البحر يكشف عن لآلئه
يدور هذا النقاش حول البحر يكشف عن لآلئه في قسم لقاءات في الملتقى الطبي السوري; سحرتنا بحلاوة روحها و أزالت همومنا بحلو ابتسامتها
لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
| | LinkBack | أدوات الموضوع |
Nov, 11 2006, 22:56
| |||
| |||
 البحر يكشف عن لآلئه سحرتنا بحلاوة روحها و أزالت همومنا بحلو ابتسامتها لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان حياتنا .. و ما طرطوسية إلا كلمة أخرى للصديق الذي يتمناه كل فرد منا .. و لست أكتب هذه الكلمات هنا إلا لأنني أفتخر بأن أكون أحد أصدقائها .. و أقول لها : سيدتي الفاضلة ، تقدمي إلى عرش الاعتراف لتكوني - كما عودتنا - المليكة في أرض الصراحة |
| قال العضو التالي أسمه شكراً لك يا bluewave على هذه المشاركة المفيدة: | ||
|
#31
Nov, 12 2006, 20:53
| |||
| |||
| المشاركة الأصلية بواسطة Hani 
طيب رح إختارها كلها......... كلون حلوين.... 1. ما بحب الموسيقى.............. بعشق الموسيقى...... بشكل خاص الكلاسكيكية........ و بعزف عالبيانو.. و على الفلوت... و ما عندي مطرب مفضل..... كل شهر بفضل واحد..... حسب مزاجي و حسب الأغاني الضاربة... يعني بشكل عام.. ما عندي مطرب مفضل بقدر ما تكون الأغاني مفضلة... 2. أكتر كتاب قريتو أثر فيني.. هوه كتاب سألتني فأجبتك طبعة ال 2005 ...... و هالشي كان من شي شهرين مضوا.. و غيَر كتير بنواحي شخصيتي.. و طريقة تفكيري.. ونظرتي للحياة..... و بتخيل إنو الأشخاص القراب مني.. لمسوا هالتغيير... 3. إممممم... بعتقد التفاؤل ... بتنقص كتير من الأشخاص اللي حواليي.. و كمان النظرة الإيجابية للأمور...... و العالم لحتى يصير أجمل بعتقد ناقصو شوية تفهم و استيعاب وتقبل للغير...... و القيمة يللي بمتلكها و بفتخر فيها.....  أوففففففففففف.. يا أخي كتااااااااااار.. قول قيم........... لنبلش بالتواضع.....  أكيد عم إمزح............... بس بعتقد عندي نوع من شي بيسموه رحابة صدر...4. أكتر شي بيسعدني باليوم... إني إتعرف على أشخاص جداد..... و إني سلم عالعالم...... و كتير بتدايق إذا حدا بعرفو ما سلم عليي.. و بتكركب كل اليوم... هلق أكتر شي بخاف منو هوه الفحص...... بتصيبني حالة ذعر رهيبة قبل الفحص و بعد الفحص لبينما تطلع العلامة...... يعني نشكر الله العلامات على دورنا ما عم تطول لتطلع ... و إلا شو كان صار فيني ... ما بعرف.... بخاف من المستقبل... لاء...... دايما" بتأمل بالمستقبل..... و بلجأ للمستقبل....و أكيد بيجذبني المستقبل أكتر بكتير من الماضي....... كل يوم بشوفو أحلى من اللي قبلو.... فليش ما يكون بوكرا أحلى من اليوم...... 5. بفضل المسا...... ونجومو..و أهم شي القعدة عالبلكون أنا وعم فكر بشو صار معي باليوم.. مين شفت.. مع مين حكيت.. وبفضي كل توتر النهار ..... يعني بكون بأروق حالاتي... بحب الهدوء غالبا"...... بس العجقة إلها وقتها ... و حلاوتها بمحلها.. 6. الكابتن ماجد....... و رابح......  |
|
#32
Nov, 12 2006, 20:54
| |||
| |||
