إحصائيات الفعالية تبيّن أكثر الأعضاء فعاليةً في الموقع خلال الأسابيع الأربعة الماضية، بعيداً عن عدد المشاركات أو التشكرات الّتي يُمكن التلاعب بها، مثل تعمّد الإكثار من المشاركات بهدف زادتها فحسب ... أو تبادل التشكّرات ..

هذه الإحصائيات مبنية على أساس نشاط العضو في الموقع خلال أربعة أسابيع خلت ... وبالتالي تغيّرها بطيء .. تعتمد على عدة أُسس مختلفة .. ليس من بينها عدد المشاركات أو التشكرات ...

شنكول شو الاسس اللي على اساسها بيطلع العضو نشيط ... اذا ما كانت المشاركات او الشكرات ... فشو الشي اللي تم اعتماده؟؟؟

انو شو الفائدة يعني ؟ ... بيطلعلنا جائزة شي ؟

بس لا يكون الترتيب عالابجدية تبع اوغاريت...!!

لأنو انا كتير كنت مشارك فعال وعضو نشيط...وانتقلت بالتشات من المركز التامن..او هيك شي... للتالت...
وكمان كنت عم اعلك كتير عالمنتدى.... شي بطعمة وشي بلا طعمة...

مبروووووووووووووووووك للفائزين
و ما رح نمرقها هيك

يعني بدنا التحلاية .......................

كنت مفكر حالي فعال..
طلعت شغلتي فاضية..!!!!
(أنا كاتب 12 مدونة.. فعالات كتير.. بس ما حدا عم يقراهن.. ) لو بترجع بتعيد التقييم.. يمكن أنطللي درجتين تلاتة..
جرب..

أنا اللي لا حظته إنه الاحصائية مبنية على عدد قراءات العضو للمشاركات ..صح شنكول .. ولا أنا غلطان ؟؟

بعد ملاحظات خارقة قمت بها اعتقد ان الاحصائية مبنية على تردد العضو على المنتدى (تسجيل الدخول)...صح شنكول ولا انا غلطانة؟؟

من هنا نعلن أنا وفلور افتتاح مسابقة ...من هو العضو الذي سيعرف الأساس الذي بنيت عليه هذه الاحصائية ؟؟؟

أنا رايح أمسك شنكول وأخضعه للتحقيق

شو؟ بدك مسابقة و من اولها على اساليب الغش؟ يعني تحد التهديد و التحقيق الزلمة رح يقر و يعترف...و رح تزور انت الحقائق لحتى تطلع بمظهر الرابح... ..و تقبض الجوائز و تاكل التحلاية يلي رح تقدمها هايل ستون...