كل مساء زرتك..
تفتش في حقيبتي..
عن اسم أو صورة أو رسالة..
تبحث في عيوني عن نظرة من غيرك..
تعريني..
تجوس بأصابعك بحثا عن عابرين..
تشتم أصابعي.. تذوق شفاهي..
وكنت أضحك "ما زالت بطعم حب البارحة،
أحببت أن أحتفظ بك فيّ"

تقلب ذاكرتي..
منذ درجت طفلة
حتى اكتشفت أنوثتي
إلى أن سرقتني من مملكتي
وتسأل عن أهوائي..
نفس الأسئلة مخبأة وواضحة،
بعد كل حب..
هل أحببت قبلي؟
هل سكنك سواي؟

أحببت هذا منك..
كنت ألاحق أصابعك الشبقة الهائجة على تضاريسي..
بآهات..
أسكر بشفاهك الهائمة المجنونة..
فرحت حين أسميتني دميتك الجميلة..
"أنتِ لي وحدي..؟"
"أنا لك وحدك..إلهي الصغير"
كانت أصابعي تجن حين تدنو منها بيد أو شفاه..
تغار علي.. أعرف
وأحب امتلاكك لي..
أسميتني "محظيتك"..
وامتلكتني كما تحب..
وكتبت اسمك على كل تقاطع في جسدي
ورسمت شارات مرورك..
حيث شاءت شفاهك..
ورفعت راياتك على مساحات احتللتها من جسدي
لم أكتشفها قبل يديك..

بدون قصد،أمسكت جوالك اليوم..
كلماتي نفسها..
قرأتها بالحرف..
من خمس أسماء .. !!
ربما سألتهن.."أنتِ لي وحدي.. "
فكان الجواب..
"أنا لك وحدك.. إلهي الصغير.."

كنتُ منذ فترة أُفكر في مبدأ الاستملاك لمن نحب .. هل من حقنا أن نمتلكه؟

من حقك تملكه إذا حب هو يملكك.. وامتلك حرية التخلص من ملكيتك..
يعني علاقتك منفتحة وبتحتمل كل شي حتى العبادة. بشرط يكون الطرفين قادرين على آخد الموقع النقيض وقت بحبو.. وبكونو خفيفين..
أعلى كلمة ممكن قولها لحبيبتي.. "بعبدك.."
وبسكر لما بسمع شي بحسسني إني بحياتها كل شي..
بس القصة يلي حكيتها..
هي عنه هو (وممكن تكون هي أحيانا.. ما شرط يعني هو) يلي بده محظيات..
وجسده فيك تطالع منه حفريات تاريخية.. أو خرائط عاطفية..
هدا ما بحبه..
(ما الخرائط هي يلي ما بحبها.. !!) ما بحب اللاتكافؤ..

أنا لك وحدك ...شيطاني الكبير...

المشاركة الأصلية بواسطة سنفور

بدون قصد،أمسكت جوالك اليوم..
كلماتي نفسها..
قرأتها بالحرف..
من خمس أسماء .. !!
ربما سألتهن.."أنتِ لي وحدي.. "
فكان الجواب..
"أنا لك وحدك.. إلهي الصغير.."

كمان هي المرة..
قصتك معيودة ومكررة..
وإن كنت شوي زينتها بشوية إباحيات..!! عملت صدمة يمكن للقارئ..
صدمة لغوية أو معدية يمكن ما بعرف..

بدو يمتلكها وتكون إله .. وهو لا يمتلك..
طيب هيك الذكر بالعادة شو بدك تعمل.. وهي طبيعة الأشياء..

في شغلة لازم تفهما الحبيبة.. (والحبيب بدرجة أقل .. وبدرجة أكتر إذا كانت الحبيبة متطلبة.. وغالبا حبيبات مجتمعنا ما كتير متطلبات... يعني ماشي الحال.. ساترنا والحمد لله.. هي بقولو!!)
لازم تقدر تعيش بإنفصام وتعملله إنفصام.. (ما بعرف شو هو الترجمة.. multiple personalities )
لحتى يمشي الحال..
يعني لازم تقدر تكون غيرها.. ما بعرف شلون.. تعمل عملية تجميل لمخها، تشيل فص جبهي جداري ما شغتلي..
يمكن حلو لو تغير خريطة جسدها كمان بين وقت وتاني.. أو ع الأقل.. تغير الإشارات وعلامات المرور..
وهو نفس الشي.. لازم يغير أصابيعه.. أول شي بين كل كم شهر..
ولازم يغير طعمه تمه!!!! (يغير معجون السنان بيمشي الحال أحيانا ما دائما..)
ويغير حكيه .. يا أخي تعلم لغة جديدة شو صاير عليك.؟.
ولازم يكون مثقف ويتطور .. ولازم يعرف يرسم هو خريطة جديدة محل ما بيمشي..
غير إيقاع مشيتك يا ملل..
هيك ممكن يضل الحب عايش وعم يتتدفق..

هلأ.. إذا ما صار هيك.. ما تلوميه إذا شفتي عشر مسجات من عشر بنات..

ملاحظة بسيطة.. ما يجوز له، يجوز لها.. على رأي الفنانة اللا اسم لها.. زي ما ليك حق أنا لي!!!
( عفكرة كتير عم تخطر ع بالي هي الغنية اليوم.. مع القرف وعصير البرتقان )