ظاهرة التسول .. وأساليب أهلها التي لا تنتهي
يدور هذا النقاش حول ظاهرة التسول .. وأساليب أهلها التي لا تنتهي في قسم اجتماعيات في الملتقى الطبي السوري; -->
مسرعًا الخطى نحو المنزل .. فيفاجئني ..
هو : السلام عليكم
أنا : وعليكم السلام وأرمقه بنظرة .. فيتلكؤ قليلاً ثم يبادرني :
مرحبًا يا أخي .. بس إذا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Dec, 07 2006, 21:43
| |||
| |||
 ظاهرة التسول .. وأساليب أهلها التي لا تنتهي مسرعًا الخطى نحو المنزل .. فيفاجئني .. هو : السلام عليكم أنا : وعليكم السلام وأرمقه بنظرة .. فيتلكؤ قليلاً ثم يبادرني : مرحبًا يا أخي .. بس إذا ممكن تساعدني ... أنا وبحذر : أهلا وسهلاً .. تفضل .. خير .. هو : يعني بصراحة هوّ عيب شب متلي يطلب منك .. بس الحاجة .. أنا مقاطعًا : ولايهمك يا رجل .. خير .. إذا باقدر ساعدك .. من عيوني .. تفضل .. وبأسلوبٍ محترم وبطريقةٍ فذّة يبدأ لي بشرح مأساته فهو مجنّد بالقطعة الثالثة بالسويدا ولا يمكلك أجرة الطريق على حدّ زعمه .. وأخرج لي بطاقته العسكرية .. رمقتها بنظرةٍ خاطفة .. وفهمت قصده .. فليست أول تجربةٍ لي .. وبادرته بسؤالي بلهجةٍ تنم عن قليلٍ من التهكم وكثيرٍ من الاستغراب .. وماذا تفعل هنا ؟ ثم نظرت حولي .. لأفهمه أننا هنا في الفرقان .. في أرقى الأحياء .. وفي أحد شوارعها المعتمة .. ليس هذا مكانًا لإيواء المجندين المقطوعين .. فماذا يفعل هنا !! وتبدأ علامات الغضب بالارتسام على وجهه .. إذ قد بدأ التحقيق .. ويبدو له أنني لست بالصيد السهل .. ويقول .. كنت هنا (وأشار إلى أحد البنايات) عند صديقٍ لي .. لكنه رفض إقراضي المال .. وقللي ما خرج .. يا لها من قصةٍ مفجعة .. مسكينٌ هذا المجند الذي خانته الأيام والزمان وخانه الصديق .. ثمّ أمدّ يدي مسرعًا إلى جيبي أتناول فيها شيئًا من النقود .. مما يجود به كرم أخلاقي .. فيشكرني ويدعو لي .. ويسير كل منا في طريقه .. إنه يحلم .. هذا ما يحلم به .. هذا ما دار في مخيّلته حينما روى لي قصته المفجعة .. لكنه لم يكد ينهي كلماته عن قصته مع صديقه .. حتى رأى مني تلك النظرات .. التي يعرفها أكثر منّي .. ويعرف أنني لم أصدق حرفًا مما قاله .. فهو شابٌ لا يبدو عليه التعب أو السفر .. بل حتّى لا يحمل حقيبةً في يده .. ثمّ ماذا ..!! مجنّد يأخذ إجازةً من خدمته العسكرية فيأتي إلى صديقه ؟؟ يا للعجب .. أوليس له أهلٌ يؤوونه !! ثمّ إن لهجته حلبية .. فأين أهله .. وإن كان مقطوعًا من شجرة كما يقولون .. أفي الفرقان ؟.. هنا ..؟ صديقه الثري هنا ..؟ رغم ذلك لم يساعده ..؟ يا للعجب !! أنهي حديثي معه بسرعة .. كما بدأه هو معي بسرعة .. وأختم ببعض الكلمات الجميلة .. من قبيل .. آسف .. ليته كان بإمكاني مساعدتك .. وأنطلق .. يقف هو مشدوهًا مما يرى .. فيسمعني بعضًا من كلمات الأسى الممزوجة بالسخرية والاستفزاز .. لا تواخذنا .. تقّلنا عليك .. عم نكذب عليك لأنّو .. ألتفت إليه مبتسمًا .. ألوّح له بيدي مودّعًا .. وبلساني قائلاً : السلام عليكم  |
|
#2
Dec, 07 2006, 22:29
| |||
| |||
