الإجهاض....ما رأيك؟؟
يدور هذا النقاش حول الإجهاض....ما رأيك؟؟ في قسم المهنة وأخلاقياتها في الملتقى الطبي السوري; إن استطاعت الأم قتل ابنها ,فعلى الدنيا السلام ..فأستطيع الآن قتلك وتستطيع قتلي دون أي رادع.......
للقانون رأيه وللأديان آراؤها حول الإجهاض ..
ولكن إن كان ضميرنا قانوناً لنا ...ماذا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jan, 29 2007, 17:00
| |||
| |||
| الإجهاض....ما رأيك؟؟ إن استطاعت الأم قتل ابنها ,فعلى الدنيا السلام ..فأستطيع الآن قتلك وتستطيع قتلي دون أي رادع....... للقانون رأيه وللأديان آراؤها حول الإجهاض .. ولكن إن كان ضميرنا قانوناً لنا ...ماذا نفعل؟؟ لقد وجدت موضوعاً للأخ شريف عن الإجهاض في حالة الاغتصاب وهذه حالات أخرى قد نتعرض لها كأطباء علماً أن معظم هذه الحالات (إن رفض الطبيب المساعدة) ستؤول إلى محاولات إجهاض غير طبية بمساعدة قابلة أو من قبل المرأة ذاتها معرضة حياتها للخطر ...فهل الهدف أن نبرئ أنفسنا ونقول (أنا ما دخلني) أم نساعد في حل المشكلة!!! الحالة 1 :امرأة متزوجة من مسؤول مهم عمرها 38 سنة ,في الأسبوع العاشر من حملها أجرت فحص للسائل الأمينوسي وكانت النتيجة تثلث الصبغي 21 (داون) ..أرادت المرأة الإجهاض وبتأييد من الزوج .......ماذا تفعل ؟ الحالة2 : فتاة عمرها 16 سنة من أسرة محافظة ,راجعتك خائفة من حمل قد حصل نتيجة علاقة غير مشروعة مع عشيقها منذ أسبوعين,الفحوصات أكدت بالفعل ايجابية الحمل...أرادت الفتاة أن تجهض لأنها ستقتل حتماً على يد أبيها إن علم......ماذا تفعل؟ الحالة 3 : عائلة فقيرة تملك 6 أولاد أصغرهم بعمر السنة ,راجعت الزوجة مشفى الجامعة بأعراض غثيان ووهن ,فاكتشفت إخفاق وسيلة الحمل المتبعة وأن الزوجة حامل في الشهر الثالث..أراد الزوجان الإجهاض لأنه (لا يريد أن يجلب انساناً آخر إلى الحياة لكي يعيشه بذل) على حد تعبير الزوج .....ماذا تفعل؟ c.t.scan  |
| الأعضاء الـ 5 التالية أسماؤهم قالوا شكراً لك يا C.T.SCAN على هذه المشاركة المفيدة: | ||
|
#21
Jan, 31 2007, 09:13
| |||
| |||
| بالستب تو بقولو إنو ما تشغل حالك بموضوع الإجهاض لإنو مختلف عليه بين الولايات.. !! بين لبرالي ومحافظ.. العالم بأمريكا مقسومة عموما حول الموافقة عليه أو رفضه.. وحسب السيطرة بالولاية.. بكون القانون.. هلأ.. الإجهاض هو إجهاض.. وهي التسمية كافية للدلالة.. القتل بالتعريف هو قتل لشخص مولود.. وليس لجنين.. موت الجنين الإرادي هو إجهاض.. (وليس قتل..) القتل بيحمل دلالة وبيحمل موقف مسبق... مبدأ أساسي بالحياة وصلتله البشرية بعد نضال.. هو autonomy يعني independence أو self governence الإنسان مسيطر ع حاله جسده وحر بفعل ما يريده لجسده.. ومستقل.. الإمرأة.. إلها حق إنو تعمل بجسدها الشي يلي بدها ياه.. مين قال إنو من حقك أو حق أي حدا (زوجها أو شيخها..) إنو يخليها تحمله 9 شهور وتتعذب بألم الولادة.. وحتى ممكن تموت بالمخاض.. وهي ما بدها..؟؟ جاوبني... حملت بالغلط... بعلاقة عابرة، بسهو.. ما ظبطو يعملو وقاية.. وحملت.. شو بيجبرها إنو تخليه ببطنها، والحمل هو بالتعريف مرض.. من حقها إنو ما تكمل.. إذا جت لعندك مريضة.. وإبنها صار معه إنحلال دم (تنافر زمر..) وهو ببطنها وبده نقل دم اسعافي أو بموت.. وهي ما بدها تنقلله دم.. (let him die) ببساطة!! عم أحكيها بشكل باتر لإنو وإن كان الخيار صعب... بس هو ما خيارك إنت.، ولا خيار المعلم، ولا خيار رجل الدين، ولا خيار حدا.. هو خيار الشخص صاحب العلاقة.. وهو المرأة فقط!!! بتخبر جوزها... never... بتاخد رأي المسؤول الديني للطايفة.. مطلقا.. هلأ شو هو الحد يلي بنخلي الولد يجهض أو ما يجهض.. ما حدا عم يقول بده يقتل الولد.. (يعني يلي صار ما هو إنو والله الولد جي وعم ياكل ويشرب.. ورحت إنت طمرته بالمي.. لحتى مات..) القصة إنو ما بدها هالكائن ببطنها.. وطالعته.. عاش عاش ما عاش مشكلته!! ما مسؤوليتها إنها تمرض من شان يعيش ابنها.. مع احترامي لأبو قراط.. بس ما هو نهاية العالم.. هو أبو الطب.. بس يعني بصراحة أنا بعرف بالطب أكتر من أبو قراط بذاته.. ( وما عم شوف حالي..) إنت بتعرف أكتر من أبو قراط.. وكل واحد من الشباب (ومن الصبايا..) بيعرفو قد أبو قراط عشر مرات.. نحنا الذروة بالطب، وبالعلم ، وما كان في وقت بالدنيا فيه معرفة قد ما في هلأ.. بقى ما حدا يستشهد بأبو قراط.. (بضحكني..) ما بدها ياه.. تجهضه حقها.. وإنت ما بدك تجهضه.. لا تعمل طبيب نسائية.. طبعا هدا حكي فاضي بسوريا.. لإنو القانون بسوريا والأخلاق والعرب ما بتسمح بالإجهاض.. وبالتالي ما تجرب تجهض شي مرا.. وإذا بدك تجهض فبتكون قليل أخلاق وقابض مصاري.. أو إنو عامل روبن هود.. وهي ماشغلتك.. بس كأفق للنقاش.. من حق المرأة تجهض.. بس ما قادرة للأسف تتمتع بهالحق.. لحتى يطلع شي مرسوم.. -------------- بحييك هاني.. قلبك كبير.. وبتحسسني بالأمل.. بوقت التعب بفكر فيك.. وبحطك أحيانا أيقونة قدامي.. لحتى كمل شغل كمل.. بتعجبني |
| قال العضو التالي أسمه شكراً لك يا سنفور على هذه المشاركة المفيدة: | ||
|
#22
Jan, 31 2007, 13:16
| |||
| |||
 المشاركة الأصلية بواسطة سنفور 
كتير وقفت عند هالجملة أخ سنفور : الشخص صاحب العلاقة !!! وهو بنظرك الأم فقط ............... طيب هالجنين اللي ببطنها ما هو الشخص صاحب العلاقة ؟؟ ماهو إنسان يعني ؟؟ لا زم ندرك شغلة ممهمة أنو الأب والأم موهنن اللي منحونا الحياة ليكون ألهن حق أختيار إزا ممكن نجي على الدنيا ولا لأ الأب والأم هنن وسيلة صولنا إلى العالم وليشا السبب وراء ذلك
