| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Jan, 31 2007, 08:04
| |||
| |||
| معلم" في صف ابتدائي يشجع طالبان على مبارزة "وحشية" بالـ " كفوف " تكررت الشكوى اكثر من مرة حول "معلم" في الصف الابتدائي يشجع الاطفال على ضرب بعضهم البعض بواسطة الصفع على الوجه ، وكانت الرسائل دائما تأتي من مجهول. وقد حاولنا كثيرا الوصول الى تلك المدرسة التي ذاع صيت "الاستاذ" فيها وهو يعلم الطلاب الاطفال على ممارسات لا انسانية دون ان نفلح في ذلك. حصلنا مؤخرا على شريط فيديو ، يتداوله البعض عبر جهاز الموبايل ، وبالفعل يظهر احدهم في صف ابتدائي يصور طالبان يصفع كل منهما الاخر وسط تشجيع " المصور " الذي يبدو بانه "معلم" الصف على تبادل الصفعات بمزيد من القوة. ويخاطب "المعلم" المجهول الطالبين الذين يبدو انهما يلعبان لعبة "الصفع" ويقول لهما : "مسكوا من دانو" .. ويتابع " امسكوا من دانو واضربوا كف " .. ولما لم يأتِ " الكف " بالقوة المطلوبة يصيح المعلم بالطالب " اقوى ولاه اقوى " .. يستجيب احد الطلاب ( ايمن ) ويضرب الاخر "كفاً" يدوي صوته في الصف فيصيح "الاستاذ" مبتهجا .. "ايه يلعن" .. ويشجع الطالب الاخر الذي يظهر ان اسمه " ايهم " والذي جلس متألما من هول " كف" زميله .. ينهض ويقوم هو الاخر بضرب زميله " بالكف " ضربة قوية .. يبتهج الاستاذ اكثر و يشجعهم قائلا " اقوى .. بوكس ..بوكس " .. ويشتبك الطفلان اخيرا وسط صيحات "المعلم" وهو يقول " ابعدو عن بعضكم .. " وتظهر الصورة بانه يحاول فك الاشتباك بقدمه .. وينتهي المقطع .. دون ان نعرف الفاعل .. ولا المدرسة التي كان فيها الحدث .. آملين من خلال نشر الحادثة هنا ان نتلقى اية معلومات من الذين يتعرفون على الطفلين ايمن و ايهم .. او على صوت المدرس او على بعض طلاب المدرسة التي يبدو الصف واضحا فيها .. فيكن تروحو ع الموقع وتشوفو الفلم.. http://www.syria-news.com/readnews.php?sy_seq=47239 -------------- طبعا.. هو "يشجع طالبين.." بس يمكن لحقارة الموقف وهوله.. الكاتب ما عرف الطالبين من الطالبان.. (بس وجب التوضيح لحتى حدا ما يفكر عم نحكي ع طالبان وأفغانستان..) -------------- انشالله نسمع بالأيام الجاي.. إنو نعرف هدا ال.... وانشنق.. أنا من الناس (مع إني كنت من الأوائل بدراستي.) يلي آكلين قتل ومتورمين.. بالمدرسة.. معقول هيك.. شو هالإيام.. كان قبل يقولو إنو الإستاذ بيقتل معلش.. لإنو عم يربي التلميذ.. بس هلأ.. أساتذة بهدلة.. ولا علم ولا أخلاق.. وفوقها كمان بيضربو الطالب؟.. طيب وين رايحين.. أنا من جهتي عممت الموضوع ع عدد من الأصدقاء.. وبتمنى ياخد من وقتكن شوي.. لإنو هدا مستقبل... يعني نحنا ربينا بذل، وراسنا موطا طول عمرنا.. والرايح والجاي بيسفق فينا.. منيح.. قبلنا بس هلأ تغير الزمن.. وصار في إنترنت .. يعني ما عاد الشعب غنم بينسلخ وقت يلي بدنا .. وبينضرب وقت بدنا .. وبينجر للحظيرة.. .. إنتو شوفو تطليعات الطلاب يلي ورا.. تخيل حالك محله.. وأخوك عم يضرب رفيقه وينضرب بهالكفوف يلي والله بتبخش أكبر طبلة إدن.. وبتعمل أقلها نزف فوق الجافية.. تخيل.. عم يضربو ببعض.. وإنت عم تتفرج.. يمكن دورك يكون التاني.. شو هالمشهد؟.؟ وشو هالطفولة؟؟ شو هالحياة.. آآآآآآآآآآآآآآآآآآآآآه... يا ليتني مت قبل هذا وكنت نسيا منسيا..  |
| الأعضاء الـ 6 التالية أسماؤهم قالوا شكراً لك يا سنفور على هذه المشاركة المفيدة: | ||
|
#3
Jan, 31 2007, 21:10
| |||
| |||
| ما حدا رح يبهدلو ... المدير بكرا بيلفلف القصة ... لانو هوة كمان بيعمل هيك شغلات ... ومسؤال المنطقة بيلفلفها كمان ... لانو هوة كمان كان مدرس وبيستعمل هالاسلوب ... بكرا بيقولولك انو المدرس هو استاذ رياضة ... وعميدرب التلاميذ على مبادئ لعبة الكيك بوكسينغ  |