| والله صار التسول فن قائم بذاته هالايام واحتاروا المتسولين النصابين كيف يضحكوا على الناس انا صار معي موقف متل موقفك ونفس القصه تقريبا بس بالشهباء  وقال انه رفيقه ساكن هون بس اجا وما لاقاه وهو جاي من البوكمال وبده حق تذكرة العوده وقتها حسيته صادق...والزلمه صار يبكي وهو عم يحكي...لذلك اعطيته ما جادت به نفسي  وقلت ان كان صادق فهي صدقة لوجه الله....وان كان نصاب...الله لا يسامحهتحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#3
Dec, 07 2006, 23:03
| |||
| |||
يا رجل فعلا بتحسهن عم يحكوا حقيقي .. بس لما بتتكرر مع الشخص أكتر من مرة بيصير بيقدر يكشف كذبهن .. أنا حطيت القصة .. مشان أعرف كم واحد كمان عدا عليه نفس الشاكلة .. ومشان حذّر الآخرين .. لأنو فعلا بتحسوا أنو الشخص صادق .. وعم يحكي من قلبو .. بس بتكون قصتو غير منطقية إطلاقًا .. تحياتي للجميع .. وبتمنّى اللي صارت معو شي قصة مع شي متسوّل يحكيلنا إياها .. مشان نكشف هالأساليب .. والسلام عليكم |
|
#4
Dec, 07 2006, 23:08
| |||
| |||
| بتعرف محمد....لا يكون هادا نفسو الزلمة اللي شفتو أنا كمان من شي سنة..... لأ وفي شب بيفتل على الطب وكتير بتلاقي بالآداب بيشحد... يا زلمة بتطلع عليه بتلاقيه ما بيخلا من عيب....!!! لأ والأفظع من هيك السرقة خاصة للموبايلات....!!!!! |
|
#5
Dec, 07 2006, 23:46
| |||
| |||
| السلام عليكم يعني عدت علينا حالات وحالااااااااااااااااااااا اات آخر وحدة ......... كنت عم بتمشى بمركز المدينة, قرب وقت الأذان, قررت أمضي تمشاية نحو المسجد القريب, بيبعد نص ساعة وهي أول مرة كنت بروج عليه (من بين الاربع مساجد في موسكو). وصلت, كان في امرأة واقفة عالباب, سألتها وين مصلى النساء ووين المواضئ وإلخ. بعد ما فتت وعم بتوضا لحقتني, بلشت تسألني وين وشو وإلـــخ ,, وأنا استرسلت بالحديث (يا خيّو حلو الواحد يشوف حدى مسلم بموسكو) .. اخر الشي بعد ما لبست وجهزت حالي للخروج ..... قالتلي (ما عندك تعطينا شي ؟) ..يا خيتو احكي هيك من الاول ؟ ............... عطيتها مما جادت به نفسي حالة تانية ....... من سنة ...... طالعة من الجامعة, وشخص ناداني من وراي, كان رجل كبير وعلى عكازة .. قلت لحالي لشوف شو بدو لانو حرام بنص الطريق وهيك ... فهو بكل أدب سألني عن ديانتي والحجاب ومعنى الله وبلش يحكي عن المسيح ووووووو .. وأنا استرسلت بالحديث (يا خيّو قليل لتلاقي الناس هون ممكن تحاكيك بالشارع عن أمور حلوة وبتهمك) ..... آخر الشي قلتلو: اعذرني انا تأخرت ... قلي: أوكي منمشي سوا عالمترو. لما وصلنا عالمترو ... طلع ما معو بطاقة ...... قلي: هلئ اذا ما دخلوني بدون بطاقة اشتريلي !!هون أنا ما تحملت .... ......... أن يا زلمة طارقلي مواضيع دينية والاخلاق والله ...... واخر الشي كلو مشان أشتريلك بطاقة مترو ؟؟ ........ فلبين ما هو راح يجرب حظو ان بيفوتوه ولا لاء (طببببببببببعاً ما رح يفوتوه) أنا ركضت لجوا بعد ما عديت مركز قبول البطاقات.بس بتعرفوا .. أنا بمارس الشحادة أكتر من أي حدا ....... !!! وبسمع مليون كلمة  كبرياء وتعالي وإلخ ......... بس يله .... أبوي ولازم اتحملو بس أكتر الشي بيشحدوا بسوريا  هنة سواقين التكاسي !!!!!!!!والسلام عليكم |
|
#6
Dec, 07 2006, 23:48
| |||
| |||
