير هامة .... وبتجي بالفحص CD simulator أو ال Semulated Kaplan CD الـ Q Book الـ Q Bank CD Sample CD الدورات اضافات في اسئلة بيحلوها الطلاب الاميركان ... مابعرف ليش نحن ما منحلها  أو مانها دارجة عنا هون ... يمكن لأنها مو متوفرة ... منها مثلا ال NBME او حتى في موقع بيعطي اسئلة كتير هامة كمان الطلاب الاميركان بيشتركو فيه وبيعتبرو اسئلته هامة ... بكل الاحوال هادا مبحث اخرموقع usmlewords... بيعطي اشتراك لاسئلة لكل الستيبات ... الاسئلة ممتازة جدا ... في شي منها عميجي حرفيا ... الاشتراك مكلف ومدتو قصيرة ... بس على مين ؟؟ رح يتم نسخ الاسئلة على سيدي ... وخلال ايام بتكون جاهزة كمان يتبع |
| الأعضاء الـ 11 التالية أسماؤهم قالوا شكراً لك يا No Body على هذه المشاركة المفيدة: | ||
|
#4
Nov, 10 2006, 07:17
| |||
| |||
| ختاميات دور الـ First Aid هالكتاب فيه معلومات موجهة للفحص ... مركزة جدا ... كانو الطلاب يقروه بعد الدور التاني ... فبيكونو عادو المواد مرتين بدون توجه ... هلق الطلاب عمتدرسه خلال الدور الأول أوالتاني بالطريقة التالية بعد كل مادة بتنهيها ... بتقراها من ال First Aid وبالتالي بتكون ثبتت المعلومات الاهم للفحص ... وطبعا بتضيف عليه المعلومات اللي بتشوفها مهمة ومو موجودة فيه متفرقات متل ماقلنا الخبرة تبعة الطلاب اللي قدمو مو كتاب مقدس لحتى نتبعو بدون تغيير ... اختيار الكتاب الأفضل للدراسة بيتعلق بطريقتنا بالدراسة وبالتالي الكتاب اللي منرتاح فيه ... فمثلا ال BRS طريقته هي سرد فقرات مبوبة وتحت كل فرة تعدادات وتحت كل تعدادة تعدادات وهكذا ... الكابلان بيعتمد الشرح اكتر ... ال HY بين هذا وذاك. لازم الطالب اللي بدو يقدم STEP 1 يكون متمكن الى حد ما سريريا لأنو كم الاسئلة السريرية كبير ... طبعا هي الاسئلة بتعتمد على معلومات STEP 1 ولكن المحاكمة وطريقة السؤال سريرية اللي بدو يقدم يفضل يرسل الـ Application قبل 6 او 5 أشهر لأنو الموضوع بياخد وقت ... وطبعا يفضل يستعين بطالب ارسل قبل هالمرة بالنهاية أنا ما بقدر بنقل كل شي ... لأنو في امور دقيقة مفيدة ممكن تكون بتتعلق مثلا بدراسة فقرة بمادة ... اكيد ما ممكن ننقل معلومات بهالتفصيل ... بس اكيد لما الطالب بيبلش يدرس بتظهر معو تساؤلات وعقبات ممكن نتساعد بتخطيها والاجابة عنها بتمنى كون نقلت الشي المفيد واذا حدا عندو شي يضيفو ويفيدنا منكون شاكرين اله وبالتوفيق للجميع  حاج ... لا يتبع |
|
#5
Nov, 10 2006, 14:31
| |||
| |||
  شكراً كتير كتير نوبودي الله يعطيك العافية قدمتلنا خدمة كتير كبيرة بموضوعك الله يوفق الجميع |
|
#6
Nov, 10 2006, 14:44
| |||
| |||
| الله يعطيك الف عافية نو بودي كفيت ووفيت بس انا في شغله محيريتني واتمنى تعطوني رأيكم.. بدي اقدم الستيب1، والكل نصحوني ابدأ من هلأ حتى ما اضيع وقت بعدين بدراسته طيب اذا بدأت دراسه هلأ...ايمت اقدمه؟ يعني ادرس دراسه جدية بحيث اني اقدمه خلال سنة كحد اقصى؟ او ادرس على راحتي بحيث اخلص التحضير خلال عدة سنوات (باعتبار انا لسه تالته) واقدمه وقتها؟ ما بعرف اي الطريقتين افضل برأيكم؟؟ تحياتي |
|
#7
Nov, 10 2006, 16:06
| |||
| |||
 مابعرف إذا بقدر اجاوب إجابة صحيح عن هل سؤال رح أحكي راي و اترك اهل المعرفة يحكوا بالنسبة للنسة التالتة لسا كتير بكير تدرس بشكل جدي و تام للستيب و أنو تاخد فيه علامة كويسة إذا قدمته يفضل تكون آخد شوية داخلية لتقدم ستيب لانها بتفيدك بس يلي ممكن تعمله بشكل كتير كويس هو انو تعمل دورات انكليزي و تقوي لغتك تفتح مراجع انكليزي و تتعودة تفهم معلومات طبية بهل لغة و ممكن كتير تدرس مادة من موادك من كتاب ستيب وان ( ادوية , طفيليات , ..... ) نصيحتي كتاب redicoulosly simple تبع الmicrobiology كتير حلو , كتير رح يفيدك هل شي للتخطي الخطوة الأولى يلي بتعتبر اصعب شي |
| قال العضو التالي أسمه شكراً لك يا Elloni على هذه المشاركة المفيدة: | ||
|
#8
Nov, 10 2006, 16:27
| |||
| |||
| المشاركة الأصلية بواسطة TURBO توربو متل ماقالت الزميلة ايللوني بس بحب ضيف شغلة
احدى العوامل اللي بتساعد على انو نقلك بكير هو انو ضروري يكون عندك شوية اطلاع علسريريات مشان ستيب ون حتى الطلاب اللي مستواهم ضعيف بالسريريات يفضل يقرو مثلا ال NMS داخلية خلال تحضيرون لستيب ون لأنو متل ماذكرت كم الأسئلة السريري كبير ولا يمكن المغامرة والدخول علفحص والاستغناء عنو |
|
#9
Nov, 10 2006, 20:48
| |||
| |||
| ايلوني...شكرا على ردك انا فعلا عم بعمل متل ما قلتي وعم بدرس للجراثيم من كتاب redicoulosly simple والحمد لله عم بجتاز الخطوة الاولى نو بودي شكرا كمان على ردك وان شاء الله رح اتبع نصيحتك تحياتي |
|
#10
Nov, 10 2006, 22:53
| |||
| |||
| شكراً نو بدي بس يا ترى ممكن نوفق بين السادس والستيب 1؟ |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| أميريكا IMGs PARTICIPATING IN 2008 MATCH SHOULD TAKE STEP 2 CS BY AUGUST 2007 | No Body | امتحانات الدول الغربية (بشري) | 0 | Dec, 16 2006 23:34 |
| Drug Facts and comparisons 2007 and other books | asrqph | تبادل الملفات الطبية | 3 | Oct, 26 2006 07:29 |
كل الأوقات حسب GMT +2، والوقت الآن 06:10.
