البحر يكشف عن لآلئه
يدور هذا النقاش حول البحر يكشف عن لآلئه في قسم لقاءات في الملتقى الطبي السوري; سحرتنا بحلاوة روحها و أزالت همومنا بحلو ابتسامتها
لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Nov, 11 2006, 23:56
| |||
| |||
 البحر يكشف عن لآلئه سحرتنا بحلاوة روحها و أزالت همومنا بحلو ابتسامتها لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان حياتنا .. و ما طرطوسية إلا كلمة أخرى للصديق الذي يتمناه كل فرد منا .. و لست أكتب هذه الكلمات هنا إلا لأنني أفتخر بأن أكون أحد أصدقائها .. و أقول لها : سيدتي الفاضلة ، تقدمي إلى عرش الاعتراف لتكوني - كما عودتنا - المليكة في أرض الصراحة |
| قال العضو التالي أسمه شكراً لك يا bluewave على هذه المشاركة المفيدة: | ||
|
#131
Nov, 18 2006, 13:04
| |||
| |||
| المشاركة الأصلية بواسطة BigBoss 
ولك شو هاد؟؟؟؟؟؟؟؟ إيمت بدي لحق جاوب على كل هادول؟؟؟  أول شي أسئلة الاطمئنان كلون مظبوطين... بس زيد شوي عليون... هلق أرضي مو للبيع... بقصد فيها أرضنا .. وطننا... بما إنو الكل عم يحاول يتدخل فيه من كل صوب ويعمل حالو المنقذ المنتظر.... و بدو ياخود محلو عنا..... ما رح فوت كتير بالسياسة...بتخيل وصلت الفكرة.... بكفي لهون.... أما أنت إذا أحببت.. فلا تقل الله في قلبي.. لكن قل أنا في قلب الله.... أول شي هي من أقوال جبران خليل جبران...و أنا بشوف فيها .. إنو محبة العالم بعضا لبعض.. ما هيه إلا جزء من محبة الله لإلنا.... و إنت قللي .. معقولة حط هالجملة توقيعي إذا ما كنت مقتنعة فيها؟؟ اسمحلي هنيك على زكاك.. يعني ما مرقت عليك......  طيب... هلق أنا ما بحب ارسم مبادئ بحياتي و إمشي عليها.. لاء... يمكن كل تصرف بعملو بيفرض مبدأه الخاص... بس كلو ضمن اقتناعي إنو مو لازم نعتبر الحياة تحدي قد ما نعتبرها تجربة حلوة بكل شي بتحملو.... يعني فيني اعتبرو مبدأي الخاص... إذا سمحتللي... باختار ضحي بالمبدأ... لإنو المبدأ نحنا اخترعناه... لحتى يخدم تصرفاتنا... مو لحتى يسيرنا.... برجع بقول تصرفاتنا وليدة الموقف... شخصين متساويين.. واحد شارك وواحد لاء.... طبعا" اللي شارك رح أقدرو أكتر بما إنو أبدى اهتمام وعبرني و ضيَع وقتو و تعب و كتبلي أسئلة ... أكيد بتفرق.. أنا خيالية بس على أرضية واقعية... صح... الإيمان ما إلو وقت محدد و مكان محدد... إيماني بقلبي بكل وقت ...طبعا" متل كل الأديان السماوية... عنا الصوم و الصلا بيقربونا أكتر من ربنا بلا شك... هايدا بالإضافة للكتب يللي بقراها لما يكون عندي وقت.... الدنيا ما بتكتمل لحدا..؟إمممم إذا بدك... بس إذا كل واحد مننا قدر يقدِر شو عندو... بيمشي الحال.... الحياة تافهة... لاء ما حسيت بهيك شي من قبل... قلت قبل...الواحد إذا ما طلعلو اللي بحبو... يحاول يحب يللي طلعلو... و نهاية الليدي ديانا.. عادية.... مع فرق إنها مشهورة... إرضاء الناس غاية لا تدرك............ خلليني جاوبك عليها ب..." ما نفعك إن ربحت كل الناس و خسرت نفسك"
أول شي بنهار.. بقاطع... بصحى... بسامح.... على قولة هنن شو جابرون...
