البحر يكشف عن لآلئه
يدور هذا النقاش حول البحر يكشف عن لآلئه في قسم لقاءات في الملتقى الطبي السوري; سحرتنا بحلاوة روحها و أزالت همومنا بحلو ابتسامتها
لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Nov, 11 2006, 23:56
| |||
| |||
 البحر يكشف عن لآلئه سحرتنا بحلاوة روحها و أزالت همومنا بحلو ابتسامتها لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان حياتنا .. و ما طرطوسية إلا كلمة أخرى للصديق الذي يتمناه كل فرد منا .. و لست أكتب هذه الكلمات هنا إلا لأنني أفتخر بأن أكون أحد أصدقائها .. و أقول لها : سيدتي الفاضلة ، تقدمي إلى عرش الاعتراف لتكوني - كما عودتنا - المليكة في أرض الصراحة |
| قال العضو التالي أسمه شكراً لك يا bluewave على هذه المشاركة المفيدة: | ||
|
#141
Nov, 19 2006, 03:25
| |||
| |||
| كيفك طرطوسية ... كنت عمبستنى تخف الزحمة طيب اسئلتي خفيفة : شو هي اكتر عادة محببة لدى الطرطوسيين؟ شو هي اكتر عادة غير محببة عندكون؟ شو هو الشي اللي لو ذكرناه فورا بيتبادر لاذهاننا طرطوس؟يعني شي مشهورين (مختصين )فيه لك تحياتي  |
| قال العضو التالي أسمه شكراً لك يا etoil de la mer على هذه المشاركة المفيدة: | ||
|
#142
Nov, 19 2006, 14:29
| |||
| |||
| المشاركة الأصلية بواسطة ammour444 تفكر طرطوسية ببيتها عندما تكون على طريق سفر... بالروحة أو بالجية..
تشعر طرطوسية بخطر الفحص (طبعاً لما ما بتكون دارسة لآخر السنة ) في اليوم ...1...... من شهر .......12...... (على اعتبار بداية الفحص هيي 2/1 ) نوع السيارة التي تحلم باقتنائها طرطوسية هيي ......السيارة يللي هداني ياها توربو بعيد ميلادي ولهلق ما وصلتني مفاتيحها...........  أرقام المشاركات التي لم ترضى طرطوسية عن نفسها عندما أجابت عنها .....100.,..112,.......125 ..................................... الحلم المبدأي في المستقبل القريب.. إني إنجح السنة...  |
|
#143
Nov, 19 2006, 15:18
| |||
| |||
| المشاركة الأصلية بواسطة No Body
1. قبلها بغنية...... أحبك جدا"... كمان لماجدة  2.Conte of Monte Cristo 3.الشاعر؟؟ شاعرنا الكبير و المحبوب.................... dr.mohi  ها قد مَشَيتُ إلى الهَلاك ِبِخاطِري............ ما سَاقنِي أحَدٌ إلى أشجَانِي قلبي المُراهِقُ لا يُحِسُّ بوَرطَتي.............. مُتراقِصٌ مُتسارعُ النبَضَان ِ أوَلَم يَعِدْنِي أنْ يَظلَّ مُصَابراً............ لا يَسْرِيَنْ عِشقٌ إلى وجداني ؟!! ما بالُهُ.. مُتهلِّلاً في سِرِّهِ....................... أوَلا يَرَى أنِّي تعيسُ زَمَاني الله يا محمد الله.................... 4. الحب شيء لا ارادي . وما يأتي بغير ارادة لا تذهبه الارادة .... القائل.......... بعتذر....... ما بتزكر اسمو..  5.تضربي شقد نقاقة....... ما رح قلك من كم حدا 6.ما بقى بتزكر........................................ ............. يمكن كانت الماما.......... 7. آخر سؤال... عن إذا كنت عايشة قصة حب أو لاء...... السائل.. سائلة...... منور.... |
|
#144
Nov, 19 2006, 15:23
| |||
| |||
| المشاركة الأصلية بواسطة etoil de la mer
أهلين فيكي نجمة بأي وقت........ أكتر عادة محببة للطرطوسيين؟؟؟؟ التأهيل و الترحيب و تمسيح الجوخ والمكولكة أكتر عادة غير محببة..........؟ الحكي على الناس و اللوص و إطلاق الإشاعات....... الشي اللي بيزكر بطرطوس؟؟؟ ههه معروفة.................... المتة....... |
|
#145
Nov, 19 2006, 23:10
| |||
| |||
|
|
#146
Nov, 20 2006, 02:25
| |||
| |||
| سؤالي الأخير لطرطوسية في هذه المقابلة : إلام ترمز الصورة التالية ؟؟؟ حاولي التذكّر ......  |
|
#147
Nov, 20 2006, 06:26
| |||
| |||
