الارتباط قبل الرسمي
يدور هذا النقاش حول الارتباط قبل الرسمي في قسم اجتماعيات في الملتقى الطبي السوري; منذ فترة ليست ببعيدة .. بدأ معدل سن الزواج بالنسبة للشباب يرتفع بسرعة كبيرة .... وبدأ الشاب ونظرا للتعقيدات التي فرضها مجتمعنا على من يريد الزواج يفكر بارضاء حاجته البشرية
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
| عرض نتائج الاستفتاء: هل تؤيد الارتباط قبل الرسمي ؟ | |||
| نعم |     | 25 | 40.32% |
| لا |    | 37 | 59.68% |
| المصوتون: 62. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
Dec, 02 2006, 20:36
| |||
| |||
 الارتباط قبل الرسمي منذ فترة ليست ببعيدة .. بدأ معدل سن الزواج بالنسبة للشباب يرتفع بسرعة كبيرة .... وبدأ الشاب ونظرا للتعقيدات التي فرضها مجتمعنا على من يريد الزواج يفكر بارضاء حاجته البشرية الطبيعية لوجود شريك له من الجنس الاخر بعيدا عن الارتباط الرسمي والذي حتى في ابسط درجاته يطالب الشاب بما لاطاقة لشاب به ... فظهرت فكرة الارتباط كمرحلة قبل رسمية ...أي الارتباط بين شاب وفتاة في ظل عدم وجود خطبة او ادنى درجات الرسمية. في الارتباط غير الرسمي يتقارب الطرفان (طبعا بما لا يخل بأداب المجتمع ) ويتواصلان ضمن مستويات من التواصل يحددها مدى محافظة الطرفين ... ويتفقان على انتظار اليوم الموعود الذي سيأتي فيه الشاب للفتاة برأس الملك الشرير كمهر ... فيرضي أهلها به ... ويتوجانه بنقله إلى مرحلة الارتباط الرسمي. وتظل الفتاة في مجتمعنا خلال مرحلة الارتباط اللارسمي ... كما هي في مرحلة اللاارتباط ... تظل الطرف الساكن الجامد في المعادلة ... فمجتمعنا لا يطالب الفتاة بشيء أو عبء تتحمله للزواج .... وما عليها الا الاختيار والقبول فيما إذا سمح لها بالاختيار والقبول أصل. وأحدث هنا عن الدور السلبي للفتاة (فيما يخص الزواج) كونه قناعة مورثة تساهم في رفض الفتاة لفكرة الارتباط غير الرسمي ... فلما ينبغي عليها قبول تبعات هذا الارتباط الغير رسمي في الوقت الذي تؤمن به الفتاة الشرقية بأنها الاميرة التي ينبغي للجاهز من الفرسان أن يتقدم لخطبتها. كيف نشأت القناعة لدى الشاب في الارتباط غير الرسمي في ظل مجتمع شرقي محافظ ترى تقاليدنا الشرقية المحافظة أن الاحتكاك بين الجنسين ما لم تلح به الضرورة هو شذوذ وخروج عن أداب المجتمع ... ويؤمن مجتمعنا بأن ... الدين الذي جاء به سيدنا محمد  يحرم الاختلاط بين الجنسين مالم تقتضيه ضرورة ... وينسى مجتمعنا الذي يتذرع بهذا الدين لتفنيد عاداته الموروثة أن سيدنا محمدا هو من قال ((إذا جاءكم من ترضون دينه وخلقه فأنكحوه )) .. رواه الترمذي وهو حديث حسن كما قال الشيخ الألبانيوأنا هنا لا أناقش في الدين ونظرته للارتباط غير الرسمي وإلا لكان موضوعي في قسم الدينيات ... وإنما أنقد ازدواجية المعايير في مجتمعنا. فيأخذ مجتمعنا عندما يزوج بنة من بناته بما يناسبه من الدين وينسى مالايناسبه... فبات يفرض على الشاب مهورا لاتطاق ... وتحول الامر إلى بيع وشراء ... ومن هنا أخذ الشاب يبحث عن طريقة يرضي بها حاجته للشعور بالامان بوجود شريك له من الجنس الاخر ... في الوقت الذي لايطيق فيه مافرضه عليه المجتمع لبلوغ الارتباط الرسمي ... فكان الارتباط غير الرسمي ... سبيلا له يصبره على طول الامد ... وحلما يرى فيه الوعد من الشريك بالانتظار الى ان يأتي اليوم الموعود ... بقلم شاب متعلم ... سوريا 2006 يتبع في المشاركة رقم 2...  |