أول شي... ما بعرف إذا بينت أو لاء.. بس ما خطرلك إني عم إمزح وقت اللي قلت إنو البابا عم يحضرنا و إني عم قلد المقابلات يللي بتصير عالتلفزيون؟؟ هلق البابا كتير فاضي يفتح النت و يقرا هالحكي؟؟...  و دغري سميتللي ياها كزبة؟؟ على مهلك علينا يا أخي... هلق إنت بس لو تعرف الكزبة يللي كزبتها هون بالموقع... إنت يللي رح تنحط بموقع محرج.. يعني معي...  أنا كل يللي سألوني برا الموقع عن هالكزبة.. قلتلهون عليها... و هالكزبة كتير بايخة و أنا متأكدة إنو طمطم يللي سأني هالسؤال ما رح يزعل مني....... الكزبة هيه عن الغنية يللي بتصير تحلق فيها روحي بالسما بس اسمعها....هلق يللي جاوبت عليها مظبوطة... بس في مطرب تاني هوه يللي بس اسمعو بيصير هيك... بس ما رح قلك مينو.... ما خرج بس اتأكد إنو لو البابا كان عم يحضرنا كمان ما كنت رح قول الكزبة ... كمان وقتها ما كان رح يكون خرج... كتير حلوين أسئلتك بيغ بوس... و مبين متعوب عليهون... بس اعذرني ما كتير توسعت بالإجابة لإني انكسرت.. يعني بقيانلي كتير لسا لحتى جاوب عليهون.... شكرا" كتير إلك... -------------- |
))))| قال العضو التالي أسمه شكراً لك يا tartousieh على هذه المشاركة المفيدة: | ||
|
#132
Nov, 18 2006, 13:12
| |||
| |||
| المشاركة الأصلية بواسطة Kliopatra
أهلين كليوباترا...  بعمل بلوك لمعظم الشعب هلق ليش؟؟ لإني مو على طول بكون جاية على بالي إحكي... أو مو كتير فاضية إحكي.... بقوم شو بعمل.....؟؟ هاها... أول شي ببلك كل العالم....يعني مو موقف شخصي... و بعدين بفوت أوف لاين... و بعدين بشوف مين إون لاين... وجاية على بالي إحكي معو... هادا في حال كان عندي وقت.... بقوم بفكِلُو البلوك... و بحكي معو........ وبس خلِص .. برجع عالبلوك...... هلق حاليا" حاليا" .. لإني عندي كتير وقت.. ومتفضاية للإنترنت... عم فوت أون لاين.. وفاكة أغلب العالم... ما عدا قرايبيني .. وبعض العالم اللي ما بعرفها و فايتة لتتساءل بس........ مشي؟؟ |
|
#133
Nov, 18 2006, 13:30
| |||
| |||
| المشاركة الأصلية بواسطة davidson
 يللا... ماشي الحال... أحلى صورة رمزية... كليوباترا... أحلى اسم رمزي... no body أحلى توقيع .. توربو.. أحلى مجموعة أسئلة...توربو تبعون الصور.. أحلى واحد فيهون... رامي عياش.. برأيي.. في حال فهمت السؤال مظبوط... شب أول مرة بفوت... البنت :مشيتو... الشب : جسمو بنت أول مرة بتفوت.. البنت: شعرها.. الشب : لبسها...... طنجرة الشوكولا ما بعرف.... أنا بطبخ عالروسيت... يعني ما بحفظ المقادير... فيك تشوف موضوع للعزابية تبع كليوباترا... بنت ما بتعرف تطبخ... أحسن من يللي بتعرف و ما بتطبخ...  لأ جد... بسهولة بتتعلم... يعني عالوصفة بيمشي الحال... شب بيشغل مرتو وهوه بيقعد بالبيت....... عالة... 
|
|
#134
Nov, 18 2006, 13:40
| |||
| |||
| المشاركة الأصلية بواسطة hailstone لاء طرطوسية لا تعلم.... إذا كتير ضروري فيني وصللها الخبر
كلها مرة حضرتو ... يوم الأمسية تبع التلاتا الماضي........ بس شكلو فنان درجة أولى مستوى عالي.... أداؤه رائع... عفوي .. واثق من حالو...... يعني إلو مستقبل رهيب... الله يوفقو... في حالة مشاركتي.. أكيد رح تكون خطوة إيجابية إن كانت معو أو لاء.... يعني موقفي ما رح يتغير إذا كان معو أو مو معو... |
|
#135
Nov, 18 2006, 13:51
| |||
| |||
| المشاركة الأصلية بواسطة dr.mohi
الحب أهم. و التعبير عنو بيغذي الحب.. يقللي دج... بيصير معي......................................... متلازمة الانسحاب.. ما بعرف... يمكن تعودت على نمطو بالإدارة.... بس يللا ... منفتحلو الباب... و بترشح محلو... |
|
#136
Nov, 18 2006, 22:28
| |||
| |||
| المشاركة الأصلية بواسطة C.T.SCAN
أهلين سي تي سكان...إيه شو هالأسئلة الحلوة هي.... بس.... ما كنت رح قول.. منبلش... السؤال الاول.. -أشعر بالأغتراب عن ذاتي.......3 -أشعر بأني جميلة........3 -أشعر باهتمام في ارضاء الأخرين......2 -أشعر بأني أستحق العقاب.......3 -أشعر بالغيرة.......2 -أشعر بأني أنثى........7 -أشعر باني أبدل رأيي بسهولة......4 -أشعر بأني اتكالية.....3 -أشعر باني غير صادقة.......2 -أشعر باني فكاهية......3 -أشعر بالشفقة على نفسي......2 -أشعر باني أتمتع بشعور ديني.......6 -أشعر بنزعة الى الانتحار........1 -اشعر باني ذو وجهين........3 -أشعر بنزعة الى الانتقام........2 -أشعر بأن الأخرين لا يحسبون لي أي حساب.........2 - أشعر بالحشرية........5 -أشعر بأني أتلاعب بالأخرين.......2 أشعر بأني أفرط في الشك بالآخرين.......2 -أشعر بأني ضحية........1 السؤال التاني.. الممتلكات... الإشيا المادية... الموبايل....إنو شو بدي قلك..؟؟ مشاعر لا توصف.... ما بعرف كيف بدي عبر عنها... عم إمزح... كل القصة إني إذا شي مرة نسيت موبايلي... بجن جنوني... يعني كإني نسيت عقلي ... ما بتخيل إنو حدا" يدقللي و انا ما رد عليه.... ممكن يكون صغر عقل...... بس يللا.. فيك تعتبرني صغيرة عقل...
