| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Feb, 25 2007, 21:41
| |||
| |||
| Supertasters...who are they?? من فترة طويلة وأنا عبتساءل .....ليش في كتير مأكولات ومشروبات أنا بكرها ؟؟؟ يا ترى ممكن لأني مفزلك كتير بالنسبة للأكل؟ بيجوز !!  بس بعد بحث وتمحيص طلعت حضرتي supertaster ... شو يعني ؟  المتذوقون الفائقون (ترجمة قميئة  ) هم مجموعة أشخاص يملكون وبشكل وراثي عدد زائد من الحليمات الذوقية فطرية الشكل fungiform papillae وبالتالي عدد زائد من البراعم الذوقية taste buds مما يجعلهم يشعرون بمذاق الأطعمة وخاصة الطعم المر بشكل شديد أكثر من الأشخاص الآخرين (وهم الـ tasters والـ non-tasters )وقد أظهرت الاحصاءات في أوربا أن هؤلاء الأشخاص يشكلون 25% من مجمل السكان فيما يشكل الـ tasters 50 % والـ non-tasters الـ 25% المتبقية كيف تم اكتشاف هذا النمط من الأشخاص ؟؟ في عام 1960 لوحظ تفاوت في الاحساس بطعم دواء N-propylthiouracil) PROP6- وهو أحد أدوية الدرق ...حيث أن بعض المرضى كانوا يجدونه شديد المرار والبعض كان يراه معتدلا فيما كان البعض لا يشعرون بطعمه المر ...مما أدى للبحث حول وجود تفاوت في قدرات التذوق عند الأفراد... وفيما بعد أصبح هذا الدواء مستخدما في اختبار تحديد مجموعة التذوق والذي سنتحدث عنه بعد قيل.... ولكن ما هو دور الوراثة ؟؟؟ فعليا توجد مورثة تسمى TA2R38 مسؤولة عن الاحساس المفرط بالطعم المر ..حيث يستطيع 70 % من الأطفال و 50% من النساء متماثلات الأمشاج (متماثل اللواقح) أن يحسوا بالطعم المر للـ PROP حتى بأقل التراكيز الممكنة من محلوله وكذلك الأمر بالنسبة لمتخالفي الأمشاج كما أن الأطفال متماثلي الأمشاج يفضلون الطعام (الحبوب....إلخ ) مضافا إليها كمية كبيرة من السكر ... Are you a supertaster ...؟؟ يمكن للشخص أن يعرف نفسه إذا كان من هذه المجموعة من الناس بطريقتين : الطريقة الأولى : نوعية الطعام التي يكرهها .... غالبا فإن هذه المجموعة من الناس يكرهون المأكولات والمشروبات التالية : -- الشاي الأخضر ( بكرهه وبكره الشاي العادي ولما بشربه تخجيلة من شي حدا بحط للكاسة شي 3 معالق سكر ) -- القهوة (كذلك الأمر  ) -- عصير الجريب فروت أو ما يسمى الكريفون -- السبانخ ( باباي أكيد مو سوبر تيستر ) -- المأكولات الدسمة -- التوابل الحارة والفليفلة -- الخضروات بشكل عام -- الكزبرة -- الزيتون (حدا بسدق إني بكره الزيتون والله أنا مجرم بس بالمقابل بموت عالزيت بشربه شرب) -- منتجات الصويا -- الكحول (ما جربت  )-- النيكوتين (كمان ما جربت  )مع ذلك يمكن لهؤلاء الأشخاص أن يتأقلموا مع مرارة هذه المأكولات مع الزمن ويتعلق ذلك بعدة عوامل منها: حب المغامرة عند الشخص وقابليته لتجريب مأكولات جديدة ،وكذلك الأمهات اللواتي إن كن من هذه المجموعة فغالبا سيحاولن تجنب هذه الأطعمة في الأطباق التي يعدونها في المنزل وبالتالي فإن الأولاد لن يتمكنوا من تجريبها والتأقلم معها .. يتبع...  |
