الحب........ما هو؟
يدور هذا النقاش حول الحب........ما هو؟ في قسم اجتماعيات في الملتقى الطبي السوري; نبهني أحد الأصدقاء إلى هذه القصة الموجودة بملخلص الطب النفسي.
وأحببت أن أبدأ بها عن موضوع لابد أنه شغل فكر كل منا.وهو الحب.
مراحل الحب( أو ما نكنه لشخص ما
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Apr, 25 2005, 06:54
| |||
| |||
 الحب........ما هو؟ نبهني أحد الأصدقاء إلى هذه القصة الموجودة بملخلص الطب النفسي. وأحببت أن أبدأ بها عن موضوع لابد أنه شغل فكر كل منا.وهو الحب. مراحل الحب( أو ما نكنه لشخص ما ): الإعجاب....الحب.... العشق.... الهيام. لنقرأ القصة وبعدها نتكلم : كان الأصمعي يسير في بادية الحجاز فمر بحجر كتب عليه: أيا معشر العشاق سائله خبّروا إذا حل العشق بالفتى كيف يصنع فكتب الأصمعي تحته: يداري هواه ثم يكتم سره ويخشع في كل الأمور ويخضع وفي اليوم التالي وجد الأصمعي تحته بيتاً جديداً: كيف يداري والهوى قاتل الفتى وفي كل يوم قلبه يتـقطع فكتب الأصمعي : إذا لم يجد صدراً لكتمان سره فليس له شيء سوى الموت ينفع وفي اليوم التالي حضر الأصمعي فوجد شاباً ملقى تحت هذا الحجر وقد فارق الحياة, وقد كتب على رقعة من الجلد: سمعنا وأطعنا ثم متنا فبلغوا سلامي إلى من كان للوصل يمنع هنيئاً لأرباب النعيم نعيمهم وللعاشق المسكين ما يتجــــــرع    |
|
#21
Jun, 15 2005, 01:54
| |||
| |||
| أنا بختلف معك فلامنكو.. مع إنك كمان توأم روحي.. بس يعني المرأة والله كويسة كمان.. ما هي كمان خلقها الله؟؟؟ يعني شو في اصلا أحلى من المرأة..؟ بعدين ما إنت بتحب الطبيعة؟؟ شو في شي طبيعة أكتر من المرأة.؟ هلأ.. أنا بعرف إنو في إبتذال كتير.. بالحب.. يعني أكيد هي يللي بتغني فيها إيه لو كلم صاحبك.. أو رجب حوش صاحبك عني.. هدا ما حب.. ولا علاقة مظبوط.. هي اسمها شـ.... ! بدنا نفصل بين القضايا.. في شي اسمه حب مظبوط من شب لصبية ومن صبية لشب.. شو هو..؟ هدا هو الشي يللي ما فيني أحكي شو هو.. فيني أكتب شو بحس.. مثلا.. الحب حالة تعاش.. وتجربة متل العشق الإلهي إذا بدك.. أكتر من هيك.. هو متل تجارب الصوفيين، والبعض بقولو.. متل تجارب الأنبياء.. الروحية.. يعني بس انحكى عنها وانكتبت ونقلت لأذهان العامة باللغة.. قتلت..! وبس ابتذلت بالتداول.. صارت استهلاكية.. وفقدت قيمتها.. هدا ما يعني ما من حق كل حدا يحب.. الحب مسموح للجميع، وإذا ما عجبك طريقة حب فلان.. روح حب بغير طريقة.. أما عن مدري شو تنظيم .. أنا من أنصار.. محمد منير.. لما بقللها لحبيبته.. يللي إنتي حبك حرية.. بالحب آه، ولا شيء ممنوع.. آه يا محمد يا منير.. أصلا شو معنى حب بدون حرية؟؟؟ حب مع قهر ومع خوف.. هو مزيج من الهروب وتضييع العمر.. لك يا شباب.. حبو.. والله الحب كويس.. حبو قبل أن في الحفرة تطبو..!! |
|
#22
Jun, 15 2005, 10:07
| |||
| |||
| المشاركة الأصلية بواسطة flamenco كما قال مستر سام
