البحر يكشف عن لآلئه
يدور هذا النقاش حول البحر يكشف عن لآلئه في قسم لقاءات في الملتقى الطبي السوري; سحرتنا بحلاوة روحها و أزالت همومنا بحلو ابتسامتها
لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Nov, 11 2006, 23:56
| |||
| |||
 البحر يكشف عن لآلئه سحرتنا بحلاوة روحها و أزالت همومنا بحلو ابتسامتها لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان حياتنا .. و ما طرطوسية إلا كلمة أخرى للصديق الذي يتمناه كل فرد منا .. و لست أكتب هذه الكلمات هنا إلا لأنني أفتخر بأن أكون أحد أصدقائها .. و أقول لها : سيدتي الفاضلة ، تقدمي إلى عرش الاعتراف لتكوني - كما عودتنا - المليكة في أرض الصراحة |
| قال العضو التالي أسمه شكراً لك يا bluewave على هذه المشاركة المفيدة: | ||
|
#51
Nov, 13 2006, 16:52
| |||
| |||
| والله وصلت متأخر كتييييييييييييير.. مع إنه بس امبارح ما دخلت عالمنتدى.. مقابلة طرطوسية؟!!  أهلا ً وسهلا ً طرطوسية، وبتمنالك التوفيق بهالمقابلة..  أكيد لح أستمتع بقراءة المقابلة.. وما لح أكتب هلأ أسئلة، عالأقل لحتى أقرأ المشاركات الكتيرة قبلي.. وبالتوفــيق.. |
| قال العضو التالي أسمه شكراً لك يا Ghareeb على هذه المشاركة المفيدة: | ||
|
#52
Nov, 13 2006, 17:34
| |||
| |||
| يا الله يالله هي أنا جيت ............. طبعا أنا تأخرت لأني كنت عم حوص  بس مهما يكن مقابلة طرطوشة أهم ................... لذلك قطعت الحوصة وجيت ركض  ما شاء الله صارو ست صفحات ...............إي شو هاد ياعمي إقبال جماهيري منقطع النظير ..........عيني ما تصيبك طرطوشة .........ماشاء الله شقد محبينك كتار  طيب............. بس شوي لأقرا الصفحات ولنا عودة بتمنالك التوفيق بهاللقاء تحياتي |
| قال العضو التالي أسمه شكراً لك يا subzero على هذه المشاركة المفيدة: | ||
|
#53
Nov, 13 2006, 20:15
| |||
| |||
| و هي جيتك يا طرطوسية...اطمني أسئلتي رح تكون خفيفة.... لو قالولك انو فتحو كلية طب بطرطوس...هيك فجأة و بلش الدوام فيها و قال دكاترتها كويسين...بتنقلي عليها و بتكملي حتى التخرج هنيك...و لا بتبقي بحلبّو (حلب) ؟ لو خيروك ترجعي 5 سنين لورا...يعني لسع هلق ساويتي بكالوريا...بترجعي بتدخلي طب؟ ما تمنيتي في يوم من الأيام أنو تكوني دخلت غير شي؟ اذا ايه ، شو هو ؟ برأيك الطبيب لما بجي لعندو مريض منتوف (يعني ما معو)...لازم من مبدأ المساواة ياخد منو متل ما بياخود من أي مريض ؟ ولا يعاملو غير شي على قد مصرياتو؟ ولا ما بيدخلو عل عيادة أصلا لانو ما خرج يدفع؟ ولا بعياينو مجانا؟ شو رأيك؟ طيب لو أجا لعندك مريض و لازمو عملية ضرورية جداً....و ما معو يدفع حقها غير جزء منها...شو بتعملي؟ طيب منغير الموجة...عل إف إم...بتسمعي راديو ؟ شو هي محطتك المفضلة؟ بتهتمي بمتابعة الأخبار؟ اذا ايه شو نوعها؟ (سياسية، اجتماعية، فنية، رياضية..) ما دام بتسمعي كلاسيك و بتعزفي...لمين بتحبي تسمعي/تعزفي أكتر الشي؟ شو هي مقطوعتك المفضلة؟ حاج هلق...انشالله ما تلاقي أسئلتي تقيلة....  |
| قال العضو التالي أسمه شكراً لك يا flower على هذه المشاركة المفيدة: | ||
|
#54
Nov, 13 2006, 20:37