عفوا هون عم نحكي عن كائن بشري ............عن أنسان ( مو عن شي تاني) وين حقو هو ؟؟ شو عرفك هو مابدو يعيش ؟؟ بس لأنني الوالدة ما بدها ياه لأني رح يذكرها بلبلة حمراء أو رح يزيد مصاريف عالبابا أو رح يعطلهم عن الشغل بقا معلش منسلبو حق الحياة !! ذكرتني بالآية ( وإذا الموؤودة سئلت بأي ذنب قتلت ) كمان هي الموؤودة كانت تنقتل عند ولادتها ...............لأنو الأهل ما بدهن ياها وبتنسئل بأي ذنب قتلةها لأنها أنسان وقتله جريمة بغض النظر عن المسوغات تحياتي |
| الأعضاء الـ 2 التالية أسماؤهم قالوا شكراً لك يا subzero على هذه المشاركة المفيدة: | ||
|
#23
Jan, 31 2007, 13:56
| |||
| |||
|
|
#24
Jan, 31 2007, 14:33
| |||
| |||
| no body : سؤالك هدا علم بحاله ، عن انو شلون الوعي بيتنشط والتفاعلات اللي بتصير في الـ psyche أو ما سمي "صدمة الولادة" وغيره .... فاني أجاوبك هلأ شي صعب ! شنكول عزيزي أنا بحبك والله ، بس لما أحيانا بتتذاكى كتير ما بعرف اش قصتك ... هلأ من كل هداك الحكي ما مسكتللي إلا هالشغلة اللي انقالت من قبل في هذا الموضوع وطالعتلي انو الحكي تخبيص ؟! طيب وإذا كان الجنين بيسمع ، هل معناتا انو واعي ؟! ما شفت بحياتك أو سمعت عن الناس اللي بغيبوبة انو شلون بيسمعوا وبيتغير نشاطن الدماغي لما يسمعوا أصوات وبالذات أصوات ناس معينين ؟! ... يعني هي شغلة قديمة ومعروفة بس ما لها علاقة بالوعي طالما الشخص ما عم يفهم الذي يسمعه ... أنا كان قصدي (وبدي أعيد للمرة الألف ، تعبت!) انو الجنين ذاكرته فاضية وتفكير ما عنده ، وإذا سمعلو كم صوت وتخزنو بذاكرته فهدا مو معناته انو صار واعي وصحيان ! .......... وهي سنفور عرض الجانب الأهم من الموضوع والذي يستحق النقاش ، أنا بس كنت بدي أوضح فكرة انو الجنين لا يحس ولا يتأثر لأنو غير موجود أصلا ... |
|
#25
Jan, 31 2007, 14:39
| |||
| |||
| المشاركة الأصلية بواسطة Hani شكرا هاني ...
وصلت الفكرة ...  ونجحت الخطة  |
|
#26
Jan, 31 2007, 16:25
| |||
| |||
| المشكلة كلها في أن الكائن الذي لا يراه هاني أنه موجود ..نراه نحن انسان في طور التكون ,و اشتغال الوعي هو مرحلة من مراحل التكون هذا وليس لحظة خلقه..لكل منا مفاهيمه وتعاريفه ولا شي منها خطأ.. بس الموضوع انحط مشان آراء شخصية والجميع يتكلم عن أمور عامة ..قلت أن الحكم الأساسي هو الطبيب لا قانون الولاية ولا مفتي الجمهورية ولا بابا روما.. لا يمكن لأي قانون ناظم للاجهاض أن يشمل كل الحالات ,لكل حالة تفردها وتميزها .. بالنسبة لي : الحالة الأولى لا أجهض .لأني بإجهاضه أمارس عملية فلترة للمجتمع الإنساني..فلأنه ضعيف ولا يملك قدرات فكرية واجتماعية ليس عليه أن يعيش..هذا يسمى مبدأ البقاء للأقوى المتبع في العصور القديمة ولا يمكن ان أتبعه الآن. الحالة الثانية والثالثة: أجهض رغم ايماني أن هذا العمل خطأ ..ولكن الاجهاض هنا أعتبره القرار الأقل سوءا ً الذي علي أن أختاره وفق الحكمة البشرية ودون تزمت بمبادئ أخلاقية ثابتة. |
