خلقنا منكم أزواجاً .....ذكراً و أنثى ... لا شللاً ولا أصدقاءً
يدور هذا النقاش حول خلقنا منكم أزواجاً .....ذكراً و أنثى ... لا شللاً ولا أصدقاءً في قسم اجتماعيات في الملتقى الطبي السوري; -->
بسم الله الرحمن الرحيم
في اول مشاركة لي ..وددت أن اطرح هذا الموضوع وابين وجهة نظري فيه ....هو موضوع الصداقة بين الرجل والمرأة وموضوع شلة الصبايا والشباب كما يسمونها.
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Apr, 14 2005, 02:55
| |||
| |||
| خلقنا منكم أزواجاً .....ذكراً و أنثى ... لا شللاً ولا أصدقاءً بسم الله الرحمن الرحيم في اول مشاركة لي ..وددت أن اطرح هذا الموضوع وابين وجهة نظري فيه ....هو موضوع الصداقة بين الرجل والمرأة وموضوع شلة الصبايا والشباب كما يسمونها. للأسف في السنوات الأخيرة ازدادت هذه الظاهرة كثيرا في الجامعة , انا لست متحجر العقل ولا متعصب كما يسمونني بعضهم , كما انني لا اتكلم باسم اي ديانة اوعادات على الأقل الآن . انا فقط افكر ... فكروا معي ... انا لا أقول انه لا يوجد علاقة طاهرة وبريئة بين رجل وامرأه لايربطهما شيء ,هي موجوده, وانا احترمها , لكن بشرط ان تبقى هذه العلاقة ضمن حدود وخطوط حمراء يجب عدم تجاوزها , يجب ان لا تكون هذه الصداقة كالصداقة بين رجل ورجل أو بين انثى وأخرى , فتلك الفتاة التي تصادق شاباً تجالسه اكثر مما تجالس اخوها واهلها , تأكل معه وتدرس معه ويجلس بجانبها ويلمسها ويتمازحان واحياناً يسافران معا ضمن شلتهم واخيراً يراقصها تلك الرقصات الخليعة في تلك الرحلات او الحفلات المثيرة للاشمئزاز ... كل هذا بداعي انها صديقته ومتل اخته ... يا جماعة ماذا تركت لزوجها ليفعله اكثر من هذا الصديق , ماذا خبأت لشريك حياتها وابو أولادها ومسكنها غير النوم في سرير واحد , اهذا هو الفرق بين الزوج والصديق , اذا كان كذلك فانا غير مضطر لدفع ذلك المهر وتحملها وتحمل طلباتها وتلك المسؤولية الكبيرة فقط من اجل هذا الفارق بيني وبينه . ارجوكم لا تزعجوني وتتكلموا عن المعاني السامية للصداقة التي لا اعرفها , واني ارى ذلك في الناس لاني اراه في نفسي , فكلنا نعرف , واذا كان ذلك الشاب يعتبر نفسه فعلا صديق لتلك الفتاة فليحترم انوثتها وليحترم رجولته ويضع ذلك الحاجز بينهما فهما يختلفان عن بعضهما . اخيراً بالمشرمحي الله خلقنا دكر وانتى , يعني تستسترون واستروجين لنتكاثر لا لنتصادق و نؤلف شللاً ,.... اصحوا وحاج تفاهه الله يستر على نساء امة محمد ويرزقنا رحمته والعفو والعافية وحسن الختام...  |
|
#2
Apr, 14 2005, 03:01
| |||
| |||
 أول شي صحّح الجنس اللي عينته لنفسك لأنك شاب وانت كتبت بنت تاني شي ، أخي إكسافي (أو خافي حسب اللغة) انت ما شفت في العلاقة بين الشب والبنت غير هالأشياء البشعة، يعني في أشياء إيجابية كتير وأصابعك مو متل بعضن، هذا رد على السريع الموضوع بده مخمخة وعطيني وقت |