| الأعضاء الـ 10 التالية أسماؤهم قالوا شكراً لك يا dr.mohi على هذه المشاركة المفيدة: | ||
|
#11
Mar, 04 2007, 00:01
| |||
| |||
| السلام عليكم الله يجزيك الخير محمد عالموضوع الممتع  .. والله يعينك ويعين أمك ومرتك شو عم تطعميك/بدها تطعميك  حاكم مافي كابوس للمرة أكتر من أن جوزها ما يعجبو شي .الحمد لله ماني سوبر تيستر إطلاقاً وعكل حال بيضل جسم الإنسان إينديفيدوال لكل واحد. وكلو معرض للأمراض  اللهم يبعدها عنا.مع التحية والسلام عليكم |
|
#12
Mar, 04 2007, 00:03
| |||
| |||
| المشاركة الأصلية بواسطة dr.mohi وبإيام الفحص؟؟ شو الحل؟؟
|
|
#13
Mar, 04 2007, 00:26
| |||
| |||
 |
|
#15
Mar, 04 2007, 00:45
| |||
| |||
| المشاركة الأصلية بواسطة tartousieh
بسيطة... ماتقدمي فحص... |
| قال العضو التالي أسمه شكراً لك يا neil على هذه المشاركة المفيدة: | ||
|
#16
Mar, 05 2007, 21:02
| |||
| |||
| لما كنت صغير .. كنت ما بطيق البيتنجان .. ولا البامية ولا الكوسا ولا القرع .. والشاي العادي .. كنت اشربو مليان سكر .. والقهوة تعلمت عليها لما كبرت وصرت اشربها حلوة .. أما الكريفون فمستحيل كنت دوقو .. نفس الشي بالنسبة للملفوف .. وبعدين لما بلشت اجي عسوريا والعزايم تكتر .. وبتعرفوا شعبنا السوري .. كل عزايمن محاشي .. صرت آكل غصب .. أول شي كنت شيل القشرة وآكل الحشوة .. وللمسايرة ولأنو أمي كانت تضل تبهدلني لأني ما بحب شي .. بلشت آكل البامية ..وغيرها .. الكريفون كنت حطلوا كتير ملح .. لحتى يمشي معي .. وهكذا .. كل أكلة الها معي قصة .. لحتى وصلت لهلئ .. وصاروا الأكلات اللي بكرهن كتير قلال .. يمكن ضل القرع والكوسا .. وعم حاول اجبر نفسي عليهن بالتدريج .. دايمًا كنت فكّر وما لاقي نتيجة .. شقد كنت اكره شغلات وهلئ تغيّر الوضع .. يا سبحان الله .. معنى ذلك أني طلعت من هدول :
أما حب المغامرة وقابلية التجريب .. فهدول هنة أنا .. اييه يا موهي .. يا مسكين .. شقد محروم من الطيبات .. وكذلك الأمر طرطوسية .. صدقني كنت ما طيق البامية .. يا زلمة صارت عندي أكلة مفضلة .. لك كلو كوم .. ومحشي الباذنجان كوم تاني .. يا زلمة شقد كنت محروم بطفولتي .. بنصحكن يا جماعة .. عنجد .. جربوا تجبروا نفسكن بالأول .. بعدين بتبلشوا تستمعوا .. احم احم .. رغم أني لهلئ ما بطيق الكوسا .. والقرع .. القرع بالذات .. لهلئ بدعي عليه ينقرض من على وجه المعمورة .. بس الحمد لله .. أمي ما بتطبخوا كتير .. وصاير عزابي .. باكل على كيف كيفي .. سلامات --------------
فالطعم المر بيدفع الشخص ليضيف سكر أكتر للمشروب مثلا .. مشان يقدر يشربو ويغطي على طعمو المر .. أنا مثلا كنت اشرب القهوة والمتة (مو مذكورة بالقائمة .. بس أنا باعتبرها من المشروبات المرة) مليانين سكر .. لكن عودت دماغي في ما بعد أنو لما حليماتي الذوقية بتحس بطعم مر .. فهاد شي عادي .. (لا تصدقوا .. هوّ مو عادي .. بس أنا بحب اضحك على دماغي) .. مثال قالوا موهي :