| قال العضو التالي أسمه شكراً لك يا C.T.SCAN على هذه المشاركة المفيدة: | ||
|
#27
Jan, 31 2007, 17:39
| |||
| |||
| لسا ما انحط الموضوع يا ست سكان.. إنت عم تشوف الحالات متفرقة.. وأنا عم شوفها وحدة، .. مرت مسؤول ولا فقيرة، ولا أسرة محافظة.. جت لعندي ع عيادتي (يلي لإنها ماي نسائية..) رح أحيلها ع طبيب نسائية من شان يجهضها.. بدون علم والدها.. المحافظ وبدون ما أسمع لزوجها المسؤول.. وبدون ما أعطيهن 10 ليرات للفقراء.. إنت شايفهن حالات.. وأنا شايفهن وحدة.. وهي إجهاض، وحق للمرأة إنو تجهض.. الجنين ماو كائن صاحب علاقة.. لأ.. الجنين هو نتاج العلاقة.. (وهي المرة طلع بالغلط..) ما هو إنسان؟؟ ولا هو إنسان.. ما هدا هو الموضوع.. وما بحب أناقش القضية انطلاقا من المبادئ العامة الكتير واسعة لدرجة إنو ما إلها لون.. الإنسان لا يقتل، والجنين إنسان.. إذا الجنين لا يجوز إجهاضه.. هي أرسطية.. بس ما هي طريقة التفكير الوحيدة بالدنيا.. إنت مفكر إنو الحياة منحة عم يعطيها الله للإنسان هدا الجنين.. وروح وبالتالي قتلها اعتداء ع الكون.. هدا معنى وإنت حر فيه.. في ناس بتشوف شي كتير إنو هو جريمة عم يرتكبوها بحقه بإنو ينقلوه (!!) لهالوجود السيء.. !!! هي إكستريم.. وفي ناس بالنص.. بتقول إنو هو لا هو هالإنسان الإلهي، ولا هو هالوجود الحقير.. هو خلايا عم تتشكل إذا كملت بصير بشري... بس وهو ببطن أمه وجوده تابع لوجود أمه ومتعلق فيها بكل معنى التعلق والإعتماد.. برجع لسؤالك مرة تانية.. (وبأكد هدا خارج سوريا.. لإنو القانون "كون قانوني قبل ما تكون أخلاقي" أخيرا.. هي الاسباب يلي ذكرتها هي مبررات عند الأم.. علي إني اسمع إلها.. بس ما بتأثر ع محاكمتي للحالات التلاتة.. وكلها الجواب واحد.. إحالة -------------- بعدين هي فكرة الفلترة للمجتمع الإنساني.. رافضها إنت طيب حلو كتير التعبير وكتير إنساني.. بس! مين قال إنو الطفل الداون مبسوط؟؟ مين قال إنو هو بحب يكون جزء من هالفسيفساء الإنساني من موقع الضعيف المتخلف العاجز لحتى تكمل اللوحة وما تتفلتر ويفرح الإنسانويين بإنسانيتهن؟؟ جريمة تحمل الأم بعد سن معينة.. وإذا بدك رأيي عاقبها وعاقب زوجها.. ع جيبة هيك ولد.. (مع إنو أكتر أطفال داون هنن بيجو لأمهات بعمر 27 سنة.. بسبب غزارة الإنتاج بهي الفترة..) إذا شفته داون.. أجهض الجنين (وركز معي خلينا نستتخدم المصطلحات المستقلة عن المضمون العاطفي.. (اقتل طفل داون المتخلف!!!) |
| قال العضو التالي أسمه شكراً لك يا سنفور على هذه المشاركة المفيدة: | ||
|
#28
Feb, 01 2007, 13:42
| |||
| |||
