أحببت أن نناقش سوية موضوع الحضور ومشاكله وما سيؤول إليه من مشاكل

أكيد جميعنا مقتنع إني في محاضرات تنيم وفي محاضرات ضياع للوقت وفي محاضرات لا نجني منها أي ثمرة ، ولكن ما الحل .
تقريباً كل المواد صار فيها تهديد ووعيد ، كان التهديد سابقاً على مستوى صعوبة الأسئلة ، وقتها قلنا : اش عليه مندرس أكتر مننجح ، ولو 48+2 .. ولكن التهديد طال امتحان التخرج وفحص المقابلة و ....

أنا أحضر بعض المحاضرات وأتغيب عن بعض ، ولكن من حضوري سأنقل لكم بعض ما قيل :

المحاضرة الأخيرة للدكتور طالب أشقر : دخل الدكتور الله يعطيه العافية قام شاف قدامه طالب واحد (أكيد حتى جماعة الملخص ما كانوا جايين بعد) طلب كاسة شاي من أبو ابراهيم ، وشغل سيكارته ، وبعد دقائق دخلوا الشباب مضطرين مشان يكتبوا وراه أي صار العدد 3) ، ثم دخلت لأرى منظراً غريباً في وجه الدكتور .
ما علق كتير لأني يئس .. بس النتائج أكيد موجودة .

محاضرات التغذية لم أحضرها ولكن أكيد الكل سمع اش عمل الدكتور نزار الباش والدكتور عبدالمسيح مرجانة (إذا حدا بيحسن يفيدنا يتفضل) .

محاضرة التخدير الأخيرة اللي كانت للدكتورة هدى الناصر : دخلت وكان في حضور فعلاً مميز وكبير مقارنة مع باقي المحاضرات حوالي 15 طالب . مباشرة اتصلت بالسيد العميد وحكت معه قدام الجميع ، و....

محاضرات العينية لم أحضرها بس حسب معلوماتي من الحاضرين إني سليمة حتى الآن .

محاضرات اللغة انتهت بخير وسلامة ، وكان باين على الدكتور مبسوط بالمحاضرة الأخيرة .

محاضرات الجراحة : حكيت سابقا عن اللي صار بالعظمية حيث الله يعينا شو بدا تشوف عينينا ، قلنا ما شي البولية 50 علامة بتعوض ، ولكن ما شاء الله لما دخل الدكتور حسان مخملجي للمحاضرة السابقة كان العدد 5 ، ويا سلام !! .

محاضرات النسائية : د. موسى محسن في المحاضرة الخامسة ومع الحضور اللي لا مقارنة له تجاوز الـ 20 قال : بكرا بتقولوا الأسئلة صعبة وما بتنحل ، عرفتوا ليش ، بس كمان الحاضرين أنا صحيح ما باخد أسماء الحاضرين بس بحفظ أوجه وجايين على فحص التخرج .. تجرأت وقلت له : والله يا دكتور بالنظري رايحه على الجميع الحضران والمو حضران .. أجاب : لا أنتو فقط اللي بتجيبوا العلامات ، لأني بالأصل أسئلتي مو من النوطة (مع علمي الشخصي أن النوطة تحوي كل كلمة يذكرها الدكتور) .. وبنهاية محاضرته ، ودخول دكتور أشرف علبي قبل ما يطلع هو .. قال له : ديرلي بالك على الحاضرين بس ؟؟؟!!!! .

والحل :
ما رأيكم بالعرض والنتائج المتوقعة ، وما هو حله ؟؟؟

رأيي الشخصي على الأقل نعمل دعاية للمحاضرات الأخيرة لكل دكتور ، كي ينبسط على الأقل بمحاضرته الأخيرة (يعني متل ما عملنا مع دكتور بكري دبلوني) .. يمكن شوي بتعوض وما بتاخد مننا الوقت الكتير ، يعني بالكتير منتفق على حضور شي 12 محاضرة لآخر الفصل .

وأول إعلان هو :

الدكتور حسان مخملجي سينهي قسمه يوم الاثنين المحاضرة الساعة 11 . لمن يود إرضاء الدكاترة فليشارك بهذه الحملة من خلال إضافة إعلانات على هذه المشاركة ، ومن خلال حضوره وفق برنامج حضور آخر المحاضرات

شكراً كتير ABDO_FARAH لطرحك الموضوع
هو للاسف معك حق و الحضور كتير ضئيل بس الله يعيننا شو بدنا نلحق لنلحق

بس عندي سؤال ليش حاطط الموضوع عند أهل الاسنان ؟؟
فقدت الأمل بطلاب كليتنا و بدك الاسنان يحضرولنا

المشروع كتير كويس و انشالله تبلغنا بالمحاضرات يلي عليها خط احمر و دكتورها معصب حتى نحاول نحضر و نرضيه

شكراً

الزملاء الاعزاء

نصيحة الأخ عبدو فرح في مكانها تماما

و بصراحة نحن كنا بنعمل نفس الشي بآخر كم فصل

بس ما عملنا هدا الشي بالتغذية و انضربنا بالدورتين الاصلية و الحمل
من هيك نصيحتني لكم بمحاولة الحضور و خاصة انو الدكاترة بيعرفوا انو عندكن جسر
و ممكن يمسكوكم من الايد الي بتوجعكم

حلوة هي يحضروا طلاب الأسنان بدالنا .. الجماعة نشيطين وحضيرة ..
بتعرف شو القناعة اللي أنا وصلتلها(وأغلب دفعتنا كمان) أنو نحضر أو ما نحضر .. للسباط ..
بدهن يجيبوا أسئلة سهلة مية السلامة ..
بدهن يصعبوها .. كمان مية السلامة ..
ما عاد تفرق ..
ما عدنا نسأل عن المعدّل .. وخصوصي اللي ناويين يكملوا برّا ..
حتى لو حضرنا .. الأسئلة بتضل صعبة ..
بقا إذا قدمت ستيبات منيح وجبت علامات منيحة ..
إذا بيكون معدلك خمسين وراسب سنتين ما حتفرق ..
هاد رأيي ..
والسلام عليكم

الله يجزيك الخير عبدو فرح

بس متل ماقالت Elloni شو منا نلحق لنلحق ...وخاصة انو المحاضرات اللي عليها القيمة بيحطوها اخر الشي.

وبالفعل ماعادت تفرق ..هالخد تعود عاللطم ...بقا شو مابدهم يعملوا يعملوا....

بس رح حاول احضر آخر المحاضرات من شانك هه مو منشان الدكاتره...

ومشكور مرة تانية