(لا تبني التعميم على تجربة واحدة) في الحقيقة هذا الحب يستحق أن يهدى لامرأة. ولكن ليس أي امرأة. امرأة سيختارها _يوماً ما_ عقلك و قلبك معاً.تلك المرأة اللتي ستقابل مشاعرك تجاهها بأحسن منها,هذه هي المرأة اللتي تستحق أن تكون شريكة حياتك. وعندها ستعرف فضل الله عليك عندما لم ييسر لك تلك الفتاة. لأنه وبكل بساطة: انت و مستر سام وأنا منستحق أحسن من هيك بكثير.بس لا تستعجل. وأكيد لما بتشوف حالك بعد هالتجربة شلون صرت, بتعرف انها كانت نعمة وليست نقمة. على فكرة : ليش بتسميه: الحب القديم............... أنا بفضل تسميه المشكلة القديمة. كله بسبب تلك القناعات السخيفة اللتي بثتها لنا أفلام هوليود عن الحب. لا يخلوا فلم من أفلامهم من فكرة كهذه (حتى أفلام الرعب)..............وكلنا يتمنى حباً هوليودياً, لذلك نلهث وراء شخص نلقي عليه بهذا الشعور(وغالباً بطريقة لاعقلانية). الحب لا يموت؟.................... أجل الحب الحقيقي لا يموت.......... اما الحب الناتج عن الحاجة لإشباع الرغبات العاطفية فلازم يكون حب بالأول. فكرتك يا سنفور راااااااااااااائعة , (المركز المسؤول عن النشوة والسعادة) طبعاً فلامنكو يمكن أنت بتعرف كل هالكلام. بس بتقدر بتقول (كما يقول مستر سام) انو الواحد بهالطريقة بكون عميفكر بصوت عالي ,و يسمعها على لسان شخص آخر. تحياتي لك, وأتمنى من الله أن يعطيك على قدر نيتك. |
|
#23
Jun, 15 2005, 14:18
| |||
| |||
| في حياتنا وهم كبير هو الحب الأول .....................إحسان عبد القدوس شو رأيكم بهل القول ................حدا بيتفق معو .............................؟؟؟؟ |
|
#24
Jun, 15 2005, 19:19
| |||
| |||
 شو هاد يا سنفور!! فعلاً يا سنفور،  الحب بلا حرية مو هو حب، وبتصور من أهم شروط حرية الحب أنو يكون متبادل...لأنو الحب إذا كان من طرف واحد فهو سجن .....تحياتي إلك يا سنفور  ! |
|
#25
Jun, 15 2005, 19:32
| |||
| |||
 صحي نسيت عزيزي وايزمان: لا يمكن تسمية الحب القديم "مشكلة قديمة" لأنو إذا كان كذلك معناها أنو المشكلة لا تزال موجودة فيك...  و الحب الأول أخ أمين ما هو وهم كبير، مع احترامي للجميع (بما فيهم احسان عبد القدوس اللي ما بحسن طس مسلسلاتو) بل هو حب متله متل غيرو، بالعكس هو حب طاهر ونقي (لأنو غالباً بيكون بين عالم طاهرة) ... وللجميع بقول أنو المهم أنو أي تجربة بيمر فيها الإنسان أنو يسأل حالو (أنا شو تعلمت) لأنو ما في تحربة ما بيتعلم منها الانسان شي، والحب الأول هو من هي الأشياء، ومصير الإنسان أنو يتعافى بالأخير ويخلص منها، طبعاً مو بيخلص منها، بس بيتأقلم وبيحسن يكفي حياتو ويحب من جديد  ... |
|
#26
Jun, 15 2005, 19:35
| |||
| |||
| و بالمعية... بالرغم من خبرتي الكبيرة بالحياة...  وبالرغم من أني متعمق كتير بالطب النفسي  فلا يمكن يا عزيزي وايزمان (مرجعية) لأني بني آدم أخطئ وأصيب...وإلك خالص تحياتي...  |
|
#27
Jun, 15 2005, 22:16
| |||
| |||
| كنت بتمنى ينطرح هالموضوع بوقت أفضل من هيك لأنو الحديث عنو بطول........... و بتصور أنو كل شي حكيتوا صح لأنو الحب مجموعة صور نختار منها ما نشاء و نتقمص الأدوار باتقان فمنا من يفشل و منا تنجح معه التجربه..... و طبعا هادا ما بيعني أنو الحب مو موجود .......بالعكس يمكن يكون الحقيقه الوحيده بحياتنا .......... بس مو ضروري الحب يكون متل حب روميو لجولييت..... ما تفهمو غلط بس مو ضروري الشب يترك بنات العالم و يحب وحده في صراع أزلي بين أهلو و أهلا...متل ما عمل روميو.(طبغا انا عم احكي الفكره بالعموم)..... مو أسهل لو بيشتغل القلب و العقل كمان... بتصور كتييرين منكن عم يقولوا بحالن....الحب ما بيعرف يفكر قبل ما يختار....... بس أين نحن من الحب(أقصد الحقيقي).....أين نحن من الصور التاليه..... ذكر لنا التاريخ الأسلامي صور كتيره عن حب الرسول(ص)لأم المؤمنين السيده عائشه...... و متل ما قلتو الحب مو كلمه لازم نسمعا كل شوي حتى نحسا....