| |||
| |||
| يا سواد وشي ... ما وصلت لبعد 6 صفحات ؟ لما baby face قالت لي الخبر ... ما صدقت شو عمبسمع ... و أخيرا .. طرطوسية على كرسي الإعتراف ... ماشاء الله واضح إن مقابلتك ديناميكية كتير ... و لذيذة كتير ... و الشباب و الصبايا مو مقصرين ... و أناحسبت حساب .. جبت معي كرسي و رح أقعد هون بلا ما أزعج حدا .... و أكييييييييييييد رح أسأل أنا بعد قراءة سريعة طل معي سؤال احد مبدئيا ... شو هي المناسبة يلي ممكن تفتحي فيها علبة الفلوت و تسمعينا عزفك الحلو عليه ؟ 1/ عيد ميلاد حدا من أصدقائك الغاليين ؟ 2/ حفل تخرجك ؟ 3/ حفلة خطبتك ؟ أو عرسك ؟  و هيك بيكفي للآن لأنك رح توصلي لهون هلكانة من أسئلة إيلوني .....  |
| قال العضو التالي أسمه شكراً لك يا عابد على هذه المشاركة المفيدة: | ||
|
#55
Nov, 13 2006, 21:02
| |||
| |||
| واااااااااااااااخ كل هاد انا مأخر ...؟؟؟؟ انبارح كانوا صفحتين كيف صاروا 6 ...؟ بصراحة توقعت يكونوا اكتر ..  طرطوسية عفوا عالتأخير بس ........ على كل وين ما حجزتيلي بالاول او بالاخير مو مشكلة ... بيكفيني شرف الحضور ... دخلة سريعة حابب سلم عليكي فيها ... وكم سؤال خفاف ...... شلون الرياضة معك ؟ ........ والفوتبول خصوصا ..... وصلتني شائعات بأنك المانية التشجيع ..؟ فما مدى صحة هل شائعات ؟؟؟ طيب سؤال تاني ... في سؤال عن حلب واهل حلب بس بدي اعرف شو سبب حبك الفظيع لحلب ؟؟؟ على كل اكيد لنا عودة بحضرلك كم سؤال وبرجع ... |
| قال العضو التالي أسمه شكراً لك يا The Man على هذه المشاركة المفيدة: | ||
|
#56
Nov, 13 2006, 21:33
| |||
| |||
يا ترى من هو موسيقارك المفضل ، وسيمفونيتك المفضلة ؟ هذا طبعا إذا قدرتي توصلي لهون وتعبري بحر الأسئلة التي قبل هذا السؤال |
| قال العضو التالي أسمه شكراً لك يا Hani على هذه المشاركة المفيدة: | ||
|
#57
Nov, 13 2006, 21:45
| |||
| |||
| طرطوسية بصراحة بدي اكتب سؤال لأنو شكله كل الأسئلة عم تنسرق ايلوني الله يخليكي خلينا نسالها كم سؤال لطرطوسية...خليلنا شوي...بس اسالتك حلوة شو مواصفات فارس الأحلام بالنسبة الك....شو هي الصفة اللي لازم تكون فيه...وشو هي الصفة اللي مستحي تقبلي تكون فيه.... شو رايك باللي عملو المان ....  اللي حجز الباص الرديكالي كتير تبع الرحلةلما بتكوني مكتئبة شو بتعملي...بتفصلي تقعدي لحالك..او تحكي لحدا....بتحسي حالك كتومة او بتفضفضي اذا كنت بتعرفي شخص وواثقة منه ومن اخلاقه..واجا حدا كمان بتثقي فيه وحكالك شي مو منيح عن الشخص الأولاني...بتصدقيه ولا بتتاكدي...ولا بتقاطعيه خوفا او ياذيكي.. العمل عندك ...ضرورة...اذا اجاك ابن الحلال وقلك بدي ياكي تتفضي لبيتك...بتوافقي...ولا ...بلاه كله عبعضه هدول هلأ لحقت حالي فين قبل ما حدا يسالك ياهن في السؤال الكلاسيكي اذا بدك جاوبي عليه بعدين شورايك بالأعضاء المان ..ابو الهول..عمور...ميدو..نو ون....شنكول...توربو...زوربا...ا لوني..اتاسي...نواعم....بلو وايف...نوبدي... جابي عليهن بس يخطرلي شي بسالك سلامات |
|
#58
Nov, 13 2006, 21:45
| |||
| |||
 يا ويلي أنا.. المشاركة الأصلية بواسطة Elloni شو هاد؟؟؟ أسئلتك كتير صعبة.....