| والله أعلم يا بيغ بوس... هاد المجند اللي عم تحكي عنو... شفتو مرتين... مرة كنت داخل انا ورفيقي على الجامعة من طرف المشفى...من شي 3 سنين.... يعني من قبل ما يبنو السور.... ومرة تانية جنب بيتي....وانا تذكرتو  .....لأنو مبين عليه كذاب....وبالمرتين نفس القصة....ونفس الهوية العسكرية...يعني لو كان عسكري...عن حق وحقيق.... لكان تسرح...مو هيك..!! |
|
#7
Dec, 07 2006, 23:57
| |||
| |||
| يا جماعة قصة الشحادة من الأهل ما في أصعب منها والله..........بيتزلزل كل كبرياؤو للواحد..... التكاسي شحادة بس شحاد مشارط........يعني عداد ونص!! والشرطي يا شحادة يا مخالفة.... والطبيب يا شحادة يا عملية.... والمدرس يا شحادة يا درس خصوصي... والمرة يا شحادة يا نكد... والابن يا شحادة يا عصيان......................... |
|
#8
Dec, 08 2006, 00:06
| |||
| |||
 مزبوط هنة حرامية .. وخصوصي لمّا بتعطي 25 مثلا وبيكون العداد 18 وبيقللك :"الله يرزقك" .. يعني هالكلمة شقد حلوة الواحد يسمعها .. بس لما بتجي من شوفير تاكسي الواحد بيطق منها .. سلام --------------
سلام  --------------
يعني اتفق مع أهلك على مبلغ تاخدوا على راس كل شهر .. وهيك بتصير بطالبن في كأنو من حقك .. وبتعصّب عليهن إذا أخروا عليك .. بس زكاتكن يا جماعة .. لا حدا يروح يقول لأهلي .. بعدين ما بعود بخلص .. سلام --------------
لازم يصيروا ممثلين .. كان أحسنلهن من هالشحادة .. والسلام عليكم |
|
#9
Dec, 08 2006, 22:07
| |||
| |||
| والله مشكلة ومشكلة كبيرة ... لما بتكون ماشي بالشارع وحدا بقلك مقطوع .... يعني ماتعطيه ...... طيب بلكي فعلاً محتاج وإذا عطيته بتعودهم بالنسبة للدق على البيت ... هلكونا كمان ... كل يومين بطريقة جديدة ... بس من البيت غالباً مابعطي حدا ... |
| قال العضو التالي أسمه شكراً لك يا Wiseman_a على هذه المشاركة المفيدة: | ||
|
#10
Dec, 08 2006, 22:41
| |||
| |||
| أنا اكتشفت أنو كل هل شحادين كذابين في واحد لما كنت سنة أولى عندنا عملي بكلية العلوم بشوفه هنيك و بالكلية كان موجود على طول لاء و الاضرب بلاقيه بيدق جرس باب بيتي و كل مرة منظره شكل , شي متخلف عقلي و أخرس , شي اجره فيها علة , شي ايده مقطوعة .................. كله تمثيل بتمثيل لهيك الأفضل ماتعطوا شحاد و خصوصاً الشباب , و الله كتير بأسف لما بشوف شب طول و عرض و باول شبابه و عم يشحد من الخلق بس في زلمي كتير كبيربالعمر مسكين مابعرف إذا بتشوفوه على طول حامل كيس محارم كبير و ظهره محني ,و بتلاقي ببيعك محارم بكل كرامة و مابيرضى غير انو تاخد علبة بعدما تعطيه مصاري , شقد بحترمه و بتمنى أني اشوفه على طول حتى ما اقصر عليه يلي بيبيع أي شي مو متل يلي بيمد ايده و بيدبق و بيشحد على سواد عيونه انا ماعدت أعطي حدا ما بيلبقله لانهم فوراً بيدبقوا و بلاقيهم كل يوم لزقانين بدهم مصاري |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| المدونات ظاهرة صحية | Shankool | مقهى الملتقى | 16 | Aug, 22 2005 16:10 |
| ستار اكاديمي..ظاهرة تستحق وقفة | Evereve | اجتماعيات | 5 | Mar, 19 2005 11:59 |
كل الأوقات حسب GMT +2، والوقت الآن 20:03.