|
#6
Feb, 01 2007, 10:27
| |||
| |||
| هاد انسان ........... ســـــــــــــــــــافل أعتذر من الإنسان .... كما أعتذر من السفلة ....... |
|
#7
Feb, 01 2007, 13:24
| |||
| |||
| المشاركة الأصلية بواسطة No Body لأ لأ لأ لأ 
شكلك ما مطلع عالأوضاع تمام ... أنو هادا السيناريو قديم ... لأ على العكس رح يتعاقب الأستاذ وينفصل والمدير كمان ... وينخرب بيت المدرسة ... بس رح ينقال على الهامش .. أنو هدول ما بيمثلو واقع التعليم في مدارسنا وانو هني حالات فردية .. وأنو الضرب ممنوع بالمدارس ومن هادا الحكي ... كمان أنو ما في حق عالأهل ؟؟ يعني أنا ما أستاذ أبني ... يضرب أبني كف أو يخلي حدا يضربو كف ...  أنو والله بخرب الدني |
|
#8
Feb, 01 2007, 17:35
| |||
| |||
| اعتذارك مقبول يا سيدي قديماً قالوا الضرب ملح الأرض والعصا من الجنة والعصا لمن عصى ولا تشتري العبد الا والعصى معه من جهتي اعتقد أنه لم يمر أستاذ عليّ الا ولامست أنامله الناعمة خدي أو رسم على كفي برقة عصاته الحريرية خطوطاً حمراء مزركشة حتى كان جلدي يحكني ان لم أتمتع بمباركتهم لي بقداسٍ يخلصني من آثامي كم كانت ممتعةً تلك اللحظة حين كانوا يخرجونني من بين زملائي ليطردوني من زعبرتهم المباركة حتى أنعم بدفئ شمس الباحة وأترنم بصيحات الموجه ودعواته الموقرة لنا نحن معشر الحمير وهو يطوف بنا الى مكتب المدير لينقعنا بكل ما نزل الله عليه من لغة التحقير والتأنيب على كل صغير ولا زلتم تقولون حرام والله المدارس ليس لها نكهة بدون التأنيب والضرب والوعيد |
|
#9
Feb, 02 2007, 00:32
| |||
| |||
| أنا والله آكل قتلة من أستاذ الرياضة.. دعس عفس.. بصف التاسع لساتني لهلا.. بعد 10 سنين.. كل ما بذكرها بصير ببكي.. لإنو بده ياني أفتح تمي ويزت حبة بزر بزلعومي عقوبة ع إني ما لابس بجامة الرياضة..!! فأنا ما فتحتله حنجرتي خوفا من إنو تنزل بالقصبة اليمين وتعملي توسع قصبي أو ذات رئة أو atelectasis فنزل فيني بإجره الحنونة وإيديه العطوفة.. إدني ما سمعت فيها أسبوع.. وخدي أحمر متل الشوندر.. وحتى مؤخرتي عضامها مكسره.. والألعن الموجه الحنون يلي اشتكيتله أخدني من شان أعتذر للاستاذ.. !! ع وقاحتى إيام.. حنية -------------- بس هدا الاستاذ بالذات يلي عم يستمتع بتصوير ولدين عم يضربو بعض.. أكيد شاذ.. وبده قص رقبة وتقطيع إجرين.. بده شي مين يجيبه هو والمدير مع بعض.. ويقللهن يالله .. "يلعن..." "ضربه بكس",... شدله إدنه ، ضربه كف... أقوى أقوى... !!!! -------------- شو هالنفسية المشوهة يلي رح تضل لهالطفل..؟ هدا بس يكبر يا إنه بده يصير خده ملطشة متل هالناس.. وبده يتحين فرصة لحتى ينزل بحدا لطش.. وعفس.. يمكن الاستاذ مسكين.. يمكن كان عم يصير معه هيك بصغره.. أكيد هيك.. واحد من 17 مليون مسكين.. يا نياله |
|
#10
Feb, 02 2007, 13:51
| |||
| |||
| يا إلهي على هيك بشر .. (وكلمة بشر قلتها مجازاً، على قولة زين الدين).. بالفعل، هاي هي الهمجية بوحدة من أوضح صورها ... |
| قال العضو التالي أسمه شكراً لك يا ElectroDoc على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| (( لا كرامة لنبي في وطنه ..)) " مرقس 6 : 4 " | zorba | هديل الروح | 4 | Nov, 25 2005 23:12 |
| من اعتدى على " آمنة " الشيطان .. ام الانسان | Milad Kawas | اجتماعيات | 16 | Sep, 15 2005 15:20 |
| كيف "تحتال" البكتيريا المعوية على جهاز المناعة | Milad Kawas | آخر المستجدات الطبية | 1 | Mar, 21 2005 23:39 |