 .................................................. .................................................. ........................................ |
|
#137
Nov, 18 2006, 23:31
| |||
| |||
| المشاركة الأصلية بواسطة dr.nour
بقول عن شخص إنو واثق من نفسو.. إذا عرفان حالو شو عم يعمل و مو كتير بيتأثر برأي العالم يللي حواليه...و مقتنع بحكيو و بتصرفاتو... و بيتصرف بعفوية و طبيعية وبلا اصطناع.... يعني كتير إشيا... ثقتي بتتراوح بين البينين.. .. و الغلبة للقوية..... طرطوسية ما بتعرف تغش....... بتخاف ما حدا يعمللها مشكلة ........ وما حدا آكلها غير يللي قاعدين حواليها بالفحص....عنجد بيوجعني قلبي عليهون الحزن؟؟ فراق........ مرض خطير.....ظلم....... حرب... رسوب....... سوء فهم......و كتير إشيا صغيرة ممكن تأثر... لو فيني إرجع لورا......؟ كنت رجعت لقبل ما يموت شخص عزيز عليي... كنت أخدتو عالمستشفى قبل... بركي كان مشي الحال... عضوة نشيطة؟؟ بالله؟؟ هلق لانتبهت.... مو كتير فارقة....... يعني يومين تانيات و بيرجع بيروح الأحمر... شو بكون عملت؟؟ |
| قال العضو التالي أسمه شكراً لك يا tartousieh على هذه المشاركة المفيدة: | ||
|
#138
Nov, 18 2006, 23:37
| |||
| |||
| المشاركة الأصلية بواسطة منور الجواب أبسط...... إقري المشاركة رقم 114... بتكتشفي لحالك...
و أهلا و سهلا فيكي... نورتي المنتدى...... |
|
#139
Nov, 19 2006, 01:49
| |||
| |||
| طرطوسية : املأ الفراغات التالية : ================== تفكر طرطوسية ببيتها عندما ........................... تشعر طرطوسية بخطر الفحص (طبعاً لما ما بتكون دارسة لآخر السنة ) في اليوم ......... من شهر ............. (على اعتبار بداية الفحص هيي 2/1 ) نوع السيارة التي تحلم باقتنائها طرطوسية هيي ................. أرقام المشاركات التي لم ترضى طرطوسية عن نفسها عندما أجابت عنها .................................................. .. الحلم المبدأي لطرطوسية في المستقبل القريب هوو .......................................  |
|
#140
Nov, 19 2006, 02:15
| |||
| |||
| فاصل ترفيهي ارجعنا على فاصل ترفيهي اخر ... ولكن 1) أخر غنية عبيت معك (غير حبيبي) ... ومبن المطرب 2) أخر فيلم شفتيه ولمسك .... ومين البطل 3) أخر أبيات شعر سمعتيها وعجبتك ... ومين الشاعر 4) أخر مقولة أو حكمة سمعتيها وعجبتك .... ومين القائل 5) أخر مسبة سمعتيها .... ومين السابب 6) أخر كلمة غزل (اعتبرتيها غزل) سمعتيها .... مين عديم النظر 7) أخر سؤال استغربتيه بالمقابلة ... ومين السائل ملاحظة : كل ماورد في هذه الاسئلة بغاية الترفيه |
| قال العضو التالي أسمه شكراً لك يا No Body على هذه المشاركة المفيدة: | ||
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| عظم أنف الجنين يكشف عن سلامة تكوينه | hailstone | آخر المستجدات الطبية | 6 | Apr, 13 2008 00:28 |
| حجم حدقة العين قد يكشف عن احتمالات مستقبلية لمرضى السكري | hailstone | آخر المستجدات الطبية | 2 | Jul, 09 2007 18:41 |
| مصير مؤلم ينتظر البحر الأبيض المتوسط | BigBoss | علوم وتكنولوجيا (حواسب واتصالات) | 1 | Apr, 18 2006 15:41 |
| البحر يا ماريّا | Shankool | قصص وروايات | 0 | Sep, 10 2005 03:26 |
كل الأوقات حسب GMT +2، والوقت الآن 19:45.