| أنو كان بودي حطك سنفور ... أيقونة قدامي ... بس  أنو اسمحلي ... إجهاض أسمو إجهاض ... وجريمة الشرف أسما جريمة شرف و الموت الرحيم أسمو موت رحيم ... مانا القضية التسمية بتقول مانو قتل ... كلو قتل .. ورأيي الشخصي ولدافع ليس ديني فقط أنه يحق له أن يحيا ... يحق له أن يحيا سواء كان منغوليا أصماً ... أيا كان ... يحق له أن يحيا هادا الحق ما أنت بتقررو الحياة اعطته هادا الحق أما مدينتك الفاضلة الخالية من الضعفاء ... فبأمكانك تتابع الحلم فيا ... فورتلي دمي بالحكي اللي حكيتو عن الطفل المتخلف ... ( عاطفية أنا بدك ما تواخزني.. لسى عم شوف الأنسان أنسان ما تحول عندي لرقم وحالة ) كام شخص متخلف بتعرف ؟؟؟؟؟؟؟؟ بتعرف كيف عايشين ؟؟ أنا يامان بشوف المفكرين أشخاص غير سعيدين بحياتون .. ( هيك من منظوري ) شو رأيك جمعون بشي جزيرة وأبيدون ؟ أو فيني زتون بشي معتقل كلون عبعضون ... ما تتخذو القرارات عن الأخرين ... ما بحب أتدخل بقوانين الحياة ... ما بحب أمنع شخص من الحياة حضورو يمكن يعطي للحياة كتير |
| الأعضاء الـ 3 التالية أسماؤهم قالوا شكراً لك يا zorba على هذه المشاركة المفيدة: | ||
|
#29
Feb, 02 2007, 00:22
| |||
| |||
| المتخلف يعني retarded يعني المتأخر يعني يلي بياخد بال IQ تحت 75% هدا تعريف علمي.. ما بعرف ليش عصبتي هالقد.. بس يولد بصير يحق له أن يحييا.. وهو لساته ما حي.. فهو متل أخوه الجنين التاني يلي أمه بدها تجهضه.. يحق له أن يجهض (لكونه بالأساس حق لللأم..، والداون هو السبب يلي خلا الأم تفكر إنو بدها تجهض.. وهو متله متل أي سبب تاني.. لممارسه الأم حقها الطبيعي بالإجهاض.. في رأي بالعالم بقول بشرعنة الأشياء غير الشرعية لحتى نقلل من ضرر كونها تمارس بشكل غير شرعي.. يلي بده يجهض رح يجهض.. وكتار قليلين الأخلاق يلي بيشتغلو من شان المصاري وبشروط سيئة.. ليش ما نخليه يصير بشروط كويسة.. وبمشفى محترم.. وبدون ما نخبر لا جدها ولا جوزها.. ولا أبوها.. وتكون هي صاحبة العلاقة... الوحيدة؟ بعدين ليش حطيتيلي... جريمة الشرف بين الموت الرحيم والإجهاض.؟ شو العلاقة ..بيناتهن.. أنا بتمنى تصير مدينتي ما فيها ضعفاء أبدا.. وماني مع قتل الضعيف لإنو ضعيف.. أنا مع تمكينه.. لحتى يصير قوي.. وبرجع بعيد.. طفل داون يجهض ليس لكونه ضعيف بل لكون أمه تريد الإجهاض.. متله متل هرقل لو بدها أمه تجهضه كان أجهضته |
|
#30
Feb, 02 2007, 00:46
| |||
| |||
| المشاركة الأصلية بواسطة سنفور
 أيواااااااا....... منشان بكرا كل وحدة متل الحالة رقم تنين... تجي عاملة عاملتها وتلاقي الحل موجود قدامها ....وبكل بساطة... بظن بهالتشريع عم تشجع الأشياء غير الشرعية الأهم........ |
| قال العضو التالي أسمه شكراً لك يا tartousieh على هذه المشاركة المفيدة: | ||
