الارتباط قبل الرسمي
يدور هذا النقاش حول الارتباط قبل الرسمي في قسم اجتماعيات في الملتقى الطبي السوري; منذ فترة ليست ببعيدة .. بدأ معدل سن الزواج بالنسبة للشباب يرتفع بسرعة كبيرة .... وبدأ الشاب ونظرا للتعقيدات التي فرضها مجتمعنا على من يريد الزواج يفكر بارضاء حاجته البشرية
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| عرض نتائج الاستفتاء: هل تؤيد الارتباط قبل الرسمي ؟ | |||
| نعم |     | 25 | 40.32% |
| لا |    | 37 | 59.68% |
| المصوتون: 62. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
Dec, 02 2006, 21:36
| |||
| |||
 الارتباط قبل الرسمي منذ فترة ليست ببعيدة .. بدأ معدل سن الزواج بالنسبة للشباب يرتفع بسرعة كبيرة .... وبدأ الشاب ونظرا للتعقيدات التي فرضها مجتمعنا على من يريد الزواج يفكر بارضاء حاجته البشرية الطبيعية لوجود شريك له من الجنس الاخر بعيدا عن الارتباط الرسمي والذي حتى في ابسط درجاته يطالب الشاب بما لاطاقة لشاب به ... فظهرت فكرة الارتباط كمرحلة قبل رسمية ...أي الارتباط بين شاب وفتاة في ظل عدم وجود خطبة او ادنى درجات الرسمية. في الارتباط غير الرسمي يتقارب الطرفان (طبعا بما لا يخل بأداب المجتمع ) ويتواصلان ضمن مستويات من التواصل يحددها مدى محافظة الطرفين ... ويتفقان على انتظار اليوم الموعود الذي سيأتي فيه الشاب للفتاة برأس الملك الشرير كمهر ... فيرضي أهلها به ... ويتوجانه بنقله إلى مرحلة الارتباط الرسمي. وتظل الفتاة في مجتمعنا خلال مرحلة الارتباط اللارسمي ... كما هي في مرحلة اللاارتباط ... تظل الطرف الساكن الجامد في المعادلة ... فمجتمعنا لا يطالب الفتاة بشيء أو عبء تتحمله للزواج .... وما عليها الا الاختيار والقبول فيما إذا سمح لها بالاختيار والقبول أصل. وأحدث هنا عن الدور السلبي للفتاة (فيما يخص الزواج) كونه قناعة مورثة تساهم في رفض الفتاة لفكرة الارتباط غير الرسمي ... فلما ينبغي عليها قبول تبعات هذا الارتباط الغير رسمي في الوقت الذي تؤمن به الفتاة الشرقية بأنها الاميرة التي ينبغي للجاهز من الفرسان أن يتقدم لخطبتها. كيف نشأت القناعة لدى الشاب في الارتباط غير الرسمي في ظل مجتمع شرقي محافظ ترى تقاليدنا الشرقية المحافظة أن الاحتكاك بين الجنسين ما لم تلح به الضرورة هو شذوذ وخروج عن أداب المجتمع ... ويؤمن مجتمعنا بأن ... الدين الذي جاء به سيدنا محمد  يحرم الاختلاط بين الجنسين مالم تقتضيه ضرورة ... وينسى مجتمعنا الذي يتذرع بهذا الدين لتفنيد عاداته الموروثة أن سيدنا محمدا هو من قال ((إذا جاءكم من ترضون دينه وخلقه فأنكحوه )) .. رواه الترمذي وهو حديث حسن كما قال الشيخ الألبانيوأنا هنا لا أناقش في الدين ونظرته للارتباط غير الرسمي وإلا لكان موضوعي في قسم الدينيات ... وإنما أنقد ازدواجية المعايير في مجتمعنا. فيأخذ مجتمعنا عندما يزوج بنة من بناته بما يناسبه من الدين وينسى مالايناسبه... فبات يفرض على الشاب مهورا لاتطاق ... وتحول الامر إلى بيع وشراء ... ومن هنا أخذ الشاب يبحث عن طريقة يرضي بها حاجته للشعور بالامان بوجود شريك له من الجنس الاخر ... في الوقت الذي لايطيق فيه مافرضه عليه المجتمع لبلوغ الارتباط الرسمي ... فكان الارتباط غير الرسمي ... سبيلا له يصبره على طول الامد ... وحلما يرى فيه الوعد من الشريك بالانتظار الى ان يأتي اليوم الموعود ... بقلم شاب متعلم ... سوريا 2006 يتبع في المشاركة رقم 2...  |
| الأعضاء الـ 31 التالية أسماؤهم قالوا شكراً لك يا No Body على هذه المشاركة المفيدة: | ||
abo shhab, Atlantis, babyface, BigBoss, davidson, dr.am, dr.mohi, dr.nour, ElectroDoc, electron, Elloni, etoil de la mer, Ghareeb, hailstone, keane, Kliopatra, Mr.sad, New Moon, rahaff, sadekly, Shankool, spartacus, subzero, tartousieh, TERMINATOR, TURBO, Wesambassout, Wiseman_a, زين الدين, عابد, كونان | ||
