سوبر ستار المنتدى
يدور هذا النقاش حول سوبر ستار المنتدى في قسم لقاءات في الملتقى الطبي السوري;
|
|||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| مقابلة مع منارة المنتدى ... !!! | ||
|
|
أدوات الموضوع |
Feb, 27 2007, 01:16
|
|||
|
|||
|
سوبر ستار المنتدى
وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه
وبناء على الانتخابات الداخلية التي اجريناها....... فاليوم واليوم بس رح يسجل تاريخ الملتقى مقابلة من العيار الثقيل مع عضو متميز جدا امتعنا الى حد التخمة بمشاركاته تعالوا معا لنقول : فليتفضل دافيدسون مشكورا وليجلس على كرسي العريس ولنقلب معا صفحات هذا الكتاب اطلب من دكتور مم وطمطم مشكورين تحويل الاسئلة الى هذه الصفحة |
|
#131
Mar, 08 2007, 01:48
|
|||
|
|||
|
شو هالتقصير هاد ..باين رح ضل راكد وراك طول عمري ...المشاركة 121 يلا حبيبي ع السريع عندي اسئلة بدي نزلون
|
|
#132
Mar, 08 2007, 01:50
|
|||
|
|||
|
من متابعة مواضيعك
شخصية هادئة مبين من ردودك اللي ما بتحاول تشاكل حدا فيها او تعاكسو بالراي ولو كان فعَلى الهادي بتتقبل الغير , عندك قدرة عضبط ردودك ,روح مرحة ,واقعي...  |
| قال العضو التالي أسمه شكراً لك يا etoil de la mer على هذه المشاركة المفيدة: | ||
|
#133
Mar, 08 2007, 13:56
|
|||
|
|||
|
المفاجأة التانية صارت جاهزة وانا شفتها قوية وأقوى من السابقة بس إن شاالله تعجبكم وما حدا يزعل ...
وهاد موجز الأخبار مع مراسل المنتدى مستر ساد والمذيعة الأمورة ميليسا... تصريح للسيد طم طم المسؤول الاعلامي للثورة... الانتصار ومصيرالأسير شنكولمان .... مشاورات بين قادة الثورة :ديفيدسون ،نور،طم طم،طرطر... اتصال حصري مع ميليسا وقرار السير ديفيدسون... مبعوث الأمم المتحدة السيد كين في زمبابوي!!! عين الكميرا:محاولات ميليسا للانخراط ضمن صفوف الثورة الديفيدسونية أو للايقاع بقلب السير... نهاية الموجز والتفاصيل مع الصوربعد قدومكم من الرحلة بسلام ان شاء الله... فكرة واعداد :Mr.Sad تقديم:Melissa Theuriau كميرا محمولة:dr.mm إخراج:salem والسلام عليكم .... بالنسبة للمشاركة السابقة بعتتها ألف مرة وكل مرة يقلي مامشي الحال قمت طلعت من النت وانا محسب انو ما انبعتت ولما رجعت شفتها مزروعة قدامي شي تلت مرات بس ...شو ذنبي(ذنبي انا ذنبي بهواك وهمي انا يا حبيبي رضاك وانت ولا تسأل ع حدا هايم بمدى عايش ع هواك)...بالمناسبة ديفيدسون شو اكتر غنية بتحبها لاليسا وشفت الكليب الجديد والصور إلي انا نزلتهون قبل الكليب؟