| الأعضاء الـ 31 التالية أسماؤهم قالوا شكراً لك يا No Body على هذه المشاركة المفيدة: | ||
abo shhab, Atlantis, babyface, BigBoss, davidson, dr.am, dr.mohi, dr.nour, ElectroDoc, electron, Elloni, etoil de la mer, Ghareeb, hailstone, keane, Kliopatra, Mr.sad, New Moon, rahaff, sadekly, Shankool, spartacus, subzero, tartousieh, TERMINATOR, TURBO, Wesambassout, Wiseman_a, زين الدين, عابد, كونان | ||
|
#101
Apr, 19 2007, 23:30
| |||
| |||
| أنتو معقدين الامور و مصعبينها هلأ ليش إذا البنت كان بدها رأي أهلها معناتا هي مالها قرار ؟؟!!!! البنت بتفضل تاخد رأي أهلها و يكونوا نوعاً ما موافقين عل موضوع و عندهم قبول مبدئي او حتى تام بعدين هي تفكر فيه متل العادة لانو لو هي فكرت و عطت قرار ما بس أهلها مو موافقين ابداً فقرارها ماله داعي و ما بيقدم و لا بيأخر لانو البنت تابعة لأهلها أولاً و أخيراً و هيك ما بيوجع الشب راسه بأحلام عل فاضي و بتكون الأمور واضحة من أولها
مافيها شي انو الشب يطلب من البنت بشكل مباشر و ياخد منها موافقة مبدئية قبلما يبعت اهله , و طالما هو استخدم اسلوب محترم و مهذب فما فيها أي تقليل احترام للبنت بالعكس هيك هو عم يقدر رأيها و يعطيه الاولوية الأساسية بس المشكلة أنو بده يتحمل تبعات طلبه المباشر لأنو بعرف كتير بنات بيرفضوا تماماً يلي بيجي هو و بيحكي مع البنت و بيقلولوا الشب المحترم بيبعت أهله مباشرة و ما بيقبل على حاله يعرض البنت لأي اساءة فهيك ممكن البنت ترفضه حتى لو كان عندها موافقة مبدئية عليه , بس كانت المشكلة بطريقة الطلب غير المناسبة لإلها شفت عدة حالات من هل نوع شغلة أخيرة الشباب بيموتوا رعبة من الرفض طيب ليش عم تتخيلوا الموقف أنكم رح تروحوا مع أهلكم لبيت البنت بعدين رح نقلكم مع السلام نحنا رافضين !!!!!!!! مو هيك بتصير الامور الواحد بيخلي أهله يحكوا تليفون بسيط و الجماعة بيطلبوا مهلة للتفكير أو بيوافقوا على الزيارة و هيك الأمور بتجي ببساطة مو بمتل المشهد الدرامي يلي عم تتخيلوه  يعدين بأغلب العائلات بتصير زيارة أمهات قبل بعدين بتجي العيلة كلها فما رح يتخجل الشب قدام عيلته و ماخلصت الدنيا إذا صار رفض .......... في ناس بيضلوا بيخطبوا أكتر 10 سنين شي بينرفضوا و شي هنن ما بيعجبهم و ماشفت غير نادرا شب خطب أول بنت طلبها للزواج أو بنت تزوجت أول شب طلبها للزواج لأنو بالأخير الشغلة قسمة و نصيب نحنا مانا بفحص وفي صفار , الشغلة شغلة توافقات و تفاهم ........................... على كل حسب رأي يلي بباله بنت بيعرفها ياخد اول شي رأي أهله و يحكيلهم عن البنت , بعدين ياخد راي البنت كموافقة مبدأيه فيه أنو يبعت اهله و لا لاء بعدين يبعت أهله و تصير الأمور واضحة و مريحة لإله و لإلها