| السادس كالعادة بيصلوا متأخرين وبوقفوا ورا الكل...على كل.. أسئلتي بسيطة رح أطرحها ع الواقف...أمري لألله.. - كم ولد حابة يكون عندك... البنات أهم ولا الولاد؟..بعرف إنو اللي بيجي من الله منيح.. - العلاقات الاجتماعية عندك..* إما كره أو حب لا ثالث لهما..* هي درجات بينهما..* لا مكان للكره عندي.. - وصفي شخصيتك (ما بعرف اذا السؤال مكرر ؟) قوية..بريئة..هادئة..ضعيفة..را كزة..تميل للسيطرة..للتسلط (الفعل الماضي لكلمة سلطة )..غير ذلك..(بقص إيدي إذا بتقولي ضعيفة ..)- أحلى ما وجدت...في طرطوس.. في حلب ...في الحياة الجامعية...في كلية الطب ..في المنتدى ..في كونك أنثى ...في عدم كونك شاب .. - أسوء ما وجدت... في طرطوس.. في حلب ...في الحياة الجامعية...في كلية الطب ..في المنتدى ..في كونك أنثى ...في عدم كونك شاب .. - زرتي بيت إحدى صديقاتك ع الغدا ...وحطو الأكل بعد ما تأخر شي 3-4 ساعات يعني أكيد كل الناس جاعوا كتير...ولسوء الحظ طبخ أم رفيقتك كان متل طبخي...شي بيقلب المعدة..شو رح تتصرفي..الكل بيعرف أنك أكيد جعتي.. - إنسان يدعي أنه يحب شخصين في وقت واحد ....برأيك هل هو: صادق وقد يقع الانسان بحب اثنين لكنه حب ضعيف ....لا يحب الاثنين ...أم أنه يعوض إهمال الأول بحب الشخص الآخر.. |
| قال العضو التالي أسمه شكراً لك يا davidson على هذه المشاركة المفيدة: | ||
|
#33
Nov, 12 2006, 21:01
| |||
| |||
| المشاركة الأصلية بواسطة MIDO
ولك روق روق...... أوف.....  رح جاوبك ... بس مو على كلون.........  الغنية.... حاليا"... حبيبي لماجدة الرومي, مطرب ... حاليا" ... مطربتين... إليسا و ماجدة.. قصيدة....... ما في... باعتباري مش كتير ولا بد أنا والشعر... فيلم..a walk to remember .. ممثل.. كمان حاليا" قصي خولي...و بالأجانب ريتشارد غير.. والرياضة .. لا تسأل...... ما بتابع.... |
|
#34
Nov, 12 2006, 21:21
| |||
| |||
| أهلين طوطوسية شو هادا  حتى المقعد الأخير راح علي و مافي محل عل واقف ليش مستعجلين ياجماعة اتركولي محل أول شي أهلين بيكي طوطوسية على كرسي الاعتراف طبعاً رح احط كم اعترف قبلما اسحب منك الاعترافات بعتبرك بنوتة كتيييييرررر لذيذة و لطيفة ,و أكابر و مذوقة لاقصى درجةمارح أحكي اكتر ماحدا بيجهل طرطوسية  بيشرفني اني اكون تعرفت عليكي رح أقرا كم الأسئلة الكبير يلي انطرح و بعدين أرجعلك حتى ما تتكرر الاسئلة موفقة و الله يعينك |
| قال العضو التالي أسمه شكراً لك يا Elloni على هذه المشاركة المفيدة: | ||
|
#35
Nov, 12 2006, 21:24
| |||
| |||
| ماشالله الأوضاع ماشية تمام .........لسه من أول يوم 5 صفحات الله يعينك يا طرطوسية.......... وهي سؤال عالماشي شو الشخصية او الشخصيات سواءحية او ميتة اللي مأثرة فيكي كتير وبتحبي تكوني متلها (أو تتبعيها)في جانب معين من حياتك؟مع الشرح والتفصيل سؤال بسيط ومنطقي !!!! ........مو هيك؟ |
| قال العضو التالي أسمه شكراً لك يا babyface على هذه المشاركة المفيدة: | ||
|
#36
Nov, 12 2006, 21:52
| |||
| |||