|
#3
Apr, 14 2005, 13:54
| |||
| |||
| وينك يا مشرف عام.؟؟ شو كل ما دخل واحد بيفتحلنا نفس القصة.. عن جديد؟ والله يا شنكول.. أنا ما عرفان إدا كان عندك وقت لتمخمخ.. منيح مخمخ.. كويسة المخمخة.. في شعور إنساني بيهرب الواحد منه.. بس بيرجع بيطلعله من الشباك.. هو شعور الإحباط.. المشكلة إنو عم حس فيه كل ما دخلت لهون.. على المنتدى.. بتقللي هي ظواهر موجودة وبدنا نتعامل معها لإنها واقع.. بقللك صح.. وبدنا نحكي.. كمان صح.. وخلليها تعبر عن حالها أحسن ما تضل مخباية وعم تشتغل بالعقل.. كمان صح.. بس المشكلة يعني ليش ما شوي بنحترم الموجودين.. يعني إنت يا أخونا بالله.. دخلت على المنتدى جديد.. بعد شي 200 بني آدم قبلك حاكين بهالموضوع شي 500 مشاركة على الاقل. يعني والله أنا مافاضي أرجع أفكفكلك كلماتك.. وأحلل فيها، لحتى أعرف شو بدي أرد وشو ما بدي.. أرد عليه.. وشو يللي حكينا فيه ألف مرة.. ما مستعد كل ما بدو يدخل شخص يفتح نفس الموضوع القديم (المفتوح بأكثر من محل.. ) وتعى رد عليه.. أنا بقترح على المشرف إنو يحط هي المشاركة بشي محل.. يعني رد على شي موضوع. . إنها المرأة مثلا.، أو عيب! أو بقايا الأسرة التقليدية، أو شريكة حياتك طالبة جامعية.. لإنو والله ما كل ما بدو يدخل حدا جديد.. بدو يفجر ألف قنبلة( مفجرة مسبقا.. ) إنو أنا هون وهدا رأيي.. يا أخي رأيك متل رأي شي خمسين واحد هون، وكلنا عم نتناقش.. وعم نحكي بهي الموضوع.. يعني بدك رد خاص.. ونعيد الموضوع من أوله.؟؟ ما حالة هي... وبنصحك تقرا النقاش وما تستعجل... ورد على يللي بدك ياه.. ببساطة الموضوع مطروق مسبقا.. وأرجو حذف المشاركة أو وضعها في المكان الصحيح..! |
|
#4
Apr, 14 2005, 14:59
| |||
| |||
 طول بالك سنفور............ ما بعرف ليش كل هالعصبية يا سنفور؟؟؟؟؟ بعدين عدم المؤاخذة منك ومن المراقب...حضرتك عمتشجع الديكتاتورية بالمنتدى.....شو كل موضوع ما بيعجبك أنت أو المراقب لازم ينقلو أو ينسقو على كيفك أو على كيفو؟؟؟؟؟؟؟؟ والله هي سمعة... سنفور الموضوع مو مطروح من قبل..... و عكل حال إذا ما عجبك فيك تتجاهلو بكل بساطة وما في حاجة للعصبية .......و بعدين كل واحد من حقو يقزل أنا هون و سمعو رأيي "مو هادا كان حكيك"؟؟؟؟؟ ولا بشرط ما يمس شي من أفكارك؟؟؟؟؟ أما شو علاقة الاحباط بهالموضوع ما فهمت؟؟؟؟؟ مع أنو موجود عندي كمان........ والسلام....... |
|
#5
Apr, 14 2005, 17:35
| |||
| |||
 يا سنفور العزيز هي فكرة من الأفكار المسبقة ولازم نقاشها وما نتركها أنا معك تماماً إنه الحكي كتير صعب بس أنا متلي متل خافي صار لي أربع سنين في الكلية وما شفت اللي عم يحكي عليه فلازم نشوف وناقش هالموضوع ما دام هو ما اتعدى على شخص محدّد برأيي ما في مشكلة ولازم ناقشه طول بالك وهات سمعنا شو في عندك حول هالموضوع |
|