و حتى لو رفضته لما يسألها مافيها شي إذا خلى أمه تخبر تليفون و يجرب بالطريقة التقليدية يلي بتريح كتير ناس , بيجوز البنت هون توافق لأنو صارت طريقته واضحة و سليمة برأيها و اثبت صدق نواياه ماخربت الدنيا مو هيك ما تستغربوا ردود افعال البنات لانو البنت بتتعرض لطلب كتير بالطريقة غير الرسمية و كتير منها بس للتسلية او الشب بده يضحك على عقل البنت او الشب عم يضحك على حاله بالاخير أغلب البنات بياخدوا قرار يلي بده ياني فعلاً و نيته سليمة يبعت أمه أو أهله كل العالم بتتجوز هيك انا عم أعبر على لسان البنات يلي عايشة معهم و يلي للاسف الشباب ما بيفهموا ليش بيتصرفوا هيك و لا هيك فعم أحاول أوضح وجهة نظر النصف الآخر يلي ما بيعبر عن نفسه |
|
#102
Apr, 20 2007, 00:35
| |||
| |||
| المشاركة الأصلية بواسطة Elloni 
المشاركة الأصلية بواسطة Elloni
   .............. |
| قال العضو التالي أسمه شكراً لك يا No Body على هذه المشاركة المفيدة: | ||
|
#103
Apr, 20 2007, 03:16
| |||
| |||
| المشاركة الأصلية بواسطة No Body
 No Body  |
|
#104
Apr, 20 2007, 08:17
| |||
| |||
| المشاركة الأصلية بواسطة No Body نو بدي إيلوني كان قصدها في المثال الأول كيف لازم يتصرف هداك الشب في هداك الموقف، أما المثال الثاني فهو بشكل عام .. هيك بظن .. (عفواً إيلوني عبحكي عنك .. بانتظار توضيحك
 )يمكن الشغلة بالأخير بتتوقف على الاتنين .. كيف بيناسبهم وكيف نظرة كل واحد منهم للموقف شكازولو .. انت هيك صعبت المسألة شوي .. لا تحصر الإجابة بهالشكل، ولا تنسى انو لكل إنسان فكر وطبيعة وطريقة خاصة في رد الفعل.. متل ما قلتلك أنا وطرطوسية.. لو كان في مشكلة أو مانع كانت رفضت بشكل واضح.. برأيي البنت هيك كأنها عبتقول "ما عندي مانع مبدئياً .. بس ما بعرف رأي أهلي بالموضوع" (إذا بدي أمشي على قانون الإجابة تبعك، معناها البنت اختارت الإجابة التالتة، لكن قالتها بطريقتها) ما تفسر كلامها حرفياً على أنها ما عندها رأي |
|
#105
Apr, 20 2007, 13:56
| |||
| |||
| بعد ما صار الموضوع 11 صفحة قررت أشارك ... 
وإذا رفضته من هالمنطلق ...فسوري يعني هي البنت عندا مشكلة كبيرة ...
لا تقوليلي بده يطلبه من البنت لأنو ما بظن في شب مستغني عن روحه ..والله بتصلبه ....هي إذا ما خو****  |
|
#106
Apr, 20 2007, 15:34
| |||
| |||
| المشاركة الأصلية بواسطة ElectroDoc وأنا كيف فيني أعرف إذا هية من هالنمط أو من هالنمط؟ ... يعني بالنهاية هالآراء المتضاربة والمتناقضة لشو بتقودني؟ نجّم وحاول اعرف شو بدو يصير مع البنت وبعدين اتصرف؟
شلون فيني اعرف اذا البنت ردة فعلها رح تكون من المثال تبع شكازولو ولا رح تعتبر هادا احترام لرأيها؟  |
|
#107
Apr, 20 2007, 18:16
| |||
| |||