بس نتيجة شربي لزيت الزيتون بكثرة .. (لأنو كنت كل ما يجعني بطني اشرب زيت زيتون) صرت هلئ اشرب زيت الزيتون عادي جدًا .. تخيلوا أنو بإمكاني شرب كاسة شاي من زيت الزيتون .. وهكذا .. فالتعود ممكن .. لكن .. ما في أبشع من الطعم المر .. راسي صار يجعني من سيرتو ومن كتر ما اتذكرت شقد بجبر نفسي على أطعمة مرة .. نيّال الـ 75 % اللي ما بتفرق معهن ..  سلام |
|
#17
Mar, 05 2007, 21:02
| |||
| |||
فالطعم المر بيدفع الشخص ليضيف سكر أكتر للمشروب مثلا .. مشان يقدر يشربو ويغطي على طعمو المر .. أنا مثلا كنت اشرب القهوة والمتة (مو مذكورة بالقائمة .. بس أنا باعتبرها من المشروبات المرة) مليانين سكر .. لكن عودت دماغي في ما بعد أنو لما حليماتي الذوقية بتحس بطعم مر .. فهاد شي عادي .. (لا تصدقوا .. هوّ مو عادي .. بس أنا بحب اضحك على دماغي) .. مثال قالوا موهي :
بس نتيجة شربي لزيت الزيتون بكثرة .. (لأنو كنت كل ما يجعني بطني اشرب زيت زيتون) صرت هلئ اشرب زيت الزيتون عادي جدًا .. تخيلوا أنو بإمكاني شرب كاسة شاي من زيت الزيتون .. وهكذا .. فالتعود ممكن .. لكن .. ما في أبشع من الطعم المر .. راسي صار يجعني من سيرتو ومن كتر ما اتذكرت شقد بجبر نفسي على أطعمة مرة .. نيّال الـ 75 % اللي ما بتفرق معهن .. سلام |
|
#18
Mar, 05 2007, 21:12
| |||
| |||
| فعلا كلامك مزبوط بيغ بوس... أنا كمان تغيرت كتير من عادات أكلي ....تصورو من وقت أنطرح الموضوع أرجعو للمشاركة رقم واحد...أنا كنت بكره الباذنجان ..بس من يومين أخدت كيس متبل ...واكلتو.. ...مشان أشوف أنا فعلا سوبر تيستر لهالشغلة اللي اسمها باذنجان...والله طلع الباذنجان طيب وانا مالي خبر.. update : أنا بحب الباذنجان المكدوس+ المتبل ...ولكن!!! أنا لهلأ ما بحب الباذنجان مع المحشي ...بمعنى: أنا بطالع الحشوة تبع البيتنجانة وباكلها....ولكن الكوساية باكلها كلها ماعندي مشكلة مع الكوسا....ولكن!!!! ..لما ارجع عالبلد بدي أقول لأمي تعملي أكلة محشي وبدي اشوف وضع الباذنجان كأكلة بعيدا عن البيتنجان المفعوس تبع المتبل...ولنشوف!!! ..  |
| قال العضو التالي أسمه شكراً لك يا keane على هذه المشاركة المفيدة: | ||
|
#19
Mar, 05 2007, 21:18
| |||
| |||
| أنا كمان بحب المتبل .. وبحب الباذنجان المقلي .. أما محشي الباذنجان .. فهو آخر أشكال الباذنجان المطبوخة اللي اقدرت اتأقلم معها .. ولا لأ .. في مسقعة الباذنجان .. (باذنجان مفروم مع لحمة وبندورة) .. هي لهلئ ما باكلها إلا غصغصة .. وكذلك الأمر للمكدوس .. باكلو بس ما بحبو .. الله بيعين .. سلام |
|
#20
Mar, 05 2007, 22:40
| |||
| |||
| رح تطولوا وانتوا عم تحللوا شو بتحبوا وشو لاء ؟ شهيتوني على محشي بيتنجان وكوسا !!! القرع ما بحبو !بس بحب آكل ...... ايه صحي .. خلينا بالموضوع موهي ... هالمستقبلات ممكن تزيد أو تنقص مع الوقت ؟ سؤال بايخ ؟؟ ... ويا ترى مافي مجال لاستئصالها مثلا ؟والسلام عليكم |