طيب منبلش بالأول... الكتاب يللي حكيت عنو إسمو "سألتني فأجبتك" هوه يا ستي كتاب بينزل منو كل سنة طبعة.. بحاول يجاوب عن أسئلة منتقاة واقعية من ناس واقعيين حقيقيين عايشين بهالعالم... بتتناول مواضيع حياتية- اجتماعية-أخلاقية...مواضيع عن الكتب الدينية..عن الأنبياء و الآباء.. عن الطقوس.. مواضيع عقائدية لاهوتية..ر وحية... تاريخية .. يعني.. يللي بتدور بذهن الشباب المسيحي.. بجاوب على الأسئلة مجموعة من الآباء المعروفين.... و جمعها بكتاب واحد الدكتور عدنان أديب طرابلسي.... يعني متل ما شفتي.. هوه مانو مؤلف واحد.. و إنما مجموعة من المؤلفين.... هلق الكتاب ما بيعتمد الأجوبة الجاهزة.. يعني ما بناقش المحلل و المحرم.. لكنو بحاول يرسم للقارئ معالم التفكير المسيحي.. و يرشدو روحيا" لاهوتيا" حياتيا"... إمممم.. شو غيَر فيني بالضبط..... ؟ بقدر قلك إني صرت فكر أكتر... إسأل حالي أكتر عن كتير إشيا.... صرت إذا آمنت بشي... فمو لإني هالشي انفرض علي فرض... و إنما عن اقتناع...يعني فيني قلك...اتعمقت بحالي أكتر... السؤال التاني.. رح جاوبو بالمقلوب... و بقلك إني لسا ما اكتشفت حالي عالمظبوط.....لهلق أنا ما بعرف شو بدي.... و هايدا سبب تقلب شخصيتي بكتير من مراحل حياتي... و فرقت معي كتير... من جوانا يللي بالاعدادي... لجوانا بالثانوي.. لجوانا السنة الأولى .. لجوانا هلق....... و كل وحدة بتفرق عن التانية كتير...... و إذا بتسأليني مين حبيتي أكتر شي بكل هالجوانات.. بقلك جوانا الثانوي... السؤال التالت..... إيه بحب عبِر..... بأغلب الأحيان...... بس في أحيان ما كتير بتسمحلي ظروفي إني واجه ... فهون إذا كان في حدا" غيري حكا يللي ببالي.... بسمع وأنا مبسوطة..... إذا ما حكا... بحكي بإسلوب مغمَز... بس مؤدب.. و إذا ما حكيت ضمن هيك ظروف... بحكي بغير محل.... بغير وقت...... بس المهم ما تضل الشغلة مكبوتة بقلبي....... ما بستحمل.. و منشان المشروع.... أكيد مشروع ضخم و رائع..ما في شك... و رح يقلب مكانة طرطوس 180 درجة على خريطة السياحة....... و برأيي إنو رح يعمل نقلة نوعية فظيعة بالانجازات السورية.... هايدا في حال اشتغلوا جديا" عالمشروع... لإنو بصراحة..... الشغل ما بشجع... و إنو المشروع فوق طاقة سوريا... أكيد لاء....... سوريا عندها محفزات كبيرة لهيك نوع من المشاريع... و لو ما كان هيك.. ما كانوا بلشوا فيه من الأصل............ بس انشالله نشوف نتيجة... إممممم.. التشاؤم... يا ستي... عند مين ما بدك.... كل الحواليي عندون نظرة سلبية لكتير من الأمور... ابتداءا" من اهلي و رفقاتي و زملائي بالجامعة.. دايما" بلاقي مين عم يخوفني من كل شي...... أي شي...... أتفه شي.... بدوروا ع السلبيات قبل الإيجابيات.. ولك حتى أحيانا" بينسوا الإيجابيات... دايما" في تحسب.. ترقب... يمكن السبب خوف من المجهول.... هروب من التجارب الجديدة...من مواجهة الواقع.... ما بعرف... وشو الحل؟؟ .. للأسف بعتقد إنا وصلنا لمرحلة ما بلاقي فيها حل للهشغلة... غير بالاجتهاد الشخصي... و عيش الحياة ببساطة... شباب هالإيام... شباب بيعرف شو بدو...... واعي أكتر... واقعي أكتر.. ( الصراحة والاحترام طلبي)... رأيي متل رأيك...ما عدا ( فاقدة احترامها لذاتها و الآخرين)... فاقدة احترامها للآخرين.... إيه ......في كتير منو بواقعنا.... بس لذاتها.... محترمتها و مكترة.... الصراحة...أساسية بعلاقاتي... الاحترام.... بيتبدل مفهومو حسب نوعية الأشخاص... أكتر ناس ما بيستحقوا الاحترام.... يللي عالطالعة و عالنازلة بسفهوا بالعالم .. أكتر مين بيستحق.... اللي محترم غيرو قبل حالو.... أكتر مين ما بيستحق الصراحة... يللي بيتفهمن عليكي و ما بحاول يفهمك أكتر مين بيستحق... الصريح معك... الشعور بالضغط..... بيديِق عليي حياتي... و ما بعود فيني إتحمل حدا.. و نوع غضبي.... ما عندي نوع غضب... أنا ما عندي نمط محدد بمشِي حياتي و أفعالي عليه...... كل رد فعل وليد اللحظة ووليد الحدث... بس بقللك... يمكن بكتير أحيان بعصب بسرعة.. على أتفه الأمور... بس بهدا بسرعة.... هادا طبعا" إذا الشي تافه... بس في كتير احيان.... بنفجر لأي سبب... وبتكون ردة فعلي قوية لدرجة المقاطعة( وهالشي صار معي كتير) بس بيكون بعد تراكم كم هائل من التصرفات المزعجة و كل مرة بتكوني عم تنزعجي و تفرجي الطرف التاني إنك مزعوجة من هيك نوع من التصرفات... بس بتوصلي لمرحلة بتحسي إنو الشخص التاني ما عم يتغير معك وإنك ما عاد فيكي تستحملي أكتر... فبصدر حكم المؤبد على جريمة سرقة ........قلم....... لما يكون اللي قدامي معصب....... بحاول كون رايقة و اسكت..... و خلليه يحكي... و يفضفض.. و انا اسمع.. و إذا كان هالشخص معصب عليي انا...... ؟ كمان بسمع .. بس هالمرة بقاطع الحكي يللي ما بيعجبني و طبعا" ما بسكتلو... وأهلا" وسهلا"... و اخيرا" خلصوا... هم و انزاح عن قلبي... |
|
#59
Nov, 13 2006, 22:31
| |||
| |||
| المشاركة الأصلية بواسطة dr.nour أهلا فيك د . نور....