| الموضوع صار أربع صفحات من سوء حظي ما لقيت مكان بالصفوف الأولى  على كل حال بكتفي هلق بالحضور عالواقف (ويمكن برة) وبرجع مرة تانية بأسئلتي |
| قال العضو التالي أسمه شكراً لك يا ElectroDoc على هذه المشاركة المفيدة: | ||
|
#37
Nov, 12 2006, 22:29
| |||
| |||
| مساء الخير لأحلى حورية طرطوسية نورت حلب برقتها وأدبها وزوقها ........أنا كتير بعتذر عن تأخري الشديد كل عادة إلتيلي المقابلة اليوم بس اليوم مو يعني هلأ!!!! أسئلتي مبدئيا بسيطة....... شو أحلى محافظة عندك بسورية.....(حسب الفصول إذا بدك مشان يصيروا أكتر من وحدة)؟ شو أحلى بلد عربي؟ شو أحلى بلد أوروبي؟ شو أحلى بلد آسيوي؟ أنو أحلى الغربة وللا القعدة مع الأهل خاصة إذا كنتي صبية؟؟ شو أحلى لون شعر جربتي على حالك؟؟ ليش بتحبي السهر كتير؟؟ شو رأيك بطلاب الطب؟ودودين-ظريفين-معلاقين-منظّرين-متفهمين؟؟ شو هو الاختصاص اللي ملتيلو أكتر شي؟ شو الفصل المحبب عنك؟؟ أديش بتقيمي حالك بسواقة السيارة؟؟   وين بتقضي الميلاد وراس السنة بالعادة؟؟يالله هادا اللي طلع معي لهلأ بس بدي اسألك بكرة جايي؟؟  تصبحي على خير.... |
| قال العضو التالي أسمه شكراً لك يا Atlantis على هذه المشاركة المفيدة: | ||
|
#38
Nov, 12 2006, 23:00
| |||
| |||
 نائل وسؤاله الشهير...يتقدمان بكل برود....!!! اول الشي...بحب أهنيكي على المقابلة... ما شا الله ...بيوم واحد تعبت 4 صفحات... صايرلك شعبية اكتر مني...!!! متل عادتي الشهيرة في كل مقابلة ...بدي أسـل سؤالي الشهير والصعب ويللي الكل آكل همو ..اذا شي يوم نزل عليه الغضب الهي...وصارت المقابلة معو....!!!والسؤال هو...: شو هو الزي اللي راح تلبسيه...لو رحتي على حفلة تنكرية...؟؟؟؟؟ وفي عندي شوية أسئلة تانية...يعني انتي طرطوسية... على سن ورمح...ما أحلاني ومررقلك ياها بسؤال واحد بس.... بالموقع .. شو رأيك ببرنامجي المحبوب... يحلى السهر انا وانت ياقمر... ؟؟ بالرحلة... رجعي قولي.. شو رأيك بصوتي وعزفي الفريدين..؟؟؟ وشو أحلى غنية طلعت معي... عزفا.. أوغناء..؟؟ و شو هية الغنية يللي كان بدك ياني أعزفا... ونسيتي تقوليلي عليها....؟؟؟ ما راح كتر عليكي كتير أسئلة... مشان ما تنتفي شعرك... |
| قال العضو التالي أسمه شكراً لك يا neil على هذه المشاركة المفيدة: | ||
|
#39
Nov, 12 2006, 23:10
| |||
| |||
| فعلاً طرطوسية من أطيب الناس قلباً ..هالشي واضح من مشاركتها بالمنتديات و دردشة الموقع...و على ذكر الدردشة مبروك المركز الأول هوي سؤال صغير بضل اسأله بالمقابلات و عملته هالمرة أميركي منشان الاختصار لأنه عندك أسئلة كتيرة .. السؤال : في لحظات الكآبة و الإحباط تستمد طرطوسية قوتها من : 1- الأهل. 2- الأصدقاء. 3- الإيمان. 4- كل ما سبق. موفقة |
| قال العضو التالي أسمه شكراً لك يا TERMINATOR على هذه المشاركة المفيدة: | ||
|
#40
Nov, 12 2006, 23:23
| |||
| |||