|
#61
Dec, 11 2006, 22:55
| |||
| |||
| المشاركة الأصلية بواسطة No Body جمل كتير حلوة نوبودي مشكور عليها
فتلما قلت أي شي إله شروط ان كان التفكير بارتباط رسمي او ماقبل رسمي و لما يكون الارتباط ماقبل الرسمي قائم على شروط وضحة و ركائز قوية بين شخصين واعيين و أخلاقهم عالية فبيكون كتير حلو
بس حسب أي نوع من الارتباط قبل الرسمي لما يكون بقواعد صحيحة و ضمن علم الاهل و الأهم عند صدق الشب بيلي بيقوله و عدم اندفاع و نضوجه فهو فكرة ممكن تكون كبديل عند تنين رايدين بعض بس لسا الوقت مو بصالحهم و مقربة امورهم تتوضح و الفكرة الأهم انو يكون بتوقيت زمني معقول مو 4 _ 5 سنين بس المشكلة شنكول أنو هل شروط ماعم بتكون متوفرة بشكل عام لهيك بفضل الارتباط الرسمي عنه مابعرف إذا حدا فهم علي
لما بنت بيصحلها بالطريق الرسمي شي مريح وواضح و كويس و شي جاهز و كتير احيان أخلاق عالية ووو فليش لتمضي بمشوار مو واضح و مو معروفة شو آخرته ؟؟؟ بتقلي لأنو هي اختارت هل انسان و قبلت فيه , مزبوط بس اعملي موازنة مثلاً لو تقدم لبنتك بالمستقبل شبين التين علم و أخلاق و بنتك متقبلة التنين الفرق بيناتهم أنو واحد لسا بده سنتين تلاتة ليقدر يرتبط فيها بشكل رسمي و التاني مجهز أموره باولها عند عمل ثابت وواضح و مزبط بيت على قدهم مثلاً فياترى رح تنصح بنتك بأي واحد ؟؟؟؟ و مصلحتها بتكون وين ؟؟؟ انت بدك تفكر بمصلحة بنتك مو الشب يلي جاي لعندك و بترغب انها تفكر بمصلحتها هي مو مصلحة يلي متقدملها بعد الزواج بتصير مصلحتهم مشتركة و روحهم مشتركة بس قبل الارتباط المصلحة مابتقدر تكون مشتركة تماماً |
|
#62
Dec, 11 2006, 23:57
| |||
| |||
 ....
ولكن إذا سألتِ ابنتي (الله يرضى عليها ويوفقها) فما رح تتقبل الشخصين ... وأكيد في شخص رح يكون صاحب أسهم أعلى من الآخر ... ممكن بالميول وممكن بالشكل ... بشكل طبيعي سأنصحها بالجاهز ... ولكن أبداً لن أقف في طريق الشاب غير الجاهز ... هذا إذا كنت شخص سوي ومتوزان مع نفسي وطبقت أفكاري واشتغلت بها ...
أنتِ هنا بالذات على خطأ وتناقض كبيرين  |
|
#63
Dec, 12 2006, 01:27
| |||
| |||
 المشاركة الأصلية بواسطة Shankool الحكي يلي ذكرته بيحكي عن الخطبة و ماقبل الارتباط الرسمي يعني التنين سوا و مافي تناقض أنما سوء فهم
قبلما التنين يتزوجوا و يرتبطوا كل مين بيفكر بيلي بيناسبه و يلي بيريده و كيف بدهم يتزوجوا و كل واحد شو بده يساوي وكيف بده يعيش وو ووو يعني بيفكر بمصلحته و بيلي أنسب لإله ربما تكون مصلحته هي الارتباط بالشخص الآخر و بس بسبب مشاعره تجاهه ( هادا نوع من المصالح ) , و غباء أصلاً أنو يرتبط بشخص ما بيناسبه و ما بيحقق جزء من يلي كان بباله اكيد في تقدمة تضحيات من الطرفين للتوفيق بين الاثنين و إلا لما كان حدا تزوج اكيد بس بعد الزواج صار التنين كيان واحد و مصلحتهم مشتركة بشكل عام ( مع بعض الحالات الخاصة لما يكون أحد الطرفين او كلاهما أناني ) |
|
#64
Dec, 12 2006, 05:36
| |||
| |||
| شكرا نو بدي على موضوعك احيي فيك وبالجميع روح النقد والحوار الهادئين حديثك كان شامل ما عندي شي اضيفو الا راي شخصي انا مع الارتباط الغير رسمي اللي بتتوفر فيه الشروط
مافي شك انو بهالفترة نظرة الشب والبنت رايحة تكون ناقصة وغير كاملة ببعض لكن بدا تكون عقلانية لانون عمبتعاملو بجدية بعيدا عن العواطف و الاخطاء مسجلة ومسؤولين عن ابراز اسباب الاختيار الجوهرية امام الاهل انا مع اللا رسمية في العلاقات بعلم اهلي لانو مو ايمت ما كان يمكن ان نجد انسان تتواجد فيه الصفات الللي بتعجبني وارتاحلو و اقتنع فيه فاكيد ما ممكن افرط فيه لو اعلن حينها نيته الصادقة وطلب فترة بسيطة من الوقت ..... |
|
#65
Dec, 12 2006, 16:30
| |||
| |||
| المشاركة الأصلية بواسطة Elloni هذا أكثر منطقية من سابقه ... مع أني أختلف معه ... وأرى أنّ مجرّد تبادل الإعجاب هو بداية مصلحة مشتركة ومتبادلة بين شخصين ...