| ما بحب هيك ؟ أنا ما بدي أمسكك يا إيللوني على كلمة تقوليها لأنو الشباب مسكوك فعلاً ( No Body ) ، يعني أحياناً في كلامك تناقض ، ( عفواً مو قصدي بس هيك عم شوف ) . بعدين أنا ما قصدت بالإجابات تبعي الالتزام بها ، بس أعطي مجال وأفق تفكير لهذه الأجوبة والبنت هي بالأخير عقلها براسها تعرف خلاصها . سؤال إلى إيللوني ؟؟؟؟؟؟؟؟؟؟؟ على اعتبارك فتاة محترمة من قبل الجميع في الكلية عندنا وفي المنتدى بشكل خاص ، شو هي الطريقة اللي تفضلين الشاب إنو يتقدملك فيها إنت بشكل خاص ؟ وباعتقادي إنو لازم كل بنت في هالكلية تقول إجابتها هون ، مو مشان شي بس لنعرف إنو كل بنت راح تفضل طريقة جديدة واختيار عجيب خاص فيها . ولو بدنا نرضي الأذواق كلها ما راح نخلص . مع اعتذاري للجميع إن كنت أخطأت ولك يا إيللوني بشكل خاص . مع حبي للجميع .........SHAKAZOLO......... |
|
#108
Apr, 22 2007, 16:29
| |||
| |||
| وصلنا لنقطة الحسم :الشاب حسم أمره،توكل على الله..حط قلبو على كفو وهو خايف ما يكون عم يقدموا للذئاب لتنهشلوا ياه أو لشي لئيمة ما تعرف قيمتوا وترمي على الأرض وبيجوز ما تكتفي يمكن تدوس عليه كمان (عندها عقدة نقص كبيرة وبدها ترضي غرورها) ويمكن العكس يكون الطرف التاني من الكرام يعطف على هالقلب ويحنوا عليه ويطبطبه بلمسات مليئة بالحنان ويقبله بصدر رحب أو يعيده إلى مكانه في صدر الشاب بكل أدب واحترام... المشكلة عنا نحن بكلينا الشب لما بدو يقدم على بنت ويطلب ولو شغلة بسيطة بالدراسة أوللدراسة بدو يكون دمو على كفو... لأنهن بصراحة مزاجيات جدا تارة تراهن يتشدقن بالحضارة والتحضر وأخرى تراهن يتحدثن عن عادات وتقاليد قد يكون بعضها بال منذ عهد جدي وجدتي لكنهن يفضلن التمسك بها ولو كانت مخالفة لنداء العقل ولمنطقهن هن بالذات... يعني عم بتصور الشب الي متجه نحو طالبة طب :انسان متوجس حذر غريب في بلاد غريبة يمشي على طريق مجهول لا يعرفه يظهر أمامه فجأة درج طويل في نهايته باب ضخم يخبأ خلفه المجهول الذي قد يكون مفرحا وقد يكون مفجعا...قبل أن يبدأ بصعود الدرج ينظر إلى يساره فيجد دربا آخر غير ممهد ضيق ولكن في نهايته يلتمع النور..يصعد أول درجة الثانية العاشرة..قبل أن يصل إلى الباب بقليل يعيد التفكير بما وراء الباب ..يدير ظهره وينزل الأدراج ويخطو أول خطوة في ذاك الدرب الضيق الذي سيعبده بتعبه طالما أنه موقن بأنه طريق مفتوح وسيصل في نهايته إلى النور... المشكلة عنا نحن بين نارين اما اي او لأ وبين القبول والرفض قد نترفع ونطير فرحا او قد يراق ماء وجوهنا أمام من كنا نتوقع أنها تستحق واصدم انا قبل ان تصدمني بردها وبرودتها اللافطرية بل المصطنعة والمشبعة بالرياء مع انها من الممكن ان تحفظ لنا ماء وجهنا بعدة طرق لكنها تحتاج الى عقل منفتح (فمن أين سأجلب لها العقل اولا ثم الانفتاح خليها على الله)بالنسبة للتليفون حلوة وملعوبة بس هيهات اتجرأ واطلبه يعني ماني مستغني عن روحي ويمكن في طرق تانية والله اصطحب الماما على الكلية توقف على الباب وبس شفتها اخلي امي تحكي معها وتطلب الرقم شو هالبهدلة..أنرفض سبع تالاف مرة وما بحط امي أو اختي بهيك موقف...يمكن طولت شوي لا تواخذوني صارت حكاية والحبة قبة... للحيادية رح أحط حالي مكان أنثى (طبعا في الحالتين سأفترض وجود النية السليمة والفطرة الربانية الخالية من الخبث)وبدي أتصور موقفها وأحكي شوي بس بالمشاركة القادمة... |
|
#109
Apr, 23 2007, 21:35
| |||
| |||