 عودة إيلوني مرحبا انشالله ما اكون تأخرت بالرجعة قريت الردود السابقة على رواق و حبيت اطرح عليكي كم سؤال ( ماتخافي سهلين ) _آخر كتاب قريتيه ( سألتيني ) يلي بعد حكيك كتير اشتهيت أقراه ( بتقدري تذكريلنا اسم الكاتب أو الكاتبة ) , ممكن تحكيلنا عنه كتير و شو يلي غير فيكي بالضبط و ليش ؟, و باي أسلوب قدر الكتاب يغيرك _ سؤال متعلق بيلي قبله : بتحسي حالك عم تتغيري بشكل دائم ؟؟ اكيد رح تقولي إيه بس ياترى قديش الدرجة بشكل كبير و لا ضليتي انت نفسك ماتغيرتي كتير , لساتك بمرحلة البحث عن الذات و لا تجاوزتيها ؟؟ _بتحبي تعبري عن نفسك و عن أفكارك ؟ شو بيصير فيكي و شو بتعملي إذاا انمنعت بشكل إجباري عن التعبير عن فكرة بيصرخ فيها عقلك ( يمكن لأنو مارح يتم تقبلها او المكان غير مناسب لطرحها أو أو ) بتطرحيها و لا بتسكتي ؟ _ فاصل إعلاني : إيلوني راحت على طرطوس و شافت المشروع يلي عم يعملوه على كورنيشكم ( يلي كان كتير حلو و انشالله يصير أحلى ) شو رايك فيه ؟؟ عندك أمل يطلع منه شي كويس ؟؟ أنا شفت انه مشروع ضخم كتير بالنسبة لبلد متل سوريا ( عم يحملوا فوق الطاقة ) شو رايك ؟؟ _ذكرتي برد على سؤال انو أكتر شي بينقص الناس حواليكي هو التفاؤل , و بوافقك بهل شي كتير , ياترى عند أي فئة اجتماعية التفاؤل مفقود اكتر شي برأيك ؟؟ ليش شباب هل أيام تعيس و مو مبسوط و فاقد النظرة الإيجابية ( بشكل عام ) ؟؟؟ شو ممكن ينعمل لتتصلح هل مشلكة برأيك ؟؟؟ و شو رأيك بشباب هل ايام شو نظرتك لإلهم ؟؟ _ شعاري ( الصراحة و الاحترام طلبي ) شو رأيك بهل شعار ؟؟ انا بحس انو الناس و خصوصاً ببلدنا فاقدة للصراحة يلي هي الصدق و عم تكذب على حالها كتير , و فاقدة لاحترامها لذاتها و للآخرين و عندهم مبدأ مو متلي معناتا مالازم احترمه ( اكيد أنا زودتها شوي ) شو رايك ؟؟ و شو محل هل كلمتين المهمتين ( صراحة , احترام ) عندك و بقاموسك ؟؟ _ تابع للي قبله : مين أكتر ناس ما بتستحق الاحترام ؟؟؟؟ و مين أكتر يلي بيستحقوا الاحترام مين الناس يلي ما بتلبقلهم الصراحة ؟؟؟و مين يلي كتير بتلبقلهم _ قلتي انو عندك رحابة صدر ( بهنيكي على هل صفة الرائعة ) طيب شو يلي بيضيق صدرك ( بس ماتكون اسئلتي ) ؟؟ و شو هو نوع غضبك - سريع و مباشر - تراكمي ثو انفجار - ما بتغضبي كتير ( ضروري هل سؤال حتى أعرف إذا عجزتك بالاسئلة كيف رح تعامليني ) كيف بتتصرفي لما يكون يلي قدامك غاضب , و كيف بتتصرفي إذا يلي قدامك غاضب و فوق كل هي شي هو يلي غلطان معك _ رح أترك الاسئلة المتعمقة لبعدين ( إذا كنتي لقيانة ) , شكراً انك تحملتيني لهلأبس الحق عليكي انت يلي قلتيلنا أنو عندك رحابة صدر موفقة |
| قال العضو التالي أسمه شكراً لك يا Elloni على هذه المشاركة المفيدة: | ||
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| عظم أنف الجنين يكشف عن سلامة تكوينه | hailstone | آخر المستجدات الطبية | 6 | Apr, 13 2008 00:28 |
| حجم حدقة العين قد يكشف عن احتمالات مستقبلية لمرضى السكري | hailstone | آخر المستجدات الطبية | 2 | Jul, 09 2007 18:41 |
| مصير مؤلم ينتظر البحر الأبيض المتوسط | BigBoss | علوم وتكنولوجيا (حواسب واتصالات) | 1 | Apr, 18 2006 15:41 |
| البحر يا ماريّا | Shankool | قصص وروايات | 0 | Sep, 10 2005 03:26 |
كل الأوقات حسب GMT +2، والوقت الآن 01:26.