#6
Apr, 15 2005, 11:52
| |||
| |||
| أخي سنفور ... عندي سؤال ملح و ليتك تجيب عنه بسرعة قبل أن يقتلنا الفضول ... ..... [تعديل من قبل الإدارة - تهجّم شخصي مباشر] |
|
#7
Apr, 15 2005, 12:51
| |||
| |||
| شو بدي قلك؟؟؟؟؟ كان لازم تسموا هالموضوع تفريغ المشاحنات بين الأعضاء شو هاد  ...ليش كل هالعصيبة عبعض ....اللي مو عاجبه الموضوع لا يرد واللي بهمه الموضوع يرد هيك بكل بساطة اخ سنفور واختي القابضة روقوا بعدين القصايد اللي عم يكتبها سنفور حلوة وارائه صحيح احيانا بتفوتني بالحيط وبيدخل وبيطلع فيها بس حلوة وكمان ارائك اختي القابضة عالجمر حلوة .......................يعني روقوووووووووا:emotions1 بتعرف شي ...معك حق ...المفروض ما يعود في شلل مدام كل العام بيفكروا متلك ....لأنو اول ما الواحد بيدخل عالجامعة بيعتقد انو هادا مكان راقي يرتاد اليه طلاب علم مهذبين حلوين مأدبين ....بيتعرف عالعالم لأنهم زملاء ...وفجأة........بتجي الصدمة انو لا الناس اللي هو متصورن ناس ولا طبيعة العلاقات اللي كان معتقدها هي ...........يعني انا معك مية بالمية ......... لبين متل ما قلت من قبل تجي شي 200 سنة لقدام ننتسخ ويجي جيل اوعى وقادر على استيعاب انو احيانا في ضرورة لوجود زمالة بين الشب والبنت وانو مو بس السرير متلما تفضلت حضرتك هو اللي بيفرق بين جوزي وزميلي ......زمع احترامي لكلامك الأستفزازي اللي يبدو كمان انا عصبت منه مو بس انت يا سنفور.... وشكرا |
|
#8
Apr, 15 2005, 14:27
| |||
| |||
| حذفت المشاركة بناء على طلب الأصدقاء.. ,ارجو حذف النقاش عن جدوى النقاش.. هنا.. إن أمكن من أجل إكمال الموضوع الأساسي الصدقاة بين الشب والبنت والشلل.. |
|
#9
Apr, 15 2005, 14:32
| |||
| |||
| هي تاني مرة بعدل مشاركتي.. أنا رايد إنو أتراجع عن مشاركتي الأولى.. وباعتبار أذارت حفيظة اكل وأنا كنت شايف إنو الموضوع مكرر، والكل لأ.. فبتمنى من المشرف، يحذف مشاركتي، السابقة .. والنقاشات يللي صارت حولها ع رأي أوبتمستو.. ويرجع يللي بدو يحكي.. يحكي.. وبعتذر من الكل.. إذا حدا انزعج   |
|
#10
Apr, 15 2005, 15:17
| |||
| |||
| يا جماعة انا بعتقد انو الموضوع حتى لو طرح سابقا(مع انو انا قريت عن هيك موضوع مسبقا)، ما في خسارة انو يرجع ينحكى فيه لانو موضوع بيستاهل ينحكى فيه.. افضل من تحويل الحوار المتعلق بالموضوع لنقاشات جانبية... يعني ممكن تحكوا اللي بدكن ياه عالبرايفيت بس عالعام خلينا نتناقش بالموضوع اللي طرحو xavi لانو في كتير اساءة فهم حول هالقصة... شو رأيكن؟؟ ما بدي أحكي رأيي لحالي والباقي عم يتقاتلوا.. |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| 10 علامات إكسترا!! لم لا؟ .. لا ولا.. غش وكذب و.. عيب | سنفور | اجتماعيات | 96 | Mar, 06 2008 21:34 |
كل الأوقات حسب GMT +2، والوقت الآن 19:46.