كمان في أسئلة كتييييير بس رح أهدي شوي شوي وهلق بدينا... بالنسبة لسؤال ديفيدسون شو رأيك بديفدسون :ما رح أعمل متلك وأقول شهادتي مجروحة فيه لأ أنا شهادتي مطعون فيها بس بصراحة انت واحد كبير كتير كتير (يعني بعمر جدي أو أكبر بشوي) بسيط ،جواتك سهل ينشاف بالعين مع انك احيانا بتحاول تخبيه ،عندك ذهن منتفتح ،ما بتسكت على الخطأ ،الي بيحكي معك بيكون مرتاح لأنك مستمع جيد يعني تجيد الحوار الراقي بكل ما في هذه الكلمة من معان،قلبك ابيض ونقي لا تشوبه إلا غبار حلب ودخان سياراتها بس مو مأثر هالشي فيك بنوب بحسك هادئ أحيانا جالس مع الجماعة لكنك لست معهم بل تفكر في شي آخر بالأخير أنا ما رح أجوزك بنتي سوماكو لأنها ما بتستاهل واحد منيح متلك بدها واحد مشاغب وقادر بلكي بيحسن عليها..وبتمنالك أحلى وأحسن عروس تسر قلبك... بالنسبة لmm وراينا بالأباء ثم غيرت وبدك بالأبناء فرح أقول: يا أيها الشعب الغوش المشاغبين لا تطلبوا سيارات وبيوت وعواريس من آبائكم بل اطلبوها من صاحب السلطة الحقيقية في البيت وهن أمهاتكم فهن حنونات لطيفات يسارعن في ايجاد العروس والدار لكم باسرع ما يمكن ليس حبا بكم وفقط لكن لتفريغ جيوب آبائكم كي لا يبقى بها فلوس زيادة وما يفكروا بالجازة مرة تانية والسلام.... |
| قال العضو التالي أسمه شكراً لك يا Mr.sad على هذه المشاركة المفيدة: | ||
|
#134
Mar, 08 2007, 15:47
|
|||
|
|||
|
دافيدسون ...
شو مشان انت بالرحلة وأنا بدي استغل الفرصة  يالله ... أول شي ... دافيدسون شو السؤال اللي ماحدا سألك ياه وبتتمنى تنسئله؟ طيب اعتبرني سألتك ياه وجاوب عليه ... شو رأي دافيدسون بالانتقام؟ لما دافيدسون بيزعجو حدا او بيئذيه متعمدا ... دافيدسون بيسعى يرد الصاع صاعين؟ دافيدسون بيعتبر حالو بالسلوكيات الاجتماعية محافظ؟ شو تعريف دافيدسون للشخص المحافظ ضمن السلوكيات الاجتماعية؟ انشالله ماكون عكرتلك مزاجك بعد الرحلة ... طيب عسيرة الرحلة ... دافيدسون ليش طلع بالرحلة الجامعية؟ هلأ بتقلي مشان انبسط مع رفقاتي... طيب شو أحسن ... تطلع برحلة تظبطها انت ورفقاتك (ومالكون عاجزين عن هالشي) ولا تطلع برحلة جامعية في الها قيودها وغالبا بيكون التنظيم ماكتير تمام ... وبتتقيد بالوقت وبخط الرحلة اللي ممكن تتفاجئ فيه بشي مكان لقيت انو مو ظريف بس مضطر تقعد فيه لانو هيك خط الرحلة المسبق الصنع أو ممكن تلاقي بالرحلة اشخاص مشاغبين وبيخربو الرحلة ؟ طيب دافيدسون شاف شي اشخاص بالرحلة ماكان بيعرفهون من قبل (أو بيعرفهون من بعيد لبعيد  ) ... وعجبوها بالرحلة (أو عجبوه أكتر بالرحلة ) وقال ياريتني بعرفهون من زماااااااااااان؟شو احلى وقت قضيتو بالرحلة ... شو احلى جزء ... وليش؟ طيب دافيدسون طلب يعطو الاعضاء رأيهون فيه ... أنا مابقدر بعطي رأي فيك .. وانما بعطي انطباع ... ليش رح اعطيه؟ لانو بدي اشتق منو اسئلة  دافيدسون عضو بمعنى الكلمة ... (يعني ممكن تلاقيه بكل الاقسام مو بس بقسم واحد ومابيفهم يحكي بغير هالقسم) ... جدي وقت الجد ... متزن ... عندو تبعية شللية عمياء دافيدسون كان يشارك علموقع بطريقة بتعبر عن انو الو منحى متفرد ... وبيكتب بمختلف الاقسام بما فيها الطبي ... شو صار مع دافيدسون حتى صار يسوق علسوق؟ دافيدسون معقول الشخص بيكون نسخة مكررة عن اي واحد بشلتو؟ معقول مايكون في شي مشاركة لحدا منهون علموقع بيختلف فيها معو بالرأي؟ معقول الشخص يكون ممكن يتضارب هو وشخص (بالرأي طبعا) بموضوع علموقع ... بينما تسجد المجموعة كلها مقتدية باول مشاركة بيحطها واحد منهون كرأي بموضوع ما ... والكل بيلعبو دور المؤيد؟ مانو ضعف (مو بالشخص وانما بالعلاقة) ... انو لما بلاقي عندي رأي بيختلف تماما عن رأي رفيقي ماابدي هالرأي واتحفظ عليه ؟ او ايد رفيقي تأييد ظاهري؟ سؤال غراميات ...  دافيدسون انشالله كانت الرحلة على كيفك وانبسطت فيها؟ ... ومشان اتأكد من مصداقية الاجابة ... توجه مباشرة لجهاز كشف الكذب  جهاز كشف الكذب ... من خلال صراحتك بالاجابة على هالسؤال فيني استنتج مدى دبلوماسيتك بالاجابة على الاسئلة او مدى اقترابها من الصدق دافيدسون شو اخر كذبة كذبتها؟ مو تقلي اتصل فيك حدا فيقك الصبح وقللك عفوا علازعاج ... قام انت قلتلو : لأ عادي ... السؤال عميحكي عن كذبة كذبة بكل معنى الكلمة |
| قال العضو التالي أسمه شكراً لك يا No Body على هذه المشاركة المفيدة: | ||
|
#135
Mar, 08 2007, 17:34
|
|||
|
|||
 طرطر... بالثورة؟؟؟ ومن القادة؟؟ وعلى مين؟؟ على شنكول؟؟؟ والله ما قالتلي... |
| قال العضو التالي أسمه شكراً لك يا tartousieh على هذه المشاركة المفيدة: | ||
|
#136
Mar, 08 2007, 18:06
|
|||
|
|||
|
مرحبا دافيدسون
أنا حبيت أسألك عن رأيك بالهندسات بشكل عام و الكهرباء بشكل خاص و رأيك بالمهندسين ( بدون إحراج ) كمان شو بتتذكر من قوانين الفيزياء أو الكهرباء ( أوم - أينشتاين - .... - إلخ ) و أخيراً شو رأيك بفيديو كليب إليسا الأخير؟؟ و سلامي لإلك و لكل أعضاء المنتدى |
| قال العضو التالي أسمه شكراً لك يا eiad على هذه المشاركة المفيدة: | ||
|
#137
Mar, 08 2007, 21:17
|
|||
|
|||
رأيي بدافيدسون...مبني فقط على ما وجدت عليه شخصيته من خلال مشاركاته... انسان محترم و بيحترم يلي حواليه...فهمان بمجاله (الطب)...بحس قلبك طيب... ولو صار سمعتها مئة مرة من يلي قبلي :متعصب لشلته...جداً....بس حلو يكون الانسان في عندو جماعتو يلي بعِزّوه و بعِزّون....بس ما يبالغ كمان...(هي بشكل عام لاني ما بعرف مدى تعصبك لشلتك و يلي بعرفوا ما هو الا من خلال ما انكتب هون عل منتدى) عدت فترة صرت تنزلنا مواضيع طبية...كان نشاط حلو منك..يالله بس من تخرجت ان شاء الله نزلنا كمان كم موضوع.. المشاركة يلي لفتت الانتباه الك برأيي (لانو الشغلة حسب الشخص و مدى قربو منك فبكون رأيو غير شي) هي في الواقع موضوع أظن كان عنوانو دعوة لمزيد من التعارف وين صار كل شخص يعطي رأيو بالدفعات المختلفة... المهم يومها شفت انو دافيدسون في الواقع حباب و يلي بقلبو على لسانو و ما بمسح جوخ.. بتحب تعطي رأيك و بتشارك بعدة منتديات يعني مالك مقتصر بالمشاركة على الترفيه أو الطبي فقط...