هممم رجاءاً ياجماعة لما تقروا مشاركة كملوها للآخر نحنا ماننا هون لنمسك بعض عل حرف و إنما لنفهم الفكرة كلها أنا وضحت بالنهاية أني عم اعبر عن رأي جزء كبير من البنات , و كمان وضحت رأي الشخصي لحاله هل شي مو تناقض بس أنا بحب أذكر عدة آراء , لانو تعبير البنات قليل بهل مواضيع رغم أنها حساسة كتير و لاحظت أسواء تفاهم كتير بهل مواضيع على أرض الواقه سببها أنو كل طرف بيفكر من زاوية و ما بيعرف زاوية تفكير الطرف الآخر تاني شي كرد على بعض الأسئلة : كيف بدك تعرف نمط البنت و اي أسلوب تستخدم معاها , فبظن أنو نمط البنت نوعاً ما واضح و انت كشب واعي و عايش بواقع كليتنا و شايف كتير بنات رح تكتشف أنو ممكن هل بنت ممكن اجرب استخدم معها هل اسلوب و لا غيره شو الاسلوب يلي بفضله : براي هادا سؤال واسع كتير لأنو حسب الشخص بعرفه من قبل و لا لاء , الأهل بيعرفوا بعض ........................ بس أنا ذكرت بحب دمج الطريقة التقليدية بالمعاصرة لأنها براي أنجح الطرق و أريحها للشب و البنت بالنسبة لطلب رقم التليفون فمزبوط كتير بنات ما بيرضوا يعطوا رقم تليفون بيتهم و برايهم الشب ممكن يحصله بطريقة غير مباشرة ( يعني يدبر حاله إذا فعلاً بده ) كل مين إله رأيه بهل قصة
فشي طبيعي انو البنت ضايعة و بوضع ماعرفانة كيف بدها تتصرف فيه , و كلمة أنو الشخص يوازن بين شيئين كتير صعبة و نسبية بين الناس لهيك مرة إجر بالمعاصر و مرة اجر بالقديم بعدين الشباب نفس الشي كتير شباب ( مو كلهم ماحدا يمسك الحرف ) مبين عليهم سبور و بيحكوا مع بنات بس لما يكون الموضوع خاص بأختهم تسترجي أنها تحكي مع زميل لإلها بالكلية و لو حتى لشي دراسي عادي أو شب بيحكي مع بنت و بيطلب منها الارتباط بشكل غير رسمي لبينما يزبط اموره , أو مثلاً بيجي بيحكي مع بنت بشكل مباشر و بيطلب يتعرف عليها كم مرة ليبعت أهله بعدما يكون توثق من قراره....................... , بس إذا كان الموضوع خاص بأخته الحكي بيتغير تماماً ...................... ( مارح أكتب الحكي المتغير بتعرفوه ) الحكي يطول بهل موضوع بس بيكفي هيك -------------- [quote=dr.mohi;55155]
و بتصير فيلم فهون مزبوط فيها إساءة ما بكليتنا إذا مافي قصة بيخترعوا قصة فكيف غذا شموا ريحة خبر .......... بتتفركش الشغلة قبلما تبلش طبعاً في ناس بيستخدموا أسلوب صحيح و محترم فأكيد ما بيعرضوا حدا للإساءة
هاي موقصة عندها مشكلة كبيرة و إنما إلها نمط تفكير معين و رح تقبل بشخص بيفهم على نمط تفكيرها و بينبسطوا كتير سوا |
| الأعضاء الـ 3 التالية أسماؤهم قالوا شكراً لك يا Elloni على هذه المشاركة المفيدة: | ||
|
#110
Apr, 24 2007, 15:15
| |||
| |||
| انا بقصد ليش البنت لتعطينا صورة عن حالها انها حضارية ومتحررة وووو....وبالأخير وقت الجد بتطلع غير هيك..من البداية تكون صريحة ما حدا بيفتح تموا بحرف...هادا انا وما في داعي اكون غيري انا ... وهاد الشي بيقودني للنقطة التانية المهمة الي حكيتي فيها عن الشباب المنفتح المتحرر وشوفوني شو انا جنتل وفري وو وبالأخير بيطلع متحجر المخ وعقيم التفكير بمجرد ما ينحط بأول اختبار أو بمجرد ما حدا يقلوا:لو كانت اختك محلها....