| طرطوسية بدي قلك انو مقابلتك كتير حلوة ... قريت معظم اجوبتك وكانوا كتير حلوين ... بس انت بااخر المقابلة اي اكتر اسئلة حبيتيهون ؟ طبعا من اسئلة رفقاتنا بس بتوقع عامر ... دايما باسئلته في شي جديد صعب يخطر عالبال ..... بدي قلك انو يمكن ما قدرت ادخل كتير ... وهي رح تكون ااخر مشاركة انشالله ... بس ..... فلذلك ...... بالاخير بقلك كمان مرة انه مقابلتك حلوة كتير ..... ودايما انت بتستاهلي اكتر من هيك بكتير .... |
| قال العضو التالي أسمه شكراً لك يا The Man على هذه المشاركة المفيدة: | ||
|
#148
Nov, 20 2006, 08:09
| |||
| |||
| المشاركة الأصلية بواسطة ammour444
 عم تمزح لعيد ميلادي... ضروري اتبهدلنا هلق؟؟ |
| قال العضو التالي أسمه شكراً لك يا tartousieh على هذه المشاركة المفيدة: | ||
|
#149
Nov, 20 2006, 08:15
| |||
| |||
| المشاركة الأصلية بواسطة The Man
عنجد يا مان خجلتوني........ مشاركتكون هون كتير بتعنيلي......وفي حال كانت المقابلة حلوة فهي لإنو شاركتوا فيها...... و شو هي أسئلة عمور؟؟لأ تعا جاوب محلي... ما اختلفنا أسئلتو غريبة و من وين بجيبون ما بعرف.... ... بس أنا حبيت أسئلة بلو وايف... أكتر............ حلو؟؟ هلق المهم أنا برجع بقلك... المهم إنكون فتتوا.. شكرا" ... وتسلم يا مان...... |
|
#150
Nov, 20 2006, 15:17
| |||
| |||
| المشاركة الأصلية بواسطة no one هلق إجا وقتو .......
إمممممممم... ديروا بالكون..............ها ها.. هلق في شغلة...... إنو أنا بحسد المان و أبو الهول و عمور و ميدو و بلو وايف...على رفقتون ببعض......علاقتون ببعض كتير قوية... كتيرحلوة...... كتير بحسهون بيشبهوا بعض..... إذا صار شي شي مرة.. بحس ردة فعلون وحدة ....... الله يديم هالرفقة ويخلليكون يا ولادي لبعضكون طول العمر...... هلق المان....تعرفت عليه من سنة بس..... و حسيت حالي بعرفو من اول سنة..... من أحسن الشباب بالدفعة..... أحسنون أخلاقا"... بيلفتك هدوءه... حكمتو.. رواقو.... بحسو قد المسؤولية... و إذا حدا حاول ينكر مسؤوليتو بتحسو بيصبر و بيفكرو عم يمزح معو....... أكيد فهمت على شو قصدي...( سمايلي تبع الغمزة) بس نحنا أكيد أكيد أكيد لأ... إنو ما كنا نمزح معك.... (السمايللي يللي مادد لسانو) أبو الهووووووووووول..قريب عالقلب بيشكل ما بيتصدق...عاطفي كتير. انفعالي كتير... عصبي كتير.... يعني إيمت ما اطلعت عليه بتلاقي مكشر..........ولك إنو شي مرة يسمعنا صوتو و يفرجينا اسنانو......نو واااااااااي.. لأ جد أنا بشوفو بيزعل بسرعة. بس بيهدى أسرع.... يمكن بيهدى قبل ما يبين زعلو.... و هالشي إذا راجع لشي... فهوه راجع لرقة قلبو و طيبتو و بياضو... ما بتشوفو إلا هيك و ضحكتو كتير حلوة ...... يا إلهي شو حلوة..... قد ما كنت معصب.. قد ما كنت مزعوج بس تطلع فيه رح تضحك أكيد.... الله يرضى عليك يا ابني خلليك دايما" هيك......عمووووووووووور... ملك الدفعة.... وحش الدفعة.... شخصية ولا أقوى..... كلمتو ما بتصير تنتين.... كفو ... خدوم...... بيعطي من قلبو...... بياكول بكل جسمو....( هون السمايلي تبع الغمزة) بس عندو شغلتين فيو ما كتير بحبون.............. لا تزعل عمور... بس بحسك مجامل درجة أولى............. و بتوعد وما بتوفي.... يعني عأساس بلا دخان....... شو يللي صرلك؟؟؟(هون السمايلي اللي معصب) ميدووووووو.. كمان ملك الدفعة بس بغير شغلة......... سيد المشاريع........... قادر يفرض كلمتو وحضورو وشخصيتو بسهولة......مثقف.... شاعر رائع.... .. مزوح كتير...... جنتل كتير كتير....مانو شايف حالو أبدا" أبدا" ..ولا شوي........ أنا دايما" بقللو .. يا ابني شوف حالك شوي.. ما بصير هيك.... ما بيقبل.... غريبة......(هون اللي مادد لسانو) شنكول........ مثال للشب الطموح........ بيشتغل على حالو.... بيعرف كيف يوصل للي بدو ياه.... مثقف كتير....... اشتهيت بس شي شغلة ما بيفهم فيها....... صوتو رائع....... مع إنو دايما" دايما" بس بدو يغني لازم يسمعنا المقدمة تبعيتو إنو هلق صوتو تعبان.. وصرلو زمان ما اتدرب... متل ما بيعملوا كل المطربين...إنو على أساس متواضع يعني......(هون أبو غمزة) توربو.......... يا الله ما أطيبو هالشب........ورقة بيضا... صحي شب طووووووووووووووويل رفيع... بس بحس مخبى جواتو طفل بريء... تعاملو كتير رايق..... زكي كتير.... عندو دقة ملاحظة و نظرة ثاقبة...... قليل نشوفها عند غير عالم.... بكنلو كتير احترام (هون سمايلي أبو وردة) نو بدي........ شب رائع بكل ما بتحمل الكلمة من معنى... تعرفت عليه عن جديد... شفت فيو شي حلو... ما لقيتو بغير شباب.... مزوحي... زكي...خدوم....كمان مثقف... .. بيقول الكلمة المناسبة بالمحل المناسب... وقت الجد جد... وقت المزح مزح... ووقت المسخرة مسخرة....... عندو سرعة بديهة فظيعة... ما في شي بيمرق عليه..... ما بيسكت عالغلط.... بحب يترك أثر بكل شغلة بيمرق عليها... بهنيك يا ابني...(كمان هون سمايلي تبع الوردة) بلو واااااايف.... صديقي العزيز............. الصديق الصدوق يللي بيتمناه كل إنسان... يعني صحي إنو مشكلجي و عصبي و عنيييييييييييييييييدو مسخرجي ومتكبر و منضل نتناقر وما بيعجبو العجب (إلا بشغلة وحدة) (غمزة)... بس وفي كتير كتير.... صادق... نصوح.. مساعد... زكي... من أعز الناس إلي بالجامعة... و صحي.... من شان هادوليك الصفات... كنت عم إمزح... ( أبو غمزة) يعني عنجد بيتطبَق فيك متل" يللي ما بيعرفك بيجهلك.... " و شكرأ على فتح الموضوع...( أبو وردة) هلق بعتذر إذا ما حطيت السمايلات شخصيا"... بس لإنو كتار و ما بحقللي كتِر.... -------------- هلق منجي عالبنوتات الحلوين الأمورين ... أول وحدة نو ون....بكل بساطة... ساحرة... بتسحر كل مين بشوفها... حضورها مميز... شخصية قوية...اندفاعية...ما بتسكت عالغلط.. اللي ما بيعجبها بتقولو بكل صراحة.... مرحة... لطيفة... قريبة للقلب... خلاقة.... صاحبة مقالب...... صوتها حلو...(تبع الغمزة) بنت المعلم... سن شاين.... بنت طيوبة و لطيفة ومزوقة ونعُومة كتير كتير............ شطورة كتير... مميزة كتير... رايقة.. هادية... مهضومة... حضورا إلو رونق خاص.... اجتماعية ومحبوبة من الكل.... بتمنالها كل الخير...( تبع الوردة) إللوني...راقية .. رايقة.. مجتهدة.. قادرة على تحمل المسؤولية... جميلة ( تبع الغمزة) .. عميقة.. بتدرس كل خطوة بتعملها.... ليدي بتصرفاتها...غصبأ" عنك رح تحترمها( كمان تبع الوردة) أتاسي........ نجمة الرحلة... ما كتير كنت بعرفها من قبل... عن جديد صرت أعرفها أحسن... فيني قول عنها جريئة.. عفوية.. مرحة.. مهضومة... طيوبة.... نشيطة... إلها شخصية كتير مميزة... و يا حلو و يا مسلليني...( تبع الغمزة)... نواعم...بحسدها...(غمزة) نواعم... اسم على مسمى... قلب طيب ... بنت كاملة ومكملة.. الأولى بكل شي... بتمنالك تضللي هيك على طول..( وردة) زوربا.... شخصية نادرة... جريئة... شفافة...مهضومة..بتمنى نرجع نشوفها أكتر بالمنتدى....( تبع الوردة) |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| عظم أنف الجنين يكشف عن سلامة تكوينه | hailstone | آخر المستجدات الطبية | 6 | Apr, 13 2008 00:28 |
| حجم حدقة العين قد يكشف عن احتمالات مستقبلية لمرضى السكري | hailstone | آخر المستجدات الطبية | 2 | Jul, 09 2007 18:41 |
| مصير مؤلم ينتظر البحر الأبيض المتوسط | BigBoss | علوم وتكنولوجيا (حواسب واتصالات) | 1 | Apr, 18 2006 15:41 |
| البحر يا ماريّا | Shankool | قصص وروايات | 0 | Sep, 10 2005 03:26 |
كل الأوقات حسب GMT +2، والوقت الآن 19:04.