و هذا دليل على اطلاع واسع و ثقافة... هاد رأيي المتواضع... بتمنالك التوفيق و النجاح و التخرج بإذن الله ايه و منرجع للأسئلة: سألوك شو الاختصاص يلي بدك تختصه.....قلت داخليات...طيب حدد أكتر شوي.؟ شو هو الاختصاص يلي ما ممكن تفكر تختص فيه أبداً؟ لو ما كنت دخلت طب...شو كنت دخلت؟ ولماذا؟ ان شاء لله ما يكون كررت شي سؤال لانو ما شاء الله 13 صفحة لحقت انسى شو انسأل طيب سؤالين ترفيهيين بالأخير: أي نوع كازوز بتفضل؟ أي نوع لحم العجين بتحب أكتر؟ عنتابي - بلدي - نوع أخر أكتشفه دافيدسون حديثاً و سيذكره ضمن مشاركته |
| قال العضو التالي أسمه شكراً لك يا flower على هذه المشاركة المفيدة: | ||
|
#138
Mar, 08 2007, 22:22
|
|||
|
|||
|
بعتبار القصة جد..
كيف في زماننا تكون ببساطة النسيم..؟ وإنت بشري مثقل بالطين الآدمي.. ومثلي ومثلنا يلوثك الغبار كل يوم.. كيف تحافظ على بساطتك النسيمية.؟؟ كل يوم!! تحبها.. أعرف ذلك.. لو سألتك بلسانها.. حبيبي "دفيدسون.." .. هلا هلأ.. بدي تكتب فيني خمس سطور.. أحلى كلمات تكون... يعني كلمات.. ترفعني عن الأرض 10 درجات.. يعني كلمات.. من بعدها يغارو مني كل البنات.. كلمات.. ما حدا قالها لحبيبة... حبيبي.. أرجوك.. بس هالطلب! عطينا شو بتكتبلها...؟؟ كم مرة انقطف قلبك بحياتك.؟. .. ومين هي يلي بتقطفه بالعادة..؟ وإذا مرة قطفتلك قلبك صبية... حلوة كتير.. وصرت تعبدها من كتر الحب.. وبعد .. رمته، لإنو تعب.. وما بقى يدفيها.. وما بقى يعطيها حنان تحلم فيه.. وما بقى يحبها بشكل جديد.. وقالتلك.. حبك عادي.. ونارك باردة.. شو بتعمل وقتها.؟؟ نحنا ببلاد.. بتختلط فيها المفاهيم.. بين الأم والوطن والحبيبة.. في تقاطعات كتيرة... أحيانا ما بيقدر الواحد يميز أو يفصل.. إذا قالتلك حبيبتك.. أنا وطنك.. أنا أمك.. أنا كونك الصغير.. وإنت إلي.. وحدي،... ما بدي يكون بدك حدا، أو شي، أو فكرة.. غيرري.. أنا رح أكفيك.. شرط أمتلكك كلك!! شو بتعمل..؟ بتستسلم..؟؟ وللا بتهرب خايف.. !! -------------- كتير انحكى إنو سوبر ستار هو برنامج سخيف.. أنا ما بتفق معهن بالراي.. إلي رايي الخاص بالموضوع.. بس ما هادا هو الموضوع.. السؤال.. برايك.. هل هي حملة موجهة ومنظمة ومدروسة لتشويه الثقافة العربية ومحوها عبر هذه البرامج والأغاني والميوعة..؟ وللا.. يا أخي الناس هيك الناس بدها.. وتاك إت إيزي.. والقصة أبسط من هيك.. والبرنامج حلو.. بالذات الصبايا متل الورد..؟ وللا عندك رأيك الخاص متلي؟؟ شو هو قالتلك.. حبيت أربع شباب قبلك.. واكتشفت إني غلطانة.. عرفت مع كل واحد منهن شو بكره.. وشو بحب.. وهلأ.. صرت بعرف تماما شو بدي.. ويلي بدي ياه.. هو إنت.. أنا عندي ذكريات.. بس بحبك.. وأكيد إنك إنت يلي إلي.. وأنا يلي إلك.. شو بتقللها... ؟؟ -------------- كتب محمود درويش.. على هذه الأرض ما يستحق الحياة! أكيد هي الجملة هي جواب لسؤال.. هل على هذه الأرض ما يستحق الحياة؟؟ إذا نعم.. ما هو.؟؟ كتير الاشياء يلي بوطنك.. بتقللك روح.. (أحيانا انقلع..من هون) بس لساتك إنت عم تناضل لتقول للناس.. لأ.. باق هنا، .. باق هنا.. ومزروع ببيتي وارضي.. ومش رح هاجر.. كيف بتقنعني إنو خيارك صح.. عم تعترض ع الطريقة يلي بيتعامل فيها الدكتور مع الطلبة.. وتقللهن للشباب، يا جماعة ما حاله هي.. بدنا يحترمنا أكتر، بدنا يناقشنا.. ويحاورنا متل إذا مو أصدقاء ع الاقل ناس محترمين معتبرين.. بيسمعك الدكتور.. وبيتضحك.. بقللك مفكر إنت لو كنت محللي ما رح تعمل هيك..؟ نحنا كلنا من ثقافة وحدة.. وإضطهاد الآخر.. بدمك وبدمي.. وإنت طالب.. وأنا أستاذ والاستاذ يعني سلطة.. وخليني شوفك بس يصير بإيدك سلطة.. بتقلله.. لأ.. لأ.. أنا ما هيك.. بقللك ..."أثبتلي".. هات لشوف أثبتلنا.. |
| قال العضو التالي أسمه شكراً لك يا سنفور على هذه المشاركة المفيدة: | ||
|
#139
Mar, 09 2007, 15:20
|
|||
|
|||
|
المشاركة الأصلية بواسطة No Body
ليش بتحب شلتك كل هالشي؟؟؟....هادا من جديد حبيت حدا يسألني عنه..
كنا مجموعة شباب بالثانوي "بالمعري" بيعرف البعض منا البعض من الصف العاشر..اجتمعنا و قعدنا بأربع دروج جنب بعض بثانوية العودة 10 شباب.... 8 دخلنا طب و واحد صيدلة وواحد أسنان..شلتي متقاربة بشكل كبير جدا من ناحية البيئة والتربية والمستوى الاجتماعي والمادي والالتزام والخطوط الحمراء ...ضيفلهن سنين الصحبة و العشرة الطويلة....الأكل ببيوت بعض والنوم عند بعض...السفر برحلات خاصة أو جامعية و المعسكرات وقتيلاتهن والعراس وفرحتهن والتعازي والحزن ووو ... الأهل بيعرفوا بعض..و أبو "س" بيصبلنا الأكل وبيلعب معنا ورق....وأبو "ع" بيقعد معنا بالسهرة كأنه قاعد مع شلته مو مع ابنه ورفقاته فكيف لسه بإخوتنا!!.....أبو "ع " ياما مساعد "س"...وأم "ع" بتدعيلنا متل ما بتدعي لابنها.....وهادا كله مابيعني اننا ما منختلف....بالعكس لأننا اخوة ممكن نتزاعل بس أكيد رح نتصالح.. مارح زيد بهالحكي...لأن البعض مفكرني عم بالغ.........وغيرو بيجوز يقول عادي...أنا عندي رفيق أو اتنين هيك.....أنا بقله نحن 8 ...وبتوقع بالطب"وهي كلية مفرقة للجماعات والأصدقاء بالباكلوريا بسبب المجموع العالي" صعب تلاقي هيك شلة... طبعا شنكول رح يشط يقلي أنتو 19 مو 8......بقله هدول الـ 8 هن الاساس...والباقي صداقاتنا الجامعية كوناها متل ما كونت ياشنكول شلتك ورفقاتك بالجامعة.. حكيت هالكلام مشان نوبدي...