بس لما كانت أم المؤمنين تذكر أنو كانت تتمنا لو ما تخلص مسابقة الخيل حتى اتم سانده راسها على كتفه(ص) وهي عم اتابع الحدث.....أو عندما نقرأ عن طريقة معاملته لها ...... و نشوف أسمى مظاهر الحب لما استاذن نساؤه و هو على فراش الموت أنو ينتقل لعندا حتى يقضي أيامه الاخيره(ص).......و............و......... ........و................. (وهي قبل قصص قبل السينما و التلفزيون يا أخ فراس.)......منقدر نتصور كم حاله حب سعيده حولنا....... أخيرا الحب هو الشي الوحيد اللي ما خرج نتفق في ع فكره ورح يتسكر الملف كالعاده بلا تعليق..... و هون عم أتذكر نزار قباني عم يقول..... كلامنا في الحب يقتل حبنا ...............ان الحروف تموت حين تقال........... |
|
#28
Jun, 15 2005, 22:44
| |||
| |||
| هاي للكل...  بصراحه ما كنت متصورا أنو أول موضوع رح شارك فيه بمنتدى للطب هو عن الحب...... ما قصدي شي بس كنت متصوره أنو تفكيركن ما بوصل لهون.....مع احترامي الشديد لكل الأعضاء....بس هي الفكره العامه عنكن..... أول شي أنا معجبه كتييير ب ردكshery......بس بدي أسأل مين هون ما جرب هالشعور....... بمساوئه و حسناته...... على كل حال هو الحب موجود مع الوجود........من ايام ادم عليه السلام..... لسا في حكي كتيييير بس بكره عندي ماده و لازم أدرس....... بشوفكن......ادعولي........ |
|
#29
Jun, 16 2005, 16:53
| |||
| |||
 من Mr.Sam مع التحية على الرغم من أننا طلاب طب يا tolib ولكن هذا لا يعني أننا فايتين بالحيط  ...نحن أيضاً لنا مشاعر، ولدينا مشاكل، وليس كما هو شائع أنو "ما عنا وقت غير للدراسة"...(طبعاً بالنسبة إلي أنا ما عندي وقت للدراسة!  )وطبعاً يا shery، لما نحنا بدنا نحكي عن سيد الخلق صلى الله عليه وسلم، طبعاً هو أعظم إنسان وأعظم زوج وأعظم محب... والقصص والسير أطول وأعظم من أن يتسع لها المنتدى... ولما يقول صلى الله عليه وسلم "خيركم خيركم لأهله وأنا خيركم لأهله" و "خياركم خياركم لنسائهم" هذا أكيد دليل قاطع على عظمة وقدسية الحب والرحمة (يلي بتولد حب يا سنفور  ) في الإسلام...طبعاً أنا ما عم غلّط حدا، في مواضيع متل رقم 9، إذا رسمنا عالأرض ووقفنا كل واحد من جهة في شخص لحيشوفو 9 وفي شخص لحيشوفو 6 وبتصور أنو الاثنين على صواب... المهم أنو ما واحد بيناتهن يصر على الشي يلي شايفو... |
|
#30
Jun, 16 2005, 18:03
| |||
| |||
 ..... بالنسبة لكلام الأخت شيري , فبقول : ( كلااااااام جمييييييل .... و كلااااااام معقوووووووول .... مقدرش أقوووووول حاجة عنووووووووو !!!!!!) ........ ( بعرف أنو صوتي بشع بس بحب الموسيقا و الغناء رغم كل شي !!!!!!) .... أما بالنسبة لأخت توليب فخليني أعترف أنو كل طالب طب عندو جثة في القبو بس ما عم بيحاول إحياءها باستخدام البرق , لو كان هالشي عم بيخطر في بالك !!!! , و كمان لا تنسي أنو معظمنا لم يلتهم طفلاً منذ زمن بعيد ..!!!!!!!!!!!....... مش كدا يا جدعان !!!!؟؟؟؟...... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| الحب الأنترنتي | no one | اجتماعيات | 68 | Mar, 29 2007 22:16 |
| الزر Quote + ما هو؟ وكيف أستفيد منه؟ | No Body | علوم وتكنولوجيا (حواسب واتصالات) | 2 | Feb, 23 2007 05:21 |
| من هو؟ | سنفور | هديل الروح | 7 | Apr, 10 2005 00:55 |
كل الأوقات حسب GMT +2، والوقت الآن 19:33.