فجأءة بيطالع مخالبو وبيعلى صوتوا ..وما اكتر هالنماذج عنا بحلب وبمسلسلاتنا السورية... الارتباط لا يحمل قبل رسمي، رسمي ،بعد رسمي الارتباط اقرار بالاستمرار الارتباط توحد حتى النهاية...اما عند بدك تروح لعند البنت لتطرح مشروع خطبة فليس هناك ارتباط (ربما اعجاب بس ارتباط لم يحدث بكير شوي) وبالنسبة لعلاقات الحب قبل الخطبة(أو ارتباط قبل رسمي متل ما عم تسموه) بهي الحالة الشب بيعرف انو البنت موافقة عليه ورح تحارب مشانو قدر المستطاع فما رح ينحرج لما يتقدم لخطبتها بالعكس بينبسط كتير (خصوصي اذا كانت النية سليمة من السابق) واذا قصدكم بالارتباط قبل الرسمي الزواج العرفي وما شابهه فهاد من اكبر الأخطار الي عم تشوه الحب البريء بين شب وصبية من الممكن ان يرتبطا مستقبلا بمباركة المجتمع (والحق فيه على الصبية اولا واخيرا ما حدا بيجبرها عليه واذا تم الاجبار فهو اغتصاب وما هو زواج ) تخيلت كم حوار بين بنت ورفيقتها وبعدين بين الشب والبنت رح انزلهم في المشاركة القادمة ...وهي وردة لأنو بعد شوي ما في ورد...-------------- -عم يطلع فيني... شو بدو مني ياترى... -ما بعرف ...استخدمي حاستك السادسة وشوفي شو بتقلك.. -يا ترى معجب فيني...عجب جدي الا بدو يتسلى.. -ما بعرف بس نظراتو بريئة... -يا ترى بدو يقرب يحكي إلا بدو يضل بعيد وإذا اجى شو بدو يقول... بالأحرى شو بدي ارد... -أنت كبيرة وواعية وما بينخاف عليك..بيجوز بدو يخطبك... -بس انا ما بعرفوا منيح...صحي زميلنا من كذا سنة بس ما بعرف شي عنو... -خلي كل شي على الرسمي طيب لأشوف أول شو بدو يتصرف... -عم يطلع فيني... شو بدو مني ياترى... -مابعرف انت أدرى..ليكون معجب فيك -شو هاد الشرشوح -شو بعرفك يمكن حابب يتقدملك كمان -بلا ...والله لأكرهوا حالو اذا قدم وحكى.. -عم يطلع فيني... شو بدو مني ياترى... -ما بعرف يمكن معجب... -من زمان وانا حاسة بس اليوم مزودها.. -بلكي اليوم تشجع وبدو يقرب يحكي معك ولا تستغربي يحكي بالخطبة كمان.. -بلا..انا قلتلك ما بيصير معي.. -طيب ليش ما لمحتيلوا من زمان قبل ما يتعلق اكتر كم مرة نبهتك... -مو ذنبي (يصطفل ...ما بعرف بيستخدموها البنات الا لأ)هو تعلق فيني أنا ما ضربتوا على ايدو... -بس كنت تبادلي كم نظرة هو يفهمها على انها اعجاب متبادل.. -مو فشر ...خلي يقدم ويحكي وشوفي شو بدي اعمل... -حرام الشب حباب.. -تحرم عليه عيشتوا بدي اعمل فيه مقلب غير شكل... -شو بدك تعملي -بدي ألمحلوا بالموافقة المبدئية وبس طلبني رسمي لأصدموا صدمة ما تخليه يفيق كل عمرو.. -حرام شو عملك -هيك بيستاهل ...مين قلوا يطلع لفوق؟؟؟؟؟ مواقف بين الشب والصبية متل ما انا تخيلتهم قادمة بالمشاركة الآتية...  |
| الأعضاء الـ 2 التالية أسماؤهم قالوا شكراً لك يا Mr.sad على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| الارتباط قبل الرسمي؛ قصة شبه واقعية! | فخر فاخوري | قصص وروايات | 7 | Feb, 10 2007 18:55 |
| اكتشاف الارتباط بين التغاير الجيني والبدانة | BigBoss | آخر المستجدات الطبية | 0 | Apr, 22 2006 01:03 |
كل الأوقات حسب GMT +2، والوقت الآن 23:56.