بتعرف....؟ عنجد عيشتني بالجو.... يعني صدقت حالي إني هلق خلصت فحص.. ورايحة على طرطوس... قمت رجعت فقت و لقيت حالي ب...  المهم......... بروحتي على طرطوس.. بكون عندي إحساس دايم إني في شي جديد ناطرني...غير الروتين يللي عايشتو بحلب... شي حلو... يمكن من كترة المناسبات يللي بتصير بالصيف... ما بعرف...بحس إني راجعة للامان... لأهلي... راجعة آكول أكل طيب... راجعة نام بغرفتي... راجعة للبلكون يللي بعتبرو ركن أساسي من بيتنا... خصوصي إني قضيت درس الباكالوريا عليه.. بس بنفس الوقت.. في حزة بتحز بقلبي على رفقاتي بحلب...... يعني أكيد الأشخاص يللي بتشوفهون كل يوم و بتحكي معهون كل يوم... صعب تحس إنك رح تنشغل عنهون 3 أشهر..... امنيتي ........ أمنية كل بنت بعمري... إني لاقي توأم روحي و نصي الحلو..... ممكن إتخلى عن مهنتي؟؟ أكيد لاء............ يعني لمن قلت إني مستعدة إترك الطب و إرجع لطرطوس.. كان تعبير مجازي................ أكيد أكيد أكيد لاء...............ولا ممكن....... ولا بشكل من الأشكال.. شو بيعنيلي ؟؟الجد........ شخص كنت بتمنى شوفو... الجدة... الحنية الأب..... الأمان الأم.... سوري... ما لقيت وصف معبر.... الأخ...... المخرب بالبيت الأخت....الصديقة.. طفولتي..................... جدا" عادية......... كنت محبوبة الأب... والبنت المميزة بالصف... مجتهدة.. معتمدة على حالي بكل شي........ ما بتزكر إني حدا سمَعلي درسي او مسكلي دفتري بيوم...... مطيعة جدا"... هادئة جدا" بس برات البيت..... بس جوا البيت... ما كنا نهدِي قتال أنا و إخواتي........... هايدا يللي بتزكرو حاليا" ومن شان السؤال يللي بدي إسألو لحالي...... معليش خلليه لبعدين؟؟...قلتللي معليش؟؟ شكرا"... كتير منيح... |
| قال العضو التالي أسمه شكراً لك يا tartousieh على هذه المشاركة المفيدة: | ||
|
#60
Nov, 13 2006, 22:42
| |||
| |||
| طرطوسية ليش هالتقصير ؟؟؟ كنت جي أحط أسئلة جديدة بس لقيت الأولانيات ما جاوبتي عليهن ..هيك ما بيصير |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| عظم أنف الجنين يكشف عن سلامة تكوينه | hailstone | آخر المستجدات الطبية | 6 | Apr, 13 2008 00:28 |
| حجم حدقة العين قد يكشف عن احتمالات مستقبلية لمرضى السكري | hailstone | آخر المستجدات الطبية | 2 | Jul, 09 2007 18:41 |
| مصير مؤلم ينتظر البحر الأبيض المتوسط | BigBoss | علوم وتكنولوجيا (حواسب واتصالات) | 1 | Apr, 18 2006 15:41 |
| البحر يا ماريّا | Shankool | قصص وروايات | 0 | Sep, 10 2005 03:26 |
كل الأوقات حسب GMT +2، والوقت الآن 19:59.
