البحر يكشف عن لآلئه

Nov, 11 2006, 23:56

سحرتنا بحلاوة روحها و أزالت همومنا بحلو ابتسامتها
لطالما بحثنا جميعاً عن صديقٍ نلجأ إليه عند شدتنا ، عن بئرٍ نصرخ فيه أعمق أسرارنا ، عن عونٍ في مواجهة طوفان حياتنا ..
و ما طرطوسية إلا كلمة أخرى للصديق الذي يتمناه كل فرد منا ..
و لست أكتب هذه الكلمات هنا إلا لأنني أفتخر بأن أكون أحد أصدقائها ..

و أقول لها :
سيدتي الفاضلة ، تقدمي إلى عرش الاعتراف لتكوني - كما عودتنا - المليكة في أرض الصراحة

#71 Nov, 14 2006, 10:54

المشاركة الأصلية بواسطة shery

شكلا عمرانه مو شلون ما كان.....
بس هاد شي متوقع كتيير مع شخصيه متل طرطوسيه.....
الا محلا الخاص عند الكل....

انا بدي لحق ائرا كل هالصفحات و بعدا برجعلك.....
و ع كل أهلا و سهلا فيك ع كرسي الاعتراف...

هايدا من زوقك شيري...
أهلين و سهلين فيكي...

#72 Nov, 14 2006, 11:13

المشاركة الأصلية بواسطة dr.mohi

دفعة جديدة من الأسئلة ....حلي درسك فيهن

بتتذكري السؤال اللي سألتيني ياه عن الأشخاص اللي بيختلفو 180 درجة بين شخصيتن على النت وشخصيتن على أرض الواقع ...إش رأيك بهيك أشخاص؟؟؟

طيب إش رأيك بالأشخاص (وخاصة الشباب) اللي بتختلف معاملتن حسب الجنس ..يعني بتلاقيه مع البنات بقمة اللطف والأكابرية ومع الشباب الله لا يرويكي ..أزعر

ممممممم...إذا طرطوسية اكتشفت إنو في شخص بيحبا ومو قدران يفصح ..وهية ما بتعرفه كويس أو لأ ..شو ممكن تعمل ؟؟ يا ترى بتساعده أو لأ ؟؟

هدول اللي خطرولي ..ما بدي أكترعليكي ...

رأيي بهيك بالأشخاص الأولانيين إنو عم يتخبوا ورا حواجز الواقع...بقصد إنون بيعبروا عن حالون اكتر عالنت... و طبيعتون الحقيقية بتظهر عالنت.. أكتر من الواقع...لإنو ما في شي يخاف منو.........أنا هيك ملاحظة... ما بعرف...... غيري بيقول العكس....

رأيي بالأشخاص التانيين إنهون جدا" طبيعيين.....يعني أكيد بين الشباب بيكون في مزح ... ما ممكن تشوفو قدام البنات... يعني المعاملة مع الجنس الرقيق بتطلب معاملة رقيقة..

شو ممكن إعمل؟؟؟ ما بتخيل ممكن ساعدو.....يعني احتمال صعبها عليه أكتر

#73 Nov, 14 2006, 11:52

أنا أجيت بالأخير ..
بدي أسألك تو كويستشين:
الأول :شو هي الغنية ((أو المطرب)) وقت يلي بتسمعلوا طرطوسية بيصير معها حالة انفصال الروح عن الجسد وبتصير الروح تحلق في السماء...؟؟؟.
والسؤال التاني بيتعلق بجغرافية طرطوس وبحرها:كم لتر مي بيلزمنا حتى نساوي كيلو ملح بحري؟؟؟؟؟؟
واينا أحسن للجبنة الخضرا:الملح البحري ولا الملح الجبولي(((لحقينا الله يسترك قبل ما تخرب المونة....))

#74 Nov, 14 2006, 12:10

يعود عمّور مرة آخرى حاملاً الجزء التاني من الأسئلة :

السؤال الأول :
في جو عاصف في الخارج ، و ساعة متأخرة نزعاً ما ، الطرطوسية جالسة في منزلها تحتسي فنجان القهوة .. يرن جرس الهاتف ، تهم الطرطوسية بالرد و إذا تتفاجئ بصوت أحد أصدقائها ( صديق عادي و ليس صديق عزيز) يستغيث ... العاصفة تتسبب بفصل تلك المكالمة و للأسف الصديق لم يكن يملك جوالاًُ لمعاودة الاتصال به و الطرطوسية لا تعرف عنوان الشخص بالزبط .
ما الذي من الممكن أن تفعله الطرطوسية ؟؟؟
A- تذهب للمنطقة المتوقعة أنها بيت هذا الصديق في البرد و الظلام و المطر .
B- تحاول الاتصال بصديق أعز لهذا الصديق و ابلاغه بما حدث .
C- تتصل بالاسعاف و النجدة و تعطيهم الرقم الذي ظهر لدى الطرطوسية على الكاشف ( و لكن توقعي عدم الاستجابة منهم في هذه الحالة ) .
D- الاجابتان B+C
E- تعيد الاتصال بالرقم الوارد لحين ما يرد .

السؤال الثاني :
في السؤال السابق ، بعد قيام الطرطوسية بخطوة ما اكتشفت أنها وقعت ضحية لاتصال هاتفي وهمي و أن هذا الصديق أراد ممازحتها ....... الجواب التالي يجب أن يشمل جميع الاحتمالات في السؤال الأول ( يعني سواءاً اتصلتي بصديقه العزيز أو اتصلتي بالاسعاف بدي يكون جواب واحد ) :
A- تأخذ الموضوع بضحكة و كأن شيئاً لم يكن .
B- أيضاً تاخد الموضوع بضحكة و لكن تستفسر عن سبب هذه البياخة .
C- تبدي انزعاجاً بسيطاً مع الاستفسار .
D- تغضب و تطلب من الشخص أن يبتعد عنها يومين تلاتة لبين ما تنسى .
E- تغضب و تقاطع الشخص نهائياً

#75 Nov, 14 2006, 12:52