المشاركة الأصلية بواسطة No Body
ما في انسان نسخة مكررة عن غيره.........بالمزح نعم....كلنا نسخة مكررة بعترف..
بالمواضيع التانية رأينا متقارب كتير بس مو لدرجة السجود و ليش مستبعد الاتفاق والتقارب بوجهات النظر وعم تفترض وجود رأي مخالف مخبي حاله دوما....بإمكانك تراجع نوبدي المشاركات اللي فتنا فيها ورا بعض وعم ندافع عن وجهات نظربعض أنا و م م ....بتلاحظ نحن صحيح بنفس الاتجاه تماما ..بس كل واحد بحجج ورأي وصياغة وأفكار ما بتتطابق مع التاني.....هذا دليل إنو الشغلة مو على العمياني... لأ عن قناعة... هلأ أنا استفدت من شغلة منكن أنو نحن كنا عم نبالغ أحيانا بمشاركاتنا بالتصرف كشلة...و انا بوعدكن إنو انتبه لهالموضوع بالمستقبل انشالله....وطالما اجا النقد من أكثر من واحد فهالشي أكيد سليم ومشكورين على الصراحة .. بالعودة للباقي..
المشاركة الأصلية بواسطة No Body
الانتقام ....أنا برد عليه....موالصاع بصاعين....بس برد طالما متعمد الأذية متل ما عم تقول...وأحيانا ما برد....
رأيي بالانتقام : اذا كنت قادر على العفو...فهالشي من شيم الكرام طبعا....بس النفس الإنسانية معروفة.
المشاركة الأصلية بواسطة No Body
بالسلوك الاجتماعي أنا محافظ , تعريفي : كشب ما لازم يشط ويمط , ما لازم تكون علاقاته بالبنات متل علاقاته بالشباب...... وما لازم يكون في تلطيش وملاحقة للبنات, شلته ملتزمة بالاداب العامة ومحترمة , , ونوعا ما ما يدخن "هيك الفكرة براسي "...وغيرها من الأمور اللي بيستهجنها مجتمعنا عادة..
المشاركة الأصلية بواسطة No Body
لا والله انبسطت بأسئلتكن..
المشاركة الأصلية بواسطة No Body
مزبوط..
المشاركة الأصلية بواسطة No Body
الرحلة مع رفقاتي بتصير ايمتى ماكان....بس الرحلة مع طلاب الكلية اللي كتير منهن ما رح نحسن نرجع نشوفه أو نعمل هيك جمعة على الأقل مرة تانية..بتعرف منهن ناوي يختص برا ومنهن ناوي يطلع على الشام ومنهن مارح يختص......فالرحلة الجامعية - رغم عيوبها - تؤمن اجتماع أكبر عدد من الزملاء في جو من البسط وبيتوثق هالشي كله كذكريات محفوظة كصور وفيديو...
وإنت حتى لو المكان مو ظريف....زملاءك بينسوك كل شي.....يعني تصور مبارح طالع بالباص نعسان وتعبان وعايف حالي , أشوفلك الشباب جايبين العود والفلوت والكمان والدربكة ووو...فشلون مابدك تصحى وشلون بدك ماتنبسط؟؟ هيك شباب وين ما زتيتهن بيعملولك جو..
المشاركة الأصلية بواسطة No Body
فهمت عليك لوين بدك تصل...