المشاركة الأصلية بواسطة Elloni يا ريت يعني التنين في ما يخص الأنانية أيضاً ...
الشب أناني لأنه يبحث عن مصلحته، والفتاة غير أنانية إذا بحثت عن مصلحتها وقيمت الشب إذا كان يصلح لها أم لا؟ مرة ثانية |
|
#66
Dec, 12 2006, 22:56
| |||
| |||
بس إذا حكيت عن الموضوع من منظور آخر : انسان رايد انسانة و بده يطلب منها مثلاً ارتباط ماقبل رسمي لأنه بيكنلها مشاعر و معتبرها فتاة حياته و انو تستناه و هي مثلاً من ناحيتها لسا مافي شي و مافكرت بالموضوع حتى او محتارة فهون هو يلي عم يعرض مصالحه عليها و بده ياها تستنى و تبني المشوار الغامض معه و هي كانت عايشة حياتها مرتاحة لاعلى بالها شي و جاييها عن طريق الارتباط الرسمي و بشل مريح وواضح زينة الشباب , و مانها مضطرة تتعرض للضغوطات و اكل الهم ووجع الراس و المجتمع وووووووو بينما المنظور يلي عم تطرحه انت هو على شخصين رايدين بعض و حابين بعض قبلما يطرقوا الفكرة و قرروا يمشوا بالمشوار سوا رغم الصعوبات أكيد هون التنين مصلحتهم مشتركة و الأمور اختلفت كتير |
| قال العضو التالي أسمه شكراً لك يا Elloni على هذه المشاركة المفيدة: | ||
|
#67
Dec, 13 2006, 00:38
| |||
| |||
| إلوني أنا آسف لمشاكساتي ... ولكن ماذا أفعل إذا كنتِ تناقضين نفسك؟ المشاركة الأصلية بواسطة Elloni
المشاركة الأصلية بواسطة Elloni
|
| قال العضو التالي أسمه شكراً لك يا Shankool على هذه المشاركة المفيدة: | ||
|
#68
Dec, 13 2006, 00:45
| |||
| |||
| , وين التناقض !!!!! كل فكرة عم تحكي عن نقطة فالنقاط مو متناقضة !!!! بيجوز انت فهمت أنو كل الجمل صابة بنفس الإطار فشايف فيها تناقض !!!!!!!! من وجهة نظري عم أخد الامور من عدة مناظير فماني شايفة فيها تناقض على كل انا آسفة يمكن شرحت زيادة فما حدا عاد فهم علي من كتر الحكي |
|
#69
Dec, 13 2006, 00:58
| |||
| |||
| المشاركة الأصلية بواسطة etoil de la mer روووووووووووعة يا etoil de la mer
أنا معك بكل كلمة ذكرتيها أنا كطالبة طب طريقي طويل بفضل أرتبط بشخص اقترب من نهاية المشوار تخرج أو قريب من التخرج نسبة كبيرة من رفقاتي في السنة السادسة مو ضمنانين مستقبلهم الاجتماعي او العاطفي والبنت مننا بروح عليها العمر مقابل تدرس وتصير دكتورة وكل ما كبرت الوحدة مننا بتقل حظوظها  أنا آسفة إذا حكيت من هالمنظور ولكن هذا الواقع يا ريت يا etoil de la mer أتعرف عليكي في الكلية |
|
#70
Dec, 14 2006, 04:13
| |||
| |||
| المشاركة الأصلية بواسطة Elloni إلوني التناقض موجود في كونك تتحدثين في البداية عن الأنانية لدى الشاب في العلاقة ما قبل الارتباط ...
وبعدها صار الطرفين أنانيين ... ثم صارت الأنانية فقط في حالة شاب طلب التقرب من فتاة لا تبادله الإعجاب ... كان الفرق بين الخطبة وارتباط ما قبل رسمي بعدها صار الفرق في نفس الارتباط ما قبل الرسمي فيما إذا كان الإعجاب وبالتالي المصلحة متبادلين أم لا ... أنا آسف ولكن فكرة الأنانية لدى الشاب لوحده فكرة غير منطقية ولا يمكن أن تصمد ... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| الارتباط قبل الرسمي؛ قصة شبه واقعية! | فخر فاخوري | قصص وروايات | 7 | Feb, 10 2007 19:55 |
| اكتشاف الارتباط بين التغاير الجيني والبدانة | BigBoss | آخر المستجدات الطبية | 0 | Apr, 22 2006 01:03 |
كل الأوقات حسب GMT +2، والوقت الآن 20:07.