ايه من قلك....مشي الحال أخيرا..
المشاركة الأصلية بواسطة No Body
أحلى وقت كان بقلعة الحصن رغم الطلعة المتعبة اللي طلعونا اياها صحاب الباصات....وفي كمان بالمقصف على الغداء "السيء جدا"...هزوا الشباب وخلعوا واتشخلعوا لقالو بس....ورغم أنو هالشي بيعملوه بكل رحلة وبيجوز أكتر....بس كان أحسن الشي بالرحلة لأنها كانت فاشلة بالعموم..
المشاركة الأصلية بواسطة No Body
قلة الوقت لاغير......المشاركة الجدية والمفيدة بدها تعب وتزبيط مو متل المشاركات الترفيهية.
المشاركة الأصلية بواسطة No Body
آخر كذبة هي إنو أنا تعرفت على حدا بالرحلة و غيرت نظرتي للأحسن عنه/ـا..و انو وضعي زبط أخيرا...
المشاركة الأصلية بواسطة No Body
والله الرحلة فاشوش حتى العضم...حتى النخاع.. في دفعة وحدة انبسطت يمكن التالتة أو الرابعة..غير هيك ما تعرفنا على حدا من بعيد ولا من قريب ولا حسنت نظرتي بوحدة أو واحد ولا شي...فهمان عليك من وقت ما قلتلي ونيران الغيرة عم تلتهب
... انت بالرحلة وبدي استغل الفرصةهههههههههههههه. مشكور نوبدي.. |
| قال العضو التالي أسمه شكراً لك يا davidson على هذه المشاركة المفيدة: | ||
|
#140
Mar, 09 2007, 15:29
|
|||
|
|||
|
المشاركة الأصلية بواسطة dr.nour
والله يا نور بينطبق على بعض الشباب بشكل كبير...
بالعربي الفصيح.....كتير شباب حابين زميلات الهن ما ببادلوهن أي مشاعر و موشايفينهن وبيجوز ميولهن لغير شباب......... وبيجوز تلاقي هالشب دابح حاله ومتراجع دراسيا واجتماعيا... هادا الشب عنده شغلتين...حب كبير لهالبنت + شخصية ضعيفة.. أنا أول مرة شفتك بمعسكر الصاعقة لما كنا صف عاشر...بس كتعارف تم بيناتنا بالباكالوريا.. والله كان انطباع جيد عنك, بعدها بسنة بلشت الخزازات بيناتنا حتى السنة التانبية بالطب....وقتها عقلت يانور وخليتني ارضى عنك دنيا آخرة................. أول عزيمة..........يمكن لـX.....................كانت لحم بعجين وفروج وووو.. آخرهن أنا......كانت برات البيت.. أكتر طريق مابدها مساعدة : من العودة...الحديقة العامة...سللورة...الشلال...جا ع التوحيد...أنا للأسف الوحيد من أصل 9 شباب كان طريقي غيركن...ودوما كأني مقطوع من شجرة...R-Smilies (43).jpg ساد شو هاد... المفاجأة حلوة كتير......بس وينك ناوي نغير هالمذيعة شو رأيك؟؟؟ سلملي على المخرجsalem |
| Bookmarks |
| أدوات الموضوع | |
|
|
المواضيع المشابهة
|
||||
| الموضوع | مبتدئ الموضوع | المنتدى | الردود | آخر مشاركة |
| ستار اكاديمي | LionHeart | الموسيقى | 2 | Oct, 12 2005 03:27 |
| ديال أب , Isdn, و سوبر توبر !!!.... و أشياء أخرى !!!؟ | drfiras007 | علوم وتكنولوجيا (حواسب واتصالات) | 27 | Mar, 28 2005 13:02 |
| ستار اكاديمي..ظاهرة تستحق وقفة | Evereve | اجتماعيات | 5 | Mar, 19 2005 10:59 |
كل الأوقات حسب GMT +2، والوقت الآن 04:51.